Learning skills: ಹೊಸ ಕಲಿಕೆಯೊಂದಿಗೆ ಡಿಜಿಟಲ್ ಯುಗದ ಜೊತೆಯಲ್ಲೇ ಸಾಗಬೇಕೇ; ಈ 5 ಅಗತ್ಯ ಕೌಶಲ್ಯಗಳು ತಿಳಿದಿರಲಿ

Essential Learning Skills: ಕಲಿಕೆ ಎಂಬುದು ನಿರಂತರ ಪ್ರಕ್ರಿಯೆ. ಕಲಿಯುವುದಕ್ಕೆ ಯಾವುದೇ ನಿರ್ದಿಷ್ಟ ವಯಸ್ಸಿನ ಮಿತಿಯಿಲ್ಲ. ಜಗತ್ತು ದಿನದಿಂದ ದಿನಕ್ಕೆ ಬದಲಾಗುತ್ತಿದ್ದಂತೆ ಪ್ರತಿಯೊಬ್ಬರೂ ಅಂತಿಮವಾಗಿ ನಮ್ಮ ಸುತ್ತಲಿನ ಬೆಳವಣಿಗೆಗಳನ್ನು ಅರ್ಥಮಾಡಿಕೊಂಡು ಕಲಿಯಲು ಪ್ರಯತ್ನಿಸುತ್ತಾರೆ.

ಶಿಕ್ಷಣ ಕ್ಷೇತ್ರದಲ್ಲಿ ವಿಶೇಷವಾಗಿ ಎಐ ಅನುಕೂಲಗಳು ಮತ್ತು ಇತರ ಹಲವಾರು ಬೆಳವಣಿಗೆಗಳೊಂದಿಗೆ ಪ್ರಸ್ತುತ ತಂತ್ರಜ್ಞಾನ, ಬೆಳವಣಿಗೆಗಳಿಗೆ ಹೊಂದಿಕೊಂಡು ಸಾಗಬೇಕು. ಈ ಓಟದಲ್ಲಿ ಮುಂದುವರಿಯಲು ಪ್ರತಿಯೊಬ್ಬ ಕಲಿಯುವವನು ಹೊಂದಿರಬೇಕಾದ 5 ಕೌಶಲ್ಯಗಳು ಇಲ್ಲಿವೆ.

ಇದನ್ನೂ ಓದಿ: ಮಕ್ಕಳು ಅಂಕ ತೆಗೆದಿಲ್ಲ ಅಂತ ವಿನಾಕಾರಣ ನಿಂದಿಸಬೇಡಿ

ವಿಮರ್ಶಾತ್ಮಕ ಚಿಂತನೆ (Critical Thinking)

ವಿವಿಧ ಮೂಲಗಳಿಂದ ಮಾಹಿತಿಯನ್ನು ವಿಶ್ಲೇಷಿಸಲು, ಮೌಲ್ಯಮಾಪನ ಮಾಡಲು ಮತ್ತು ಸಂಶ್ಲೇಷಿಸಲು ವಿಮರ್ಶಾತ್ಮಕ ಚಿಂತನೆಯ ಕಲೆ ಕಡ್ಡಾಯವಾಗಿದೆ. ಮಾಹಿತಿಯುಕ್ತ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಮತ್ತು ವಿವಿಧ ಸಂಕೀರ್ಣ ಸಮಸ್ಯೆಗಳನ್ನು ಪರಿಹರಿಸಲು ಇದು ಮುಖ್ಯವಾಗಿದೆ. ವಿಮರ್ಶಾತ್ಮಕ ಆಲೋಚನಾ ಕೌಶಲ್ಯಗಳು ವಿದ್ಯಾರ್ಥಿಗಳನ್ನು ಪರಿವರ್ತಕ ರೀತಿಯಲ್ಲಿ ಜ್ಞಾನದೊಂದಿಗೆ ತೊಡಗಿಸಿಕೊಳ್ಳಲು ಸಶಕ್ತಗೊಳಿಸುತ್ತವೆ.

