Lung Cancer Day: ಧೂಮಪಾನ ಮಾಡದ ಮಹಿಳೆಯರನ್ನು ಹೆಚ್ಚು ಕಾಡುವ ಶ್ವಾಸಕೋಶದ ಕ್ಯಾನ್ಸರ್; ಹಾರ್ಮೋನ್‌ಗಳ ಪ್ರಭಾವವೂ ಕಾರಣ ಎನ್ನುತ್ತಾರೆ ತಜ್ಞರು
ಇತ್ತೀಚೆಗೆ ಶ್ವಾಸಕೋಶದ ಕ್ಯಾನ್ಸರ್ ಸಮಸ್ಯೆಯು ಪುರುಷರಿಗಿಂತ ಮಹಿಳೆಯರನ್ನು ಹೆಚ್ಚು ಕಾಡುತ್ತಿದೆ. ಅದರಲ್ಲೂ ಧೂಮಪಾನ ಮಾಡದ ಮಹಿಳೆಯರು ಈ ಸಮಸ್ಯೆಯನ್ನು ಹೆಚ್ಚು ಎದುರಿಸುತ್ತಿದ್ದಾರೆ. ಇದಕ್ಕೆ ಹಾರ್ಮೋನ್‌ಗಳ ಪ್ರಭಾವವೂ ಕಾರಣ ಎನ್ನುತ್ತಾರೆ ಡಾ. ರಾಜಶೇಖರ್ ಸಿ. ಜಾಕಾ.
ಜಗತ್ತಿನಲ್ಲಿ ಕ್ಯಾನ್ಸರ್‌ಗೆ ತುತ್ತಾಗಿ ಮರಣ ಹೊಂದುತ್ತಿರುವವರಲ್ಲಿ ಶ್ವಾಸಕೋಶದ ಕ್ಯಾನ್ಸರ್ ಹೊಂದಿರುವವರ ಸಂಖ್ಯೆ ಮೊದಲನೇ ಸ್ಥಾನದಲ್ಲಿದೆ. ತಂಬಾಕು ಸೇವನೆಯು ಪುರುಷ ಹಾಗೂ ಮಹಿಳೆಯರಲ್ಲಿ ಶ್ವಾಸಕೋಶದ ಕ್ಯಾನ್ಸರ್ ಹೆಚ್ಚಲು ಪ್ರಮುಖ ಕಾರಣವಾಗಿದೆ.
ಅಧ್ಯಯನವೊಂದರ ಪ್ರಕಾರ ಧೂಮಪಾನ ಮಾಡದ ಮಹಿಳೆಯರು ಪುರುಷರಿಗಿಂತ ಎರಡು ಪಟ್ಟು ಹೆಚ್ಚು ಶ್ವಾಸಕೋಶದ ಸೋಂಕಿಗೆ ತುತ್ತಾಗುತ್ತಿದ್ದಾರೆ. ಎಂಡೋಜನಸ್‌ ಹಾಗೂ ಎಕ್ಸೋಜೆನಸ್‌ನಂತಹ ಲೈಂಗಿಕ ಹಾರ್ಮೋನ್‌ಗಳ ಅಂಶಗಳು ಈ ಕ್ಯಾನ್ಸರ್ ಬೆಳವಣಿಗೆಗೆ ಕಾರಣವಾಗುತ್ತಿವೆ.
2023ರ ವೇಳೆಗೆ 52 ದೇಶಗಳಲ್ಲಿ ಶೇ 43ರಷ್ಟು ಮಹಿಳೆಯರಲ್ಲಿ ಶ್ವಾಸಕೋಶದ ಕ್ಯಾನ್ಸರ್ ಹೆಚ್ಚುವ ಸಾಧ್ಯತೆ ಇದೆ. ವಿಶ್ವದಾದ್ಯಂತ ಶೇ25ರಷ್ಟು ಶ್ವಾಸಕೋಶದ ಕ್ಯಾನ್ಸರ್‌ನ ಪ್ರಕರಣಗಳು ಧೂಮಪಾನ ಮಾಡದವರಲ್ಲಿ, ಅದರಲ್ಲೂ ವಿಶೇಷವಾಗಿ ಮಹಿಳೆಯರಲ್ಲಿ ಕಂಡುಬರುತ್ತಿವೆ. ಗಮನಾರ್ಹವಾಗಿ, ಪಾಶ್ಚಾತ್ಯ ದೇಶಗಳಿಗೆ ಹೋಲಿಸಿದರೆ ಏಷ್ಯಾದ ಧೂಮಪಾನ ಮಾಡದ ಜನರಲ್ಲಿ ಈ ಸಮಸ್ಯೆ ಹೆಚ್ಚು ಕಂಡು ಬರುತ್ತಿದೆ.
