ಬ್ರಾಹ್ಮಿ ಮುಹೂರ್ತದಲ್ಲಿ ಎದ್ದು ಈ 2 ಕೆಲಸ ಮಾಡಿದ್ರೆ ಬದುಕಿನಲ್ಲಿ ಅಚ್ಚರಿಯ ಬದಲಾವಣೆಯಾಗುತ್ತೆ, ಬೆಳಿಗ್ಗೆ ಬೇಗ ಏಳುವುದರ ಪ್ರಯೋಜನವಿದು
ಪುರಾಣ ಕಾಲದಿಂದಲೂ ಬ್ರಾಹ್ಮಿ ಮುಹೂರ್ತದಲ್ಲಿ ಏಳುವುದಕ್ಕೆ ಮಹತ್ವ ನೀಡಲಾಗಿತ್ತು. ಇದರಿಂದ ಆರೋಗ್ಯಕ್ಕೂ ಸಾಕಷ್ಟು ಪ್ರಯೋಜನಗಳಿವೆ. ಬೆಳಿಗ್ಗೆ ಬೇಗ ಎದ್ದು ಈ ಕೆಲಸ ಮಾಡಿದ್ರೆ ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆ ಆಗುತ್ತೆ ಎನ್ನಲಾಗುತ್ತದೆ. ಹಾಗಾದರೆ ಬ್ರಾಹ್ಮಿ ಮುಹೂರ್ತದಲ್ಲಿ ಏಳುವ ಪ್ರಯೋಜನ, ಮಾಡಬೇಕಾದ ಕೆಲಸಗಳ ಬಗ್ಗೆ ತಿಳಿಯಿರಿ.
ಬ್ರಹ್ಮ ಮುಹೂರ್ತ ಅಥವಾ ಬ್ರಾಹ್ಮಿ ಮುಹೂರ್ತ ಎಂದರೆ ಬೆಳಗಿನ ಜಾವ ಐದು ಗಂಟೆಯ ಮುಂಚಿನ ಸಮಯ. ಬೆಳಗಿನ ಜಾವ ಮೂರರಿಂದ ಐದು ಗಂಟೆಯ ನಡುವಿನ ಸಮಯವನ್ನು ಬ್ರಹ್ಮ ಮುಹೂರ್ತ ಎಂದು ಕರೆಯಲಾಗುತ್ತದೆ. ಈ ಸಮಯ ಬಹಳ ಮುಖ್ಯ. ಆ ಸಮಯದಲ್ಲಿ ಎಚ್ಚರಗೊಳ್ಳುವ ಜನರು ಹೆಚ್ಚು ಕಾಲ ಬದುಕುತ್ತಾರೆ ಮತ್ತು ಧನಾತ್ಮಕವಾಗಿರುತ್ತಾರೆ ಎಂದು ಹೇಳಲಾಗುತ್ತದೆ.
ಮುಂಜಾನೆ 4 ಗಂಟೆಗೆ ಏಳುವುದು ದಿನದ ಉತ್ಪಾದಕತೆಯನ್ನು ಸುಧಾರಿಸುತ್ತದೆ ಎಂದು ನಂಬಲಾಗಿದೆ. ನಾಲ್ಕು ಗಂಟೆಗೆ ಏಳಲು ಸಾಧ್ಯವಾಗದಿದ್ದರೆ ಸೂರ್ಯೋದಯಕ್ಕೆ ಒಂದೂವರೆ ಗಂಟೆ ಮೊದಲು ಏಳುವುದು ಒಳ್ಳೆಯದು. ನೀವು ಬೇಗನೆ ಎದ್ದು 2 ಕೆಲಸಗಳನ್ನು ಮಾಡಿದರೆ ನಿಮ್ಮ ಇಡೀ ದಿನ ಧನಾತ್ಮಕವಾಗಿರುತ್ತದೆ.
ಬ್ರಹ್ಮ ಮುಹೂರ್ತದಲ್ಲಿ ಮಾಡಬೇಕಾದ 2 ಕೆಲಸಗಳು
ಬ್ರಹ್ಮಮುಹೂರ್ತದಲ್ಲಿ ಏಳುವುದರಿಂದ ಹಲವಾರು ಲಾಭಗಳಿವೆ. ಅತ್ಯಂತ ಯಶಸ್ವಿ ವ್ಯಕ್ತಿಗಳ ದೈನಂದಿನ ದಿನಚರಿಯನ್ನು ನೀವು ಗಮನಿಸಿದರೆ, ಅವರು ಬೆಳಿಗ್ಗೆ ಬೇಗನೆ ಎಚ್ಚರಗೊಳ್ಳುತ್ತಾರೆ ಮತ್ತು ಶಿಸ್ತುಬದ್ಧವಾಗಿರುತ್ತಾರೆ. ನೀವು ಬೇಗನೆ ಎದ್ದೇಳಲು ನಿರ್ಧರಿಸಿದರೆ, ನಿಮ್ಮ ಬೆಳಗಿನ ದಿನಚರಿಯಲ್ಲಿ 30 ನಿಮಿಷಗಳ ಪ್ರಾಣಾಯಾಮ, 30 ನಿಮಿಷಗಳ ವೇಗದ ನಡಿಗೆಯನ್ನು ಸೇರಿಸಿಕೊಳ್ಳಿ.
