ಪಂಜಾಬಿ ಶೈಲಿಯಲ್ಲಿ ಮಾಡಿ ವೆಜ್ ಕೀಮಾ ಮಸಾಲೆ: ಅನ್ನ, ಚಪಾತಿ, ರೊಟ್ಟಿ ಜೊತೆ ತಿನ್ನಲೂ ರುಚಿಕರ; ಇಲ್ಲಿದೆ ರೆಸಿಪಿ

ವೆಜ್ ಕೀಮಾ ಮಸಾಲೆ ತಿನ್ನುವುದರಿಂದ ದೇಹಕ್ಕೆ ಅನೇಕ ಪೋಷಕಾಂಶಗಳು ದೊರೆಯುತ್ತವೆ. ಏಕೆಂದರೆ ಇದರಲ್ಲಿ ನಾನಾ ಬಗೆಯ ತರಕಾರಿಗಳನ್ನು ಬಳಸಲಾಗುತ್ತದೆ. ಮಾಂಸಾಹಾರಿಗಳು ಮಟನ್ ಕೀಮಾ ಮತ್ತು ಚಿಕನ್ ಕೀಮಾದಿಂದ ಪಡೆಯುವಷ್ಟೇ ಪೋಷಕಾಂಶಗಳನ್ನು ಪಡೆಯುತ್ತಾರೆ. ಪಂಜಾಬಿಯಲ್ಲಿ ವೆಜ್ ಕೀಮಾವನ್ನು ತಯಾರಿಸಲಾಗುತ್ತದೆ. ರೆಸ್ಟೋರೆಂಟ್‌ಗಳಲ್ಲಿ ನೀವು ತಿಂದಿರಬಹುದು. ಇದನ್ನು ಮನೆಯಲ್ಲಿಯೇ ತಯಾರಿಸುವುದು ತುಂಬಾ ಸುಲಭ. ಹೇಗೆ ತಯಾರಿಸುವುದು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ವೆಜ್ ಕೀಮಾ ಮಸಾಲೆ ತಯಾರಿಸುವ ವಿಧಾನ ಇಲ್ಲಿದೆ

ಬೇಕಾಗುವ ಪದಾರ್ಥಗಳು: ಕ್ಯಾಪ್ಸಿಕಂ ಪುಡಿ- ಅರ್ಧ ಕಪ್, ಈರುಳ್ಳಿ ಪೇಸ್ಟ್- ಅರ್ಧ ಕಪ್, ಬೇಯಿಸಿದ ಫ್ರೆಂಚ್ ಬೀನ್ಸ್- ಅರ್ಧ ಕಪ್, ಕ್ಯಾರೆಟ್ ಪ್ಯೂರಿ- ಅರ್ಧ ಕಪ್, ಬಟಾಣಿ- ಕಾಲು ಕಪ್, ಕೊತ್ತಂಬರಿ ಪುಡಿ- ಒಂದು ಚಮಚ, ಜೀರಿಗೆ ಪುಡಿ- ಒಂದು ಚಮಚ, ಗರಂ ಮಸಾಲೆ- ಅರ್ಧ ಚಮಚ, ಮೆಣಸಿನ ಪುಡಿ- ಒಂದು ಚಮಚ, ಜೀರಿಗೆ- ಒಂದು ಚಮಚ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್- ಒಂದು ಚಮಚ, ಕೊತ್ತಂಬರಿ ಪುಡಿ- ಎರಡು ಚಮಚ, ಹಸಿ ಮೆಣಸಿನಕಾಯಿ- ಎರಡು, ಟೊಮೆಟೊ- ಮೂರು, ಕಸೂರಿ ಮೇಥಿ- ಒಂದು ಚಮಚ, ಉಪ್ಪು ರುಚಿಗೆ ತಕ್ಕಷ್ಟು, ಬೆಳ್ಳುಳ್ಳಿ ಪೇಸ್ಟ್- ಎರಡು ಚಮಚ, ಎಣ್ಣೆ- ಅಗತ್ಯಕ್ಕೆ ತಕ್ಕಷ್ಟು, ತುಪ್ಪ- ಎರಡು ಚಮಚ, ನೀರು- ಅಗತ್ಯಕ್ಕೆ ತಕ್ಕಷ್ಟು.

