Personality Test: ಚಿತ್ರದಲ್ಲಿ ಮೊದಲು ಕಂಡಿದ್ದೇನು? ನೀವು ನೇರ ಸ್ವಭಾವದವರಾ, ಮೌನಪ್ರೇಮಿಯೇ, ನಿಮ್ಮ ವ್ಯಕ್ತಿತ್ವ ತಿಳಿಸುವ ಚಿತ್ರವಿದು
ಇಲ್ಲೊಂದು ಆಪ್ಟಿಕಲ್‌ ಇಲ್ಯೂಷನ್‌ ಚಿತ್ರವಿದೆ. ಇದರಲ್ಲಿ ಶಾರ್ಕ್ ಮೀನು ಹಾಗೂ ಮನುಷ್ಯನ ಮುಖ ಕಾಣಿಸುತ್ತೆ. ಈ ಎರಡರಲ್ಲಿ ನಿಮಗೆ ಮೊದಲು ಯಾವುದು ಕಾಣಿಸುವುದು ನಿಮ್ಮ ವ್ಯಕ್ತಿತ್ವ ಹೇಗೆ ಎಂದು ತಿಳಿಸುತ್ತದೆ. ಹಾಗಾದರೆ ಇಂದಿನ ಆಪ್ಟಿಕಲ್‌ ಇಲ್ಯೂಷನ್‌ ಪರ್ಸನಾಲಿಟಿ ಟೆಸ್ಟ್‌ನಲ್ಲಿ ನೀವು ನೇರಸ್ವಭಾವದವರಾ, ಮೌನವಾಗಿರುವುದು ನಿಮಗೆ ಇಷ್ಟನಾ ನೋಡಿ.
ಆಪ್ಟಿಕಲ್‌ ಇಲ್ಯೂಷನ್‌ ಚಿತ್ರಗಳು ಮನುಷ್ಯನ ಗ್ರಹಿಕೆ ಹಾಗೂ ಸಂಕೀರ್ಣ ವ್ಯಕ್ತಿತ್ವದ ಪರಿಚಯ ಮಾಡಿಸುತ್ತವೆ. ಇವು ನಮ್ಮ ಕಣ್ಣಿಗೆ ಮೋಸ ಮಾಡುವಂತೆ ಇರುವುದು ಸುಳ್ಳಲ್ಲ. ನಮ್ಮ ಗಮನ ಹಾಗೂ ದೃಷ್ಟಿಕೋನವನ್ನು ಆಧರಿಸಿ ನಮ್ಮ ವ್ಯಕ್ತಿತ್ವ ಹೇಗಿರುತ್ತೆ ಎಂಬುದನ್ನು ತಿಳಿಸುವ ಚಿತ್ರಗಳಿವು. ಚಿತ್ರದಲ್ಲಿ ಎರಡು ಅಂಶಗಳಿದ್ದರೂ ಒಬ್ಬೊಬ್ಬರಿಗೆ ಒಂದೊಂದು ಅಂಶ ಮೊದಲು ಕಾಣಿಸುತ್ತದೆ.
ಇಲ್ಲಿರುವ ಚಿತ್ರದಲ್ಲಿ ಶಾರ್ಕ್ ಮೀನು ಹಾಗೂ ಮನುಷ್ಯನ ಮುಖವಿದೆ. ಚಿತ್ರವನ್ನು ಕಂಡಾಕ್ಷಣ ಮೊದಲು ನಿಮಗೆ ಏನು ಕಾಣಿಸುತ್ತೆ ಅದು ನಿಮ್ಮ ರಹಸ್ಯ ವ್ಯಕ್ತಿತ್ವದ ಪರಿಚಯ ಮಾಡಿಕೊಡುತ್ತದೆ. ಈ ಚಿತ್ರವು ಮೌನವಾಗಿರುವುದು ನಿಮ್ಮ ಸ್ವಭಾವವಾ ಅಥವಾ ಸ್ಟ್ರೇಟ್‌ ಫಾವರ್ಡ್‌ ಆ ಎಂಬುದನ್ನು ತಿಳಿಸುತ್ತದೆ. ಹಾಗಾದರೆ ಚಿತ್ರದಲ್ಲಿ ನಿಮಗೆ ಮೊದಲು ಕಂಡಿದ್ದೇನು ನೋಡಿ.
