Wednesday Motivation: ದಿನಕ್ಕೂಂದು ಸ್ಪೂರ್ತಿ ಮಾತು; ತಪ್ಪನ್ನು ಒಪ್ಪಿಕೊಳ್ಳುವ ಮನಸಿರಲಿ, ಅದರಲ್ಲಿ ಸಿಗುವ ಸಂತೋಷವೇ ಬೇರೆ

ಮನುಷ್ಯ ತುಂಬಾ ಸರಳ ಸ್ವಭಾದವನು. ಯಾವ ಮನುಷ್ಯನೂ ತಪ್ಪು ಮಾಡದೆ ಬದುಕಲು ಸಾಧ್ಯವಿಲ್ಲ. ಅದೆಷ್ಟೋ ಮಂದಿ ಜೀವನದಲ್ಲಿ ಸಾಕಷ್ಟು ನಷ್ಟವನ್ನು ಹೊಂದಿರುತ್ತಾರೆ. ಅನೇಕರ ಜೀವನ ತಲೆಕೆಳಗಾಗಿರುತ್ತದೆ. ಗೊತ್ತಿದ್ದರೂ ತಮ್ಮ ತಪ್ಪನ್ನು ಒಪ್ಪಿಕೊಳ್ಳುವವರ ಸಂಖ್ಯೆ ಬಹಳ ಕಡಿಮೆ.

ಆದರೆ ಒಮ್ಮೆ ಜೀವನದಲ್ಲಿ ತಮ್ಮ ಎಲ್ಲಾ ತಪ್ಪುಗಳನ್ನು ಒಪ್ಪಿಕೊಂಡರೆ ನಿಮ್ಮ ಆಲೋಚನೆಗಳು, ಭಾವನೆಗಳು ಹಾಗೂ ಮನಸ್ಸು ತುಂಬಾ ಶಾಂತವಾಗಿರುತ್ತದೆ. ಇದನ್ನ ಭಾವನೆಗಳನ್ನು ಹಂಚಿಕೊಳ್ಳುವುದು ಅಂತಲೇ ಯೋಚಿಸಿ. ನಿಮ್ಮಲ್ಲಿರುವ ನೋವನ್ನು ಹೋಗಲಾಡಿಸಲು ಮೊದಲ ಆಯ್ಕೆ ತಪ್ಪುಗಳನ್ನು ಒಪ್ಪಿಕೊಳ್ಳುವುದು.

ಇದನ್ನೂ ಓದಿ: ಜೀವನಕ್ಕೊಂದು ಸ್ಫೂರ್ತಿ ಮಾತು; ಪ್ರಾಮಾಣಿಕತೆ ಮರೆತು ಕೊನೆಗೆ ಪಶ್ಚಾತಾಪ ಪಟ್ಟ ಬಡಗಿಯ ಕಥೆಯನ್ನೊಮ್ಮೆ ಓದಿ

ನೀವು ಮಾಡಿರುವ ತಪ್ಪುಗಳು ನಿಮ್ಮ ಹೃದಯಕ್ಕೆ ಮಾತ್ರ ತಿಳಿದಿರುತ್ತದೆ. ಆದರೆ ಅವುಗಳನ್ನು ಒಪ್ಪಿಕೊಳ್ಳುವ ಇಲ್ಲವೇ ಹಂಚಿಕೊಳ್ಳಲು ನಿಮಗೆ ಧೈರ್ಯ ಇರುವುದಿಲ್ಲ. ತಮ್ಮ ತಪ್ಪುಗಳನ್ನು ತ್ವರಿತವಾಗಿ ಒಪ್ಪಿಕೊಳ್ಳುವವರು ಜೀವನದಲ್ಲಿ ನೆಮ್ಮದಿಯಾಗಿರುತ್ತಾರೆ.

