ಬಜೆಟ್ ಪ್ರಿಯರಿಗೆ ಸಿಹಿಸುದ್ದಿ, ಕೇವಲ 6499 ರೂ ಗೆ ಬಂದಿದೆ ದೇಶೀಯ ಸ್ಮಾರ್ಟ್ಫೋನ್; ವೈಶಿಷ್ಟ್ಯಗಳು ಹೀಗಿವೆ ನೋಡಿ
ಭಾರತದಲ್ಲಿ ಬಜೆಟ್ ಫೋನುಗಳ ಹಾವಳಿ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ.ಇದೇ ಸಾಲಿನಲ್ಲಿ ದೇಶೀಯ ಸ್ಮಾರ್ಟ್ಫೋನ್ ಬ್ರ್ಯಾಂಡ್ ಲಾವಾ ಹೊಸ ಲಾವಾ ಯುವ ಸ್ಟಾರ್4Gಫೋನನ್ನು ರಿಲೀಸ್ ಮಾಡಿದೆ.ಬಜೆಟ್ ಪ್ರಿಯರಿಗೆ ಹೇಳಿ ಮಾಡಿಸಿದ ಈ ಫೋನಿನ ಬೆಲೆ ಕೇವಲ6,499 ರೂ.ಈ ಬಗ್ಗೆ ಇಲ್ಲಿದೆ ಮಾಹಿತಿ. (ಬರಹ: ವಿನಯ್ ಭಟ್)
ಬಜೆಟ್ ಫೋನನ್ನು ಇಷ್ಟಪಡುವವರಿಗೆ ಬಂಪರ್ ಸ್ಮಾರ್ಟ್ಫೋನ್ ಒಂದು ಮಾರುಕಟ್ಟೆಗೆ ಬಂದಿದೆ. ಭಾರತದ ಪ್ರಸಿದ್ಧ ಲಾವಾ ಕಂಪನಿ ಹೊಸ ಲಾವಾ ಯುವ ಸ್ಟಾರ್ 4G ಅನ್ನು ಬಿಡುಗಡೆ ಮಾಡಿದೆ. ಈ ಹ್ಯಾಂಡ್ಸೆಟ್ ಆಕ್ಟಾ-ಕೋರ್ ಯುನಿಸಾಕ್ ಚಿಪ್ಸೆಟ್ನಿಂದ ಚಾಲಿತವಾಗಿದ್ದು, AI ವೈಶಿಷ್ಟ್ಯಗಳಿಂದ ಬೆಂಬಲಿತವಾದ 13-ಮೆಗಾಪಿಕ್ಸೆಲ್ ಡ್ಯುಯಲ್ ರಿಯರ್ ಕ್ಯಾಮೆರಾ ಘಟಕವನ್ನು ಹೊಂದಿದೆ. ದೀರ್ಘ ಸಮಯ ಬಾಳಿಕೆ ಬರುವ 5,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ. ಇದರ ಜೊತೆಗೆ ಈ ಫೋನಿನಲ್ಲಿ ಅನೇಕ ಆಯ್ಕೆಗಳಿವೆ.
ಭಾರತದಲ್ಲಿ ಲಾವಾ ಯುವ ಸ್ಟಾರ್ 4G ಬೆಲೆ, ಲಭ್ಯತೆ
ಲಾವಾ ಯುವ ಸ್ಟಾರ್ ಸದ್ಯಕ್ಕೆ ಒಂದು ಮಾದರಿಯಲ್ಲಷ್ಟೆ ಅನಾವರಣ ಮಾಡಲಾಗಿದೆ. ಇದರ ಏಕೈಕ 4GB + 64 GB ಆಯ್ಕೆಗೆ 6,499 ರೂ. ಇದೆ. ಇದು ಪ್ರಸ್ತುತ ದೇಶಾದ್ಯಂತ ಆಯ್ದ ಚಿಲ್ಲರೆ ಅಂಗಡಿಗಳಲ್ಲಿ ಖರೀದಿಗೆ ಲಭ್ಯವಿದೆ ಎಂದು ಕಂಪನಿಯು ಪತ್ರಿಕಾ ಪ್ರಕಟಣೆಯಲ್ಲಿ ದೃಢಪಡಿಸಿದೆ. ಈ ಹ್ಯಾಂಡ್ಸೆಟ್ ಅನ್ನು ಮೂರು ಬಣ್ಣ ಆಯ್ಕೆಗಳಲ್ಲಿ ನೀಡಲಾಗುತ್ತದೆ - ಕಪ್ಪು, ಲ್ಯಾವೆಂಡರ್ ಮತ್ತು ಬಿಳಿ.
