Personality Test: ಚಿತ್ರದಲ್ಲಿ ನಿಮ್ಮ ಕಣ್ಣು ಮೊದಲು ಗ್ರಹಿಸಿದ ಪ್ರಾಣಿ ಯಾವುದು? ನಿಮ್ಮ ರಹಸ್ಯ ಸ್ವಭಾವದ ಬಗ್ಗೆ ತಿಳಿಸುವ ಚಿತ್ರವಿದು
ಇಲ್ಲಿರುವ ಆಪ್ಟಿಕಲ್ ಇಲ್ಯೂಷನ್ ಚಿತ್ರದಲ್ಲಿ ಒಂದಿಷ್ಟು ಪ್ರಾಣಿಗಳಿವೆ. ಅವುಗಳಲ್ಲಿ ನಿಮ್ಮ ಕಣ್ಣಿಗೆ ಮೊದಲು ಕಂಡ ಪ್ರಾಣಿ ಯಾವುದು ಹೇಳಿ. ಆ ಮೂಲಕ ನಿಮ್ಮ ಬಗ್ಗೆ ಹಾಗೂ ನಿಮ್ಮ ವ್ಯಕ್ತಿತ್ವದ ಬಗ್ಗೆ ನಿಮಗೆ ತಿಳಿದಿರದ ಒಂದಿಷ್ಟು ವಿಚಾರಗಳನ್ನು ನೀವು ತಿಳಿಯಬಹುದು.
ನಾವು ಹೇಗೆ ಎಂಬುದನ್ನು ಮೊದಲು ನಾವು ಚೆನ್ನಾಗಿ ಅರ್ಥ ಮಾಡಿಕೊಳ್ಳಬೇಕು. ನಮ್ಮ ಬಗ್ಗೆ ಬೇರೆಯವರು ಸರ್ಟಿಫಿಕೆಟ್ ನೀಡುವುದಕ್ಕಿಂತ ಮೊದಲು ನಾವು ಹೇಗೆ, ನಮ್ಮ ವ್ಯಕ್ತಿತ್ವ ಎಂಥದ್ದು ಎಂಬುದಕ್ಕೆ ನಾವೇ ಸರ್ಟಿಫಿಕೆಟ್ ಕೊಟ್ಟುಕೊಳ್ಳಬೇಕು. ಹಾಗಾದರೆ ನಮ್ಮ ಬಗ್ಗೆ ನಾವೇ ತಿಳಿದುಕೊಳ್ಳುವುದು ಹೇಗೆ ಎಂದು ಯೋಚಿಸುತ್ತಿದ್ದೀರಾ, ಇದಕ್ಕಾಗಿಯೇ ಇರುವುದು ಆಪ್ಟಿಕಲ್ ಇಲ್ಯೂಷನ್ಗಳು.
ಈ ಆಪ್ಟಿಕಲ್ ಇಲ್ಯೂಷನ್ಗಳ ಮೂಲಕ ವ್ಯಕ್ತಿತ್ವ ಪರೀಕ್ಷೆ ಮಾಡುವುದು ನಿಮಗೆ ತಮಾಷೆ ಎನ್ನಿಸಬಹುದು. ಆದರೆ ಇದು ಖಂಡಿತ ಮೋಜಿನ ಸಂಗತಿಯಲ್ಲ ಮನೋಶಾಸ್ತ್ರದಲ್ಲೂ ಆಪ್ಟಿಕಲ್ ಇಲ್ಯೂಷನ್ ಚಿತ್ರಗಳು ವ್ಯಕ್ತಿತ್ವ ಪರೀಕ್ಷೆ ಮಾಡುತ್ತವೆ ಎಂಬುದು ಸಾಬೀತಾಗಿದೆ.
ಇಲ್ಲಿರುವ ಆಪ್ಟಿಕಲ್ ಇಲ್ಯೂಷನ್ ಚಿತ್ರದಲ್ಲಿ ಕೆಲವು ಪ್ರಾಣಿಗಳಿವೆ. ಆ ಪ್ರಾಣಿಗಳಲ್ಲಿ ನಿಮ್ಮ ಕಣ್ಣಿಗೆ ಮೊದಲು ಕಾಣಿಸುವ ಪ್ರಾಣಿ ಯಾವುದು, ಅದು ನಿಮ್ಮ ವ್ಯಕ್ತಿತ್ವವಾಗಿರುತ್ತದೆ. ಅಲ್ಲದೇ ಆ ಮೂಲಕ ನೀವು ಹೃದಯದಿಂದ ಯೋಚಿಸುತ್ತೀರಾ, ಮೆದುಳಿನಿಂದ ಯೋಚಿಸುತ್ತೀರಾ ಎಂಬುದನ್ನೂ ತಿಳಿದುಕೊಳ್ಳಬಹುದು.