ಮುಂಜಾನೆಯ ಹೊತ್ತು ಮಾಲಿನ್ಯ ಇರುವುದಿಲ್ಲ, ಈ ಸಮಯದಲ್ಲಿ ಪ್ರಾಣಾಯಾಮ ಮಾಡಿದರೆ ಶುದ್ಧ ಗಾಳಿ ಮತ್ತು ಆಮ್ಲಜನಕ ಸಿಗುತ್ತದೆ ಎಂದು ಹೇಳಲಾಗುತ್ತದೆ. ಅನುಲೋಮ ವಿಲೋಮ, ಭೃಷ್ಟಿಕಾ, ಭ್ರಮರಿ, ಪ್ರಣವ ಪ್ರಾಣಾಯಾಮ ತಂತ್ರಗಳನ್ನು ಮಾಡಬೇಕು. ಇವು ಆರೋಗ್ಯಕ್ಕೆ ವಿವಿಧ ಪ್ರಯೋಜನಗಳನ್ನು ನೀಡುತ್ತವೆ. ಪ್ರಣವ ಪ್ರಾಣಾಯಾಮವು ದೇಹದ ರೋಗಗಳನ್ನು ಹೋಗಲಾಡಿಸಲು ಉಪಯುಕ್ತವಾಗಿದೆ. ಇದರಲ್ಲಿ ನಾವು ಧ್ಯಾನಸ್ಥ ಸ್ಥಿತಿಗೆ ಹೋಗಿ 'ಓಂ' ಶಬ್ದದ ಮೇಲೆ ಕೇಂದ್ರೀಕರಿಸಬೇಕು. ಇದನ್ನು ಸರಳ ರೀತಿಯಲ್ಲಿ ಮಾಡಲು, ಆಳವಾದ ಉಸಿರನ್ನು ತೆಗೆದುಕೊಳ್ಳಿ. ಉಸಿರಾಡುವಾಗ ಓಂ ಎಂದು ಹೇಳಿ. ನೀವು ನಿಮ್ಮ ಕಣ್ಣುಗಳನ್ನು ಮುಚ್ಚಿ ಮತ್ತು ದೇಹದೊಳಗೆ ಈ ಓಂ ಅನ್ನು ಅನುಭವಿಸಬೇಕು. ನಿಮ್ಮ ಒತ್ತಡವನ್ನು ಕಡಿಮೆ ಮಾಡುವ ಮೂಲಕ ಉತ್ತಮ ದಿನವನ್ನು ಪ್ರಾರಂಭಿಸಲು ಇದು ಅತ್ಯುತ್ತಮ ಮಾರ್ಗವಾಗಿದೆ. ಪ್ರಣವ ಪ್ರಾಣಾಯಾಮದೊಂದಿಗೆ, ನೀವು ಆಳವಾದ ಉಸಿರಿನೊಂದಿಗೆ ಮಂತ್ರವನ್ನು ಜಪಿಸುತ್ತೀರಿ, ಇದು ನಿಮ್ಮ ಸಂಪೂರ್ಣ ವ್ಯವಸ್ಥೆಗೆ ಧನಾತ್ಮಕ ಕಂಪನಗಳನ್ನು ನೀಡುತ್ತದೆ ಮತ್ತು ಇದು ದೇಹಕ್ಕೆ ಸಾಕಷ್ಟು ಆಮ್ಲಜನಕವನ್ನ ಒದಗಿಸುತ್ತದೆ.
ನೀವು ಆರೋಗ್ಯಕರ, ದೀರ್ಘಾಯುಷ್ಯವನ್ನು ಬಯಸಿದರೆ, ಬೆಳಿಗ್ಗೆ ಬೇಗನೆ ನಡೆಯಲು ಪ್ರಾರಂಭಿಸಿ. 80 ವರ್ಷ ವಯಸ್ಸಿನವರೆಗೂ ಬ್ರಿಸ್ಕ್ ವಾಕಿಂಗ್ ಮಾಡಬಹುದು ಎನ್ನುತ್ತಾರೆ ತಜ್ಞರು. ಕೀಲು, ಉಸಿರಾಟ ಮತ್ತು ಹೃದಯದ ತೊಂದರೆ ಇರುವವರು ಹೆಚ್ಚು ವೇಗವಾಗಿ ನಡೆಯಬಾರದು ಮತ್ತು ನಿಧಾನವಾಗಿ ನಡೆಯಬೇಕು. ವೇಗದ ನಡಿಗೆಯಲ್ಲಿ ಏನಾದರೂ ಸಮಸ್ಯೆ ಇದ್ದರೆ ಬೆಳಗಿನ ನಡಿಗೆಯನ್ನು ರೂಢಿಸಿಕೊಳ್ಳಿ. ವೇಗದ ನಡಿಗೆಯ ಸಮಯದಲ್ಲಿ, ನೀವು ನಿಮಿಷಕ್ಕೆ 100 ಅಡಿಗಳಿಗಿಂತ ಹೆಚ್ಚು ನಡೆಯುತ್ತೀರಿ. ಪ್ರತಿ ಬಾರಿ ನಾವು ತಿಂಡಿ ಮಾಡಿದ ನಂತರ 100 ಹೆಜ್ಜೆ ನಡೆಯಬೇಕು. ಈ ಅಭ್ಯಾಸ ರೂಢಿಸಿಕೊಳ್ಳುವುದು ಬಹಳ ಮುಖ್ಯ. ಇದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.
