ಸ್ನಾನ ಮಾಡುವ ಮೊದಲು ಹೊಕ್ಕುಳಿಗೆ ತುಪ್ಪ ಹಚ್ಚಿ: ಇದರ ಆರೋಗ್ಯ ಪ್ರಯೋಜನಗಳ ಬಗ್ಗೆ ತಿಳಿದ್ರೆ ಅಚ್ಚರಿ ಪಡುವಿರಿ

ಆಯುರ್ವೇದದ ಪ್ರಕಾರ, ಹೊಕ್ಕುಳನ್ನು ದೇಹದ ಶಕ್ತಿಯ ಕೇಂದ್ರವೆಂದು ಪರಿಗಣಿಸಲಾಗುತ್ತದೆ. ದೇಸಿ ತುಪ್ಪವನ್ನು ಹೊಕ್ಕುಳಿಗೆ ಪ್ರತಿದಿನ ಹಚ್ಚುವುದರಿಂದ ವ್ಯಕ್ತಿಯ ಆರೋಗ್ಯಕ್ಕೆ ಸಂಬಂಧಿಸಿದ ಅನೇಕ ಸಮಸ್ಯೆಗಳನ್ನು ಪರಿಹರಿಸಬಹುದು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ದೇಸಿ ತುಪ್ಪದಲ್ಲಿರುವ ವಿಟಮಿನ್-ಇ, ವಿಟಮಿನ್-ಎ, ವಿಟಮಿನ್-ಡಿ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಉತ್ತಮ ಆರೋಗ್ಯದ ಜೊತೆಗೆ ಸುಂದರವಾದ ತ್ವಚೆಯನ್ನು ಹೊಂದುವ ನಿಮ್ಮ ಕನಸನ್ನು ಈಡೇರಿಸುತ್ತವೆ. ದೇಸಿ ತುಪ್ಪವನ್ನು ಹೊಕ್ಕುಳಿಗೆ ಹಚ್ಚುವುದರಿಂದ ಆಗುವ ಆರೋಗ್ಯಕಾರಿ ಲಾಭಗಳೇನು ಎಂಬುದನ್ನು ಇಲ್ಲಿ ತಿಳಿಯೋಣ.

ಹೊಕ್ಕುಳಿಗೆ ದೇಸಿ ತುಪ್ಪ ಹಚ್ಚುವುದರ ಪ್ರಯೋಜನಗಳು

ಚರ್ಮವನ್ನು ಪೋಷಿಸಲು ಸಹಕಾರಿ: ಹೊಕ್ಕುಳಿಗೆ ದೇಸಿ ತುಪ್ಪವನ್ನು ಲೇಪಿಸುವುದರ ದೊಡ್ಡ ಪ್ರಯೋಜನವೆಂದರೆ ಅದು ಚರ್ಮವನ್ನು ತೇವಗೊಳಿಸುತ್ತದೆ ಮತ್ತು ಚರ್ಮದ ಶುಷ್ಕತೆಯನ್ನು ಕಡಿಮೆ ಮಾಡುತ್ತದೆ. ಇದರಿಂದ ತ್ವಚೆಯು ಸದಾ ಹೊಳೆಯುತ್ತಿರುತ್ತದೆ. ಹೊಕ್ಕುಳಿಗೆ ತುಪ್ಪವನ್ನು ಹಚ್ಚುವುದರಿಂದ ಅದು ಚರ್ಮವನ್ನು ಮೃದುಗೊಳಿಸುವಲ್ಲಿ ಪರಿಣಾಮಕಾರಿಯಾಗಿದೆ. ತುಪ್ಪದಲ್ಲಿ ಹೆಚ್ಚಿನ ಪ್ರಮಾಣದ ಕೊಬ್ಬಿನಾಮ್ಲಗಳು ಇದೆ. ಅಲ್ಲದೆ, ಇದರಲ್ಲಿ ವಿಟಮಿನ್ ಎ, ಡಿ, ಇ ಮತ್ತು ಕೆ ಯಲ್ಲಿ ಸಮೃದ್ಧವಾಗಿದೆ. ಇದು ನಿಮ್ಮ ಚರ್ಮದ ಆರೋಗ್ಯಕ್ಕೆ ಉತ್ತಮವಾಗಿದೆ. ಹೊಕ್ಕುಳಿಗೆ ತುಪ್ಪವನ್ನು ಹಚ್ಚುವುದರಿಂದ ಇದು ಚರ್ಮವನ್ನು ತೇವಗೊಳಿಸಲು ಸಹಾಯ ಮಾಡುತ್ತದೆ ಹಾಗೂ ಶುಷ್ಕತೆಯನ್ನು ಕಡಿಮೆ ಮಾಡುತ್ತದೆ.