ಆನೆ
ಈ ಚಿತ್ರದಲ್ಲಿ ನಿಮ್ಮ ಕಣ್ಣಿಗೆ ಮೊದಲು ಆನೆ ಕಂಡರೆ, ನೀವು ಹೃದಯದ ಮಾತು ಕೇಳುವುದಕ್ಕಿಂತ ಹೆಚ್ಚಾಗಿ ಮನಸ್ಸಿನ ಮಾತು ಕೇಳುತ್ತೀರಿ. ಯಾವುದೇ ನಿರ್ಧಾರ ತೆಗೆದುಕೊಳ್ಳುವ ಮುನ್ನ ಯೋಚಿಸಿ, ಎಲ್ಲಾ ಸಾಧಕ-ಬಾಧಕಗಳನ್ನು ಅಂದಾಜಿಸಿದ ಮೇಲೆ ಮುಂದೆ ಹೆಜ್ಜೆ ಇಡುತ್ತೀರಿ. ಆನೆಯು ಆತ್ಮವಿಶ್ವಾಸ, ಶಾಂತ ಮನೋಭಾವ ಮತ್ತು ಅಗತ್ಯವಿದ್ದಾಗ ಇತರರಿಗೆ ಧೈರ್ಯ ತುಂಬುವ ಮತ್ತು ಸಾಂತ್ವನ ನೀಡುವ ಸಾಮರ್ಥ್ಯ ಹೊಂದಿದೆ. ನಿಮ್ಮದು ಅಂಥದ್ದೇ ವ್ಯಕ್ತಿತ್ವವಾಗಿರುತ್ತದೆ.
ಸಿಂಹ
ಚಿತ್ರದಲ್ಲಿ ಮೊದಲು ಸಿಂಹ ಕಂಡರೆ ನೀವು ಉದ್ವೇಗದಲ್ಲಿ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತೀರಿ, ಮೆದುಳಿಗಿಂತ ಹೃದಯದ ಮಾತುಗಳಿಗೆ ಹೆಚ್ಚು ಬೆಲೆ ನೀಡುತ್ತೀರಿ. ಆದರೆ ನಿಮ್ಮದು ಶಕ್ತಿಯುತ, ಪ್ರಭಾವಶಾಲಿ ವ್ಯಕ್ತಿತ್ವ. ಕೆಲವೊಮ್ಮೆ ನೀವು ಇನ್ನೊಬ್ಬರ ಮೇಲೆ ಹೆಚ್ಚು ಅವಲಂಬಿತರಾಗಿರುತ್ತೀರಿ.
ಆಸ್ಟ್ರಿಚ್
ಚಿತ್ರದಲ್ಲಿ ನಿಮಗೆ ಮೊದಲು ಆಸ್ಟ್ರಿಚ್ ಕಾಣಿಸಿದರೆ, ನೀವು ಅತ್ಯುತ್ತಮವಾದ ಪ್ರವೃತ್ತಿಯನ್ನು ಹೊಂದಿರುತ್ತೀರಿ. ನೀವು ತಲೆಗಿಂತ ಹೃದಯದ ಮಾತು ಹೆಚ್ಚು ಕೇಳುತ್ತೀರಿ. ನೀವು ಎಲ್ಲರ ಆತ್ಮವಿಶ್ವಾಸ ಗಳಿಸುವ ವ್ಯಕ್ತಿ. ನೀವು ಹೆಚ್ಚು ಬಹಿರ್ಮುಖಿಯಾಗುವ ಸಾಧ್ಯತೆಯಿದೆ, ಸ್ನೇಹಿತರು ಮತ್ತು ಕುಟುಂಬದಿಂದ ಸುತ್ತುವರೆದಿರುವಾಗ ಉತ್ತಮವಾಗಿ ಅಭಿವೃದ್ಧಿ ಹೊಂದುತ್ತೀರಿ. ನೀವು ಒತ್ತಡದಲ್ಲೂ ಏಕಾಂಗಿಯಾಗಿಯೂ ಗುಂಪಿನಲ್ಲೂ ಕೆಲಸ ಮಾಡುವ ಸಾಮರ್ಥ್ಯ ನಿಮಗಿದೆ.
ಹಾರುವ ಹಕ್ಕಿಗಳು
ನಿಮ್ಮ ಕಣ್ಣಿಗೆ ಹಾರುವ ಹಕ್ಕಿಗಳು ಮೊದಲು ಕಂಡರೆ ನೀವು ತಾರ್ಕಿಕ ಚಿಂತಕರು. ಹೃದಯದ ಜೊತೆಗೆ ಮೆದುಳಿನ ಮಾತನ್ನು ಕೇಳಿಸಿಕೊಳ್ಳುತ್ತೀರಿ. ಸ್ವಾತಂತ್ರ್ಯಕ್ಕೆ ನೀವು ಬಹಳ ಗೌರವ ಕೊಡುತ್ತೀರಿ. ಸ್ವಾಭಾವಿಕವಾಗಿ ಇರುವುದು ನಿಮಗೆ ಇಷ್ಟವಾಗುತ್ತದೆ.