Aparajita Plant: ಮನೆಯಲ್ಲಿ ಶಂಖಪುಷ್ಪ ಗಿಡ ಬೆಳೆಸುವುದರಿಂದಾಗುವ ಸಾಧಕ–ಬಾಧಕಗಳಿವು

ಕೆಲವು ಹೂವಿನ ಗಿಡಗಳು ಸಾಮಾನ್ಯವಾಗಿ ಎಲ್ಲರ ಮನೆಯಲ್ಲೂ ಕಂಡುಬರುತ್ತವೆ. ಇದು ಗಾರ್ಡನ್‌ನಲ್ಲಿ ಇಲ್ಲ ಎಂದರೆ ಅಲ್ಲಿ ಗಾರ್ಡನ್‌ ಇರಲು ಸಾಧ್ಯವೇ ಇಲ್ಲ. ಇದು ಪ್ರಸಿದ್ಧಿ ಪಡೆದಿರುತ್ತವೆ. ಅಂತಹ ಹೂವಿನ ಗಿಡಗಳಲ್ಲಿ ಶಂಖಪುಷ್ಪ ಗಿಡ ಕೂಡ ಒಂದು. ಅದಕ್ಕೆ ಅಪರಾಜಿತ ಎಂದು ಕೂಡ ಕರೆಯುತ್ತಾರೆ. ಈ ನೀಲಿ ಹೂವುಗಳು ನೋಡಲು ತುಂಬಾ ಸುಂದರ. ಈ ಗಿಡವನ್ನು ಬಾಲ್ಕನಿಯಲ್ಲಿ ಬೆಳೆಸಿದರೆ, ಅದು ಬಳ್ಳಿಯಂತೆ ಹರಡುತ್ತದೆ.

ಧಾರ್ಮಿಕ ಹಿನ್ನಲೆಯ ಕಾರಣಗಳಿಂದಲೂ ಈ ಗಿಡವನ್ನು ಮನೆಯಲ್ಲಿ ನೆಡಬೇಕು ಎಂದು ಹೇಳಲಾಗುತ್ತದೆ. ಈ ಸಸ್ಯದ ಬೇರುಗಳು ಮತ್ತು ಹೂವುಗಳಿಗೆ ಆಯುರ್ವೇದದಲ್ಲೂ ವಿಶೇಷ ಮಹತ್ವವಿದೆ. ಅನೇಕ ರೋಗಗಳನ್ನು ಗುಣಪಡಿಸಲು ಇದನ್ನು ಬಳಸಲಾಗುತ್ತದೆ. ನಿಮ್ಮ ಮನೆಯಲ್ಲಿ ಶಂಖಪುಷ್ಪ ಗಿಡವನ್ನು ನೆಡಲು ನಿರ್ಧರಿಸಿದ್ದರೆ ಅದಕ್ಕೂ ಮುನ್ನ ನೀವು ಅದರ ಪ್ರಯೋಜನಗಳು ಮತ್ತು ಅನಾನುಕೂಲಗಳು ಈ ಎರಡರ ಬಗ್ಗೆಯೂ ತಿಳಿದುಕೊಂಡಿರಿ.

ಶಂಖಪುಷ್ಪ ಗಿಡ ಬೆಳೆಸುವುದರ ಪ್ರಯೋಜನಗಳು

ಮನೆಯಲ್ಲಿ ಶಂಖಪುಷ್ಪ ಗಿಡವನ್ನು ಬೆಳೆಸುವುದರ ಒಂದು ಪ್ರಯೋಜನವೆಂದರೆ ಅದನ್ನು ಬೆಳೆಸಲು ಹೆಚ್ಚಿನ ಕಾಳಜಿ ಅಗತ್ಯವಿಲ್ಲ. ನಿಮ್ಮ ಬಿಡುವಿಲ್ಲದ ವೇಳಾಪಟ್ಟಿಯಲ್ಲೂ ನೀವು ಅದನ್ನು ನಿಮ್ಮ ಬಾಲ್ಕನಿಯಲ್ಲಿ ಸುಲಭವಾಗಿ ಬೆಳೆಸಬಹುದು. ಇದು ಯಾವುದೇ ರೀತಿಯ ಪರಿಸರದಲ್ಲಿ ಸುಲಭವಾಗಿ ಬೆಳೆಯುತ್ತದೆ. ಹೆಚ್ಚಿನ ಪೋಷಣೆ ಅಥವಾ ನೀರಿನ ಅಗತ್ಯಕ್ಕೆ ಈ ಗಿಡಕ್ಕೆ ಬೇಕಿಲ್ಲ.

