ಒಂಟಿಯಾಗಿ ವಾಕಿಂಗ್ ಮಾಡುವುದೆಂದರೆ ಬೋರೋ ಬೋರು ಎನ್ನುವಿರಾ: ನಡಿಗೆಯನ್ನು ಆನಂದಿಸಲು ಇಲ್ಲಿದೆ ಟಿಪ್ಸ್

ವಾಕಿಂಗ್ (ನಡಿಗೆ) ಆರೋಗ್ಯ ಮತ್ತು ಫಿಟ್ನೆಸ್‌ಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ನಡಿಗೆಯು ನಿಮ್ಮ ದೇಹವನ್ನು ಆರೋಗ್ಯವಾಗಿರಿಸುವುದು ಮಾತ್ರವಲ್ಲದೆ ನಿಮ್ಮನ್ನು ಸದೃಢವಾಗಿರಿಸುತ್ತದೆ. ಆದರೆ, ಅನೇಕ ಬಾರಿ ಜನರು ವಾಕಿಂಗ್ ಮಾಡಲು ಉದಾಸೀನ ತೋರುತ್ತಾರೆ. ಕೆಲವರು ಸ್ವಲ್ಪ ದಿನ ನಡೆದು ಆಮೇಲೆ ಬಿಟ್ಟೇ ಬಿಡುತ್ತಾರೆ. ಅದರಲ್ಲೂ ಒಂಟಿಯಾಗಿ ನಡೆಯುವುದೆಂದರೆ ಬೋರೋ ಬೋರು ಎಂದು ಸ್ವಲ್ಪ ದಿನ ವಾಕಿಂಗ್ ಮಾಡಿದ ಮೇಲೆ ಬಿಟ್ಟು ಬಿಡುತ್ತಾರೆ. ನಿಮಗೂ ಈ ರೀತಿ ಆಗುತ್ತಿದ್ದರೆ ಇಲ್ಲಿ ಕೆಲವು ಸಲಹೆಗಳನ್ನು ನೀಡಲಾಗಿದೆ. ನಿಮ್ಮ ವಾಕಿಂಗ್ ಪ್ರಯಾಣವನ್ನು ವಿನೋದ ಮತ್ತು ಆನಂದದಾಯಕವಾಗಿಸಲು ಅನುಸರಿಸಬೇಕಾದ ಕೆಲವು ಪರಿಣಾಮಕಾರಿ ತಂತ್ರಗಳು ಇಲ್ಲಿವೆ:

ವ್ಯಾಯಾಮವನ್ನು ಆನಂದಿಸಲು ಈ ಸಲಹೆಗಳನ್ನು ಅನುಸರಿಸಿ

ಸಮಯವನ್ನು ನಿಗದಿಪಡಿಸಿ: ಬೆಳಿಗ್ಗೆ ಅಥವಾ ನಿಮ್ಮ ಊಟದ ವಿರಾಮದ ಸಮಯದಲ್ಲಿ ಅಥವಾ ರಾತ್ರಿಯ ಊಟದ ನಂತರ ನಿಮಗೆ ಉತ್ತಮವಾಗಿ ಕಾರ್ಯನಿರ್ವಹಿಸುವ ದಿನದ ಸಮಯವನ್ನು ಆಯ್ಕೆಮಾಡಿ. ಪ್ರತಿದಿನ ಒಂದೇ ಸಮಯದಲ್ಲಿ ನಡೆಯುವುದು ನಿಮ್ಮ ವೇಳಾಪಟ್ಟಿಯ ನಿಯಮಿತ ಭಾಗವಾಗಿಸುತ್ತದೆ. ಹೀಗಾಗಿ ಈ ಅಭ್ಯಾಸವನ್ನು ಕಾಪಾಡಿಕೊಳ್ಳಲು ಸುಲಭವಾಗುತ್ತದೆ. ನಡಿಗೆ ಮಾಡುವ ಸಮಯದಲ್ಲಿ ಬೇಗೆ ಯಾವುದೇ ಕೆಲಸವನ್ನು ಇಟ್ಟುಕೊಳ್ಳಬೇಡಿ. ಪ್ರತಿದಿನ ಅದೇ ಸಮಯದಲ್ಲಿ ವಾಕಿಂಗ್ ಹೋಗುವುದರಿಂದ ನಿಮಗೂ ಸಮಯದ ಹೊಂದಾಣಿಕೆಯಾಗುತ್ತದೆ.

