Mughlai Paratha: ಬಾಯಲ್ಲಿ ನೀರೂರಿಸುವ ಮುಘಲೈ ಪರೋಟ ಮನೆಯಲ್ಲೇ ತಯಾರಿಸುವುದು ಹೇಗೆ; ಈ ವಿಧಾನ ಅನುಸರಿಸಿ
ಮೊಘಲ್ ಕಾಲದಲ್ಲಿ ಹುಟ್ಟಿಕೊಂಡು ಉತ್ತರ ಭಾರತದಲ್ಲಿ ಅತ್ಯಂತ ಜನಪ್ರಿಯವಾಗಿರುವ ಮುಘಲೈ ಪರೋಟವನ್ನು ನೀವು ಕೂಡ ಸುಲಭವಾಗಿ ಮನೆಯಲ್ಲಿ ತಯಾರಿಸಿಕೊಳ್ಳಬಹುದು. ಇದಕ್ಕೆ ಬೇಕಾಗಿರುವ ಪದಾರ್ಥಗಳು ಹಾಗೂ ಮಾಡುವ ವಿಧಾನವನ್ನು ಇಲ್ಲಿ ನೀಡಲಾಗಿದೆ.
ಮೊಘಲರು ಆಹಾರದ ಪ್ರೀತಿಗೆ ಹೆಸರುವಾಸಿಯಾಗಿದ್ದವರು. ಅವರ ರಾಜಮನೆತನದ ಪಾಕಪದ್ದತಿಯು ಭಾರತೀಯ ಮತ್ತು ಪರ್ಷಿಯನ್ ರುಚಿಗಳ ಮಿಶ್ರಣವಾಗಿತ್ತು. ಮುಘಲೈ ಪರೋಟವನ್ನು 16ನೇ ಶತಮಾನದ ಉತ್ತರಾರ್ಧದಲ್ಲಿ ಅರಮನೆಗಳ ಅಡುಗೆಮನೆಗಳಲ್ಲಿ ಅಳವಡಿಸಿಕೊಳ್ಳಲಾಗಿತ್ತು. ಈ ಖಾದ್ಯದ ಇತಿಹಾಸ ಮತ್ತು ಜನ ಮೆಚ್ಚುಗೆಯನ್ನು ಪಡೆದಿರುವ ಮುಘಲೈ ಪರೋಟ (Mughlai Paratha Recipe) ಮಾಡುವ ವಿಧಾನವನ್ನು ತಿಳಿಯಿರಿ.
ಮುಘಲ್ ಪರೋಟ ಮಾಡಲು ಬೇಕಾಗುವ ಪದಾರ್ಥಗಳು
- 2 ಕಪ್ ಗೋಧಿ ಅಥವಾ ಮೈದಾ ಹಿಟ್ಟು
- 1 ಟೀಸ್ಪೂನ್ ಉಪ್ಪು
- ನೀರು (ಅಗತ್ಯವಿದ್ದಷ್ಟು)
ಇದನ್ನೂ ಓದಿ: ಟೊಮೆಟೊ ರಸಂ ಅಲ್ಲ ಇದು ಚಿಕನ್ ರಸಂ, ಅನ್ನಕ್ಕೆ ಸಖತ್ ಕಾಂಬಿನೇಷನ್ ಆಗಿರೋ ಈ ರೆಸಿಪಿ ಮಳೆಗಾಲಕ್ಕೆ ಹೇಳಿ ಮಾಡಿಸಿದ್ದು
ಇತರೆ ಪದಾರ್ಥಗಳು
- 1 ಕಪ್ ಬೇಯಿಸಿದ ಚಿಕನ್ ಅಥವಾ ಮಟನ್
- 1 ಈರುಳ್ಳಿ, ಸಣ್ಣದಾಗಿ ಕಟ್ ಮಾಡಿಕೊಳ್ಳಿ
- 1 ಟೀಸ್ಪೂನ್ ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್
- ಕತ್ತರಿಸಿದ ಹಸಿ ಮೆಣಸಿನ ಕಾಯಿ
- 1 ಟೀಸ್ಪೂನ್ ಜೀರಿಗೆ ಪುಡಿ
- 1 ಟೀಸ್ಪೂನ್ ದನಿಯಾ ಪುಡಿ
- 1 ಟೀಸ್ಪೂನ್ ಗರಂ ಮಸಾಲಾ
- ಟೀಸ್ಪೂನ್ ಕತ್ತರಿಸಿದ ಕೊತ್ತಂಬರಿ ಸೊಪ್ಪು
- 1 ಮೊಟ್ಟೆ ಹೊಡೆತ
- ರುಚಿಗೆ ತಕ್ಕಷ್ಟು ಉಪ್ಪು
- 4 ಟೀಸ್ಪೂನ್ ಎಣ್ಣೆ
ಮುಘಲೈ ಪರೋಟ ಮಾಡುವುದು ವಿಧಾನ
1. ಒಂದು ಬಟ್ಟಲಿನಲ್ಲಿ ಹಿಟ್ಚು ಮತ್ತು ಉಪ್ಪನ್ನು ಮಿಶ್ರಣ ಮಾಡಿಕೊಳ್ಳಿ. ಸ್ವಲ್ಪ ಜಿಗುಟಾದ ಹಿಟ್ಟನ್ನು ಮಾಡಲು ನೀರನ್ನು ಸೇರಿಸಿಕೊಳ್ಳಿ. ಚೆನ್ನಾಗಿ ಬೆರೆಸಿಕೊಳ್ಳಿ ಮತ್ತು 10-15 ನಿಮಿಷಗಳ ಕಾಲ ಬಿಡಿ
2. ಇನ್ನೊಂದು ಸಣ್ಣ ಬಟ್ಟಲಿನಲ್ಲಿ ಬೇಯಿಸಿದ ಚಿಕನ್ ಅಥವಾ ಮಟನ್, ಕತ್ತರಿಸಿದ ಈರುಳ್ಳಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಕತ್ತರಿಸಿದ ಹಸಿ ಮೆಣಸಿನಕಾಯಿ, ಜೀರಿಗೆ ಪುಡಿ, ದನಿಯಾ ಪುಡಿ, ಗರಂ ಮಸಾಲಾ ಹಾಗೂ ಉಪ್ಪು ಮಿಶ್ರಣ ಮಾಡಿಕೊಳ್ಳಿ. ಅಂತಿಮವಾಗಿ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಮತ್ತು ಹೊಡೆದ ಮೊಟ್ಟೆಯನ್ನು ಸೇರಿಸಿ. ಚೆನ್ನಾಗಿ ಮಿಶ್ರಣ ಮಾಡಿದ ನಂತರ ಪಕ್ಕಕ್ಕೆ ಇಟ್ಟುಕೊಳ್ಳಿ.
