ಮಳೆ ನಕ್ಷತ್ರಗಳು; ಯಾವ ನಕ್ಷತ್ರ ಎಲ್ಲಿಯವರೆಗೆ ಇವೆ? ನಕ್ಷತ್ರಗಳಿಗೆ ಅನುಗುಣವಾಗಿ ಕನ್ನಡ ಮಳೆ ಗಾದೆಗಳು ಇಲ್ಲಿವೆ

ನಮ್ಮ ಹಿರಿಯರು ತಮ್ಮ ಅನುಭವದ ಸಾರದಿಂದ ಹಲವಾರು ಗಾದೆಗಳ್ನು ಹೆಣೆದಿದ್ದಾರೆ. ಮಳೆಯ ಕುರಿತಾಗಿಯೇ ಸಾವಿರಾರು ಗಾದೆಗಳಿವೆ. ಇವು ಅರ್ಥಪೂರ್ಣ ಮಾತ್ರವಲ್ಲದೆ ವಾಸ್ತವದಲ್ಲೂ ನಿಜವೇ ಆಗಿರುತ್ತವೆ. ನಕ್ಷತ್ರಗಳ ಮೇಲೂ ನಮ್ಮ ಪೂರ್ವಜರು ಹಲವಾರು ಗಾದೆಗಳನ್ನು ಕಟ್ಟಿದ್ದಾರೆ. ಆಧುನಿಕ ಯುಗದಲ್ಲಿ ವಿಜ್ಞಾನ ಎಷ್ಟೇ ಬೆಳೆದಿದ್ದರೂ, ನಮ್ಮ ಪೂರ್ವಜರು ತಮ್ಮ ಅನುಭವದಿಂದ ಹೆಣೆದ ಗಾದೆ ಹಾಗೂ ನಾಣ್ಣುಡಿಗಳು ಈಗಲೂ ಪ್ರಸ್ತುತವಾಗಿವೆ. ಸದ್ಯ ಮಳೆಗಾಲದ ಅಬ್ಬರ ಜೋರಾಗಿದ್ದು, ನಮ್ಮ ಹಿರಿಯರು ನಕ್ಷತ್ರಗ ಆಧಾರದಲ್ಲಿ ಳೆಯ ಸ್ವರೂಪವನ್ನು ವರ್ಣಿಸಿರುವ ಗಾದೆಗಳು ಇಲ್ಲಿವೆ ನೋಡಿ. ಇವುಗಳನ್ನು ನಿಮ್ಮ ಮಕ್ಕಳಿಗೂ ಅರ್ಥ ಮಾಡಿಸಿ.

ಮಳೆ ನಕ್ಷತ್ರಗಳು

• ಏಪ್ರಿಲ್ 14ರಿಂದ ಅಶ್ವಿನಿ
• ಏಪ್ರಿಲ್ 28 ರಿಂದ ಭರಣಿ
• ಮೇ 12 ರಿಂದ ಕೃತಿಕಾ
• ಮೇ 26 ರಿಂದ ರೋಹಿಣಿ
• ಜೂನ್ 7 ರಿಂದ ಮೃಗಶಿರ
• ಜೂನ್ 23 ರಿಂದ ಆರ್ದ್ರ
• ಜುಲೈ 7 ರಿಂದ ಪುನರ್ವಸು
• ಜುಲೈ 21 ರಿಂದ ಪುಷ್ಯ
• ಆಗಸ್ಟ್ 4 ರಿಂದ ಆಶ್ಲೇಷಾ
• ಆಗಸ್ಟ್ 18 ರಿಂದ ಮಖ/ಮಾಘ
• ಸೆಪ್ಟೆಂಬರ್ 1 ರಿಂದ ಪುಬ್ಬಾ
• ಸೆಪ್ಟೆಂಬರ್ 14 ರಿಂದ ಉತ್ತರಾ
• ಸೆಪ್ಟೆಂಬರ್ 28 ರಿಂದ ಹಸ್ತ
• ಅಕ್ಟೋಬರ್ 11 ರಿಂದ ಚಿತ್ತಾ
• ಅಕ್ಟೋಬರ್ 25 ರಿಂದ ಸ್ವಾತಿ
• ನವೆಂಬರ್ 7 ರಿಂದ ವಿಶಾಖ
• ನವೆಂಬರ್ 20 ರಿಂದ ಅನೂರಾಧಾ
• ಡಿಸೆಂಬರ್ 3 ರಿಂದ ಜ್ಯೇಷ್ಠ
• ಡಿಸೆಂಬರ್ 16 ರಿಂದ ಮೂಲ
• ಡಿಸೆಂಬರ್ 29 ರಿಂದ ಪೂರ್ವಾಷಾಢ (ಪೂಷಾ)
• 2025 ಜನವರಿ 11 ರಿಂದ ಉತ್ತರಾಷಾಢ (ಉಷಾ)
• 2025 ಜನವರಿ 24 ರಿಂದ ಶ್ರವಣ
• 2025 ಫೆಬ್ರುವರಿ 6 ರಿಂದ ಧನಿಷ್ಠ
• 2025 ಫೆಬ್ರುವರಿ 19 ರಿಂದ ಶತಭಿಷ
• 2025 ಮಾರ್ಚ್ 4 ರಿಂದ ಪೂರ್ವಾಭಾದ್ರಾ
• 2025 ಮಾರ್ಚ್ 17 ರಿಂದ ಉತ್ತರಾಭಾದ್ರಾ

