ರಕ್ತಪರಿಚಲನೆ ಸುಧಾರಿಸುವುದರಿಂದ ಚರ್ಮವನ್ನು ಹೈಡ್ರೀಕರಿಸುವವರೆಗೆ: ಅಂಗೈಗೆ ಎಳ್ಳೆಣ್ಣೆಯಿಂದ ಮಸಾಜ್ ಮಾಡುವುದರ ಪ್ರಯೋಜನಗಳಿವು

ಎಳ್ಳೆಣ್ಣೆಯು ಆರೋಗ್ಯಕರ ಎಣ್ಣೆಗಳಲ್ಲಿ ಒಂದಾಗಿದೆ. ಕೆಲವರು ಅಡುಗೆಗೆ ತೆಂಗಿನೆಣ್ಣೆಯನ್ನು ಬಳಸಿದರೆ ಇನ್ನು ಕೆಲವರು ಆಲಿವ್ ಎಣ್ಣೆಯನ್ನು ಬಳಸುತ್ತಾರೆ. ಆಲಿವ್ ಎಣ್ಣೆಯ ಬಳಕೆ ಕೂಡ ಆರೋಗ್ಯಕ್ಕೆ ಬಹಳ ಪ್ರಯೋಜನಕಾರಿಯಾಗಿದೆ. ಎಳ್ಳಿನ ಎಣ್ಣೆಯು ಅನೇಕ ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ. ಹಲವು ಆರೋಗ್ಯ ಪ್ರಯೋಜನಗಳನ್ನು ಹೊಂದಿರುವ ಎಳ್ಳಿನ ಎಣ್ಣೆಯನ್ನು ಏಷ್ಯಾ ಪಾಕಪದ್ಧತಿಯಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ. ಇದನ್ನು ತುಂಬಾ ಆರೋಗ್ಯಕರವೆಂದು ಪರಿಗಣಿಸಲಾಗುತ್ತದೆ.

ಪೋಷಕಾಂಶಗಳಿಂದ ಸಮೃದ್ಧವಾಗಿರುವ ಎಳ್ಳಿನ ಎಣ್ಣೆಯು ಕೊಬ್ಬಿನಾಮ್ಲಗಳು ಮತ್ತು ಉತ್ಕರ್ಷಣ ನಿರೋಧಕಗಳನ್ನು ಒಳಗೊಂಡಂತೆ ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಈ ಎಣ್ಣೆಯಿಂದ ಕೈಗಳು ಅಥವಾ ಅಂಗೈಗಳನ್ನು ಮಸಾಜ್ ಮಾಡುವುದರಿಂದ ಅನೇಕ ಪ್ರಯೋಜನಗಳಿವೆ. ಎಳ್ಳಿನ ಎಣ್ಣೆಯು ಮುಖ್ಯವಾಗಿ ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಇದು ಉರಿಯೂತವನ್ನು ಕಡಿಮೆ ಮಾಡುತ್ತದೆ. ಇದರೊಂದಿಗೆ ಸ್ನಾಯುವಿನ ಆಯಾಸವೂ ಕಡಿಮೆಯಾಗುತ್ತದೆ. ನೋವು ಮತ್ತು ಉರಿಯೂತವನ್ನು ಕಡಿಮೆ ಮಾಡಲು ಎಳ್ಳಿನ ಎಣ್ಣೆ ತುಂಬಾ ಪರಿಣಾಮಕಾರಿಯಾಗಿದೆ. ಎಳ್ಳಿನ ಎಣ್ಣೆಯನ್ನು ನಿಯಮಿತವಾಗಿ ಮಸಾಜ್ ಮಾಡುವುದರಿಂದ ಅನೇಕ ಪ್ರಯೋಜನಗಳಿವೆ. ಎಳ್ಳಿನ ಎಣ್ಣೆಯಿಂದ ಕೈಗಳನ್ನು ಮಸಾಜ್ ಮಾಡುವ ಪ್ರಯೋಜನಗಳು ಇಲ್ಲಿವೆ.

ಇದನ್ನೂ ಓದಿ: ಹಿಪ್ಪೆ ಎಣ್ಣೆ, ಹರಳೆಣ್ಣೆ, ಎಳ್ಳೆಣ್ಣೆ; ದೇವರಿಗೆ ಯಾವ ಎಣ್ಣೆ ಬಳಸಿ ದೀಪ ಹಚ್ಚಿದರೆ ಏನು ಫಲ? ಇಲ್ಲಿದೆ ಮಾಹಿತಿ

ಎಳ್ಳಿನ ಎಣ್ಣೆಯಿಂದ ಕೈಗಳ ಮಸಾಜ್ ಮಾಡುವುದರ ಪ್ರಯೋಜನಗಳು

ಎಳ್ಳಿನ ಎಣ್ಣೆಯಿಂದ ಅಂಗೈಗೆ ಮಸಾಜ್ ಮಾಡುವುದರಿಂದ ಹಲವಾರು ಪ್ರಯೋಜನಗಳಿವೆ. ಕೈ ಊತವನ್ನು ಕಡಿಮೆ ಮಾಡಲು ನಿಮ್ಮ ಅಂಗೈಗಳಿಗೆ ಮಸಾಜ್ ಮಾಡಬಹುದು. ಇದು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಉರಿಯೂತವನ್ನು ಕಡಿಮೆ ಮಾಡಲು ಇದು ಪರಿಣಾಮಕಾರಿಯಾಗಿದೆ. ಇದಲ್ಲದೆ, ಇದು ಹೆಚ್ಚಿನ ಪ್ರಮಾಣದಲ್ಲಿ ಸ್ನಾಯುವಿನ ಒತ್ತಡವನ್ನು ಕಡಿಮೆ ಮಾಡುತ್ತದೆ. ಇನ್ನು ಏನೆಲ್ಲಾ ಪ್ರಯೋಜನಗಳಿವೆ ಎಂಬುದು ಇಲ್ಲಿದೆ:

