ಹೆರಿಗೆಯಾದ ನಂತರ ಇವುಗಳನ್ನು ಸೇವಿಸದಿರುವುದು ಉತ್ತಮ.. ಯಾಕೆ ಗೊತ್ತಾ?

ತಾಯ್ತನ ಒಂದು ಮಧುರವಾದ ಭಾವನೆ. ಆದ್ದರಿಂದಲೇ ತಾಯಂದಿರಾದವರು ಹೆಚ್ಚಿನ ಕಾಳಜಿ ವಹಿಸುತ್ತಾರೆ. ಗರ್ಭಿಣಿಯಾಗಿ ಮಕ್ಕಳು ಹುಟ್ಟುವವರೆಗೆ ಮಾತ್ರ ಅಲ್ಲ, ಮಕ್ಕಳು ಹುಟ್ಟಿದ ಮೇಲೂ ತಾಯಂದಿರು ಹಲವು ಮುಂಜಾಗ್ರತೆ ವಹಿಸಬೇಕು ಎನ್ನುತ್ತಾರೆ ತಜ್ಞರು.

ಹೆರಿಗೆಯ ನಂತರ ತಾಯಂದಿರು ತಮ್ಮ ಆಹಾರದ ಬಗ್ಗೆ ಕಾಳಜಿ ವಹಿಸುವುದು ಮುಖ್ಯ. ಇದು ಹೆರಿಗೆಯ ನಂತರ ತಾಯಂದಿರು ಚೇತರಿಸಿಕೊಳ್ಳಲು ಸಹಾಯ ಮಾಡುತ್ತದೆ, ನಿಮ್ಮ ಪೂರ್ವ-ಗರ್ಭಧಾರಣೆಯ ದೇಹದ ತೂಕಕ್ಕೆ ಮರಳಲು ಸಹಾಯ ಮಾಡುತ್ತದೆ. ಆದರೆ ಹೆರಿಗೆಯ ನಂತರ ಹಲವು ದಿನಗಳ ವರೆಗೆ ಕೆಲವೊಂದು ಆಹಾರಗಳನ್ನು ಸೇವಿಸಬಾರದು ಎಂದು ಪೌಷ್ಟಿಕತಜ್ಞೆ ಡಾ.ರೋಹಿಣಿ ಪಾಟೀಲ್ ಸಲಹೆ ನೀಡುತ್ತಾರೆ.

ಸಕ್ಕರೆ ಪಾನೀಯಗಳು

ಹೆಚ್ಚು ಸಕ್ಕರೆ ಭರಿತ ತಂಪು ಪಾನೀಯಗಳು ಕ್ಯಾಲೋರಿಗಳಿಂದ ತುಂಬಿರುತ್ತವೆ. ಈ ರೀತಿಯ ಆಹಾರವು ನಿಮ್ಮ ದೇಹಕ್ಕೆ ಯಾವುದೇ ಪೋಷಣೆಯನ್ನು ನೀಡುವುದಿಲ್ಲ. ಮೇಲಿಂದ ಮೇಲೆ ನಿಮ್ಮನ್ನು ತೂಕ ಹೆಚ್ಚಿಸಲು ಕಾರಣವಾಗುತ್ತದ. ಹೆಚ್ಚು ಸಕ್ಕರೆ ಪಾನೀಯಗಳನ್ನು ಸೇವಿಸುವುದರಿಂದ ಹೆರಿಗೆ ಬಳಿಕ ಮಹಿಳೆಯರಿಗೆ ಸುಸ್ತು ಕೂಡ ಜಾಸ್ತಿಯಾಗುತ್ತದೆ.

ಸಂಸ್ಕರಿಸಿದ ಆಹಾರ ಅಥವಾ ಜಂಕ್ ಫುಡ್

ಜಂಕ್ ಫುಡ್ ಅಥವಾ ಸಂಸ್ಕರಿಸಿದ ಆಹಾರಗಳಲ್ಲಿ ಹೆಚ್ಚಿನ ಕ್ಯಾಲೋರಿಗಳು, ಕೊಬ್ಬು, ಸಕ್ಕರೆ ಮತ್ತು ಉಪ್ಪು ಇರುತ್ತದೆ. ಜೀವಸತ್ವಗಳು, ಖನಿಜಗಳು ಮತ್ತು ಫೈಬರ್ ಕಡಿಮೆ ಇರುತ್ತದೆ. ಹೊರಗೆ ಪ್ಯಾಕ್ ಮಾಡಿದ ರೆಡಿಮೇಡ್ ಆಹಾರವನ್ನು ಬೇಡ ಎಂದು ಹೇಳಿ. ತಾಜಾ, ಮನೆಯಲ್ಲಿ ತಯಾರಿಸಿದ ಆಹಾರವನ್ನು ತಿನ್ನಲು ಪ್ರಯತ್ನಿಸಿ. ಚಿಪ್ಸ್ ಮತ್ತು ಕುಕೀಗಳಿಂದ ದೂರವಿರಿ. ಕಡಿಮೆ ಕ್ಯಾಲೋರಿ ಹೊಂದಿರುವ ಆರೋಗ್ಯಕರ ತಿಂಡಿಗಳನ್ನು ಆರಿಸಿ, ಅದು ಹೆಚ್ಚಿನ ಪ್ರೋಟೀನ್, ಫೈಬರ್ ಮತ್ತು ಆರೋಗ್ಯಕರ ಕೊಬ್ಬುಗಳನ್ನು ಹೊಂದಿರುತ್ತದೆ. ಹಣ್ಣುಗಳು, ಕಾಳುಗಳು ಹಾಗೂ ಒಂದು ಬೌಲ್ ಮೊಸರು ಆರೋಗ್ಯಕರ ಆಯ್ಕೆಯಾಗಿದೆ.

