ಜ್ವರ ಬಂದಾಗ ಚಿಕನ್ ಖಾದ್ಯ ತಿಂದರೆ ಜಾಂಡೀಸ್ ಬರುತ್ತದಾ: ತಜ್ಞರು ಏನು ಹೇಳುತ್ತಾರೆ ಎಂಬುದು ಇಲ್ಲಿದೆ
ಜ್ವರ ಬಂದಾಗ ನಾಲಿಗೆ ಸಪ್ಪೆ ಸಪ್ಪೆ ಆಗುತ್ತದೆ. ಇದಕ್ಕಾಗಿ ಬಹುತೇಕರು ಗಂಜಿ ಊಟವನ್ನೇ ಮಾಡುತ್ತಾರೆ. ಜ್ವರ ಬಂದಾಗ ಕೋಳಿ ಭಕ್ಷ್ಯಗಳನ್ನು ಸೇವಿಸುವುದಿಲ್ಲ. ಚಿಕನ್ ಖಾದ್ಯ ತಿಂದರೆ ಜಾಂಡೀಸ್ ಬರುತ್ತದೆ, ಜ್ವರ ಹೆಚ್ಚಾಗುತ್ತದೆ ಅನ್ನೋ ನಂಬಿಕೆ ಹಲವರದ್ದು. ನಿಜವಾಗಲೂ ಜ್ವರ ಬಂದರೆ ಚಿಕನ್ ಖಾದ್ಯಗಳನ್ನು ತಿನ್ನಬಾರದೇ, ತಜ್ಞರು ಏನು ಹೇಳುತ್ತಾರೆ ಎಂಬುದು ಇಲ್ಲಿದೆ.
ಅನೇಕ ಜನರು ಚಿಕನ್ ಭಕ್ಷ್ಯಗಳನ್ನು ಇಷ್ಟಪಡುತ್ತಾರೆ. ಹಲವು ವೆರೈಟಿ ಚಿಕನ್ ಖಾದ್ಯಗಳನ್ನು ತಯಾರಿಸಬಹುದು. ಆದರೆ, ಜ್ವರ ಬಂದಾಗ ಕೋಳಿ ಖಾದ್ಯ ತಿನ್ನಲು ಆಗುವುದಿಲ್ಲ. ಹಾಗೆಯೇ ಜ್ವರ ಬಂದ ವೇಳೆ ಕೋಳಿ ಮಾಂಸ ತಿನ್ನಬಾರದು ಎಂಬ ನಂಬಿಕೆ ಹೆಚ್ಚಿನವರಲ್ಲಿದೆ. ಹೀಗೆ ತಿಂದರೆ ಕಾಮಾಲೆ (ಜಾಂಡೀಸ್) ನಂತಹ ಕಾಯಿಲೆಗಳು ಬರುವ ಸಂಭವವಿದೆ ಎಂದು ಹೇಳಲಾಗುತ್ತದೆ. ಆದರೆ, ಆರೋಗ್ಯ ತಜ್ಞರ ಪ್ರಕಾರ, ಜ್ವರ ಬಂದರೆ ಚಿಕನ್ ಕರಿ ತಿನ್ನಬಹುದು. ಜ್ವರ ಬಂದಾಗ ಚಿಕನ್ ಖಾದ್ಯ ತಿಂದರೆ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ. ಕೋಳಿ ಮಾಂಸದಲ್ಲಿ ಅನೇಕ ಪೋಷಕಾಂಶಗಳಿವೆ. ಆದರೆ, ಜ್ವರದ ಸಮಯದಲ್ಲಿ ಕೋಳಿ ತಿನ್ನಬಾರದು ಎಂಬುದಕ್ಕೆ ಇನ್ನೊಂದು ಕಾರಣವಿದೆ. ದೇಹ ದುರ್ಬಲವಾದಂತೆ ಜೀರ್ಣಕ್ರಿಯೆಯೂ ನಿಧಾನವಾಗುತ್ತದೆ. ಇದು ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸುತ್ತದೆ. ಈ ವೇಳೆ ಚಿಕನ್ ತಿಂದರೆ ಹೊಟ್ಟೆ ಹುಣ್ಣಾಗುವುದಿಲ್ಲವೆ ಎಂಬ ಅನುಮಾನ ಹಲವರಲ್ಲಿ ಮೂಡುತ್ತದೆ. ಅದಕ್ಕೆ ಜ್ವರ ಬಂದಾಗ ಕೋಳಿ ಮಾಂಸ ತಿನ್ನುವವರು ಕಡಿಮೆ.