ಇದನ್ನೂ ಓದಿ: ಮನೆಯಲ್ಲಿ ಸುಲಭವಾಗಿ ಬೆಳೆಸಬಹುದಾದ ಹಣ್ಣು, ತರಕಾರಿ ಗಿಡಗಳಿವು; ಕೈತೋಟ ಮಾಡುವ ಆಸೆ ಇರುವವರು ಗಮನಿಸಿ

ಈ ಸಸ್ಯದಲ್ಲಿ ಒಂದು ಸಮಸ್ಯೆ ಇದೆ. ನೀವು ಬಲಿಯದ ಗಿಡವನ್ನು ನೆಟ್ಟು ಅದನ್ನು ಗಮನಿಸದೆ ಬಿಟ್ಟರೆ, ಅದು ಇತರ ಸಸ್ಯಗಳಿಗೆ ಅಪಾಯಕಾರಿ. ಇದರ ಬೇರುಗಳು ಬಹಳ ಬೇಗನೆ ಹರಡುತ್ತವೆ. ಇದು ಸುತ್ತಮುತ್ತಲಿನ ಇತರ ಸಸ್ಯಗಳನ್ನು ಆವರಿಸುವಂತೆ ಬೆಳೆಯಲು ಕಾರಣವಾಗುತ್ತದೆ.

ಶಂಖಪುಷ್ಪ ಗಿಡವನ್ನು ನೆಟ್ಟ ನಂತರ, ಅದನ್ನು ಕಾಲ ಕಾಲಕ್ಕೆ ಪರಿಶೀಲಿಸುವ ಅಭ್ಯಾಸವನ್ನು ಮಾಡಿಕೊಳ್ಳಬೇಕು. ವಾಸ್ತವವಾಗಿ, ಈ ಸಸ್ಯವು ತುಂಬಾ ಸೂಕ್ಷ್ಮವಾಗಿದೆ. ಈ ಗಿಡಕ್ಕೆ ಕೀಟಬಾಧೆಯೂ ಬಹಳ ಹೆಚ್ಚು. ಒಮ್ಮೆ ಸೋಂಕಿಗೆ ಒಳಗಾದ ನಂತರ, ಅದು ಇಡೀ ಸಸ್ಯವನ್ನು ಬೇಗನೆ ಹಾನಿಗೊಳಿಸುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಸ್ವಲ್ಪ ಹೆಚ್ಚಿನ ಕಾಳಜಿ ವಹಿಸಬೇಕಾಗಬಹುದು.

ಅಪರಾಜಿತ ಸಸ್ಯವು ಬಹಳಷ್ಟು ಧಾರ್ಮಿಕ ಮಹತ್ವವನ್ನು ಹೊಂದಿದೆ. ವಿಶೇಷವಾಗಿ ವಾಸ್ತು ಶಾಸ್ತ್ರದಲ್ಲಿ, ಅದನ್ನು ಇರಿಸಲು ಸರಿಯಾದ ಸ್ಥಳ ಮತ್ತು ಸರಿಯಾದ ದಿಕ್ಕಿನ ನಿಯಮಗಳ ಬಗ್ಗೆ ಮಾತನಾಡುತ್ತಾರೆ. ವಾಸ್ತು ಪ್ರಕಾರ, ಅದನ್ನು ತಪ್ಪು ದಿಕ್ಕಿನಲ್ಲಿ ಇರಿಸಿದರೆ, ಅದು ಮನೆಯಲ್ಲಿ ನಕಾರಾತ್ಮಕತೆಯನ್ನು ಹರಡುತ್ತದೆ. ಈ ಸಸ್ಯವನ್ನು ಪಶ್ಚಿಮ ಅಥವಾ ದಕ್ಷಿಣ ದಿಕ್ಕಿನಲ್ಲಿ ನೆಡುವುದು ತುಂಬಾ ಅಶುಭವೆಂದು ಪರಿಗಣಿಸಲಾಗುತ್ತದೆ. ನೀವು ವಾಸ್ತುವನ್ನು ನಂಬಿದರೆ, ಈ ವಿಷಯಗಳ ಬಗ್ಗೆ ಸ್ವಲ್ಪ ಸಂಶೋಧನೆ ಮಾಡಬೇಕಾಗುತ್ತದೆ.

ಇದನ್ನೂ ಓದಿ: ಈ ಗಿಡಗಳನ್ನ ತಪ್ಪಿಯೂ ಮನೆಯೊಳಗೆ ಬೆಳೆಸಬೇಡಿ; ಇದರಿಂದ ನಕಾರಾತ್ಮಕ ಅಂಶ ಹರಡುವುದು ಮಾತ್ರವಲ್ಲ, ಮನೆಯವರ ನೆಮ್ಮದಿ ಕೆಡುತ್ತೆ