Samsung Galaxy A56: ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ ಹೊಸ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ 56, ಗ್ಯಾಲಕ್ಸಿ ಎ 36 ಮತ್ತು ಗ್ಯಾಲಕ್ಸಿ ಎ 26
ಸ್ಯಾಮ್‌ಸಂಗ್ ನೂತನ ಸ್ಮಾರ್ಟ್ಫೋನ್ ಗ್ಯಾಲಕ್ಸಿ ಎ 56, ಗ್ಯಾಲಕ್ಸಿ ಎ 36 ಮತ್ತು ಗ್ಯಾಲಕ್ಸಿ ಎ 26 ಪ್ರಮುಖ ಎಐ ವೈಶಿಷ್ಟ್ಯಗಳೊಂದಿಗೆ ಬಿಡುಗಡೆಯಾಗಿದೆ. ನೂತನ ಸರಣಿ ಜಾಗತಿಕ ಮಾರುಕಟ್ಟೆಗೆ ಲಗ್ಗೆ ಇರಿಸಿದ್ದು, ಹಲವು ವಿಶೇಷ ಫೀಚರ್ಸ್ ಹೊಂದಿದೆ. ನೂತನ ಸ್ಮಾರ್ಟ್ಫೋನ್ ತಾಂತ್ರಿಕ ವೈಶಿಷ್ಟ್ಯಗಳ ವಿವರ ಇಲ್ಲಿದೆ.
ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಸ್ಮಾರ್ಟ್ಫೋನ್ ನೂತನ ಎ ಸರಣಿಯ ಸ್ಮಾರ್ಟ್ಫೋನ್ ಗ್ಯಾಲಕ್ಸಿ ಎ 56, ಗ್ಯಾಲಕ್ಸಿ ಎ 36 ಮತ್ತು ಗ್ಯಾಲಕ್ಸಿ ಎ 26 ಜಾಗತಿಕವಾಗಿ ಗ್ಯಾಜೆಟ್ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ದಕ್ಷಿಣ ಕೊರಿಯಾ ಮೂಲದ ಟೆಕ್ ದೈತ್ಯ ಕಂಪನಿ ಸ್ಯಾಮ್‌ಸಂಗ್, ನೂತನ ಎ ಸರಣಿ ಸ್ಮಾರ್ಟ್‌ಫೋನ್‌ಗಳಲ್ಲಿ ಕೆಲವು ಗಮನಾರ್ಹ ನವೀಕರಣಗಳು ಮತ್ತು ಫೀಚರ್ಸ್ ಪರಿಚಯಿಸಿದೆ. ಇದು ಮಧ್ಯಮ ಶ್ರೇಣಿಯ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆ ಹೊಂದಿರುವ ಮಾದರಿಯಾಗಿದೆ. ನೂತನ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ ಸರಣಿ ಮಾದರಿಗಳು ಕಂಪನಿಯ ಪ್ರಮುಖ ಎಐ ವೈಶಿಷ್ಟ್ಯಗಳೊಂದಿಗೆ ಬರುತ್ತವೆ, ಮತ್ತು ಇದು ಸ್ಲೋ-ಮೋಶನ್ ವಿಡಿಯೊ, ಎಐ ಆಯ್ಕೆ, ಸರ್ಕಲ್ ಟು ಸರ್ಚ್ ಮತ್ತು ಇನ್ನೂ ಹೆಚ್ಚಿನ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ. ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ 56, ಗ್ಯಾಲಕ್ಸಿ ಎ 36 ಮತ್ತು ಗ್ಯಾಲಕ್ಸಿ ಎ 26 ಕುರಿತು ಹೆಚ್ಚಿನ ವಿವರ ಇಲ್ಲಿದೆ.
ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ 56, ಗ್ಯಾಲಕ್ಸಿ ಎ 36, ಗ್ಯಾಲಕ್ಸಿ ಎ 26: ವೈಶಿಷ್ಟ್ಯಗಳು
ಸ್ಯಾಮ್‌ಸಂಗ್ ನೂತನ ಸರಣಿಯ ಸ್ಮಾರ್ಟ್‌ಫೋನ್‌ಗಳಾದ ಗ್ಯಾಲಕ್ಸಿ ಎ 56 ಮತ್ತು ಗ್ಯಾಲಕ್ಸಿ ಎ 36 6.7 ಇಂಚಿನ ಫುಲ್ ಎಚ್‌ಡಿ + ಸೂಪರ್ ಅಮೋಲೆಡ್ ಇನ್ಫಿನಿಟಿ-ಒ ಡಿಸ್‌ಪ್ಲೇ, 120 ಹೆರ್ಟ್ಜ್ ರಿಫ್ರೆಶ್ ರೇಟ್ ಮತ್ತು 1200 ಎನ್ಐಟಿಗಳವರೆಗೆ ಪೀಕ್ ಬ್ರೈಟ್ನೆಸ್‌ ಹೊಂದಿದೆ. ಗ್ಯಾಲಕ್ಸಿ ಎ 26 6.7 ಇಂಚಿನ ಫುಲ್‌ಎಚ್‌ಡಿ + ಇನ್ಫಿನಿಟಿ-ಯು ಸೂಪರ್ ಅಮೋಲೆಡ್ ಡಿಸ್‌ಪ್ಲೇ 120 ಹೆರ್ಟ್ಜ್ ರಿಫ್ರೆಶ್ ರೇಟ್‌ನೊಂದಿಗೆ ಹೊಂದಿದೆ. ಕಾರ್ಯಕ್ಷಮತೆಗಾಗಿ, ಗ್ಯಾಲಕ್ಸಿ ಎ 56 ಸ್ಯಾಮ್‌ಸಂಗ್‌ನ ಎಕ್ಸಿನೋಸ್ 1580 ಪ್ರೊಸೆಸರ್‌ ಹೊಂದಿದೆ, ಗ್ಯಾಲಕ್ಸಿ ಎ 36 ಸ್ನ್ಯಾಪ್‌ಡ್ರ್ಯಾಗನ್ 6 ಜೆನ್ 3 ಪ್ರೊಸೆಸರ್‌ನಿಂದ ನಿಯಂತ್ರಿಸಲ್ಪಡುತ್ತದೆ ಮತ್ತು ಗ್ಯಾಲಕ್ಸಿ ಎ 26 ಎಕ್ಸಿನೋಸ್ 1380 ಪ್ರೊಸೆಸರ್‌ನೊಂದಿಗೆ ಲಭ್ಯವಿದೆ.
ಸೂಪರ್ ಕ್ಯಾಮೆರಾ
ಫೋಟೊ ಮತ್ತು ವಿಡಿಯೊಗಾಗಿ ನೂತನ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಶ್ರೇಣಿಯು ಒಐಎಸ್ ಬೆಂಬಲದೊಂದಿಗೆ 50 ಎಂಪಿ ಮುಖ್ಯ ಕ್ಯಾಮೆರಾವನ್ನು ಹೊಂದಿದೆ. ಗ್ಯಾಲಕ್ಸಿ ಎ 56 ಮತ್ತು ಗ್ಯಾಲಕ್ಸಿ ಎ 36 ಸಹ 10-ಬಿಟ್ ಎಚ್‌ಡಿಆರ್ ವೀಡಿಯೊ ಬೆಂಬಲ ಹೊಂದಿದೆ. ಗ್ಯಾಲಕ್ಸಿ ಎ 56 12 ಎಂಪಿ ಅಲ್ಟ್ರಾವೈಡ್ ಕ್ಯಾಮೆರಾದೊಂದಿಗೆ ಬರುತ್ತದೆ, ಆದರೆ ಗ್ಯಾಲಕ್ಸಿ ಎ 36 ಮತ್ತು ಗ್ಯಾಲಕ್ಸಿ ಎ 36 8 ಎಂಪಿ ಅಲ್ಟ್ರಾವೈಡ್ ಕ್ಯಾಮೆರಾವನ್ನು ಹೊಂದಿವೆ. ಗ್ಯಾಲಕ್ಸಿ ಎ 56 ಮತ್ತು ಗ್ಯಾಲಕ್ಸಿ ಎ 36 5 ಎಂಪಿ ಮ್ಯಾಕ್ರೋ ಲೆನ್ಸ್ ಅನ್ನು ಹೊಂದಿದ್ದರೆ, ಗ್ಯಾಲಕ್ಸಿ ಎ 26 2 ಎಂಪಿ ಮ್ಯಾಕ್ರೋ ಲೆನ್ಸ್ ಇರಲಿದೆ.