3. ಮಿಶ್ರಣ ಮಾಡಿ ಇಟ್ಟುಕೊಂಡಿರುವ ಹಿಟ್ಟನ್ನು ಚೆಂಡುಗಳಾಗಿ ಮಾಡಿಕೊಳ್ಳಿ. ಪ್ರತಿ ಚೆಂಡನ್ನು ಮಧ್ಯಮ ಗಾತ್ರದ ವೃತ್ತಕ್ಕೆ ಸುತ್ತಿಕೊಳ್ಳಿ. 1 ಟೀಸ್ಪೂನ್ ಚಿಕನ್ ಅಥವಾ ಮಟನ್ ಫಿಲ್ಲಿಂಗ್ ಅನ್ನು ಮಧ್ಯದಲ್ಲಿ ಇರಿಸಿ, ಹಿಟ್ಟಿನ ಅಂಚುಗಳನ್ನು ಒಟ್ಟುಗೂಡಿಸಿ.
4. ಹೀಗೆ ಸಿದ್ಧಪಡಿಸಿಕೊಂಡ ಹಿಟ್ಟನ್ನು ಪಟ್ಟಟೆಗೊಳಿಸಿ. ಸ್ವಲ್ಪ ಗೋಧಿ ಅಥವಾ ಮೈದಾ ಹಿಟ್ಟಿನ ಧೂಳು ಹಾಕಿ ದಪ್ಪ ಪರೋಟವನ್ನು ನಿಧಾನವಾಗಿ ಸುತ್ತಿಕೊಳ್ಳಿ
5. ಮಧ್ಯಮ ಎತ್ತರದ ಶಾಖದ ಮೇಲೆ ತವಾ ಅಥವಾ ಗ್ರಿಡಲ್ ಅನ್ನು ಬಿಸಿ ಮಾಡಿ. ಪರೋಟವನ್ನು ತವಾ ಮೇಲೆ ಇಡಿ. ಒಂದು ಅಥವಾ ಎರಡು ನಿಮಿಷಗಳ ಕಾಲ ಬೇಯಲು ಬಿಡಿ. ಅಂಚುಗಳ ಸುತ್ತಲೂ ಸ್ವಲ್ಪ ಎಣ್ಣೆಯನ್ನು ಚಿಮುಕಿಸಿ. ನಂತರ ತಿರುಗಿಸಿ, ಇನ್ನೊಂದು ಬದಿಯನ್ನು ಗೋಲ್ಡನ್ ಬ್ರೌನ್ ಮತ್ತು ಗರಿಗರಿಯಾಗುವವರೆಗೆ ಬೇಯಿಸಿ.
6. ನಿಮ್ಮ ನೆಚ್ಚಿನ ಮುಘಲೈ ಪರೋಟ ಸಿದ್ಧವಾಯ್ತು. ಬಿಸಿಯಾದ ಮುಘಲೈ ಪರೋಟವನ್ನು ಆನಂದದಿದಂ ಸವಿಯಿರಿ.
(ಕನ್ನಡದಲ್ಲಿ ಕ್ರಿಕೆಟ್, ಎಚ್ಟಿ ಕನ್ನಡ ಬೆಸ್ಟ್. ಐಪಿಎಲ್, ಟಿ20 ವರ್ಲ್ಡ್ಕಪ್ ಸೇರಿದಂತೆ ಕ್ರಿಕೆಟ್ ಲೋಕದ ಸಮಗ್ರ ಮಾಹಿತಿ, ತಾಜಾ ವಿದ್ಯಮಾನ, ರನ್-ವಿಕೆಟ್, ಪ್ಲೇಆಫ್, ಟೀಮ್ ಸ್ಟಾಟ್ ವಿಶ್ಲೇಷಣೆಗಳಿಗಾಗಿ kannada.hindustantimes.com/cricket ಕ್ಕೆ ಭೇಟಿ ನೀಡಿ.)