ಮಳೆ ನಕ್ಷತ್ರಗಳಿಗೆ ಅನುಸಾರವಾಗಿ ಕನ್ನಡ ಗಾದೆಗಳು

ಅಶ್ವಿನಿ

• ಅಶ್ವಿನಿ ಸಸ್ಯ ನಾಶಿನಿ
• ಅಶ್ವಿನಿ ಮಳೆ ಬಿದ್ದರೆ ಅರಿಶಿಣಕ್ಕೆ ಮೇಲು
• ಅಶ್ವಿನಿ ಸನ್ಯಾಸಿನಿ
• ಅಶ್ವಿನಿ ಆದರೆ ಶಿಶುವಿಗೆ ಹಾಲಿಲ್ಲ

ಭರಣಿ

• ಭರಣಿ ಮಳೆ ಧರಣಿ ಬೆಳೆ
• ಭರಣಿ ಮಳೆ ಧರಣಿ ಎಲ್ಲಾ ಆಳ್ತು
• ಭರಿಣಿ ಬಂದ್ರ ಧರಿಣಿ ಬೆಳೀತದ
• ಭರಣಿ ಬಂದ್ರೆ ಧರಣಿ ಎಲ್ಲಾ ಹಸಿರು
• ಭರಣಿ ಸುರಿದರೆ ಧರಣಿ ಬದುಕೀತು
• ಭರಣಿ ಬಂದರೆ ಧರಣಿ ತಣಿಯುತ್ತೆ
• ಭರಣಿಯಲ್ಲಿ ಮಳೆಯಾದರೆ ಧರಣಿಯೆಲ್ಲಾ ಬೆಳೆ
• ಭರಣಿ ಮಳೆ ಧರಣಿ ತಂಪು

ಕೃತಿಕಾ

• ಕೃತಿಕ ನಕ್ಷತ್ರ ಕಾದರೆ ಗದ್ದೆಗೆ ಒಳ್ಳೆಯದು

ರೋಹಿಣಿ

• ರೋಹಿಣಿ ಮಳೆ ಓಣಿಯೆಲ್ಲಾ ಕೆಸರು
• ರೋಹಿಣಿ ಮಳೆಗೆ ಓಣ್ಯೆಲ್ಲಾ ಜೋಳ

ಮೃಗಶಿರ

• ಮೃಗಶಿರ ಮಿಂಚಿದರೆ ಮೂರು ಮಳೆ ಇಲ್ಲ
• ಮೃಗಶಿರೆಯಲ್ಲಿ ಮಿಸುಕಾಡದೆ ನೆರೆ ಬಂತು
• ಮೃಗಶಿರಾ ಮಳೆಯಲಿ ಗಿಡ ಮುರಿದು ನೆಟ್ಟರೂ ಬದುಕುವುದು