ಬ್ಯಾಟರಿ ಮತ್ತು ಫಾಸ್ಟ್ ಚಾರ್ಜಿಂಗ್
ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ 56, ಗ್ಯಾಲಕ್ಸಿ ಎ 36, ಗ್ಯಾಲಕ್ಸಿ ಎ 26 ಸ್ಮಾರ್ಟ್‌ಫೋನ್‌ಗಳಲ್ಲಿ 5000ಎಂಎಎಚ್ ಬ್ಯಾಟರಿ ಬೆಂಬಲಿವಿದೆ. ಗ್ಯಾಲಕ್ಸಿ ಎ 56 ಮತ್ತು ಗ್ಯಾಲಕ್ಸಿ ಎ 36 45 ವ್ಯಾಟ್ ಚಾರ್ಜಿಂಗ್ ಅನ್ನು ಬೆಂಬಲಿಸಿದರೆ, ಎ 26 25 ವ್ಯಾಟ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಜತೆಗೆ ಎಲ್ಲ ಸ್ಮಾರ್ಟ್‌ಫೋನ್‌ಗಳು ಆಂಡ್ರಾಯ್ಡ್ 15 ಆಧಾರಿತ ಒನ್ ಯುಐ 7 ಮೂಲಕ ಕಾರ್ಯನಿರ್ವಹಿಸುತ್ತವೆ. ಸ್ಯಾಮ್‌ಸಂಗ್ 6 ವರ್ಷಗಳ ಸಾಫ್ಟ್‌ವೇರ್ ಓಎಸ್ ಅಪ್‌ಡೇಟ್ ನೀಡಲಿದೆ.
ಬೆಲೆ ಮತ್ತು ಲಭ್ಯತೆ
ಸ್ಯಾಮ್‌ಸಂಗ್ ನೂತನ ಸ್ಮಾರ್ಟ್ಫೋನ್ ಸರಣಿ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ 56 ನಾಲ್ಕು ಬಣ್ಣಗಳ ಆಯ್ಕೆಗಳಲ್ಲಿ ದೊರೆಯಲಿದೆ. ಅವ್ಸಮ್ ಗ್ರೇ, ಅವ್ಸಮ್ ಗ್ರಾಫೈಟ್, ಅವ್ಸಮ್ ಆಲಿವ್ ಮತ್ತು ಅವ್ಸಮ್ ಪಿಂಕ್. ಗ್ಯಾಲಕ್ಸಿ ಎ 36 ಅವ್ಸಮ್ ಲ್ಯಾವೆಂಡರ್, ಅವ್ಸಮ್ ಕಪ್ಪು, ಅವ್ಸಮ್ ಬಿಳಿ ಮತ್ತು ಅವ್ಸಮ್ ಲೈಮ್ ಬಣ್ಣಗಳಲ್ಲಿ ಬರಲಿದೆ. ಕೊನೆಯದಾಗಿ, ಗ್ಯಾಲಕ್ಸಿ ಎ 26 ಕಪ್ಪು, ಬಿಳಿ, ಮಿಂಟ್ ಮತ್ತು ಪೀಚ್ ಪಿಂಕ್ ಬಣ್ಣಗಳಲ್ಲಿ ಖರೀದಿಗೆ ಲಭ್ಯ. ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ56 8ಜಿಬಿ RAM + 128 ಜಿಬಿ ಬೆಲೆ 41,999 ರುಪಾಯಿ. ಗ್ಯಾಲಕ್ಸಿ ಎ 36 8ಜಿಬಿ RAM + 128 ಜಿಬಿ ಸ್ಟೋರೇಜ್ ಗೆ 32,999 ರೂ.ಗೆ ದೊರೆಯಲಿದೆ.
Kiran Kumar I G