ಈ ರೀತಿ ಚಿಕನ್ ಖಾದ್ಯ ತಿನ್ನಬಹುದು
ಜ್ವರ ಬಂದಾಗ ತಿನ್ನುವ ಶಕ್ತಿ ಇದ್ದರೆ ಚಿಕನ್ ಖಾದ್ಯ ತಿನ್ನಬಹುದು. ಆದರೆ, ಜ್ವರ ಬಂದಾಗ ಕೋಳಿ ಮಾಂಸವನ್ನು ಪ್ರತ್ಯೇಕವಾಗಿ ಬೇಯಿಸಬೇಕು. ಶಾಖ ಮತ್ತು ಮಸಾಲೆಯನ್ನು ಕಡಿಮೆ ಮಾಡಬೇಕು. ಕರಿಬೇವಿನ ಸೊಪ್ಪು ಹೆಚ್ಚು ಹಾಕಿ ಬೇಯಿಸಿ ತಿಂದರೆ ಆರೋಗ್ಯಕ್ಕೆ ಒಳ್ಳೆಯದು. ಹೆಚ್ಚು ಎಣ್ಣೆಯಲ್ಲಿ ಕರಿದು ದಪ್ಪ ಮಸಾಲೆ ಹಾಕಿ ತಿಂದರೆ ಬೇಯಲು ಹೆಚ್ಚು ಸಮಯ ಹಿಡಿಯುತ್ತದೆ. ಇದು ಇತರ ಸಮಸ್ಯೆಗಳಿಗೂ ಕಾರಣವಾಗಬಹುದು. ಸಾಧ್ಯವಾದರೆ ಚಿಕನ್ ಸೂಪ್ ಮಾಡಿ ತಿನ್ನಲು ಪ್ರಯತ್ನಿಸಿ. ಜ್ವರ ಇದ್ದಾಗ ಈ ಚಿಕನ್ ಸೂಪ್ ಮಾಡಿ ಸೇವಿಸಿದರೆಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಪ್ರೋಟೀನ್ ಮತ್ತು ಫೈಬರ್ ಸಮೃದ್ಧವಾಗಿರುವ ಈ ಚಿಕನ್ ಸೂಪ್ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ.
ಜ್ವರ ಬಂದಾಗ ನಾಲಿಗೆ ಸಪ್ಪೆ ಸಪ್ಪೆ ಎನಿಸುತ್ತದೆ. ಹೀಗಾದಾಗ ಚಿಕನ್ ಕರಿಗೆ ಕಡಿಮೆ ಮೆಣಸಿನಕಾಯಿ ಮತ್ತು ಮಸಾಲೆಗಳನ್ನು ಹಾಕಿ ತಿನ್ನಬೇಕು. ಹಾಗೆ ತಿಂದರೆ ಜ್ವರ ಬೇಗ ಮಾಯವಾಗುತ್ತದೆ. ಜ್ವರ ಬಂದಾಗ ಸಾಧ್ಯವಾದಷ್ಟು ಮನೆಯಲ್ಲಿ ಬೇಯಿಸಿದ ಕೋಳಿ ಭಕ್ಷ್ಯಗಳಿಗೆ ಆದ್ಯತೆ ನೀಡಿ. ಹಾಗೆಯೇ ಹೊರಗಿನಿಂದ ಆರ್ಡರ್ ಮಾಡಿ ತಿನ್ನಲು ಹೋಗಬೇಡಿ. ಯಾಕೆಂದರೆ ಹೋಟೆಲ್‍ಗಳಲ್ಲಿ ಹೇಗೆ ಬೇಯಿಸುತ್ತಾರೆ ಎಂಬುದು ತಿಳಿದಿಲ್ಲ. ಹೀಗಾಗಿ ಆದಷ್ಟು ಮನೆಯಲ್ಲೇ ಮಾಡಿರುವ ಚಿಕನ್ ಪದಾರ್ಥವನ್ನು ತಿನ್ನುವುದು ಉತ್ತಮ.
ಆದರೆ, ಚಿಕನ್ ತಿನ್ನುವುದಕ್ಕೂ ಜಾಂಡೀಸ್ ಬರುವುದಕ್ಕೂ ಯಾವುದೇ ಸಂಬಂಧವಿಲ್ಲ ಎನ್ನುತ್ತಾರೆ ಆರೋಗ್ಯ ತಜ್ಞರು. ಆರೋಗ್ಯಕರ ಆಹಾರಗಳಲ್ಲಿ ಚಿಕನ್ ಕೂಡ ಒಂದು. ಆದ್ದರಿಂದ ನೀವು ಅದನ್ನು ಯಾವಾಗ ಬೇಕಾದರೂ ತಿನ್ನಬಹುದು. ಅದನ್ನು ಹೇಗೆ ತಯಾರಿಸಿ ತಿನ್ನುತ್ತೀರಿ ಎಂಬುದು ಮುಖ್ಯ. ಚಿಕನ್ ಖಾದ್ಯಗಳಿಗೆ ಮಸಾಲೆ ಕಡಿಮೆಯಾದರೆ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.
ಜ್ವರ ಬಂದಾಗ ದೇಹವನ್ನು ಹೈಡ್ರೇಟೆಡ್ ಆಗಿರಿಸುವುದು ಮುಖ್ಯ. ಇದಕ್ಕಾಗಿ ಸಾಕಷ್ಟು ನೀರು, ದ್ರವಾಹಾರ ಸೇವಿಸಬೇಕು. ರಸಂ ಮತ್ತು ಸಾಂಬಾರ್ ಬಿಸಿ ಬಿಸಿಯಾಗಿ ತಿನ್ನಬೇಕು. ಶುಂಠಿ ಚಹಾವನ್ನು ಕುಡಿಯುವುದರಿಂದ ವಿಶ್ರಾಂತಿ ಪಡೆಯಬಹುದು. ಪ್ರೋಟೀನ್ ಕೊರತೆಯನ್ನು ತಪ್ಪಿಸಲು ಚಿಕನ್ ಸೂಪ್ ಅನ್ನು ಸೇವಿಸಬೇಕು. ಅತಿಯಾಗಿ ಮಜ್ಜಿಗೆ ಕುಡಿಯುವುದರಿಂದಲೂ ಉತ್ತಮ ಫಲಿತಾಂಶ ಸಿಗುತ್ತದೆ. ಜ್ವರ ಬೇಗ ಕಡಿಮೆಯಾಗಬಹುದು.
ವಿಭಾಗ