ಭಾರತಕ್ಕೆ ಬಂತು 108MP ಕ್ಯಾಮೆರಾದ ಹೊಸ ಸ್ಮಾರ್ಟ್ಫೋನ್, ಕ್ಲ್ಯಾರಿಟಿ ಕಂಡು ಖುಷಿ ಆದ ಟೆಕ್‌ ಪ್ರಿಯರು; ಇನ್ನಿತರ ವೈಶಿಷ್ಟ್ಯಗಳು ಹೀಗಿವೆ
ಭಾರತದಲ್ಲಿ ಹಾನರ್ ಮ್ಯಾಜಿಕ್6 ಪ್ರೊ5Gಸ್ಮಾರ್ಟ್ಫೋನ್ ಬಿಡುಗಡೆ ಆಗಿದೆ.ಇದರಲ್ಲಿ108 ಮೆಗಾ ಪಿಕ್ಸೆಲ್ ಕ್ಯಾಮೆರಾ ಆಯ್ಕೆ ನೀಡಲಾಗಿದೆ.ಜೊತೆಗೆ ಕ್ವಾಲ್ಕಂನ ಸ್ನಾಪ್ಡ್ರಾಗನ್8 Gen 3 ಪ್ರೊಸೆಸರ್, 5,600mAhಬ್ಯಾಟರಿಯಿಂದ ಬೆಂಬಲಿತವಾಗಿದೆ. ಈ ಫೋನ್ನ ವೈಶಿಷ್ಟ್ಯಗಳು ಹೀಗಿವೆ (ಬರಹ:ವಿನಯ್ ಭಟ್)
ಭಾರತದಲ್ಲಿ ಕಳೆದ ಕೆಲವು ತಿಂಗಳುಗಳಿಂದ ಕೊಂಚ ತಗ್ಗಿದ್ದ ಕ್ಯಾಮೆರಾ ಫೋನ್‌ಗಳ ಹಾವಳಿ ಇದೀಗ ಮತ್ತೆ ಶುರುವಾದಂತಿದೆ. ಪ್ರಸಿದ್ಧ ಹಾನರ್ ಕಂಪನಿ 108 ಮೆಗಾ ಪಿಕ್ಸೆಲ್ ಕ್ಯಾಮೆರಾ ಆಯ್ಕೆ ಹೊಂದಿರುವ ಅದ್ಭುತವಾದ ಹಾನರ್ ಮ್ಯಾಜಿಕ್ 6 ಪ್ರೊ 5G ಅನ್ನು ಅನಾವರಣ ಮಾಡಿದೆ. ಕೇವಲ ಕ್ಯಾಮರಾ ಮಾತ್ರವಲ್ಲದೆ ಅತ್ಯಂತ ಬಲಿಷ್ಠವಾದ ಕ್ವಾಲ್ಕಂನ ಸ್ನಾಪ್ಡ್ರಾಗನ್ 8 Gen 3 ಪ್ರೊಸೆಸರ್ ಕೂಡ ಇದರಲ್ಲಿ ಅಳವಡಿಸಲಾಗಿದೆ. ವೈರ್ಡ್ ಮತ್ತು ವೈರ್‌ಲೆಸ್ ಚಾರ್ಜಿಂಗ್ ಎರಡಕ್ಕೂ ಬೆಂಬಲದೊಂದಿಗೆ 5,600mAh ಬ್ಯಾಟರಿಯಿಂದ ಬೆಂಬಲಿತವಾಗಿದೆ. ಹಾಗಾದರೆ ಈ ಫೋನಿನ ಬೆಲೆ ಎಷ್ಟು, ಏನೆಲ್ಲ ಫೀಚರ್ಸ್ ಇದೆ ಎಂಬ ಕುರಿತ ಸಂಪೂರ್ಣ ಮಾಹಿತಿ ನೋಡೋಣ.
ಭಾರತದಲ್ಲಿ ಹಾನರ್ ಮ್ಯಾಜಿಕ್ 6 ಪ್ರೊ 5G ಬೆಲೆ, ಲಭ್ಯತೆ
ಹಾನರ್ ಮ್ಯಾಜಿಕ್ 6 ಪ್ರೊ 5G ಫೋನ್ ಸದ್ಯಕ್ಕೆ ಕೇವಲ ಒಂದು ಆಯ್ಕೆಯಲ್ಲಷ್ಟೆ ಬಿಡುಗಡೆ ಆಗಿದೆ. ಇದರ 12GB RAM + 512GB ಸ್ಟೋರೇಜ್ ಆವೃತ್ತಿಗೆ ಬರೋಬ್ಬರಿ 89,999 ರೂ. ಇದೆ. ಇದು ಕಪ್ಪು ಮತ್ತು ಎಪಿ ಗ್ರೀನ್ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ. ಅಮೆಜಾನ್, Explorehonor.com ಮತ್ತು ಮುಖ್ಯ ಮಳಿಗೆಗಳಲ್ಲಿ ಆಗಸ್ಟ್ 15 ರಿಂದ ಖರೀದಿಗೆ ಲಭ್ಯವಿದೆ.