ರಕ್ತ ಪರಿಚಲನೆ ಸುಧಾರಿಸುತ್ತದೆ: ಎಳ್ಳಿನ ಎಣ್ಣೆಯಿಂದ ಅಂಗೈಗೆ ಮಸಾಜ್ ಮಾಡುವುದರಿಂದ ರಕ್ತಪರಿಚಲನೆ ಸುಧಾರಿಸುತ್ತದೆ. ಮಸಾಜ್ ಮಾಡುವುದರಿಂದ ದೇಹದಲ್ಲಿ ರಕ್ತಪರಿಚಲನೆ ಸುಧಾರಿಸುತ್ತದೆ. ಜತೆಗೆ ನಿಮ್ಮ ಮನಸ್ಸಿಗೂ ನೆಮ್ಮದಿ ಸಿಗುತ್ತದೆ. ಅಷ್ಟೇ ಅಲ್ಲ, ತಲೆನೋವನ್ನು ನಿವಾರಿಸುತ್ತದೆ.

ತುರಿಕೆ, ದದ್ದುಗಳನ್ನು ಕಡಿಮೆ ಮಾಡಲು ಸಹಕಾರಿ: ಕೈಯಲ್ಲಿ ತುರಿಕೆ ಮತ್ತು ದದ್ದುಗಳನ್ನು ಕಡಿಮೆ ಮಾಡಲು ಎಳ್ಳಿನ ಎಣ್ಣೆಯಿಂದ ನಿಮ್ಮ ಅಂಗೈಗಳನ್ನು ಮಸಾಜ್ ಮಾಡಬಹುದು. ಇದು ಉತ್ತಮ ಪ್ರಮಾಣದ ವಿಟಮಿನ್ ಬಿ ಮತ್ತು ವಿಟಮಿನ್ ಇ ಅನ್ನು ಹೊಂದಿರುತ್ತದೆ. ಇವು ದದ್ದು ಮತ್ತು ಉರಿಯೂತವನ್ನು ಕಡಿಮೆ ಮಾಡುತ್ತದೆ.

ಚರ್ಮವನ್ನು ಹೈಡ್ರೇಟ್ ಮಾಡಿಸುತ್ತದೆ: ಎಳ್ಳಿನ ಎಣ್ಣೆಯನ್ನು ಚರ್ಮವನ್ನು ತೇವಗೊಳಿಸಲು ಬಳಸಬಹುದು. ಶೀತ ವಾತಾವರಣದಲ್ಲಿ, ಕೈಗಳ ಚರ್ಮವು ಡ್ರೈ ಆಗಬಹುದು. ಕೆಲವೊಮ್ಮೆ ಚರ್ಮವು ಕೀಳಲು ಶುರುವಾಗುತ್ತದೆ. ಇದು ನಿಮಗೆ ಸಮಸ್ಯೆಗಳನ್ನು ಉಂಟುಮಾಡಬಹುದು. ಈ ವೇಳೆ ನೀವು ಎಳ್ಳಿನ ಎಣ್ಣೆಯಿಂದ ಅಂಗೈಗಳನ್ನು ಮಸಾಜ್ ಮಾಡಬಹುದು. ಇದು ವಿಟಮಿನ್ ಇ ಮತ್ತು ಉತ್ಕರ್ಷಣ ನಿರೋಧಕಗಳನ್ನು ಹೊಂದಿರುತ್ತದೆ. ಇದು ಚರ್ಮವನ್ನು ತೇವವಾಗಿಡುತ್ತದೆ. ಅಲ್ಲದೆ, ಇದು ಯುವಿ ಕಿರಣಗಳಿಂದ ನಿಮ್ಮ ಚರ್ಮವನ್ನು ರಕ್ಷಿಸುತ್ತದೆ.

ಅಂಗೈಗಳಿಗೆ ಮಸಾಜ್ ಮಾಡುವ ವಿಧಾನ: ಎಳ್ಳೆಣ್ಣೆಯಿಂದ ಅಂಗೈಗಳನ್ನು ಮಸಾಜ್ ಮಾಡುವ ಮೊದಲು ಎಣ್ಣೆಯನ್ನು ಒಂದು ಪಾತ್ರೆಯಲ್ಲಿ ತೆಗೆದುಕೊಂಡು 1 ರಿಂದ 2 ಲವಂಗವನ್ನು ಸೇರಿಸಿ, ಸ್ವಲ್ಪ ಬಿಸಿ ಮಾಡಿ. ಬಳಿಕ ಅಂಗೈಗೆ ಎಣ್ಣೆ ಹಚ್ಚಿ ಸ್ವಲ್ಪ ಹೊತ್ತು ಮಸಾಜ್ ಮಾಡಿ.

ಇದನ್ನೂ ಓದಿ: ನವಜಾತ ಶಿಶುವಿಗೆ ಮಸಾಜ್ ಮಾಡುವುದರ ಪ್ರಯೋಜನವೇನು: ಮಗುವಿಗೆ ಮಸಾಜ್ ಮಾಡುವ ಸರಿಯಾದ ಮಾರ್ಗ ಯಾವುದು, ಇಲ್ಲಿದೆ ಮಾಹಿತಿ