ನಿಮ್ಮ ತಪ್ಪುಗಳು ನಿಮ್ಮ ಹೃದಯಕ್ಕೆ ಮಾತ್ರ ತಿಳಿದಿರುತ್ತದೆ. ಆದರೆ ಅವುಗಳ ಮುಕ್ತವಾಗಿ ಮಾತನಾಡಲು ನಿಮಗೆ ಧೈರ್ಯ ಬಾರದೆ ಇರಬಹುದು. ತಮ್ಮ ತಪ್ಪುಗಳನ್ನು ತ್ವರಿತವಾಗಿ ಒಪ್ಪಿಕೊಳ್ಳುವವರು ಜೀವನದಲ್ಲಿ ಯಾವಾಗಲೂ ಸಂತೋಷದಿಂದ ಮತ್ತು ಶಾಂತಿಯಿಂದ ಬದುಕುತ್ತಾರೆ. ತಪ್ಪೊಪ್ಪಿಗೆಯು ಸುಲಭವಲ್ಲದಿರಬಹುದು ಆದರೆ ತಪ್ಪೊಪ್ಪಿಕೊಂಡ ನಂತರ ನೀವು ಪಡೆಯುವ ಸಂತೋಷವೇ ಬೇರೆಯಾಗಿರುತ್ತದೆ.

ಇದನ್ನೂ ಓದಿ: ಗೆಲ್ಲದಿರುವುದು ಸೋಲಲ್ಲ ಆದರೆ ಮತ್ತೆ ಪ್ರಯತ್ನಿಸದೇ ಇರುವುದು ನಿಜವಾದ ಸೋಲು

ಒಬ್ಬ ಧೈರ್ಯಶಾಲಿ ವ್ಯಕ್ತಿ ಮಾತ್ರ ತನ್ನ ತಪ್ಪುಗಳನ್ನು ಒಪ್ಪಿಕೊಳ್ಳಬಹುದು. ಒಳ್ಳೆಯ ಹೃದಯ ಇರುವ ವ್ಯಕ್ತಿ ಮಾತ್ರ ಇದನ್ನು ಮಾಡಬಹುದು. ದುರ್ಬಲ ಮತ್ತು ಹೇಡಿತನದ ಜನರು ತಪ್ಪುಗಳನ್ನು ಒಪ್ಪಿಕೊಳ್ಳುವುದಿಲ್ಲ. ಅವರು ಇಂಥ ಪರಿಸ್ಥಿತಿಯಲ್ಲಿ ಪಲಾಯನ ಮಾಡುತ್ತಾರೆ.ನೀವು ಮಾಡಿದ್ದಕ್ಕೆ ಅನೇಕ ಜನರು ತೊಂದರೆ ಅನುಭವಿಸಿರುತ್ತಾರೆ. ಆ ನೋವು ನಿನ್ನಲ್ಲಿ ಪಶ್ಚಾತ್ತಾಪವಾಗಿ ಬದಲಾಗುತ್ತದೆ. ಹೃದಯವನ್ನು ಭಾರವಾಗಿಸುತ್ತದೆ ಮತ್ತು ಒಳಗೆ ನಿಶ್ಚಲಗೊಳಿಸುತ್ತದೆ. ಆ ನೋವನ್ನು ತೊಡೆದುಹಾಕಲು ನೀವು ನಿಮ್ಮ ತಪ್ಪುಗಳನ್ನು ಒಪ್ಪಿಕೊಳ್ಳಬೇಕು.

ನಿಮ್ಮನ್ನು ದುರ್ಬಲ ಅಥವಾ ಬಲಶಾಲಿ ಎಂದು ನಿರ್ಣಯಿಸಬೇಡಿ. ಬಲಶಾಲಿ ಎಂದರೆ ಕೇವಲ ದೇಹದಲ್ಲಿ ಮಾತ್ರ ಬಲಿಷ್ಟರಾಗಿರುವುದಲ್ಲ, ತಮ್ಮ ಹೃದಯದಿಂದ ಮಾಡುವ ಎಲ್ಲವನ್ನೂ ಧೈರ್ಯದಿಂದ ಮಾಡುವವರು. ನೀವು ದುರ್ಬಲರಾಗಬೇಕಾ ಅಥವಾ ಬಲಶಾಲಿಯಾಗಬೇಕೇ ಅನ್ನೋದನ್ನ ನೀವೇ ನಿರ್ಧರಿಸಿಕೊಳ್ಳಿ.