ಹಾನರ್ ಮ್ಯಾಜಿಕ್ 6 ಪ್ರೊ 5G ಫೀಚರ್ಸ್
ಡ್ಯುಯಲ್ ಸಿಮ್ (ನ್ಯಾನೋ) ಹಾನರ್ ಮ್ಯಾಜಿಕ್ 6 ಪ್ರೊ ಫೋನ್ ಕಂಪನಿಯ ಮ್ಯಾಜಿಕ್ಓಎಸ್ 8.0 ಇಂಟರ್‌ಫೇಸ್‌ನಲ್ಲಿ ಆಂಡ್ರಾಯ್ಡ್ 14 ಮೂಲಕ ರನ್ ಆಗುತ್ತದೆ. 6.8-ಇಂಚಿನ ಪೂರ್ಣ-ಎಚ್‌ಡಿ+ (1,280x2,800 ಪಿಕ್ಸೆಲ್‌ಗಳು) ಕ್ವಾಡ್-ಕರ್ವ್ ಡಿಸ್ಪ್ಲೇ ಜೊತೆಗೆ 1Hz ನಿಂದ ಹಿಡಿದು 120Hz ವರೆಗೆ ಅಡಾಪ್ಟಿವ್ ರಿಫ್ರೆಶ್ ದರವನ್ನು ಹೊಂದಿದೆ. 5,000 ನಿಟ್‌ಗಳ ಗರಿಷ್ಠ HDR ಬ್ರೈಟ್‌ನೆಸ್ ಇದೆ. ಇದು ಹಾನರ್‌ನ ಆಂತರಿಕ ನ್ಯಾನೋ ಕ್ರಿಸ್ಟಲ್ ಶೀಲ್ಡ್ ಅನ್ನು ಕೂಡ ಹೊಂದಿದೆ.
ಬಲಿಷ್ಠವಾದ 4nm ಸ್ನಾಪ್ಡ್ರಾಗನ್ 8 Gen 3 ಪ್ರೊಸೆಸರ್ನಲ್ಲಿ ಕಾರ್ಯನಿರ್ವಹಿಸುತ್ತದೆ, 12GB RAM ಮತ್ತು 512GB ಸಂಗ್ರಹಣೆಯೊಂದಿಗೆ ಜೋಡಿಸಲಾಗಿದೆ. ಇದು ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ, OIS ಬೆಂಬಲದೊಂದಿಗೆ 108-ಮೆಗಾಪಿಕ್ಸೆಲ್ 2.5x ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮರಾ ಮತ್ತು 100x ಡಿಜಿಟಲ್ ಜೂಮ್, 50-ಮೆಗಾಪಿಕ್ಸೆಲ್ H9000 HDR ಕ್ಯಾಮರಾ, ಆಟೋಫೋಕಸ್ನೊಂದಿಗೆ ಅಲ್ಟ್ರಾ-ವೈಡ್-ಆಂಗಲ್ ಕ್ಯಾಮೆರಾ ನೀಡಲಾಗಿದೆ. ಮುಂಭಾಗದಲ್ಲಿ, ಇದು ವೈಡ್-ಆಂಗಲ್ ಲೆನ್ಸ್ ಮತ್ತು 3D ಡೆಪ್ತ್ ಸೆನ್ಸಿಂಗ್‌ನೊಂದಿಗೆ 50-ಮೆಗಾಪಿಕ್ಸೆಲ್ ಕ್ಯಾಮರಾವನ್ನು ಹೊಂದಿದೆ.
ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G, ವೈ-ಫೈ, ಬ್ಲೂಟೂತ್, GPS/AGPS, ಗೆಲಿಲಿಯೋ, ಗ್ಲೋನಾಸ್, ಬೀಡೌ, USB ಟೈಪ್-C ಪೋರ್ಟ್ ಸೇರಿವೆ. ಇದು ಧೂಳು ಮತ್ತು ನೀರಿನ ಪ್ರತಿರೋಧಕ್ಕಾಗಿ IP68-ರೇಟೆಡ್ ಆಗಿದೆ. ಹಾನರ್ ಮ್ಯಾಜಿಕ್ 6 ಪ್ರೊ 5G ತನ್ನ ಹಿಂದಿನ ಮತ್ತು ಸೆಲ್ಫಿ ಕ್ಯಾಮರಾಗಳು, ಬ್ಯಾಟರಿ ಕಾರ್ಯಕ್ಷಮತೆ, ಪ್ರದರ್ಶನ ಮತ್ತು ಆಡಿಯೊ ಅನುಭವಕ್ಕಾಗಿ ಐದು DXOMARK ಗೋಲ್ಡ್ ಲೇಬಲ್‌ಗಳನ್ನು ಪಡೆದ ಮೊದಲ ಸ್ಮಾರ್ಟ್ಫೋನ್ ಆಗಿದೆ ಎಂದು ಹಾನರ್ ಹೇಳಿದೆ. ಈ ಫೋನ್ನ ಕ್ಯಾಮರಾದಲ್ಲಿ ಫೋಟೋ ಅದ್ಭುತವಾಗಿ ಮೂಡಿಬರುತ್ತದೆ.
80W ವೈರ್ಡ್ ಚಾರ್ಜಿಂಗ್ ಮತ್ತು 66W ವೈರ್‌ಲೆಸ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 5,600mAh ಬ್ಯಾಟರಿಯನ್ನು ಹೊಂದಿದೆ. ಹಾನರ್‌ನ E1 ಪವರ್ ವರ್ಧನೆ ಚಿಪ್‌ನಿಂದ ಬೆಂಬಲಿತವಾಗಿರುವ ಬ್ಯಾಟರಿಯು ಕಡಿಮೆ-ತಾಪಮಾನದ ಪರಿಸರದಲ್ಲಿಯೂ ಸಹ ಯಾವುದೇ ತೊಂದರೆಯಿಲ್ಲದೆ ಉಪಯೋಗಿಸಬಹುದು. ವೇಗದ ಚಾರ್ಜಿಂಗ್ ವೈಶಿಷ್ಟ್ಯಗಳು ಕೇವಲ 40 ನಿಮಿಷಗಳಲ್ಲಿ ಶೂನ್ಯದಿಂದ ಪೂರ್ಣವಾಗಿ ಬ್ಯಾಟರಿಯನ್ನು ತುಂಬುತ್ತದೆ.
ವಿಭಾಗ