ಆರಿದ್ರಾ

• ಆರಿದ್ರಾ ಮಳೆ ಆಗದೆ ಗುಡುಗಿದರೆ ಆರು ಮಳೆ ಆಗಲ್ಲ
• ಆದರೆ ಆರಿದ್ರಾ, ಇಲ್ವಾದ್ರೆ ದರಿದ್ರ
• ಆರಿದ್ರಾ ಮಳೆ ಆರದೆ ಹುಯ್ಯುತ್ತೇ
• ಆರಿದ್ರಾ ಇಲ್ಲದಿದ್ದರೆ ದರಿದ್ರ ಖಂಡಿತ
• ಅಮ್ಮನ ಮನಸ್ಸು ಬೆಲ್ಲದ ಹಾಗೆ, ಆರಿದ್ರಾ ಹನಿ ಕಲ್ಲಿನ ಹಾಗೆ
• ಆರಿದ್ರೆಯಲಿ ಗಿಡ ಆದರೆ ಆದಿತು

ಪುನರ್ವಸು

• ಪುನರ್ವಸು ಮಳೆ ಬಂದು ಪಂಚಾಂಗ ಓದಾಯ್ತು, ಎಳೆ ಕರು ರಾಸಾಯ್ತು

ಪುಷ್ಯ

• ಪುಷ್ಯ ಮಳೆ ಭಾಷೆ ಕೂಟ್ಟ ಮಳೆ (ತಪ್ಪಿಸುವುದಿಲ್ಲ)
• ಪುಷ್ಯದಲಿ ನೆಟ್ಟ ಗಿಡ ಪುಟುಗೋಸಿ ಆದೀತು

ಇದನ್ನೂ ಓದಿ | ಮಳೆಗಾಲದಲ್ಲಿ ಹೃದಯಾಘಾತ ಸೇರಿದಂತೆ ಗಂಭೀರ ಆರೋಗ್ಯ ಸಮಸ್ಯೆಗಳು ಹೆಚ್ಚಲು ಕಾರಣವಾಗುವ ಅಂಶವಿದು; ವಾತಾವರಣ ಬೆಚ್ಚಗಿರಲು ಈ ಉಪಾಯ ಪಾಲಿಸಿ

ಆಶ್ಲೇಷ

• ಆಶ್ಲೇಷ ಮಳೆ ಭೂಮಿ ಹಸ್ರುಗಟ್ಟಂಗೆ ಹುಯ್ತದೆ
• ಆಶ್ಲೆಚ ಮಳೆ ಕೈತುಂಬಾ ಬೆಳೆ
• ಆಶ್ಲೇಷ ಮಳೆ ಈಸಲಾರದ ಹೊಳೆ
• ಅಸಲೆ ಮಳೆ ಬಿದ್ದು ಸಸಿಲೆ(ಸಣ್ಣ ಮೀನು) ಬೆಟ್ಟಕ್ಕೇರಿತು.
• ಅಸ್ಲೆ ಮಳೆಗೆ ಸಸ್ಲೆ ಬೆಟ್ಟಕ್ಕೆ ನೆಗೀತು
• ಆಶ್ಲೇಷಾ ಮಳೆಗೆ ಅಂಗಾಲೂ ನೆನೆಯೊಲ್ಲವಂತೆ
• ಆಶ್ಲೇಷಾ ಗಿಡಗಳಿಗೆ ಕೊಳೆಬರಿಸುವ ನಂಜಿನ ಮಳೆ
• ಅಶ್ಲೆ ಮಳೆ ಹುಯ್ಶಾಲಿ, ಸೋಸಲು ಗಟ್ಟ ಹತ್ತಾಲಿ

ಮಖ/ಮಾಘ

• ಬಂದರೆ ಮಘೆ ಹೋದರೆ ಹೊಗೆ
• ಬಂದರೆ ಮಘೆ ಇಲ್ಲದಿದ್ದರೆ ಧಗೆ
• ಮಘೆ ಮಳೆ ಬಂದಷ್ಟು ಒಳ್ಳೇದು, ಮನೆಮಗ ಉಂಡಷ್ಟು ಒಳ್ಳೇದು
• ಮಗೆ ಮಳೆ ಮಗೆ ಗಾತ್ರ ಬೀಳ್ತದೆ
• ಮಘೇ ಮೊಗೆಬೆಳೆಯುವ ಮಳೆ
• ಮಘಮಳೆ ಮೊಗೆದು ಹೊಯ್ಯುವುದು