ಇದನ್ನೂ ಓದಿ: ದೇಸಿ ತುಪ್ಪಕ್ಕೆ ವ್ಯಾಲಿಡಿಟಿ ಇರುತ್ತಾ, ಮನೆಯಲ್ಲಿ ಮಾಡಿದ ತುಪ್ಪ ಬಹಳ ದಿನ ಕೆಡದಂತೆ ಇರ್ಬೇಕು ಅಂದ್ರೆ ಈ ಟಿಪ್ಸ್ ಫಾಲೋ ಮಾಡಿ

ಉತ್ತಮ ಜೀರ್ಣಕ್ರಿಯೆ: ಆಯುರ್ವೇದದ ಪ್ರಕಾರ, ಹೊಕ್ಕುಳನ್ನು ಜೀರ್ಣಕ್ರಿಯೆಯ ಸ್ಥಳವೆಂದು ಪರಿಗಣಿಸಲಾಗುತ್ತದೆ. ಈ ಸ್ಥಳದಲ್ಲಿ ತುಪ್ಪವನ್ನು ಅನ್ವಯಿಸುವುದರಿಂದ ಜೀರ್ಣಕಾರಿ ಕಿಣ್ವಗಳನ್ನು ಸಕ್ರಿಯಗೊಳಿಸುತ್ತದೆ. ಇದು ಜೀರ್ಣಕ್ರಿಯೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ತುಪ್ಪವು ಉತ್ತಮ ಪೌಷ್ಟಿಕಾಂಶವನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ಇದು ಆರೋಗ್ಯಕರ ಕರುಳಿಗೆ ಕೊಡುಗೆ ನೀಡುತ್ತದೆ. ಜೀರ್ಣಕ್ರಿಯೆಯಲ್ಲಿ ಸಮಸ್ಯೆ ಹೊಂದಿರುವವರಿಗೆ ತುಪ್ಪವು ಬಹಳ ಪ್ರಯೋಜನಕಾರಿಯಾಗಿದೆ.

ಮಲಬದ್ಧತೆಗೆ ಪರಿಹಾರ: ಮಲಬದ್ಧತೆ ಸಮಸ್ಯೆಯಿಂದ ಮುಕ್ತಿ ಪಡೆಯಲು ದೇಸಿ ತುಪ್ಪವನ್ನು ಬಳಸಬಹುದು. ಇದಕ್ಕಾಗಿ 2 ರಿಂದ 3 ಹನಿ ತುಪ್ಪವನ್ನು ಹೊಕ್ಕುಳಿಗೆ ಹಾಕಿ ಮೃದುವಾಗಿ ಮಸಾಜ್ ಮಾಡಿ. ಹೊಕ್ಕುಳಲ್ಲಿ ತುಪ್ಪವನ್ನು ಹಾಕುವುದರಿಂದ ಜೀರ್ಣಕ್ರಿಯೆ ಸುಧಾರಿಸುತ್ತದೆ ಮತ್ತು ವ್ಯಕ್ತಿಯ ಮಲಬದ್ಧತೆಯನ್ನು ನಿವಾರಿಸುತ್ತದೆ.

ಕೀಲು ನೋವಿನಿಂದ ಪರಿಹಾರ: ಕೀಲುಗಳಲ್ಲಿ ನೋವಿದ್ದರೆ ಹೊಕ್ಕುಳಲ್ಲಿ ತುಪ್ಪವನ್ನು ಹಚ್ಚಿದರೆ ಅದರಿಂದ ಪರಿಹಾರ ಸಿಗುತ್ತದೆ. ಮೊದಲಿಗೆ ಹೊಕ್ಕಳಿಗೆ ಕೆಲವು ಹನಿ ತುಪ್ಪ ಹಾಕಿ ಹೊಕ್ಕುಳ ಸುತ್ತ ಮಸಾಜ್ ಮಾಡಿ. ಈ ಪರಿಹಾರವನ್ನು ಮಾಡುವುದರಿಂದ, ಕೀಲು ನೋವು ದೂರವಾಗುತ್ತದೆ ಮತ್ತು ಊತದಿಂದಲೂ ಪರಿಹಾರ ಸಿಗುತ್ತದೆ.

