ಚಿಕನ್ ಬಿರಿಯಾನಿ ತಿನ್ನಲು ಇಷ್ಟವಿಲ್ಲದಿದ್ದರೆ ತಯಾರಿಸಿ ರುಚಿಕರ ಖುಷ್ಕಾ ರೈಸ್; ಪಾಕವಿಧಾನ ತುಂಬಾ ಸರಳ

ಹೋಟೆಲ್‍ಗೆ ಹೋಗಿ ಬಹುತೇಕರು ಖುಷ್ಕಾ ರೈಸ್ ತಿನ್ನುತ್ತಾರೆ. ಪಲಾವ್‍ನಷ್ಚೇ ಖುಷ್ಕಾ ರೈಸ್ ಕೂಡ ಬಹಳ ಪ್ರಸಿದ್ಧಿ ಪಡೆದಿದೆ. ಇದನ್ನು ತಯಾರಿಸುವುದು ತುಂಬಾನೇ ಸುಲಭ. ಒಮ್ಮೆ ನೀವು ಮಾಡಿದರೆ ಮತ್ತೆ ಮತ್ತೆ ಈ ಪಾಕವಿಧಾನವನ್ನು ಪ್ರಯತ್ನಿಸುವಿರಿ. ಮನೆಮಂದಿ ಕೂಡ ಖಂಡಿತ ಇಷ್ಟಪಟ್ಟು ತಿನ್ನುವುದರಲ್ಲಿ ಸಂಶಯವಿಲ್ಲ. ಖುಷ್ಕಾ ರೈಸ್ ತಯಾರಿಸುವುದು ಹೇಗೆ ಅನ್ನೋದನ್ನು ಇಲ್ಲಿ ತಿಳಿದುಕೊಳ್ಳೋಣ.

ಖುಷ್ಕಾ ರೈಸ್ ತಯಾರಿಸುವ ವಿಧಾನ ಇಲ್ಲಿದೆ

ಬೇಕಾಗುವ ಪದಾರ್ಥಗಳು: ಒಂದು ಕಪ್ ಅಕ್ಕಿ, 3 ಚಮಚ ತುಪ್ಪ, 1 ಇಂಚು ದಾಲ್ಚಿನ್ನಿ, 4 ಲವಂಗ, 3 ಏಲಕ್ಕಿ, 1 ಅನಾನಸ್ ಹೂವು, ಜಾಯಿಕಾಯಿಯ ಒಂದು ಸಣ್ಣ ತುಂಡು, ಒಂದು ಚಮಚ ಜೀರಿಗೆ, ಒಂದು ಚಮಚ ಸೋಂಪು, ಒಂದು ಬಿರಿಯಾನಿ ಎಲೆ, ಒಂದು ಈರುಳ್ಳಿ, ನಾಲ್ಕು ಹಸಿ ಮೆಣಸಿನಕಾಯಿ, 1 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಕಾಲು ಚಮಚ ಅರಶಿನ, ಒಂದು ಚಮಚ ಮೆಣಸಿನ ಪುಡಿ, ಎರಡು ಟೊಮೆಟೊ, ಅರ್ಧ ಚಮಚ ಗರಂ ಮಸಾಲೆ, ರುಚಿಗೆ ತಕ್ಕಷ್ಟು ಉಪ್ಪು, ಅರ್ಧ ಕಪ್ ಮೊಸರು, ಸ್ವಲ್ಪ ಕೊತ್ತಂಬರಿ ಸೊಪ್ಪು, ಸ್ವಲ್ಪ ಪುದೀನಾ ಸೊಪ್ಪು, ಒಂದು ಕಪ್ ನೀರು.

ತಯಾರಿಸುವ ವಿಧಾನ: ಕುಕ್ಕರ್‌ನಲ್ಲಿ ಮೂರು ಚಮಚ ತುಪ್ಪ ಹಾಕಿ ಬಿಸಿ ಮಾಡಿ. ಇದಕ್ಕೆ ಒಂದು ಇಂಚು ದಾಲ್ಚಿನ್ನಿ, ಮೂರು ಏಲಕ್ಕಿ, ನಾಲ್ಕು ಲವಂಗ ಜೊತೆಗೆ ಅನಾನಸ್ ಹೂವು ಮತ್ತು ಕಾಲು ಇಂಚುಗಿಂತ ಕಡಿಮೆ ಜಾಯಿಕಾಯಿಯನ್ನು ಬೆರೆಸಿ.