ಮಾಡುವ ವಿಧಾನ: ಒಲೆಯ ಮೇಲೆ ಕಡಾಯಿ ಇರಿಸಿ ಎಣ್ಣೆ ಮತ್ತು ತುಪ್ಪ ಹಾಕಿ. ಬೆಳ್ಳುಳ್ಳಿ ಪೇಸ್ಟ್, ಹಸಿಮೆಣಸಿನಕಾಯಿ ಮತ್ತು ಜೀರಿಗೆ ಹಾಕಿ. ಕುದಿಯುತ್ತಿರುವಾಗ ಇದು ಉತ್ತಮ ವಾಸನೆಯನ್ನು ನೀಡುತ್ತದೆ. ನಂತರ ಈರುಳ್ಳಿ ಹಾಕಿ ಹುರಿಯಿರಿ. ಈರುಳ್ಳಿ ಬಣ್ಣ ಬದಲಾಗುವವರೆಗೆ ಚೆನ್ನಾಗಿ ಹುರಿಯಿರಿ.

ಇದನ್ನೂ ಓದಿ: ಇದು ಮಾಂಸಾಹಾರವಲ್ಲ, ಶುದ್ಧ ತರಕಾರಿ ರೆಸಿಪಿ; ಕೇವಲ 15 ನಿಮಿಷಗಳಲ್ಲಿ ಸಿದ್ಧವಾಗುತ್ತೆ ರುಚಿಕರ ಸೋಯಾಬಿನ್ ಕಬಾಬ್; ಪಾಕವಿಧಾನ ಇಲ್ಲಿದೆ

ಈಗ ಮೆಣಸಿನ ಪುಡಿ, ಜೀರಿಗೆ ಪುಡಿ, ಗರಂ ಮಸಾಲೆ, ಕೊತ್ತಂಬರಿ ಪುಡಿ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಈಗ ಕ್ಯಾಪ್ಸಿಕಂ ಪೇಸ್ಟ್ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಟೊಮೆಟೊವನ್ನು ಮಿಕ್ಸಿಗೆ ಹಾಕಿ ರುಬ್ಬಿಕೊಳ್ಳಿ. ಇದನ್ನು ಬಾಣಲೆಗೆ ಹಾಕಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ. ನಂತರ ತುರಿದ ಕ್ಯಾರೆಟ್ ಮತ್ತು ಫ್ರೆಂಚ್ ಬೀನ್ಸ್ ಅನ್ನು ಹಾಕಿ. ಇದಕ್ಕೆ ಹಸಿರು ಬಟಾಣಿಯನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಈ ಮಿಶ್ರಣಕ್ಕೆ ನೀರು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ. ಮುಚ್ಚಳವನ್ನು ಮುಚ್ಚಿ, ಎಣ್ಣೆ ತೇಲುವವರೆಗೆ ಸಣ್ಣ ಉರಿಯಲ್ಲಿ ಬೇಯಿಸಿ. ಕಸೂರಿ ಮೆಂತ್ಯ, ಕೊತ್ತಂಬರಿ ಸೊಪ್ಪು ಮತ್ತು ಕೊತ್ತಂಬರಿ ಪುಡಿಯನ್ನು ಬೆರೆಸಿ ಒಲೆಯನ್ನು ಆಫ್ ಮಾಡಿದರೆ ರುಚಿಕರ ವೆಜ್ ಕೀಮಾ ಸಿದ್ಧ. ಇದನ್ನು ಅನ್ನದೊಂದಿಗೆ, ರೊಟ್ಟಿ ಮತ್ತು ಚಪಾತಿಗಳೊಂದಿಗೆ ತಿನ್ನಲು ಬಹಳ ರುಚಿಕರವಾಗಿರುತ್ತದೆ. ಈ ವೆಜ್ ಕೀಮಾವನ್ನು ಟ್ರೈ ಮಾಡಿ. ನೀವು ಖಂಡಿತವಾಗಿಯೂ ಇದನ್ನು ಇಷ್ಟಪಡುತ್ತೀರಿ.

ಇದನ್ನೂ ಓದಿ: ಸೋರೆಕಾಯಿಯಿಂದ ತಯಾರಿಸಿ ಆರೋಗ್ಯಕರ ಮೊಮೊಸ್; ಮಕ್ಕಳು ಇಷ್ಟಪಟ್ಟು ತಿಂತಾರೆ, ಇಲ್ಲಿದೆ ರೆಸಿಪಿ