ಪುಬ್ಬಾ/ ಹುಬ್ಬ

• ಹುಬ್ಬೆ ಮಳೇಲಿ ಹುಬ್ಬೆತ್ತಕ್ಕೂ ಆಗಲ್ಲ
• ಹುಬ್ಬೆ ಮಳೆ ಅಬ್ಬೇ ಹಾಲು ಉಂಡಂತೆ
• ಹುಬ್ಬೆ ಮಳೆ ಅಬ್ಬೆ ಹಾಲು ಕುಡದ್ಹಾಂಗೆ
• ಹುಬ್ಬೆ ಮಳೆ ಉಬ್ಬುಬ್ಕೊಂಡು ಹೊಡೆ
• ಹುಬ್ಬೆ ಮಳೆ ಉಬ್ಬುಬ್ಬುಕೊಂಡು ಬಂದ್ರು ಗುಬ್ಬಚ್ಚಿ ಪುಕ್ಕ ನೆನಿಲಿಲ್ಲ.

ಉತ್ತರೆ

• ಉತ್ತರಿ ಮಳೆ ಹುಯ್ದರೆ ಹೆತ್ತಮ್ಮನೂ ಆಗೋಲ್ಲ
• ಉತ್ತರ ಎದುರುತ್ತರದ ಮಳೆ
• ಉತ್ತರೆ ಮಳೆಗೆ ಹುತ್ತದಲ್ಲಿರುವ ಹಾವೆಲ್ಲಾ ಹೊರಗೆ
• ಉತ್ತರಿ ಬಿತ್ತಿರಿ ಅದು ಬರದಿದ್ದರೆ ನೀವು ಸತ್ತಿರಿ

ಹಸ್ತ

• ಹಸ್ತ ಇಲ್ದಿದ್ರೆ ಒಕ್ಕಲಿಗ ಹಲ್ಲು ಕಿಸ್ದ
• ಹಸ್ತಾ ಭಾರಿಸಿದರೆ ಅಷ್ಟೇ
• ಹಸ್ತ ಮಳೆ ಎತ್ಲಿಂದಾದ್ರೂ ಬರುತ್ತೆ

ಚಿತ್ತ

• ಕುರುಡು ಚಿತ್ತೆ ಎರಚಿದತ್ತ ಬೆಳೆ
• ಚಿತ್ತಾ ಮಳೆ ವಿಚಿತ್ರ ಬೆಳೆ!
• ಚಿತ್ತಾ ಚಿತ್ರವಿಚಿತ್ರ ಮಳೆ
• ಕುರ್ಡು ಚಿತ್ತೆ ಎತ್ಲಾಗ ಬಿದ್ದರೂ ಬರುತ್ತೆ

ಸ್ವಾತಿ

• ಸ್ವಾತಿ ಮಳೆ ಮುತ್ತಿನ ಬೆಳೆ
• ಸ್ವಾತಿ ಮಳೆ ಹೇತೆನೆಂದ್ರೂ ಬಿಡದು
• ಸ್ವಾತಿ ಮುತ್ತಿನ ಹನಿಯ ಮಳೆ
• ಸ್ವಾತಿ ಮಳೆ ಹೋದ್ರಾ ಇನ್ಯಾತರ ಮಳೆ

ವಿಶಾಖ

• ವಿಶಾಖ ಮಳೆ ಪಿಶಾಚಿ ಹಿಡಿದ ಹಾಗೆ
• ವಿಶಾಖ ಹೊಯ್ದರೆ ವಿಷಜಂತುವಿನ ಉಪಟಳ
• ವಿಶಾಖೆ ಮಳೆಗೆ ಹುಳವೆಲ್ಲಾ ಸಾಯುತ್ತೆ

ಅನುರಾಧ

• ಅನುರಾಧ ಬಂದರೆ ನಮ್ಮ ರಾಗಿ ನಮ್ಮದು
• ಅನುರಾಧಾ ಹೊಯ್ದರೆ ರೋಗ ನಿವಾರಣೆ

ಇನ್ನಷ್ಟು ಜೀವನಶೈಲಿ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್‌ ಮಾಡಿ

ಇದನ್ನೂ ಓದಿ | ತ್ವಚೆ ಕಾಂತಿಯುತವಾಗಿ ಹೊಳೆಯಲು ಕೊರಿಯನ್ನರ ಈ ಅಭ್ಯಾಸಗಳನ್ನು ನಿತ್ಯ ಜೀವನದಲ್ಲಿ ಅಳವಡಿಸಿ