Jataka Kathegalu: ಜಿಪಿ ರಾಜರತ್ನಂ ಅವರ ಬುದ್ಧನ ಜಾತಕ ಕಥೆಗಳು: ಕಥೆ ಹೇಳು ಎಂದು ಕಾಡುವ ಮಕ್ಕಳಿದ್ದರೆ ಇದು ಉತ್ತಮ ಆಯ್ಕೆ

Jataka Kathegalu: ಹಿಂದಿನ ಕಾಲದಲ್ಲಿ ಅಜ್ಜಿಯಂದಿರು ತಮ್ಮ ಮೊಮ್ಮಕ್ಕಳನ್ನು ಮಲಗಿಸಲು ಕಥೆ ಹೇಳುತ್ತಿದ್ದರು. ಮೊಮ್ಮಕ್ಕಳು ಕೂಡಾ ನಿದ್ರೆ ಮಾಡಲು, ಬೇಸರ ಕಳೆಯಲು ಮನೆಯಲ್ಲಿ ಅಜ್ಜಿ ತಾತಂದಿರನ್ನು ಕಥೆ ಹೇಳುವಂತೆ ಕಾಡುತ್ತಿದ್ದರು. ಆದರೆ ಈಗ ಕಥೆ ಹೇಳುವುದು, ಕೇಳುವುದು ಎಲ್ಲವೂ ಮಾಯವಾಗಿದೆ. ಕಾಲ ಬದಲಾದಂತೆ ಎಲ್ಲರೂ ಆಧುನಿಕತೆಗೆ ಒಗ್ಗಿಕೊಳ್ಳುತ್ತಿದ್ದಾರೆ. ಮೊಬೈಲ್‌, ಲ್ಯಾಪ್‌ಟಾಪ್‌, ಟ್ಯಾಬ್‌ಗಳನ್ನು ನೋಡಿ ಟೈಂ ಪಾಸ್‌ ಮಾಡುತ್ತಿದ್ದಾರೆ.

ಕಥೆಗಳನ್ನು ಹೇಳುವ, ಕೇಳುವ ದಿನ ಮತ್ತೆ ಬರಲಿ

ಕೆಲವು ಪೋಷಕರು ಕೂಡಾ ಮಕ್ಕಳು ಹಿಂಸೆ ಕೊಡದಿರಲಿ ಎಂದು ಅವರ ಕೈಗೆ ವಿಡಿಯೋ ಗೇಮ್‌ ಅಥವಾ ಮೊಬೈಲ್‌ ಕೊಟ್ಟು ತಮ್ಮ ಪಾಡಿಗೆ ತಾವು ಮಗ್ನರಾಗಿಬಿಡುತ್ತಾರೆ. ಆದರೆ ಅಲ್ಲೋ ಇಲ್ಲೋ ಎಂಬಂತೆ ಇಂದಿಗೂ ಕೆಲವರು ಕಥೆಗಳನ್ನು ಹೇಳುವತ್ತ, ಕೇಳುವತ್ತ ಆಸಕ್ತಿ ತೋರುತ್ತಿದ್ದಾರೆ. ರಾಜರ ಕಥೆಗಳು, ಹಾರರ್‌ ಕಥೆಗಳು, ಪ್ರಾಣಿ ಪಕ್ಷಿಗಳ ನೀತಿ ಕಥೆಗಳು ಮಕ್ಕಳಲ್ಲಿ ಬಹಳ ಆಸಕ್ತಿ ಮೂಡಿಸುತ್ತವೆ. ಜೊತೆಗೆ ಆ ಕಥೆಗಳು ಮಕ್ಕಳಿಗೆ ಪಾಠ ಕಲಿಸುತ್ತವೆ. ನಿಮ್ಮ ಮನೆಯಲ್ಲೂ ಮಕ್ಕಳು ಕಥೆ ಕೇಳಲು ಆಸಕ್ತಿ ಹೊಂದಿದ್ದರೆ ಬುದ್ಧನ ಕಥೆಗಳನ್ನು ಕೂಡಾ ಹೇಳಬಹುದು.

ಇದನ್ನೂ ಓದಿ: ಜೀವನದಲ್ಲಿ ಯಶಸ್ಸಿನ ಹಾದಿ ಸುಲಭವಾಗಿರಬೇಕಾ? ಹಾಗಿದ್ರೆ ಆಚಾರ್ಯ ಚಾಣಕ್ಯನ ಈ ನಿಯಮಗಳನ್ನು ಪಾಲಿಸಿ

