ಕ್ಯಾನ್ನಿಂದ ಬಾಟಲಿಗೆ ನೀರು ಹಾಕಲು ಒದ್ದಾಡಿದ ಮೂವರು; ಇವರದ್ದು ಪಕ್ಕಾ ವಾಟ್ಸಾಪ್ ಯುನಿವರ್ಸಿಟಿ ಎಂದ ನೆಟ್ಟಿಗರು
ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ವಿಡಿಯೋಗಳು ವೈರಲ್ ಆಗುತ್ತಲೇ ಇರುತ್ತದೆ. ಫನ್ನಿ ವಿಡಿಯೋಗಳಿಗಂತೂ ಇಲ್ಲಿ ಬರ ಇರುವುದೇ ಇಲ್ಲ. ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಮೂವರು ಕ್ಯಾನ್ನಿಂದ ಬಾಟಲಿಗೆ ನೀರು ವರ್ಗಾಯಿಸೋಕೆ ಎಷ್ಟೆಲ್ಲ ಹರಸಾಹಸ ಪಟ್ಟಿದ್ದಾರೆ ಅನ್ನೋದನ್ನು ನೀವೇ ನೋಡಿ
ಸುಮ್ಮನೇ ಕುಳಿತು ಬೋರಾದಾಗೆಲ್ಲ ಸೋಶಿಯಲ್ ಮೀಡಿಯಾಗಳಲ್ಲಿ ಬರುವ ವಿಡಿಯೋಗಳನ್ನು ನೋಡಿದರೆ ಸಾಕು. ಟೈಂ ಹೇಗೆ ಪಾಸ್ ಆಗುತ್ತೆ ಅನ್ನೊದೇ ಅರ್ಥವಾಗೋದಿಲ್ಲ. ಈಗಂತೂ ಇನ್ಸ್ಟಾಗ್ರಾಂನ ರೀಲ್ಸ್ ಹಾಗೂ ಯುಟ್ಯೂಬ್ಗಳಲ್ಲಿ ಬರುವ ಶಾರ್ಟ್ಸ್ ವಿಡಿಯೋಗಳು ನೋಡಿದಷ್ಟೂ ಇನ್ನೂ ನೋಡಬೇಕು ಎನಿಸುವಂತೆ ಮಾಡುತ್ತವೆ. ಇದರಲ್ಲಿ ಬರುವ ಕೆಲವು ಫನ್ನಿ ವಿಡಿಯೋಗಳು ಹೊಟ್ಟೆ ಹುಣ್ಣಾಗುವಂತೆ ನಗುವಂತೆ ಮಾಡುತ್ತವೆ. ಇನ್ನೂ ಕೆಲವು ವಿಡಿಯೋಗಳು ಜಗತ್ತಿನಲ್ಲಿ ಇಂಥಾ ಮೂರ್ಖರೂ ಇದ್ದಾರಾ ಎಂಬ ಪ್ರಶ್ನೆಯನ್ನು ಹುಟ್ಟು ಹಾಕುತ್ತವೆ. ಈಗ ಈ ಎಲ್ಲಾ ವಿಚಾರಗಳ ಬಗ್ಗೆ ಮಾತನಾಡಲು ಒಂದು ಕಾರಣ ಕೂಡ ಇದೆ. ಸೋಶಿಯಲ್ ಮೀಡಿಯಾದಲ್ಲಿ ಸದ್ಯ ಒಂದು ವಿಡಿಯೋ ವೈರಲ್ ಆಗುತ್ತಿದ್ದು ಇದನ್ನು ವೀಕ್ಷಿಸಿದ ನೆಟ್ಟಿಗರು ಇವರೇನು ವಾಟ್ಸಾಪ್ ಯುನಿವರ್ಸಿಟಿಯಲ್ಲಿ ಪದವಿ ಪಡೆದವರಾ ಅಂತಾ ವ್ಯಂಗ್ಯ ಮಾಡುತ್ತಿದ್ದಾರೆ.
ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಮೂವರು ಒಂದು ಕ್ಯಾನ್ನಿಂದ ಬಾಟಲಿಗೆ ಮಾದರಿಯ ವಸ್ತುವನ್ನು ವರ್ಗಾವಣೆ ಮಾಡೋದಕ್ಕೆ ಹರಸಾಹಸ ಪಟ್ಟಿದ್ದಾರೆ. ವಿಪರ್ಯಾಸ ಅಂದರೆ ಆ ಮೂವರಲ್ಲಿ ಯಾರಿಗೂ ಕೊನೆಗೂ ಕ್ಯಾನ್ನಿಂದ ಸರಿಯಾದ ಕ್ರಮದಲ್ಲಿ ನೀರನ್ನು ಬಾಟಲಿಗೆ ಸುರಿಯಲು ಯಾರಿಂದಲೂ ಸಾಧ್ಯವಾಗುವುದಿಲ್ಲ. ಈ ವಿಡಿಯೋ ನೋಡಿದ ನೆಟ್ಟಿಗರು ಹೊಟ್ಟೆ ಹುಣ್ಣಾಗುವಂತೆ ನಕ್ಕಿದ್ದಾರೆ.
