Optical Illusion: ಇಲ್ಲಿರುವ ಚಿತ್ರದಲ್ಲಿ ಪ್ರಾಣಿಯೊಂದು ಅಡಗಿದೆ, ಅದು ಯಾವ ಪ್ರಾಣಿ; ಈ ಚಿತ್ರ ನಿಮ್ಮ ಕಣ್ಣನ್ನು ಮೋಸಗೊಳಿಸೋದು ಪಕ್ಕಾ

ಇಂಟರ್‌ನೆಟ್‌, ಸೋಷಿಯಲ್‌ ಮಿಡಿಯಾಗಳಲ್ಲಿ ಹರಿದಾಡುವ ಕೆಲವೊಂದು ಚಿತ್ರಗಳು ಮೇಲ್ನೋಟಕ್ಕೆ ನಮ್ಮ ಕಣ್ಣಿಗೆ ಆಶ್ಚರ್ಯ ಎನ್ನಿಸದೇ ಇದ್ದರೂ ಅವುಗಳ ಶೀರ್ಷಿಕೆ ಓದಿದಾಗ ವಿಚಿತ್ರ ಎನ್ನಿಸುವುದು ಸತ್ಯ. ಈ ಚಿತ್ರಗಳನ್ನು ಹತ್ತಿರ ನೋಡಿದಾಗ ಅಥವಾ ದಿಟ್ಟಿಸಿ ನೋಡಿದಾಗ, ಬೇರೊಂದು ಆಂಗಲ್‌ನಲ್ಲಿ ನೋಡಿದಾಗ ನಿಮ್ಮ ಕಣ್ಣೇ ನಿಮಗೆ ಮೋಸ ಮಾಡುವಂತೆ ಅನ್ನಿಸಬಹುದು. ಮೊದಲು ಮೇಲ್ನೋಟಕ್ಕೆ ನೋಡಿದ ಚಿತ್ರಕ್ಕಿಂತ ಎರಡನೇ ಬಾರಿ ನೋಡಿದ ಚಿತ್ರವು ನಿಮಗೆ ಬಹಳ ಭಿನ್ನವಾಗಿ ಕಾಣಿಸಬಹುದು. ಇಲ್ಲೊಂದು ಅಂತಹದ್ದೇ ವಿಚಿತ್ರದ ಆಪ್ಟಿಕಲ್‌ ಇಲ್ಯೂಷನ್‌ ಚಿತ್ರವಿದೆ. ಇದರಲ್ಲಿ ಪ್ರಾಣಿಯೊಂದು ಅಡಗಿದೆ. ಈ ಸಂಕೀರ್ಣವಾದ ಚಿತ್ರದಲ್ಲಿ ಅಡಗಿರುವ ಪ್ರಾಣಿ ಯಾವುದು ಎಂದು ಕಂಡು ಹಿಡಿಯಲು ನಿಮ್ಮಿಂದ ಸಾಧ್ಯವೇ ನೋಡಿ.

EvaRaw666 ಎಂಬ ಹೆಸರಿನ ರೆಡ್ಡಿಟ್‌ ಬಳಕೆದಾರರೊಬ್ಬರು ಈ ಆಪ್ಟಿಕಲ್‌ ಇಲ್ಯೂಷನ್‌ ಅನ್ನು ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ʼಈ ಚಿತ್ರದಲ್ಲಿ ಯಾವ ಪ್ರಾಣಿ ಕಾಣುತ್ತಿದೆʼ ಎಂದು ಅವರು ಬರೆದುಕೊಂಡಿದ್ದಾರೆ.

ಮೇಲ್ನೋಟಕ್ಕೆ ಈ ಚಿತ್ರವು ಸಂಕೀರ್ಣವಾಗಿದೆ ಅನ್ನಿಸುತ್ತದೆ. ಆದರೆ ಹತ್ತಿರದಿಂದ ಪರಿಶೀಲಿಸಿ ನೋಡಿದಾಗ ಈ ಚಿತ್ರದಲ್ಲಿ ಪ್ರಾಣಿಯೊಂದರ ಮುಖ ಕಾಣಿಸುತ್ತದೆ.

ಆಗಸ್ಟ್‌ 8 ರಂದು ಈ ಚಿತ್ರವನ್ನು ರೆಡ್ಡಿಟ್‌ನಲ್ಲಿ ಹಂಚಿಕೊಳ್ಳಲಾಗಿತ್ತು. ಆಗಿನಿಂದ ಇಲ್ಲಿಯವರೆಗೆ ಹಲವರು ಇದಕ್ಕೆ ಅಪ್‌ವೋಟ್‌ ಮಾಡಿದ್ದಾರೆ. ಹಲವರು ಕಾಮೆಂಟ್‌ ಕೂಡ ಮಾಡಿದ್ದಾರೆ.

ಇದೇ ಚಿತ್ರವನ್ನು ಹಲವರು ಟ್ವಿಟರ್‌ನಲ್ಲೂ ಹಂಚಿಕೊಂಡಿದ್ದಾರೆ.