ಬುದ್ದನ ಜಾತಕ ಕಥೆಗಳು

ಜಾತಕ ಕಥೆಗಳು ಎಂದರೆ ಬುದ್ಧನ ಜೀವನದ ಅತಿ ಜನಪ್ರಿಯ ಕಥೆಗಳು ಎಂದರ್ಥ. ಇವುಗಳನ್ನು ಬೌದ್ಧಧರ್ಮದ ಎಲ್ಲಾ ಶಾಖೆಗಳಲ್ಲಿ ಸಂರಕ್ಷಿಸಲಾಗಿದೆ. ಕೆಲವು ಜಾತಕ ಕಥೆಗಳು ಬೌದ್ಧ ಬರಹಗಳ ಪಾಲಿ ಕ್ಯಾನನ್‌ನ ವಿವಿಧ ವಿಭಾಗಗಳಲ್ಲಿ ಹರಡಿಕೊಂಡಿವೆ, ಇದರಲ್ಲಿ 35 ಗುಂಪುಗಳನ್ನು ನೀತಿಬೋಧಕ ಉದ್ದೇಶಗಳಿಗಾಗಿ ಸಂಗ್ರಹಿಸಲಾಗಿದೆ. ಇದರಲ್ಲಿ ಸುಮಾರು 550 ಕಥೆಗಳಿವೆ. ಅವುಗಳಲ್ಲಿ ಕೆಲವು ಬಹಳ ಸಂಕ್ಷಿಪ್ತವಾದ ಕಥೆಗಳಾದರೆ ಇನ್ನೂ ಕೆಲವು ಕಾದಂಬರಿಗಳಷ್ಟು ದೊಡ್ಡದಾಗಿದೆ. ಪ್ರತಿಯೊಂದು ಕಥೆಯೂ ಅದನ್ನು ಹೇಳಲು ಪ್ರೇರೇಪಿಸಿದ ಸಂದರ್ಭವನ್ನು ಗಮನಿಸುವುದರ ಮೂಲಕ ಪ್ರಾರಂಭವಾಗುತ್ತದೆ ಮತ್ತು ಬುದ್ಧನು ಪರಿಚಯಾತ್ಮಕ ಕಥೆಯಲ್ಲಿನ ಜನರ ಜೀವನವನ್ನು ಹಿಂದಿನ ಕಾಲದ ಜನರೊಂದಿಗೆ ಗುರುತಿಸುವುದರೊಂದಿಗೆ ಕೊನೆಗೊಳ್ಳುತ್ತದೆ. ಈ ಕಥೆಗಳಲ್ಲಿ ಹಾಸ್ಯ ಮತ್ತು ಸಾಕಷ್ಟು ವೈವಿಧ್ಯವಿದೆ. ಬುದ್ಧನು ಯಾವುದೇ ರೂಪದಲ್ಲಿ,ಕಥೆಗಳ ಮೂಲಕ ಕೆಲವು ಸದ್ಗುಣಗಳನ್ನು ಪ್ರದರ್ಶಿಸುತ್ತಾನೆ.

ಪಾಳಿ ಭಾಷೆಯಿಂದ ಕನ್ನಡಕ್ಕೆ ಅನುಮಾದ ಮಾಡಿರುವ ಜಿ.ಪಿ. ರಾಜರತ್ನಂ

ಅನೇಕ ಜಾತಕಗಳಲ್ಲಿ ಮಹಾಭಾರತ, ಪಂಚ-ತಂತ್ರ, ಪುರಾಣಗಳು ಮತ್ತು ಇತರ ಬೌದ್ಧೇತರ ಭಾರತೀಯ ಸಾಹಿತ್ಯದಲ್ಲಿ ಸಮಾನಾಂತರಗಳನ್ನು ಹೊಂದಿವೆ. ಈ ಸೋಪನ ನೀತಿಕಥೆಗಳೂ ಈ ಪಟ್ಟಿಯಲ್ಲಿದೆ. ಬುದ್ಧನ ಜಾತಕ ಕಥೆಗಳಲ್ಲಿ ಬೌದ್ಧ ಪ್ರಪಂಚದ ಶಿಲ್ಪಕಲೆ ಮತ್ತು ಚಿತ್ರಕಲೆ ಬಗ್ಗೆ ಕೂಡಾ ವಿವರಿಸಲಾಗಿದೆ. ಕವಿ ಕಥೆಗಾರ ಜಿ.ಪಿ. ರಾಜರತ್ನಂ ಅವರು ಬರೆದಿರುವ ಅನೇಕ ಕಥೆಗಳಲ್ಲಿ ಬುದ್ಧನ ಜಾತಕಗಳು ಕೂಡಾ ಒಂದು. ಮೂಲ ಕಥೆಗಳು ಪಾಳಿ ಭಾಷೆಯಲ್ಲಿವೆ. ಜಿ.ಪಿ. ರಾಜರತ್ನಂ ಅವರು ಪಾಳಿ ಭಾಷೆಯನ್ನು ಕಲಿತು ಇದನ್ನು ಕನ್ನಡಕ್ಕೆ ಅನುವಾದ ಮಾಡಿದ್ದಾರೆ. ಬಹುತೇಕ ಪುಸ್ತಕ ಅಂಗಡಿಗಳಲ್ಲಿ ಈ ಪುಸ್ತಕ ದೊರೆಯುತ್ತದೆ.

ಇದನ್ನೂ ಓದಿ: ಬದುಕಿ, ಬದುಕಲು ಬಿಡಿ ನೀವೇ ಟ್ರೆಂಡ್‌ ಸೆಟರ್‌ ಆಗಿ; ನಿಮ್ಮ ನಡತೆ ನೂರು ಜನಕ್ಕೆ ಮಾದರಿ ಆಗಲಿ; ವಿಡಿಯೋ