ಒಬ್ಬ ಶಿಕ್ಷಕನಾಗಿ, ನಾನು ಯಾವಾಗಲೂ ನನ್ನ ವಿದ್ಯಾರ್ಥಿಗಳನ್ನು ಪ್ರಶ್ನೆ / ಪರಿಸ್ಥಿತಿಯನ್ನು ವಿಶ್ಲೇಷಿಸಲು ಮತ್ತು ಸಂಭವನೀಯ ಪರಿಹಾರಗಳನ್ನು ಕಂಡುಹಿಡಿಯಲು ವಿಮರ್ಶಾತ್ಮಕವಾಗಿ ಯೋಚಿಸಲು ಪ್ರೋತ್ಸಾಹಿಸುತ್ತೇನೆ. ಈ ವಿಧಾನವು ಪರೀಕ್ಷೆಯ ಸಮಯದಲ್ಲಿ ಮಾತ್ರವಲ್ಲದೆ ಅವರ ದೈನಂದಿನ ಜೀವನದಲ್ಲಿ ಪರಿಸ್ಥಿತಿಗಳನ್ನು ಎದುರಿಸಲು ಸಹ ಉಪಯುಕ್ತವಾಗಿದೆ ಎಂದು ಹೈದರಾಬಾದ್‌ನ ಶಿಕ್ಷಕಿ ಬಿಂದು ಎಸ್‌ಜೆ ಹೇಳುತ್ತಾರೆ.

ಇದನ್ನೂ ಓದಿ: ಶಿಲ್ಪಿ ಅರುಣ್ ಯೋಗಿರಾಜ್ ಕಲಿಕಾ ನೆಲೆಗಟ್ಟಲ್ಲಿ ಲೇಖಕ ರಂಗಸ್ವಾಮಿ ಮೂಕನಹಳ್ಳಿ ಅವರ ಚಿಂತನೆ

ಸಂವಹನ (Communication)

ಪ್ರತಿಯೊಬ್ಬ ಕಲಿಯುವವನು ಹೊಂದಿರಬೇಕಾದ ಪ್ರಮುಖ ಕೌಶಲ್ಯಗಳಲ್ಲಿ ಸಂವಹನ ಒಂದಾಗಿದೆ. ಇದು ಜ್ಞಾನದ ಅನ್ವೇಷಣೆಯನ್ನು ಹೆಚ್ಚಿಸುತ್ತದೆ. ಹೆಚ್ಚಿನದನ್ನು ಕಲಿಯಲು ನೆರವಾಗುತ್ತದೆ. ಆಲೋಚನೆಗಳನ್ನು ವ್ಯಕ್ತಪಡಿಸುವಲ್ಲಿ ವ್ಯಕ್ತಿಯೊಬ್ಬರು ಪ್ರಾವೀಣ್ಯತೆಯನ್ನು ಹೊಂದಿರಬೇಕು. ವೃತ್ತಿ ಜೀವನದಲ್ಲಿ ಮಾಹಿತಿಯನ್ನು ಇತರರೊಂದಿಗೆ ಸಂವಹನ ನಡೆಸಲು ಸಹಾಯ ಮಾಡುತ್ತದೆ.

ಸೃಜನಶೀಲತೆ (Creativity)

ವಿದ್ಯಾರ್ಥಿಗಳು ಹೊಸ ಹೊಸ ಆಲೋಚನೆಗಳನ್ನು ಮಾಡಬೇಕು. ಹೊಸ ಆಲೋಚನೆಗಳನ್ನು ಮಾಡುವುದು, ಸಮಸ್ಯೆಗಳನ್ನು ವಿಭಿನ್ನ ದೃಷ್ಟಿಕೋನಗಳಿಂದ ನೋಡುವ ಸಾಮರ್ಥ್ಯವನ್ನು ಸುಧಾರಿಸಿಕೊಳ್ಳಬೇಕು. ವೇಗವಾಗಿ ಬದಲಾಗುತ್ತಿರುವ ಜಗತ್ತಿನಲ್ಲಿ ಹೊಂದಾಣಿಕೆ ಮತ್ತು ಸ್ಥಿತಿಸ್ಥಾಪಕತ್ವವನ್ನು ಬೆಳೆಸಲು ಸಹಾಯ ಮಾಡುತ್ತದೆ. ಸೃಜನಶೀಲ ಪರಿಹಾರಗಳು ಶೈಕ್ಷಣಿಕವಾಗಿ, ವೃತ್ತಿಪರವಾಗಿ ಅಥವಾ ನಮ್ಮ ವೈಯಕ್ತಿಕ ಜೀವನದಲ್ಲಿ ಸಮಯದ ಅಗತ್ಯವಾಗಿದೆ.

