ಕನ್ನಡ ಸುದ್ದಿ  /  ಜೀವನಶೈಲಿ  /  Health Tips: ಹಲವು ಸಮಸ್ಯೆಗಳನ್ನ ನಿವಾರಿಸುತ್ತೆ ವಿಟಮಿನ್ ಕೆ; ಈ ಪೋಷಕಾಂಶವಿರುವ ಆಹಾರಗಳಿವು

Health Tips: ಹಲವು ಸಮಸ್ಯೆಗಳನ್ನ ನಿವಾರಿಸುತ್ತೆ ವಿಟಮಿನ್ ಕೆ; ಈ ಪೋಷಕಾಂಶವಿರುವ ಆಹಾರಗಳಿವು

ನಾವು ಸೇವಿಸುವ ಆಹಾರವು ಆರೋಗ್ಯಕರವಾಗಿದ್ದರೆ ಯಾವ ಆಸ್ಪತ್ರೆಯ ಸಹವಾಸವೂ ಬೇಕಾಗುವುದಿಲ್ಲ. ಹೀಗಾಗಿ ನಾವು ಸೇವಿಸುವ ಆಹಾರವನ್ನು ಜಾಣ್ಮೆಯಿಂದ ಆಯ್ಕೆ ಮಾಡಬೇಕು. ಎಲ್ಲಾ ರೀತಿಯ ಪೋಷಕಾಂಶಗಳನ್ನೊಳಗೊಂಡ ಆಹಾರ ಸೇವನೆಯು ಉತ್ತಮ ಆರೋಗ್ಯದ ಮೊದಲ ಗುಟ್ಟಾಗಿದೆ.ಅದರಲ್ಲೂ ವಿಟಾಮಿನ್​ ಕೆ ಅಂಶವನ್ನೊಳಗೊಂಡ ಆಹಾರವು ನಮ್ಮ ದೇಹಕ್ಕೆ ಬಹಳ ಅವಶ್ಯ.

Health Tips: ಅನೇಕ ಸಮಸ್ಯೆಗಳನ್ನ ದೂರವಿಡತ್ತೆ ವಿಟಮಿನ್ ಕೆ; ಈ ಪೋಷಕಾಂಶವಿರುವ ಆಹಾರಗಳಿವು (HT PHOTO)
Health Tips: ಅನೇಕ ಸಮಸ್ಯೆಗಳನ್ನ ದೂರವಿಡತ್ತೆ ವಿಟಮಿನ್ ಕೆ; ಈ ಪೋಷಕಾಂಶವಿರುವ ಆಹಾರಗಳಿವು (HT PHOTO)

ನಮ್ಮ ದಿನನಿತ್ಯದ ಆಹಾರ ಸೇವನೆಯು ನಮ್ಮ ಆರೋಗ್ಯವನ್ನು ನಿರ್ಧರಿಸುತ್ತದೆ. ಬೇಕರಿ ತಿನಿಸುಗಳು, ಜಂಕ್​ಫುಡ್​ಗಳು, ತಂಪು ಪಾನೀಯಗಳು ನಾಲಿಗೆಗೆ ರುಚಿ ಎನಿಸಿದರು ಕೂಡ ಆರೋಗ್ಯಕ್ಕೆ ಅವು ಕಹಿಯೇ. ಈಗಂತೂ ಮಧುಮೇಹ, ಥೈರಾಯ್ಡ್​ , ರಕ್ತದೊತ್ತಡದಂತಹ ಕಾಯಿಲೆಗಳು ಹೆಚ್ಚುತ್ತಿದ್ದು, ಇದರಿಂದ ನಮ್ಮ ಆಹಾರದ ಮೇಲೆ ನಿಯಂತ್ರಣ ಇರಿಸಿಕೊಳ್ಳುವುದು ತುಂಬಾನೇ ಮುಖ್ಯವಾಗಿದೆ. ಅದರಲ್ಲೂ ನೀವು ನಿತ್ಯ ಸೇವಿಸುವ ಆಹಾರದಲ್ಲಿ ವಿಟಮಿನ್​ ಕೆ ಅಂಶ ಹೇರಳವಾಗಿ ಇದ್ದರೆ ಮಧುಮೇಹದ ಅಪಾಯದಿಂದ ಪಾರಾಗಬಹುದು. ಮಾತ್ರವಲ್ಲದೇ ವಿಟಮಿನ್​ ಕೆ ಜೀವಸತ್ವವು ನಿಮ್ಮ ದೇಹದಲ್ಲಿ ಆಂಟಿಆಕ್ಸಿಡೆಂಟ್​ಗಳ ಸಂಖ್ಯೆಯನ್ನು ಹೆಚ್ಚಿಸುತ್ತವೆ. ಚರ್ಮದ ಸಮಸ್ಯೆಗಳನ್ನು ನಿವಾರಿಸಲು, ಜೀರ್ಣಕ್ರಿಯೆಯನ್ನು ಸುಧಾರಿಸಲು ವಿಟಮಿನ್​ ಕೆ ಅಂಶವುಗಳ್ಳ ಆಹಾರವನ್ನು ಸೇವಿಸುವುದು ತುಂಬಾನೇ ಮುಖ್ಯ. ಹಾಗಾದರೆ ವಿಟಮಿನ್​ ಕೆ ಅಗಾಧ ಪ್ರಮಾಣದಲ್ಲಿ ಇರುವ ಆಹಾರ ಪದಾರ್ಥಗಳು ಯಾವುದು ಎಂಬುದನ್ನು ತಿಳಿದುಕೊಳ್ಳೋಣ.

