Job in Bengaluru: ಬೆಂಗಳೂರಿನಲ್ಲೇ ಸರ್ಕಾರಿ ಉದ್ಯೋಗ, ಖಾಲಿ ಇದೆ 39 ಹುದ್ದೆ; ಪಿಯುಸಿ ಪಾಸಾದವರೂ ಹಾಕಿ ಅರ್ಜಿ

ಬೆಂಗಳೂರು: ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವ ಉದ್ಯೋಗಾಕಾಂಕ್ಷಿಗಳಿಗೆ ಇಲ್ಲಿದೆ ನೋಡಿ ಒಂದು ಸುವರ್ಣಾವಕಾಶ. ಹೌದು, ಖಾಲಿ ಇರುವ 39 ಹುದ್ದೆಗಳ ಭರ್ತಿಗೆ ಕರ್ನಾಟಕ ರಾಜ್ಯ ಸೌಹಾರ್ದ ಫೆಡರಲ್ ಕೋಆಪರೇಟಿವ್ ಲಿಮಿಟೆಡ್ (KSSFCL) ಅರ್ಜಿ ಆಹ್ವಾನಿಸಿದೆ. ಅರ್ಜಿ ಸಲ್ಲಿಸಲು ಸೆಪ್ಟೆಂಬರ್​ 9ರಂದು ಕೊನೆಯ ದಿನಾಂಕವಾಗಿದೆ. ಹಾಗಿದ್ದರೆ, ವಿದ್ಯಾರ್ಹತೆ, ವೇತನ, ಅರ್ಜಿ ಸಲ್ಲಿಸುವುದೇಗೆ? ಈ ಎಲ್ಲದರ ಮಾಹಿತಿ ಮುಂದಿನಂತಿದೆ.

ಕೆಎಸ್​ಎಸ್​ಎಫ್​ಸಿಎಲ್​ ಒಟ್ಟು ಜೂನಿಯರ್ ಅಸಿಸ್ಟೆಂಟ್ ಡ್ರೈವರ್ ಹುದ್ದೆಗಳ ಭರ್ತಿಗೆ ಮುಂದಾಗಿದೆ. ಅಭ್ಯರ್ಥಿಗಳು ಆಫ್​​ಲೈನ್ ಮೂಲಕ ಅರ್ಜಿ ಸಲ್ಲಿಸಬೇಕಿದೆ. ವಯಸ್ಸಿನ ಮಿತಿ 30 ರಿಂದ 35 ವರ್ಷದೊಳಗೆ. ಕೆಲಸ ಮಾಡುವ ಸ್ಥಳ ಬೆಂಗಳೂರು. ಇಲ್ಲಿ ವೇತನವು ಆಯಾ ಪೋಸ್ಟ್​ಗೆ ತಕ್ಕಂತೆ ಇರುತ್ತದೆ. ಈ ಪೋಸ್ಟ್​ಗಳಿಗೆ ಅರ್ಜಿ ಸಲ್ಲಿಸ ಬಯಸುವವರ ಜಾತಿ ಮೀಸಲಾತಿ ಅನುಸಾರವಾಗಿ ಅಭ್ಯರ್ಥಿಗಳಿಗೆ ವಯೋಮಿತಿ ಸಡಿಲಿಕೆ ನೀಡಲಾಗುವುದು ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ.

ವಿದ್ಯಾರ್ಹತೆ ಏನಿರಬೇಕು?

ಸಂಸ್ಥೆಯಲ್ಲಿ ಚಾರ್ಟರ್ಡ್​ ಅಕೌಂಟೆಂಟ್, ಎಚ್‌ಆರ್ ಆಫೀಸರ್, ಲಾ ಆಫೀಸರ್, ಫ್ರೆಂಡ್ಲಿ ಡೆವಲಪ್​ಮೆಂಟ್ ಆಫೀಸರ್, ಟ್ರೈನಿಂಗ್ ಆಫೀಸರ್, ಅಸಿಸ್ಟೆಂಟ್ ಹೀಗೆ ಒಟ್ಟು 39 ಹುದ್ದೆಗಳು ಖಾಲಿ ಇವೆ. ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಸಿಎ, ಸಿಎಸ್, ICWA, ಎಚ್‌ಆರ್‌, ಎಲ್​ಎಲ್​ಬಿ, ಎಂಎ, ಎಂಬಿಎ, ಎಂಎಸ್‌ಡಬ್ಲು, ಪದವಿ, ಪಿಯುಸಿ ಉತ್ತೀರ್ಣವಾಗಿರಬೇಕು.

ಇದನ್ನೂ ಓದಿ: Parenting Tips: ಮಗ ಎಂದಿಗೂ ಅತ್ಯಾಚಾರಿ ಆಗಬಾರದು ಅಂದ್ರೆ ಪೋಷಕರಿಗೆ ಈ 7 ಅಂಶ ಗೊತ್ತಿರಬೇಕು; ಚಿಕ್ಕಂದಿನಲ್ಲೇ ಸರಿದಾರಿಗೆ ತನ್ನಿ -ಮನದ ಮಾತು

ಯಾವ ಹುದ್ದೆಗೆಷ್ಟು ವೇತನ?