ಮೊದಲನೆಯದಾಗಿ ಒಬ್ಬ ವ್ಯಕ್ತಿ ಕ್ಯಾನ್ನಿಂದ ನೀರನ್ನು ಬಾಟಲಿಗೆ ಸುರಿಯಲು ಮುಂದಾಗುತ್ತಾನೆ. ಆದರೆ ನೀರು ಬಾಟಲಿಯ ಒಳಗೆ ಬೀಳುವುದಕ್ಕಿಂತ ಹೆಚ್ಚಾಗಿ ಅದು ಬಾಟಲಿಯ ಸುತ್ತಮುತ್ತಲೂ ಚೆಲ್ಲಿ ಹೋಗುತ್ತದೆ. ಇದಾದ ಬಳಿಕ ನಿನಗಿಂತ ನಾನೇ ಬುದ್ಧಿವಂತ ಎಂದು ಬಂದ ಇನ್ನೊಬ್ಬ ವ್ಯಕ್ತಿಯ ಗಾಳಿಕೆಯ ಸಹಾಯದಿಂದ ಕ್ಯಾನ್ನಲ್ಲಿದ್ದ ನೀರನ್ನು ಬಾಟಲಿಗೆ ಸುರಿಯುವ ಯತ್ನ ಮಾಡುತ್ತಾನೆ. ಆದರೆ ಇಲ್ಲಿ ಮಜಾ ಏನಪ್ಪ ಅಂದರೆ ಆತನಿಗೆ ಗಾಳಿಕೆಯನ್ನು ಹೇಗೆ ಬಳಕೆ ಮಾಡಬೇಕು ಅನ್ನೋದೇ ತಿಳಿದಿರುವುದಿಲ್ಲ. ಆತನ ಗಾಳಿಕೆಯನ್ನು ಉಲ್ಟಾ ಹಿಡಿದು ಕ್ಯಾನ್ನಿಂದ ನೀರನ್ನು ಬಾಟಲಿಗೆ ಸುರಿದ ಪರಿಣಾಮ ಬಾಟಲಿಗೆ ನೀರು ಸುರಿಯವ ಪ್ರಯತ್ನದಲ್ಲಿ ವಿಫಲನಾಗುತ್ತಾನೆ.
ಇಬ್ಬರಿಂದಲೂ ಈ ಕೆಲಸ ಮಾಡಲು ಸಾಧ್ಯವಾಗದ್ದನ್ನು ಗಮನಿಸಿ ಮಹಿಳೆ ಅಲ್ಲಿಗೆ ಎಂಟ್ರಿ ಕೊಡುತ್ತಾಳೆ. ಆದರೆ ಆಕೆಯ ಹಣಬರಹ ಕೂಡ ಅಷ್ಟೇ. ಗಾಳಿಕೆಯನ್ನು ಬಾಟಲಿಯ ಬಾಯಿಯಲ್ಲಿ ಇಟ್ಟು ನೀರು ಸುರಿಯುವುದನ್ನು ಬಿಟ್ಟು ಕ್ಯಾನ್ನ ಬಾಯಿಗೆ ಗಾಳಿಕೆಯನ್ನು ಸಿಕ್ಕಿಸಿ ನೀರು ಹಾಕಲು ಹೋಗಿ ಆಕೆಯು ಈ ಪ್ರಯತ್ನದಲ್ಲಿ ಅಸಫಲಳಾಗುತ್ತಾಳೆ. ಇಲ್ಲಿಗೆ ಮೂವರ ಬುದ್ಧಿಮಟ್ಟ ಎಷ್ಟಿದೆ ಎನ್ನುವುದು ಸೋಶಿಯಲ್ ಮೀಡಿಯಾದಲ್ಲಿ ಸಾಬೀತಾಗುತ್ತದೆ.
ಈ ವಿಡಿಯೋ ನೋಡಿದ ನೆಟ್ಟಿಗರು ಈ ಮೂವರಿಗೆ ದೇವರು ಮೆದುಳು ಕೊಟ್ಟೇ ಇಲ್ವ ಅಂತ ಪ್ರಶ್ನೆ ಮಾಡಿದ್ದಾರೆ. ಇನ್ನೂ ಕೆಲವರು ವಾಟ್ಸಾಪ್ನಿಂದ ಜ್ಞಾನ ಸಂಪಾದಿಸಿಕೊಂಡು ಮಾತನಾಡುವವರ ಮಾತುಗಳು ಇದೇ ರೀತಿ ಇರುತ್ತವೆ. ಅದಕ್ಕೆ ಯಾವುದೇ ಲಾಜಿಕ್ ಇರುವುದಿಲ್ಲ ಅಂತಾ ವ್ಯಂಗ್ಯವಾಡಿದ್ದಾರೆ. ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ವೈರಲ್ ಆಗುತ್ತಿದ್ದು ಸಾಕಷ್ಟು ಲೈಕ್ಸ್, ಕಮೆಂಟ್ಸ್ಗಳನ್ನು ಸಂಪಾದಿಸಿದೆ.