ಟ್ರೆಂಡಿಂಗ್​ ಸುದ್ದಿ

ವಿಟಮಿನ್‌ ಕೆ ಅಗಾಧ ಪ್ರಮಾಣದಲ್ಲಿರುವ ಆಹಾರಗಳು

ಕೋಸುಗಡ್ಡೆ

ಕೋಸುಗಡ್ಡೆಯಲ್ಲಿ ವಿಟಮಿನ್​ ಕೆ ಹಾಗೂ ಆಂಟಿಆಕ್ಸಿಡಂಟ್​ ಪ್ರಮಾಣ ಹೇರಳವಾಗಿ ಇರುತ್ತದೆ. ಇದು ನಿಮಗೆ ಮೂಳೆಯ ಆರೋಗ್ಯವನ್ನು ಸುಧಾರಿಸಲು ಸಹಕಾರಿಯಾಗಿದೆ. ಈ ತರಕಾರಿ ನಿಮಗೆ ಕೊಂಚ ದುಬಾರಿ ಎನಿಸಿದರೂ ಸಹ ಆರೋಗ್ಯದ ದೃಷ್ಟಿಯಿಂದ ಇದರಿಂದ ಸೇವನೆಯಿಂದ ಬಹಳ ಲಾಭವಿದೆ.

ಬಸಳೆ ಸೊಪ್ಪು

ಬಸಳೆ ಸೊಪ್ಪಿನಲ್ಲಿ ವಿಟಮಿನ್​ ಕೆ ಅಗಾಧ ಪ್ರಮಾಣದಲ್ಲಿ ಇರುತ್ತದೆ. ಅಲ್ಲದೇ ದೇಹಕ್ಕೆ ಕಬ್ಬಿಣಾಂಶವನ್ನು ಪೂರೈಸುವಲ್ಲಿ ಬಸಳೆ ಸೊಪ್ಪು ಮಹತ್ವದ ಪಾತ್ರವನ್ನು ವಹಿಸುತ್ತದೆ. ಬಸಳೆ ಸೊಪ್ಪು ರಕ್ತದಲ್ಲಿನ ಹಿಮೋಗ್ಲೋಬಿನ್​ ಪ್ರಮಾಣವನ್ನು ಹೆಚ್ಚಿಸುವುದು ಮಾತ್ರವಲ್ಲದೇ ಮೂಳೆಗಳನ್ನೂ ಬಲಪಡಿಸುವ ಕಾರ್ಯವನ್ನು ಮಾಡುತ್ತವೆ.

ಬ್ರೊಕೋಲಿ

ಬ್ರೊಕೋಲಿಯಲ್ಲೂ ವಿಟಮಿನ್​ ಕೆ ಅಂಶ ಹೇರಳವಾಗಿರುತ್ತದೆ. ದೇಹಕ್ಕೆ ಆಂಟಿಆಕ್ಸಿಡಂಟ್​ಗಳನ್ನು ಪೂರೈಸುವಲ್ಲಿಯೂ ಬ್ರೊಕೋಲಿ ಸಹಕಾರಿ. ಇದು ಮಧುಮೇಹಿಗಳಿಗೆ, ಕ್ಯಾನ್ಸರ್​ನಿಂದ ಬಳಲುತ್ತಿರುವವರ ಆರೋಗ್ಯ ಕಾಪಾಡಲು ಸಹಕರಿಸುತ್ತದೆ. ದೇಹದಲ್ಲಿ ಜೀರ್ಣಕ್ರಿಯೆ ವ್ಯವಸ್ಥೆಯನ್ನು ಸುಧಾರಿಸಲು ಸಹ ಬ್ರೊಕೋಲಿಯನ್ನು ಬಳಕೆ ಮಾಡಬಹುದಾಗಿದೆ.

ಬ್ರೂಸೆಲ್ಸ್ ಮೊಗ್ಗುಗಳು

ಇವುಗಳು ವ್ಯಾಪಕವಾಗಿ ಸಿಗುವ ತರಕಾರಿಗಳಲ್ಲ. ಆದರೂ ಸಹ ಈ ತರಕಾರಿಯಲ್ಲಿ ವಿಟಮಿನ್​ ಕೆ ಅಂಶ ಹೆಚ್ಚಿನ ಪ್ರಮಾಣದಲ್ಲಿ ಸಿಗುತ್ತದೆ. ಫೈಬರ್​ ಅಂಶ ಕೂಡ ಈ ತರಕಾರಿಯಲ್ಲಿ ಅಗಾಧ ಪ್ರಮಾಣದಲ್ಲಿ ಇರುತ್ತದೆ. ದೇಹದಲ್ಲಿ ಸಕ್ಕರೆ ಪ್ರಮಾಣವನ್ನು ನಿಯಂತ್ರಿಸಲು ಈ ತರಕಾರಿ ಸಹಕಾರಿಯಾಗಿದೆ. ಹೀಗಾಗಿ ಮಧುಮೇಹಿಗಳು ಈ ತರಕಾರಿಯನ್ನು ತಮ್ಮ ಆಹಾರದಲ್ಲಿ ಬಳಸಿಕೊಳ್ಳುವುದು ಉತ್ತಮವಾಗಿದೆ.

ವಿಭಾಗ