ಇದನ್ನೂ ಓದಿ: ವಿದ್ಯಾರ್ಥಿಗಳು-ಪೋಷಕರಿಗೆ ಗೊತ್ತಿರಬೇಕಾದ ಮಾಹಿತಿ ಇದು

ಸಹಯೋಗ (Collaboration)

ಸಹಕಾರದ ಅಗತ್ಯವನ್ನು ಅರ್ಥಮಾಡಿಕೊಳ್ಳಬೇಕು. ವಿಶೇಷವಾಗಿ ಸಹಯೋಗ ವೃತ್ತಿಪರ ರಂಗದಲ್ಲಿ ಬಹಳ ಮುಖ್ಯ. ಸಾಮಾನ್ಯ ಗುರಿಗಳಿಗೆ ಕೊಡುಗೆ ನೀಡುವಾಗ ಮತ್ತು ಸಾಮೂಹಿಕ ಫಲಿತಾಂಶಗಳನ್ನು ಸಾಧಿಸುವಾಗ, ವಿಭಿನ್ನ ದೃಷ್ಟಿಕೋನಗಳನ್ನು ಗೌರವಿಸುವುದು ಮತ್ತು ಮೌಲ್ಯೀಕರಿಸುವುದು, ವೈವಿಧ್ಯಮಯ ತಂಡಗಳೊಂದಿಗೆ ಸಹಕಾರದಿಂದ ಕೆಲಸ ಮಾಡುವುದು ಹೆಚ್ಚು ಬೇಡಿಕೆಯ ಕೌಶಲ್ಯವಾಗಿದೆ.

ಡಿಜಿಟಲ್ ಸಾಕ್ಷರತೆ (Digital Literacy)

ಇವತ್ತಿನ ಜಗತ್ತಿನಲ್ಲಿ ಡಿಜಿಟಲ್ ಸಾಕ್ಷರತೆ ತುಂಬಾ ಅಗತ್ಯವಾಗಿದೆ. ದಿನದಿಂದ ದಿನಕ್ಕೆ ಬದಲಾಗುತ್ತಾ ಹೋಗುತ್ತಿರುವ, ಅಪ್‌ಗ್ರೇಡ್ ಆಗುತ್ತಿರುವ ಡಿಜಿಟಲ್‌ಗೆ ಹೊಂದಿಕೊಂಡು ಹೋಗಬೇಕಾದ ಅನಿವಾರ್ತೆ ಇದೆ. ಈ ಡಿಜಿಟಲ್ ಯುಗದಲ್ಲಿ ಮಾಹಿತಿ ಪಡೆಯುವುದು, ಮಾಹಿತಿ ರಚನೆ ಹಾಗೂ ಸಂವಹನದ ಜವಾಬ್ದಾರಿಯನ್ನು ಹೊಂದುವುದು ಪ್ರತಿಯೊಬ್ಬರೂ ಹೊಂದಿರಬೇಕಾದ ಕೌಶಲ್ಯವಾಗಿದೆ. ಈ ಐದು ಕೌಶಲ್ಯಗಳನ್ನು ಜೀವನದಲ್ಲಿ ಅವಳವಡಿಸಿಕೊಂಡರೆ ವೃತ್ತಿ ಅಥವಾ ವೈಯಕ್ತಿಕ ಜೀವನದ ಬೆಳೆವಣಿಗೆ ಸುಲಭವಾಗುತ್ತದೆ. (This copy first appeared in Hindustan Times Kannada website. To read more like this please logon to kannada.hindustantime.com).