ಮಹಿಳೆಯರಲ್ಲಿ ಹೆಚ್ಚುತ್ತಿರುವ ಶ್ವಾಸಕೋಶದ ಕ್ಯಾನ್ಸರ್
ಪುರುಷರಲ್ಲಿ ಕಾಣಿಸುವ ಶ್ವಾಸಕೋಶದ ಕ್ಯಾನ್ಸರ್‌ಗಿಂತ ಭಿನ್ನವಾಗಿ, ಕಡಿಮೆ ಧೂಮಪಾನದ ಜೊತೆಗೆ, ಹೆಚ್ಚು ಅಡಿನೊಕಾರ್ಸಿನೋಮ ಹೊಂದಿರುವ ಮಹಿಳೆಯರಲ್ಲಿ ಶ್ವಾಸಕೋಶದ ಕ್ಯಾನ್ಸರ್ ಹೆಚ್ಚು ಕಾಣಿಸುತ್ತಿದೆ. ಲೈಂಗಿಕ ಸ್ಟೀರಾಯ್ಡ್ ಹಾರ್ಮೋನುಗಳು ಕೆಲಸ ಮಾಡುವ ಮಾನವನ ಶ್ವಾಸನಾಳ ಮತ್ತು ಅಲ್ವಿಯೋಲಾರ್ ಎಪಿಥೇಲಿಯಾ, ಶ್ವಾಸನಾಳದ ನಯವಾದ ಸ್ನಾಯುಗಳಲ್ಲಿ ಈಸ್ಟ್ರೊಜೆನ್, ಪ್ರೊಜೆಸ್ಟರಾನ್ ಮತ್ತು ಆಂಡ್ರೊಜೆನ್ ಸೇರಿದಂತೆ ಲೈಂಗಿಕ ಸ್ಟೀರಾಯ್ಡ್ ಹಾರ್ಮೋನ್ ರಿಸೆಪ್ಟರ್‌ಗಳ ಅಭಿವ್ಯಕ್ತಿಯನ್ನು ಜೈವಿಕ ಅಧ್ಯಯನಗಳು ವರದಿ ಮಾಡಿದೆ. ಶ್ವಾಸಕೋಶದ ಪ್ಯಾರೆಂಚೈಮಾದಲ್ಲಿ ಲೋಕಲ್ ಮೆಟಬೋಲಿಸಂ ಕ್ರಿಯೆಯ ಅಂಶಗಳಾಗಿ ಲೈಂಗಿಕ-ಸ್ಟೆರಾಯ್ಡ್-ಸಂಶ್ಲೇಷಿಸುವ ಕಿಣ್ವಗಳ ಉಪಸ್ಥಿತಿಯು ಶ್ವಾಸಕೋಶದ ಕ್ಯಾನ್ಸರ್‌ನ ಬೆಳವಣಿಗೆಗೆ ಕಾರಣವಾಗಬಹುದು.
ಪ್ರೊಜೆಸ್ಟೋಜೆನ್‌ಗಳು ಮತ್ತು ಈಸ್ಟ್ರೊಜೆನ್‌ಗಳು ಮಹಿಳೆಯರಲ್ಲಿ ಪ್ರಮುಖ ಲೈಂಗಿಕ ಸ್ಟೀರಾಯ್ಡ್ ಹಾರ್ಮೋನ್ ಆಗಿದೆ, ಮತ್ತು ವಿವಿಧ ಮೂಲಗಳ ಪ್ರಕಾರ, ಪ್ರೊಜೆಸ್ಟೋಜೆನ್ ಮತ್ತು ಈಸ್ಟ್ರೊಜೆನ್ ಎಕ್ಸ್ಪೋಷರ್ ಅನ್ನು ಬಾಹ್ಯ ಮತ್ತು ಅಂತರ್ವರ್ಧಕ ಹಾರ್ಮೋನ್ ಎಕ್ಸ್ಪೋಷರ್ ಎಂದು ವಿಂಗಡಿಸಬಹುದು. ಬಾಹ್ಯ ಹಾರ್ಮೋನ್ ಎಕ್ಸ್ಪೋಷರ್ ಮೌಖಿಕ ಗರ್ಭನಿರೋಧಕ (OC), ಹಾರ್ಮೋನ್ ರಿಪ್ಲೇಸ್ಮೆಂಟ್ ಥೆರಪಿ (HRT) ಬಳಕೆ ಮತ್ತು ಆಹಾರದಿಂದ ಐಸೊಫ್ಲಾವೊನ್ ಸೇವನೆಯನ್ನು ಒಳಗೊಂಡಿರುತ್ತದೆ.