ಲಾವಾ ಯುವ ಸ್ಟಾರ್ 4G ಫೀಚರ್ಸ್
ಲಾವಾ ಯುವ ಸ್ಟಾರ್ 4G ಫೋನ್ 6.75-ಇಂಚಿನ HD+ ಡಿಸ್ಪ್ಲೇ ಜೊತೆಗೆ ಮುಂಭಾಗದ ಕ್ಯಾಮರಾಕ್ಕಾಗಿ ಮೇಲ್ಭಾಗದಲ್ಲಿ ವಾಟರ್ಡ್ರಾಪ್ ನಾಚ್ ಅನ್ನು ಹೊಂದಿದೆ. ಯುನಿಸೊಕ್ 9863ಎ ಚಿಪ್ಸೆಟ್ನಿಂದ 4GB RAM ಮತ್ತು 64GB ಆನ್ಬೋರ್ಡ್ ಸಂಗ್ರಹಣೆಯೊಂದಿಗೆ ಜೋಡಿಸಲ್ಪಟ್ಟಿದೆ. RAM ಅನ್ನು ವಾಸ್ತವಿಕವಾಗಿ ಹೆಚ್ಚುವರಿ 4GB ವರೆಗೆ ವಿಸ್ತರಿಸಬಹುದು. ಇದು ಆಂಡ್ರಾಯ್ಡ್ 14 Go ಆವೃತ್ತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಯಾವುದೇ ಬ್ಲೋಟ್ವೇರ್ ಇಲ್ಲದೆ ಫೋನ್ ರವಾನೆಯಾಗುತ್ತದೆ ಎಂದು ಲಾವಾ ಹೇಳಿಕೊಂಡಿದೆ.
ಕ್ಯಾಮರಾ ವಿಭಾಗದಲ್ಲಿ, ಲಾವಾ ಯುವ ಸ್ಟಾರ್ 4G ಡ್ಯುಯಲ್ ಹಿಂಬದಿಯ ಕ್ಯಾಮರಾ ವ್ಯವಸ್ಥೆಯನ್ನು ಹೊಂದಿದೆ. ಇದು LED ಫ್ಲ್ಯಾಷ್ ಘಟಕದ ಜೊತೆಗೆ 13-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕವನ್ನು ಒಳಗೊಂಡಿದೆ. ಈ ಹ್ಯಾಂಡ್ಸೆಟ್ ಹಲವಾರು AI-ಬೆಂಬಲಿತ ಕ್ಯಾಮರಾ ವೈಶಿಷ್ಟ್ಯಗಳನ್ನು ಸಹ ಬೆಂಬಲಿಸುತ್ತದೆ. ಮತ್ತೊಂದೆಡೆ, ಮುಂಭಾಗದ ಕ್ಯಾಮರಾ 5 ಮೆಗಾಪಿಕ್ಸೆಲ್ನಿಂದ ಕೂಡಿದೆ.
ಲಾವಾ ಯುವ ಸ್ಟಾರ್ 4G ಸ್ಮಾರ್ಟ್ಫೋನ್ 10W ವೈರ್ಡ್ ಚಾರ್ಜಿಂಗ್ಗೆ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ ಮತ್ತು USB ಟೈಪ್-C ಚಾರ್ಜಿಂಗ್ ಪೋರ್ಟ್ನೊಂದಿಗೆ ಬರುತ್ತದೆ. ಭದ್ರತೆಗಾಗಿ, ಸೈಡ್-ಮೌಂಟೆಡ್ ಫಿಂಗರ್ಪ್ರಿಂಟ್ ಸ್ಕ್ಯಾನರ್ ಅನ್ನು ಹೊಂದಿದೆ. ಭಾರತದಲ್ಲಿ ಅತಿ ಕಡಿಮೆ ಬೆಲೆಗೆ ಲಭ್ಯವಿರುವ ಕೆಲವೇ ಕೆಲವು ಆಕರ್ಷಕ ಸ್ಮಾರ್ಟ್ಫೋನ್ಗಳ ಸಾಲಿಗೆ ಇದು ಕೂಡ ಸೇರ್ಪಡೆ ರೆಡ್ಮಿ, ಟೆಕ್ನೋ ಫೋನುಗಳಿಗೆ ಸವಾಲೊಡ್ಡುತ್ತಿದೆ.
ವಿಭಾಗ