ಟ್ರೈನಿಂಗ್ ಆಫೀಸರ್ - 35,000-38,000 ರೂಪಾಯಿ

ಫ್ರೆಂಡ್ಲಿ ಡೆವಲಪ್​ಮೆಂಟ್ ಆಫೀಸರ್ - 28,000-30,000 ರೂಪಾಯಿ

ಚಾರ್ಟರ್ಡ್​ ಅಕೌಂಟೆಂಟ್ - 60,000-70,000 ರೂಪಾಯಿ

ಅಸಿಸ್ಟೆಂಟ್ - 20,000-22,000 ರೂಪಾಯಿ

ಎಚ್‌ ಆಫೀಸರ್ - 35,000-38,000 ರೂಪಾಯಿ

ಜೂನಿಯರ್ ಅಸಿಸ್ಟೆಂಟ್ - 13,000-15,000 ರೂಪಾಯಿ

ಡೆಪ್ಯುಟಿ ಸ್ಟಾಫ್​ ಮತ್ತು ವೆಹಿಕಲ್ ಆಫೀಸರ್ - 13,000-15,000 ರೂಪಾಯಿ

ಲಾ ಆಫೀಸರ್ - 35,000-38,000 ರೂಪಾಯಿ

ಟೈಪಿಸ್ಟ್ ಮತ್ತು ಸ್ಟೆನೋ - 20,000-22,000 ರೂಪಾಯಿ

ಯಾರಿಗೆಷ್ಟು ಅರ್ಜಿ ಶುಲ್ಕ?

ಟೈಪಿಸ್ಟ್ ಮತ್ತು ಸ್ಟೆನೋ, ಜೂನಿಯರ್ ಅಸಿಸ್ಟೆಂಟ್, ಡೆಪ್ಯುಟಿ ಸ್ಟಾಫ್ ಮತ್ತು ವೆಹಿಕಲ್ ಡ್ರೈವರ್ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವವರಿಗೆ 300 ರೂಪಾಯಿ ಅರ್ಜಿ ಶುಲ್ಕ ನಿಗದಿಪಡಿಸಲಾಗಿದೆ. ಆದರೆ ಉಳಿದ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವ ಎಲ್ಲಾ ಅಭ್ಯರ್ಥಿಗಳಿಗೆ ಶುಲ್ಕ 500 ರೂಪಾಯಿ ನಿಗದಿಪಡಿಸಲಾಗಿದೆ. ಆದರೆ ಈ ಹಣವನ್ನು ನೀವು ಮ್ಯಾಂಡ್‌ ಡ್ರಾಫ್ಟ್‌ ಮೂಲಕ ಪಾವತಿಸಬೇಕು.

ಆಯ್ಕೆ ಪ್ರಕ್ರಿಯೆ ಹೇಗೆ?

ಮೊದಲು ಲಿಖಿತ ಪರೀಕ್ಷೆ ನಡೆಯಲಿದೆ. ಇಲ್ಲಿ ಆಯ್ಕೆಯಾದವರನ್ನು ಸಂದರ್ಶನ ನಡೆಸಿ ಆಯ್ಕೆ ಮಾಡಲಾಗುತ್ತದೆ.

ಅರ್ಜಿ ಸಲ್ಲಿಸುವ ವಿಳಾಸ

ಅರ್ಜಿ ಸಲ್ಲಿಸಬಯಸುವ ಅಭ್ಯರ್ಥಿಗಳು ಕೂಡಲೇ ದಾಖಲೆಗಳ ಸಮೇತ 'ಸೌಹಾರ್ದ ಸಹಕಾರಿ ಸೌಧ', #68, ಮೊದಲನೇ ಮಹಡಿ, 18ನೇ ಅಡ್ಡ ರಸ್ತೆ, ಮಾರ್ಗೋಸಾ ರಸ್ತೆ, ಮಲ್ಲೇಶ್ವರಂ, ಬೆಂಗಳೂರು-560055 ಇಲ್ಲಿಗೆ ಕಳುಹಿಸಬೇಕು.

ಇದನ್ನೂ ಓದಿ: Personality Test: ಈ ಕಿಟಕಿಯ ಬಾಗಿಲು ಯಾವ ಕಡೆ ತೆರೆದುಕೊಂಡಿದೆ? ಏನು ಹೇಳುತ್ತೆ ನೋಡೋಣ ನಿಮ್ಮ ಆಲೋಚನಾ ಲಹರಿ

ಇದನ್ನೂ ಓದಿ: ವಯಸ್ಸು 50 ಆದರೂ 20 ವರ್ಷದಂತೆ ಕಾಣಬೇಕಾ; ಇನ್ಯಾಕೆ ತಡ ಈ ಜಿನ್ಸೆಂಗ್ ಗಿಡಮೂಲಿಕೆಯ 7 ಮನೆಮದ್ದು ಅನುಸರಿಸಿ ನೋಡಿ!