ಇದನ್ನೂ ಓದಿ: ಚಳಿ ಇದೆ ಎಂದು ವಾಕಿಂಗ್-ಜಾಗಿಂಗ್ ನಿಲ್ಲಿಸಿದರೆ ಅಪಾಯಕ್ಕೆ ಆಹ್ವಾನ; ನಿಮ್ಮ ಚಳಿಗಾಲದ ದಿನಚರಿ ಹೀಗಿರಲಿ

ಸ್ವಲ್ಪ ಸಮಯದಿಂದ ಪ್ರಾರಂಭಿಸಿ: ನಡಿಗೆ ಪ್ರಾರಂಭಿಸುವಾಗ ಆರಂಭದಲ್ಲೇ ಅರ್ಧ ಗಂಟೆಗೂ ಹೆಚ್ಚು ಕಾಲ ನಡೆಯಬೇಡಿ. 5 ಅಥವಾ 10 ನಿಮಿಷಗಳಂತಹ ಕಡಿಮೆ ಅವಧಿಯ ಸಮಯದಿಂದ ವಾಕಿಂಗ್ ಮಾಡಲು ಪ್ರಾರಂಭಿಸಿ. ನಂತರ ವಾಕಿಂಗ್ ಸಮಯವನ್ನು ಕ್ರಮೇಣ ಹೆಚ್ಚಿಸಿ. ಒಮ್ಮೆಲೆ ಗಂಟೆಗೂ ಹೆಚ್ಚು ನಡೆಯುವುದರಿಂದ ಆಯಾಸವಾಗಬಹುದು. ಹೀಗಾಗಿ ಕ್ರಮೇಣ ಹೆಚ್ಚಿಸಬಹುದು. ವಾಕಿಂಗ್‍ನಲ್ಲಿನ ಮುಖ್ಯ ವಿಷಯವೆಂದರೆ ಸ್ಥಿರತೆ ಕಾಪಾಡುವುದು. ಒಂದು ಸಣ್ಣ ನಡಿಗೆ ಕೂಡ ಯಾವುದೇ ನಡಿಗೆಗಿಂತ ಉತ್ತಮವಾಗಿದೆ.

ನಡಿಗೆಯನ್ನು ಆನಂದಿಸಿ: ನಡಿಗೆಯನ್ನು ಹೆಚ್ಚು ಆನಂದದಾಯಕವಾಗಿಸಲು ನೆಚ್ಚಿನ ಸಂಗೀತ, ಪಾಡ್‌ಕಾಸ್ಟ್‌ಗಳು ಅಥವಾ ಆಡಿಯೊಬುಕ್‌ಗಳನ್ನು ಆಲಿಸಿ. ಸುಂದರವಾದ ಸ್ಥಳದಲ್ಲಿ ಅಥವಾ ಸ್ನೇಹಿತರು ಅಥವಾ ಸಾಕುಪ್ರಾಣಿಗಳೊಂದಿಗೆ ನಡೆಯುವುದು ಸಹ ಅನುಭವವನ್ನು ಹೆಚ್ಚು ಆನಂದಿಸಬಹುದು. ವಾಕಿಂಗ್ ಮಾಡಲು ಹೋಗುವ ಸಮಯದಲ್ಲಿ ಕ್ರಮೇಣ ಅಪರಿಚಿತರು ಪರಿಚಯವಾಗಿ ಸ್ನೇಹಿತರಾಗಬಹುದು. ತಾನೊಬ್ಬನೆ/ಳೆ ಹೇಗೆ ಹೋಗುವುದು ಉದಾಸೀನವಾಗುತ್ತದೆ ಎಂದು ಯೋಚಿಸುವವರು, ದಿನನಿತ್ಯ ವಾಕಿಂಗ್ ಹೋಗುವಾಗ ಆ ಸಮಯದಲ್ಲಿ ಯಾರಾದ್ದಾದರೂ ಪರಿಚಯವಾಗುತ್ತದೆ. ಹಾಗಾಗಿ ನಿಮ್ಮ ನಡಿಗೆಯನ್ನು ಆದಷ್ಟು ಆನಂದಿಸಿ.