ವಾತ ದೋಷವನ್ನು ಸಮತೋಲನದಲ್ಲಿಡಲು ಸಹಕಾರಿ: ಆಯುರ್ವೇದದ ಪ್ರಕಾರ, ನಾಭಿಯ ಮೇಲೆ ತುಪ್ಪವನ್ನು ಅನ್ವಯಿಸುವುದರಿಂದ ವಾತ ದೋಷವನ್ನು ಸಮತೋಲನಗೊಳಿಸುತ್ತದೆ. ವಾತವು ಅಸಮತೋಲನಗೊಂಡಾಗ, ವ್ಯಕ್ತಿಯು ಜೀರ್ಣಾಂಗ ವ್ಯವಸ್ಥೆಯಲ್ಲಿ ಆತಂಕ, ಚಡಪಡಿಕೆ ಮತ್ತು ಅಸ್ವಸ್ಥತೆಗಳನ್ನು ಹೊಂದಲು ಪ್ರಾರಂಭಿಸುತ್ತಾರೆ. ಆದರೆ, ತುಪ್ಪವು ವಾತ ಶಕ್ತಿಯನ್ನು ಸ್ಥಿರಗೊಳಿಸುವ ಮೂಲಕ ವ್ಯಕ್ತಿಯು ಶಾಂತಿ ಮತ್ತು ಸ್ಥಿರತೆಯನ್ನು ಅನುಭವಿಸಲು ಸಹಾಯ ಮಾಡುತ್ತದೆ.

ಹೊಕ್ಕುಳಿಗೆ ತುಪ್ಪವನ್ನು ಹಚ್ಚುವುದು ಹೇಗೆ?

ಪ್ರದೇಶವನ್ನು ಸ್ವಚ್ಛಗೊಳಿಸಿ: ತುಪ್ಪವನ್ನು ಹಚ್ಚುವ ಮೊದಲು, ಕೊಳಕು ಹಾಗೂ ಇತರೆ ಕಲ್ಮಶಗಳನ್ನು ತೆಗೆದುಹಾಕಲು ಹೊಕ್ಕುಳನ್ನು ಬೆಚ್ಚಗಿನ ನೀರಿನಿಂದ ನಿಧಾನವಾಗಿ ಸ್ವಚ್ಛಗೊಳಿಸಿ.

ತುಪ್ಪವನ್ನು ಹಚ್ಚಿರಿ: ಸ್ವಲ್ಪ ಪ್ರಮಾಣದ ತುಪ್ಪವನ್ನು ನಿಮ್ಮ ಬೆರಳ ತುದಿಯಿಂದ ತೆಗೆದುಕೊಂಡು ಹೊಕ್ಕುಳಿಗೆ ಹಚ್ಚಬಹುದು. ನಂತರ ಅದನ್ನು ಹೊಕ್ಕುಳ ಪ್ರದೇಶಕ್ಕೆ ಹೀರಿಕೊಳ್ಳಲು ಬಿಡಿ.

ವಿಶ್ರಾಂತಿ: ಸ್ನಾನ ಮಾಡುವ ಮೊದಲು ತುಪ್ಪವು ಸುಮಾರು 15 ರಿಂದ 30 ನಿಮಿಷಗಳ ಕಾಲ ನಿಮ್ಮ ಚರ್ಮದ ಮೇಲೆ ಹಾಗೆಯೇ ಇರಲು ಬಿಡಿ. ಈ ರೀತಿ ಮಾಡುವುದರಿಂದ ಪೋಷಕಾಂಶಗಳು ಚರ್ಮದಿಂದ ಸೂಕ್ತವಾಗಿ ಹೀರಲ್ಪಡುತ್ತದೆ.

ಸ್ನಾನ: ತುಪ್ಪ ಅನ್ವಯಿಸಿ ಸ್ವಲ್ಪ ಸಮಯದ ನಂತರ ಸ್ನಾನ ಮಾಡಿಕೊಳ್ಳಿ. ತುಪ್ಪವು ನಿಮ್ಮ ಚರ್ಮವನ್ನು ಪೋಷಿಸುತ್ತದೆ.

ಒಟ್ಟಿನಲ್ಲಿ ಸ್ನಾನಕ್ಕೆ ಮುನ್ನ ಹೊಕ್ಕುಳಿಗೆ ತುಪ್ಪವನ್ನು ಹಚ್ಚುವುದರಿಂದ ಪರಿಣಾಮಕಾರಿ ಪ್ರಯೋಜನವನ್ನು ಪಡೆಯಬಹುದು. ಚರ್ಮದ ಪೋಷಣೆ, ಜೀರ್ಣಕ್ರಿಯೆಯನ್ನು ಹೆಚ್ಚಿಸುವುದರಿಂದ ಹಿಡಿದು ಹಲವು ಆರೋಗ್ಯ ಪ್ರಯೋಜನಗಳನ್ನು ಪಡೆಯಬಹುದು.

ಇದನ್ನೂ ಓದಿ: ಸಂಪತ್ತು ಹೆಚ್ಚಳದಿಂದ ಆರೋಗ್ಯ ವೃದ್ಧಿಯವರಿಗೆ; ಮನೆಯಲ್ಲಿ ತುಪ್ಪದ ದೀಪ ಹಚ್ಚುವುದರಿಂದ ಏನೆಲ್ಲಾ ಲಾಭಗಳಿವೆ