ಅಂತರ್ವರ್ಧಕ ಹಾರ್ಮೋನ್ ಎಕ್ಸ್ಪೋಷರ್ ಕಿರಿಯ ವಯಸ್ಸಿನಲ್ಲಿ ಋತುಚಕ್ರ ಆರಂಭವಾಗುವುದು, ತಡವಾಗಿ ಮುಟ್ಟು ನಿಲ್ಲುವುದು, ದೀರ್ಘವಾದ ಸಂತಾನೋತ್ಪತ್ತಿ ಅವಧಿಗಳು (ಋತುಬಂಧಕ್ಕೊಳಗಾದ ಮಹಿಳೆಯರಿಗೆ ಮಾತ್ರ, ಮುಟ್ಟು ನಿಲ್ಲುವ ಮತ್ತು ಋತುಚಕ್ರ ಶುರುವಾಗುವ ವಯಸ್ಸಿನ ನಡುವಿನ ಅವಧಿಯನ್ನು ಲೆಕ್ಕಹಾಕಲಾಗುತ್ತದೆ), ದೀರ್ಘ ಋತುಚಕ್ರ, ಗರ್ಭಧಾರಣೆಯ ಇತಿಹಾಸ, ಕಿರಿಯ ವಯಸ್ಸಿನಲ್ಲಿ ಮೊದಲ ಗರ್ಭಧಾರಣೆ ಮತ್ತು ಬಹು ಗರ್ಭಧಾರಣೆಗಳು ಇವೆಲ್ಲವನ್ನು ಒಳಗೊಂಡಿವೆ.
BMC ಕ್ಯಾನ್ಸರ್ ಜರ್ನಲ್‌ನಲ್ಲಿ ಇತ್ತೀಚೆಗೆ (2021) ಪ್ರಕಟವಾದ ಒಂದು ದೊಡ್ಡ ಮೆಟಾ-ಅನಾಲಿಸಿಸ್ 1987 ಮತ್ತು 2019 ರ ನಡುವೆ ಪ್ರಕಟವಾದ ನಲವತ್ತೆಂಟು ಅಧ್ಯಯನಗಳು ಸೇರಿದಂತೆ ಒಟ್ಟು 31,592 ಸ್ತ್ರೀ ಶ್ವಾಸಕೋಶದ ಕ್ಯಾನ್ಸರ್ ಪ್ರಕರಣಗಳು, ಹೆಚ್ಚಿನ ಮಟ್ಟದ ಲೈಂಗಿಕ ಸ್ಟೀರಾಯ್ಡ್ ಹಾರ್ಮೋನ್ ಎಕ್ಸ್ಪೋಷರ್ ಮತ್ತು ಸ್ತ್ರೀ ಶ್ವಾಸಕೋಶದ ಕ್ಯಾನ್ಸರ್‌ನ ಕಡಿಮೆ ಅಪಾಯದ ನಡುವಿನ ಸಂಬಂಧವನ್ನು ತಿಳಿಸಿವೆ.
ಲೈಂಗಿಕ ಸ್ಟೀರಾಯ್ಡ್ ಹಾರ್ಮೋನುಗಳ ಪರಿಶೀಲನೆಯು ಶ್ವಾಸಕೋಶದ ಕ್ಯಾನ್ಸರ್‌ನ ಹೆಚ್ಚಿನ ಅಪಾಯದಲ್ಲಿರುವ ಧೂಮಪಾನ ಮಾಡದ ಮಹಿಳೆಯರ ಅಧ್ಯಯನಕ್ಕೆ ನೆರವಾಗಬಹುದು.
ಧೂಮಪಾನ ಮಾಡಿದವರಿಗಿಂತ ಧೂಮಪಾನ ಮಾಡದ ಮಹಿಳೆಯರಲ್ಲಿ, ವಿಶೇಷವಾಗಿ ಏಷ್ಯಾದ ಮಹಿಳೆಯರಲ್ಲಿ, ಹೆಚ್ಚಿನ ಮಟ್ಟದ ಲೈಂಗಿಕ ಸ್ಟೀರಾಯ್ಡ್ ಹಾರ್ಮೋನುಗಳಿರುವವರಿಗೆ ಶ್ವಾಸಕೋಶದ ಕ್ಯಾನ್ಸರ್ ಅಪಾಯವು ಹೆಚ್ಚು ಗಮನಾರ್ಹವಾಗಿ ಕಡಿಮೆಯಾಗುತ್ತದೆ.
ಲೇಖನ: ಡಾ. ರಾಜಶೇಖರ್ ಸಿ. ಜಾಕಾ, ಕನ್ಸಲ್ಟೆಂಟ್ - ಸರ್ಜಿಕಲ್ ಆಂಕೊಲಾಜಿ, ಮಣಿಪಾಲ್‌ ಆಸ್ಪತ್ರೆ ವೈಟ್‌ಫೀಲ್ಡ್‌, ಬೆಂಗಳೂರು