ಟ್ರ್ಯಾಕ್: ನಿಮ್ಮ ವಾಕಿಂಗ್ ಸಮಯವನ್ನು ಟ್ರ್ಯಾಕ್ ಮಾಡಲು ಪೆಡೋಮೀಟರ್, ಫಿಟ್‌ನೆಸ್ ಅಪ್ಲಿಕೇಶನ್ ಇತ್ಯಾದಿ ಬಳಸಬಹುದು. ಕಾಲಾನಂತರದಲ್ಲಿ ಇದು ನಿಮ್ಮ ಪ್ರಗತಿಯನ್ನು ನೋಡುವುದು ಪ್ರೇರೇಪಿಸುತ್ತದೆ. ಹಾಗೆಯೇ ಈ ಅಭ್ಯಾಸವನ್ನು ಗಟ್ಟಿಗೊಳಿಸಲು ಸಹಾಯ ಮಾಡುತ್ತದೆ.

ಜನರೊಂದಿಗೆ ನಡೆಯಿರಿ: ಸಾಧ್ಯವಾದರೆ, ನಿಮ್ಮೊಂದಿಗೆ ನಡೆಯಲು ಸಂಗಾತಿಯನ್ನು ಆರಿಸಿ. ಯಾರೂ ಇಲ್ಲ ತಾವೊಬ್ಬರೇ ನಡೆಯಬೇಕು ಎಂದಾದರೆ ಫೋನ್‌ನಲ್ಲಿ ಮಾತನಾಡುತ್ತಾ ವಾಕಿಂಗ್ ಮಾಡಬಹುದು. ಊಟದ ವಿರಾಮದ ಸಮಯದಲ್ಲಿ ಅಥವಾ ಸಂಜೆ ವೇಳೆಗೂ ನಡೆಯಬಹುದು. ನಿರ್ದಿಷ್ಟ ಸಮಯವನ್ನು ಹೊಂದಿಸುವ ಮೂಲಕ, ಚಿಕ್ಕದಾಗಿ ನಡಿಗೆಯನ್ನು ಪ್ರಾರಂಭಿಸಿ. ಮೊದಲೇ ಹೇಳಿದಂತೆ 5 ರಿಂದ 10 ನಿಮಿಷಗಳ ಕಾಲ ವಾಕಿಂಗ್ ಮಾಡಿ ಕ್ರಮೇಣ ಹೆಚ್ಚಿಸಿ. ಮೋಜು ಮಾಡುವ ಮೂಲಕ ವಾಕಿಂಗ್ ಅನ್ನು ಆನಂದಿಸಬಹುದು.

ಇದನ್ನೂ ಓದಿ: ಆರೋಗ್ಯ ಉತ್ತಮವಾಗಿರಲು ಪ್ರತಿದಿನ ನಡೆಯಿರಿ: ಯಾವ ವಯಸ್ಸಿನವರು ದಿನನಿತ್ಯ ಎಷ್ಟು ಸಮಯ ವಾಕಿಂಗ್ ಮಾಡಬೇಕು? ಇಲ್ಲಿದೆ ಮಾಹಿತಿ