ಇದನ್ನೂ ಓದಿ: ಈ ರೀತಿ ತಯಾರಿಸಿ ಬೆಳ್ಳುಳ್ಳಿ ರೈಸ್ ಬಾತ್; ಮಕ್ಕಳು ಇಷ್ಟಪಟ್ಟು ತಿಂತಾರೆ, ಇಲ್ಲಿದೆ ರೆಸಿಪಿ

ಈಗ ಒಂದು ಚಮಚ ಜೀರಿಗೆ, ಒಂದು ಚಮಚ ಸೋಂಪು, ಒಂದು ಚಮಚ ಜೀರಿಗೆ, ಒಂದು ಬಿರಿಯಾನಿ ಎಲೆ ಹಾಕಿ ಒಂದು ನಿಮಿಷ ಹುರಿಯಿರಿ. ನಂತರ ಈರುಳ್ಳಿ, ಕತ್ತರಿಸಿದ ಮೂರು ಹಸಿ ಮೆಣಸಿನಕಾಯಿಗಳನ್ನು ಬೆರೆಸಿ ತಿಳಿ ಚಿನ್ನದ ಕಂದು ಬಣ್ಣಕ್ಕೆ ತಿರುಗುವವರೆಗೆ ಹುರಿಯಿರಿ.

ಈರುಳ್ಳಿ ಗೋಲ್ಡನ್ ಬ್ರೌನ್ ಬಣ್ಣಕ್ಕೆ ತಿರುಗಿದಾಗ, ಒಂದು ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಬೆರೆಸಿ. ಈಗ ಕಾಲು ಚಮಚ ಅರಶಿನ, ಒಂದು ಚಮಚ ಮೆಣಸಿನ ಪುಡಿ ಸೇರಿಸಿ ಹುರಿಯಿರಿ. ನಂತರ ಕತ್ತರಿಸಿದ ಎರಡು ಟೊಮೆಟೊ ಸೇರಿಸಿ ಮೃದುವಾಗುವವರೆಗೆ ಬೇಯಿಸಿ. ಈಗ ಅದಕ್ಕೆ ಅರ್ಧ ಚಮಚ ಗರಂ ಮಸಾಲೆ ಬೆರೆಸಿ. ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ, ಅರ್ಧ ಕಪ್ ಮೊಸರು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಮೊಸರಿನಲ್ಲಿರುವ ನೀರು ನೆನೆಯುವವರೆಗೆ ಮತ್ತು ಎಣ್ಣೆ ಮೇಲಕ್ಕೆ ತೇಲುವವರೆಗೆ ಮಧ್ಯಮ ಉರಿಯಲ್ಲಿ ಹುರಿಯಿರಿ. ಈಗ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಹಾಗೂ ಪುದೀನಾ ಎಲೆಯನ್ನು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ನೀರಿನಲ್ಲಿ ನೆನೆಸಿಟ್ಟ (ಅರ್ಧ ಗಂಟೆ) ಬಾಸ್ಮತಿ ಅಕ್ಕಿಯನ್ನು ಸೋಸಿ ಈ ಮಿಶ್ರಣಕ್ಕೆ ಹಾಕಿ. ಒಲೆಯನ್ನು ಹೆಚ್ಚಿನ ಉರಿಯಲ್ಲಿ ಇರಿಸಿ ನಿಧಾನವಾಗಿ ಮಿಶ್ರಣ ಮಾಡಿ. ನಂತರ, ಒಂದು ಕಪ್ ನೀರನ್ನು ಹಾಕಿ.

ಕುಕ್ಕರ್ ಒಂದು ಶಿಳ್ಳೆ ಬಂದ ಕೂಡಲೇ ಒಲೆಯನ್ನು ಆಫ್ ಮಾಡಿ. 20 ನಿಮಿಷಗಳ ನಂತರ ಮುಚ್ಚಳವನ್ನು ತೆರೆಯಿರಿ. ಇದನ್ನು ರಾಯಿತಾದೊಂದಿಗೆ ಬಡಿಸಬಹುದು. ಮಾಂಸಾಹಾರ ತಿನ್ನುವುದಿಲ್ಲವಾದರೆ ಈ ರೆಸಿಪಿ ಮಾಡಬಹುದು. ಇದು ತುಂಬಾ ರುಚಿಕರವಾಗಿರುತ್ತದೆ.

ಇದನ್ನೂ ಓದಿ: ಉಳಿದ ಅನ್ನದಿಂದ ಮಾಡಿ ರುಚಿಕರವಾದ ಗೋಬಿ ರೈಸ್: ಆಹಾ.. ಏನು ರುಚಿ ಗೊತ್ತಾ, ತಿಂದವರು ಸೂಪರ್ ಅಂತಾರೆ