ಶಾರ್ಕ್ ಮೀನು ಮೊದಲು ಕಂಡರೆ
ಮೊದಲು ಶಾರ್ಕ್ ಅನ್ನು ಗಮನಿಸಿದರೆ, ನೀವು ಬಹಳ ಆತ್ಮವಿಶ್ವಾಸ ಹೊಂದಿದ ನೇರ ವ್ಯಕ್ತಿತ್ವದವರು ಎಂದರ್ಥ. ಜನರಿಗೆ ನೀವು ಸುಲಭವಾಗಿ ಅರ್ಥವಾಗುವುದಿಲ್ಲ. ಜನ ನಿಮ್ಮನ್ನು ಅರ್ಥ ಮಾಡಿಕೊಳ್ಳಲು ಕಷ್ಟಪಡುತ್ತಾರೆ. ನೀವು ಜನರ ಜೊತೆ ಹೆಚ್ಚು ಬೆರೆಯಲು ಇಷ್ಟಪಡುವುದಿಲ್ಲ. ನೀವು ಯಾವುದೇ ವಿಚಾರಕ್ಕೆ ವಾದ ಮಾಡುವ ಮುನ್ನ ಪರಿಸ್ಥಿತಿಯನ್ನ ಎಚ್ಚರಿಕೆಯಿಂದ ಗಮನಿಸಿ. ನೀವು ಯಾವುದೇ ಕೆಲಸ ಮಾಡಲು ಹೊರಟರೆ ನಿರ್ಭೀತಿಯಿಂದ ಆತ್ಮವಿಶ್ವಾಸದೊಂದಿಗೆ ಮುನ್ನೆಡೆಯುವಿರಿ. ಆದರೆ ಕೆಲವೊಮ್ಮೆ ನೀವೇ ಸರಿ ಎನ್ನುವ ಭಾವ ನಿಮ್ಮ ಹೆಸರಿಗೆ ಕಳಂಕ ತರಬಹುದು. ನಿಮ್ಮ ಮನಸ್ಸಿಗೆ ಅನ್ನಿಸಿದ್ದನ್ನು ನೇರವಾಗಿ ಹೇಳಲು ಬಯಸುವ ಜನ ನೀವು. ಕೆಲವೊಮ್ಮೆ ನಿಮ್ಮ ಅಜಾಗರೂಕ ನಡವಳಿಕೆಯು ನಿಮಗೆ ತೊಂದರೆ ಉಂಟು ಮಾಡಬಹುದು.
ಮನುಷ್ಯನ ಮುಖ ಮೊದಲು ಕಂಡರೆ
ಚಿತ್ರದಲ್ಲಿ ಮೊದಲು ಮನುಷ್ಯನ ಮುಖ ಕಂಡರೆ ನೀವು ಮೃದು ಹೃದಯದ, ದಯಾಮಯಿ ವ್ಯಕ್ತಿತ್ವದವರು ಎಂದರ್ಥ. ನೀವು ಸಾಧ್ಯವಾದಷ್ಟು ಮೌನವಾಗಿರುತ್ತೀರಿ. ಸಾಮಾನ್ಯವಾಗಿ ಎಲ್ಲರನ್ನೂ ಕ್ಷಮಿಸುವ ನೀವು ಗಡಿ ಮೀರಿ ವರ್ತಿಸುವವರನ್ನು ಎಂದಿಗೂ ಕ್ಷಮಿಸುವುದಿಲ್ಲ. ನಿಮ್ಮ ಸಹಾನುಭೂತಿ ವ್ಯಕ್ತಿತ್ವವು ನಿಮ್ಮನ್ನು ಆರ್ಕಷಕರನ್ನಾಗಿ ಮಾಡುತ್ತದೆ. ಕೆಲವೊಮ್ಮೆ ನೀವು ಅಂತರ್ಮುಖಿ ಎನ್ನಿಸುತ್ತೀರಿ. ಹೊಸದನ್ನು ಪ್ರಯತ್ನಿಸುವ ಮೊದಲು ಅಥವಾ ನಿಮ್ಮ ಆರಾಮ ವಲಯದಿಂದ ಹೊರ ಬರುವ ಮೊದಲು ವಿಷಯಗಳ ಬಗ್ಗೆ ದೀರ್ಘವಾಗಿ ಆಲೋಚಿಸುತ್ತೀರಿ. ಹೊರಗಡೆ ಸುತ್ತಾಟ, ಸ್ನೇಹಿತರೊಂದಿಗೆ ಹ್ಯಾಂಗ್‌ಔಟ್‌ ನಿಮಗೆ ಬಹಳ ಇಷ್ಟವಾಗುತ್ತದೆ. ಸುಮ್ಮ ಸುಮ್ಮನೆ ವಾದ, ಜಗಳ ಮಾಡುವುದು ನಿಮಗೆ ಇಷ್ಟವಾಗುವುದಿಲ್ಲ. ನಿಮಗೆ ಸಾಕಷ್ಟು ತಾಳ್ಮೆ ಇರುತ್ತದೆ. ಆದರೆ ತಾಳ್ಮೆ ಮಿತಿ ಮೀರಿದರೆ ನಿಮ್ಮನ್ನು ನಿಯಂತ್ರಿಸುವುದು ಕಷ್ಟವಾಗುತ್ತದೆ.