ಹೆಚ್ಚಿನ ಪಾದರಸದ ಮಟ್ಟವನ್ನು ಹೊಂದಿರುವ ಮೀನು

ಸಮುದ್ರಾಹಾರವು ನೈಸರ್ಗಿಕ ಪ್ರೋಟೀನ್, ಆರೋಗ್ಯಕರ ಕೊಬ್ಬುಗಳು ಮತ್ತು ಇತರ ಪೋಷಕಾಂಶಗಳ ಉತ್ತಮ ಮೂಲವಾಗಿದೆ. ಆದರೆ ಕೆಲವು ವಿಧದ ಮೀನುಗಳು ಹೆಚ್ಚಿನ ಮಟ್ಟದ ಪಾದರಸವನ್ನು ಹೊಂದಿರುತ್ತವೆ. ಇದು ನಿಮ್ಮ ನವಜಾತ ಶಿಶುವಿಗೆ ನೀಡುವ ಹಾಲಿನ ಮೂಲಕ ಹೋಗುತ್ತದೆ. ಇದು ಅವರ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಹೆಚ್ಚಿನ ಮಟ್ಟದ ಪಾದರಸವನ್ನು ಹೊಂದಿರುವ ಕತ್ತಿಮೀನು, ಶಾರ್ಕ್ ಮತ್ತು ಕಿಂಗ್ ಮ್ಯಾಕೆರೆಲ್ ಅನ್ನು ತಪ್ಪಿಸಿ.

ಟೀ, ಕಾಫಿ..

ನೀವು ಚಹಾ ಅಥವಾ ಕಾಫಿ ತೆಗೆದುಕೊಳ್ಳುತ್ತಿದ್ದರೆ ಹೆರಿಗೆಯ ನಂತರ ನಿಲ್ಲಿಸುವುದು ಉತ್ತಮ. ಕೆಫೀನ್ ಸ್ತನ್ಯಪಾನದ ಮೂಲಕ ತಾಯಿಯಿಂದ ಮಗುವಿಗೆ ಹೋಗುತ್ತದೆ. ಈ ಕ್ರಮದಲ್ಲಿ ನೀವು ದಿನಕ್ಕೆ 1 ಕಪ್ ಮಾತ್ರ ಚಹಾ ಅಥವಾ ಕಾಫಿಯನ್ನು ತೆಗೆದುಕೊಳ್ಳುವುದು ಸೂಕ್ತವಾಗಿದೆ. ಕೆಫೀನ್‌ನ ಅತಿಯಾದ ಸೇವನೆಯು ಮಗುವಿನ ದೇಹದಲ್ಲಿ ಸಂಗ್ರಹಗೊಳ್ಳುತ್ತದೆ ಮತ್ತು ನಿಮ್ಮ ಮಗುವಿಗೆ ನಿದ್ದೆ ಬರದಂತೆ ಮಾಡುತ್ತದೆ.

ಗ್ಯಾಸ್​​ಸ್ಟ್ರಿಕ್​ ಉಂಟುಮಾಡುವ ಆಹಾರಗಳು

ಶಿಶುಗಳಲ್ಲಿ ಗ್ಯಾಸ್ ಸಮಸ್ಯೆಗಳು ತುಂಬಾ ಸಾಮಾನ್ಯವಾಗಿದೆ. ನಿಮ್ಮ ಮಗುವಿನ ಹೊಟ್ಟೆಯು ಉಬ್ಬುವುದು ಗ್ಯಾಸ್ ಸಮಸ್ಯೆಯನ್ನು ಸೂಚಿಸುತ್ತದೆ. ಅಂದರೆ ಕೆಲವು ಆಹಾರಗಳನ್ನು ಸೇವಿಸಿದರೆ ಗ್ಯಾಸ್ ಸಮಸ್ಯೆಗಳು ಬರಬಹುದು. ಎಲೆಕೋಸು, ಬೀನ್ಸ್ ಮತ್ತು ಕೋಸುಗಡ್ಡೆ ಹೆಚ್ಚು ಗ್ಯಾಸ್​ ಅನ್ನು ಉತ್ಪಾದಿಸುತ್ತದೆ. ಆದ್ದರಿಂದ ಅವುಗಳನ್ನು ತಪ್ಪಿಸಿ. ಮಸಾಲೆಯುಕ್ತ ಆಹಾರಗಳನ್ನೂ ತಿನ್ನಬೇಡಿ.

ಆಲ್ಕೋಹಾಲ್ ಸೇವನೆ

ನಿಮ್ಮ ಆಲ್ಕೊಹಾಲ್ ಸೇವನೆಯು ಮಗುವಿಗೆ ಸುರಕ್ಷಿತವಲ್ಲ. ಹಾಲುಣಿಸುವ ತಾಯಂದಿರು ಆಲ್ಕೊಹಾಲ್ ಸೇವಿಸದಿರುವುದು ಸುರಕ್ಷಿತ ಆಯ್ಕೆಯಾಗಿದೆ. ಅಲ್ಲದೇ, ಅಲರ್ಜಿಯನ್ನು ಉಂಟುಮಾಡುವ ಆಹಾರಗಳಿಂದ ದೂರವಿರುವುದು ಉತ್ತಮ.