ಇದನ್ನೂ ಓದಿ: ಬಡವರಾಗಲಿ, ಶ್ರೀಮಂತರಾಗಲಿ ಎಲ್ಲರನ್ನೂ ಸಮಾನವಾಗಿ ಗೌರವಿಸುವುದನ್ನ ಕಲಿಯಿರಿ

ನಿಮ್ಮ ಹೃದಯ ಮತ್ತು ಆತ್ಮವನ್ನು ಹಗುರಗೊಳಿಸಲು ನೀವು ಬಯಸಿದರೆ, ನಿಮ್ಮ ಜೀವನದಲ್ಲಿ ಎಂದಿಗೂ ವಿಷಾದವನ್ನು ಬಯಸದಿದ್ದರೆ, ಒಮ್ಮೆ ಹಿಂತಿರುಗಿ ನೋಡಿ. ನಿನ್ನಿಂದ ಎಷ್ಟು ಜನಕ್ಕೆ ನೋವಾಗಿದೆಯೋ ಅವರೆಲ್ಲರಿಗೂ ಒಟ್ಟಿಗೆ ಅಥವಾ ಫೋನ್ ಮೂಲಕ ನಿಮ್ಮ ತಪ್ಪನ್ನು ಒಪ್ಪಿಕೊಳ್ಳಿ. ಜೊತೆಗೆ ಕ್ಷಮೆಯಾಚಿಸಿ. ಕೆಲವರು ಕೋಪಗೊಂಡಿರಬಹುದು, ಇನ್ನು ಕೆಲವರು ಒಳ್ಳೆಯ ಮನಸ್ಸಿನಿಂದ ಕ್ಷಮಿಸಬಹುದು.

ಏನೇ ಆಗಲಿ ನಿಮ್ಮ ಮನಸ್ಸು ನಿರಾಳವಾಗಿರುತ್ತದೆ. ತಪ್ಪನ್ನು ಒಪ್ಪಿಕೊಂಡರೆ ನಿಮ್ಮ ತಲೆಯ ಮೇಲಿನ ಕಿರೀಟವು ಕೆಳಗೆ ಬೀಳುವುದಿಲ್ಲ. ಮೇಲಾಗಿ ಮನಸ್ಸು ಸುಲಭವಾಗುತ್ತದೆ. ಆಗ ಸಿಗುವ ಆ ಖುಷಿಯನ್ನ ಅನುಭವಿಸಿ. ಯಾರಿಗಾದರೂ ಮೋಸ ಮಾಡಿ ನೋವು ಉಂಟು ಮಾಡಿದರೆ, ವಿನಾಶದ ಕಾರ್ಯ ಮಾಡಿದ್ದರೆ ನಿಮ್ಮ ಜೀವನದುದ್ದಕ್ಕೂ ಅದು ನಿಮ್ಮನ್ನ ಕಾಡಲು ಶುರು ಮಾಡುತ್ತದೆ. ನಿಮ್ಮ ತಪ್ಪುಗಳನ್ನು ನೀವು ಪ್ರಾಮಾಣಿಕವಾಗಿ ಒಪ್ಪಿಕೊಳ್ಳಬೇಕು ಆಗ ಸಂತೋಷ, ನೆಮ್ಮದಿಯಿಂದ ಬದುಕುತ್ತೀರಿ.

(This copy first appeared in Hindustan Times Kannada website. To read more like this please logon to kannada.hindustantimes.com )