ಈ ಸಂಕೀರ್ಣ ಚಿತ್ರಕ್ಕೆ ಜನರ ಪ್ರತಿಕ್ರಿಯೆ ಹೀಗಿದೆ

ʼಎಲ್ಲರಿಗೂ ಪ್ರಾಣಿ ಕಾಣಿಸಿದ್ಯಾʼ ಎಂದು ಒಬ್ಬರು ಪ್ರಶ್ನಿಸಿದ್ದಾರೆ.

ʼನನಗೆ ಈ ಚಿತ್ರದಲ್ಲಿ ಹಾವು ಕಾಣಿಸಿತು. ನಾನು ಅದಕ್ಕಾಗಿ ಮತ್ತೆ ಮತ್ತೆ ನೋಡುತ್ತಿದ್ದೇನೆʼ ಎಂದು ರೆಡ್ಡಿಟ್‌ ಬಳಕೆದಾರರೊಬ್ಬರು ಕಾಮೆಂಟ್‌ ಮಾಡಿ. ʼಚಿತ್ರದಲ್ಲಿ ಬೆಕ್ಕಿನಂತೆ ಕಾಣುವ ಪ್ರಾಣಿಯೊಂದು ಅಸ್ಪಷ್ಟವಾಗಿ ಕಾಣುತ್ತಿದೆʼ ಎಂದು ಮೂರನೇ ವ್ಯಕ್ತಿ ಕಾಮೆಂಟ್‌ ಮಾಡಿದ್ದಾರೆ. ʼಮೊದಲು ನನಗೆ ಕಿವಿಗಳಿಲ್ಲದ ಮೊಲದಂತೆ ಕಾಣಿಸಿತು. ಇನ್ನೊಂದು ಆಂಗಲ್‌ನಲ್ಲಿ ನೋಡಿದರೆ ಬೆಕ್ಕಿನಂತೆ ಕಾಣಿಸುತ್ತಿದೆʼ ಎಂದು ಮತ್ತೊಬ್ಬರು ಕಾಮೆಂಟ್‌ ಮೂಲಕ ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.

ʼಪ್ರಾಣಿನಾ, ನನಗೆ ಸಹಾಯ ಮಾಡಿ, ಇಲ್ಲಿ ನನಗೆ ಯಾವುದೇ ಪ್ರಾಣಿ ಕಾಣಿಸುತ್ತಿಲ್ಲʼ ಎಂದು ಇನ್ನೊಬ್ಬ ರೆಡ್ಡಿಟ್‌ ಬಳಕೆದಾರರು ಕಾಮೆಂಟ್‌ ಮಾಡಿದ್ದಾರೆ.

ಇದನ್ನೂ ಓದಿ

Viral Video: ನನ್ನ ಅಮ್ಮಂಗೆ ಹೆದರಿಸ್ತಿಯಾ, ಮಾಡ್ತೀನಿ ಇರು ನಿಂಗೆ; ಆನೆಯನ್ನೇ ಓಡಿಸಿದ ಮುದ್ದಾದ ಎಮ್ಮೆ ಮರಿ; ವಿಡಿಯೊ ವೈರಲ್‌

ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುವ ಕೆಲವೊಂದು ವಿಡಿಯೊಗಳು ನಮ್ಮ ಮನಸ್ಸಿಗೆ ಸಾಕಷ್ಟು ಖುಷಿ ಕೊಡುತ್ತವೆ. ಎಮ್ಮೆ ಮರಿಯೊಂದು ಆನೆಯನ್ನು ಓಡಿಸುವುದು, ಆನೆ ಅದಕ್ಕೆ ಮುದ್ದಾಗಿ ಪ್ರತಿಕ್ರಿಯಿಸುವ ವಿಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಈ ವಿಡಿಯೊ ನಿಮಗೆ ಇಷ್ಟವಾಗದೇ ಇರದು.

ಪ್ರಾಣಿಗಳಿಗೆ ಸಂಬಂಧಿಸಿದ ವಿಡಿಯೊಗಳನ್ನು ನೋಡಿದಾಗ ಮನಸ್ಸಿಗೆ ಖುಷಿ ಸಿಗುವುದು ಸುಳ್ಳಲ್ಲ. ಕೆಲವೊಮ್ಮೆ ಪ್ರಾಣಿಗಳ ಮುದ್ದಾಗ ಪ್ರತಿಕ್ರಿಯೆಗಳು ನಮ್ಮ ಮನಸ್ಸನ್ನು ಗೆಲ್ಲುತ್ತವೆ. ಈಗ ಇಂತಹದ್ದೇ ವಿಡಿಯೊವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ನೋಡುಗರ ಹೃದಯ ಗೆದ್ದಿದೆ.

ಈ ವೈರಲ್‌ ನ್ಯೂಸ್‌ ಅನ್ನು ಪೂರ್ತಿ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