ಬೈಕ್ ರೈಡಿಂಗ್ ಇಷ್ಟ, ಚಳಿಗಾಲದಲ್ಲಿ ಕಷ್ಟ ಎನ್ನುವಿರಾ; ಚಳಿಯಿಂದ ರಕ್ಷಿಸಿಕೊಳ್ಳಲು ಇಲ್ಲಿದೆ ಟಿಪ್ಸ್
ಅನೇಕ ಮಂದಿ ಯುವಕರಿಗೆ ಬೈಕ್ ರೈಡಿಂಗ್ ಅಂದ್ರೆ ಬಹಳ ಇಷ್ಟ. ವೀಕೆಂಡ್ ಬಂತು ಅಂದ್ರೆ ಬ್ಯಾಗ್ ಹೆಗಲೇರಿಸಿ ಬೈಕ್ ಹತ್ತಿ ಎತ್ತಲಾದರೂ ಹೊರಟುಬಿಡುತ್ತಾರೆ. ಆದರೆ, ಚಳಿಗಾಲದಲ್ಲಿ ಮಾತ್ರ ದ್ವಿಚಕ್ರ ವಾಹನದಲ್ಲಿ ಸವಾರಿ ಮಾಡುವುದು ಅಂದ್ರೆ ತುಸು ಕಷ್ಟವೇ ಹೌದು. ಬೈಕ್ ರೈಡಿಂಗ್ ಮಾಡುವಾಗ ಚಳಿಯಿಂದ ರಕ್ಷಣೆ ಪಡೆಯಲು ನಿಮಗಾಗಿ ಇಲ್ಲಿದೆ ಟಿಪ್ಸ್.
ಕೆಲವರು ಬೈಕ್ನಲ್ಲಿ ಪ್ರಯಾಣಿಸಲು ಇಷ್ಟಪಡುತ್ತಾರೆ. ವೀಕೆಂಡ್ ಬಂತು ಅಂದ್ರೆ ತಮ್ಮ ತಮ್ಮ ಬೈಕ್ಗಳಲ್ಲಿ ಜಾಲಿ ರೈಡ್ ಹೋಗಿ ಬರುತ್ತಾರೆ. ಆದರೆ, ಚಳಿಗಾಲದಲ್ಲಿ ಮೋಟಾರ್ ಸೈಕಲ್ ಅಥವಾ ಇನ್ಯಾವುದೇ ದ್ವಿಚಕ್ರ ವಾಹನದಲ್ಲಿ ಪ್ರಯಾಣಿಸುವುದು ಸ್ವಲ್ಪ ಕಷ್ಟವೇ ಸರಿ. ಜನರು ಮಳೆ ಮತ್ತು ಬಿಸಿಲಿನ ಶಾಖವನ್ನು ಹೇಗಾದರೂ ಸಹಿಸಿಕೊಳ್ಳುತ್ತಾರೆ. ಆದರೆ, ಚಳಿಗಾಲದಲ್ಲಿ ಬೈಕ್ ಸವಾರಿ ಮಾಡುವುದು ಸ್ವತಃ ಸವಾಲೇ ಹೌದು. ಕೆಲವರು ಚಳಿಗಾಲದಲ್ಲಿ ಬೈಕ್ ಓಡಿಸಲು ಇಷ್ಟಪಡುತ್ತಾರೆ. ಆದರೆ, ಮಂಜು ಹೆಚ್ಚಾದಾಗ, ಗೋಚರತೆ ಕಡಿಮೆಯಾಗಲು ಪ್ರಾರಂಭಿಸುತ್ತದೆ. ಇದರಿಂದ ಬೈಕ್ ಸವಾರಿ ಮಾಡುವುದು ತುಂಬಾ ಕಷ್ಟಕರವಾಗುತ್ತದೆ. ಡಿಸೆಂಬರ್ ಮತ್ತು ಜನವರಿಯಲ್ಲಿ ತಣ್ಣನೆಯ ಗಾಳಿ ಎದೆಯನ್ನು ಭೇದಿಸಿ ದೇಹದೊಳಗೆ ತಲುಪುತ್ತದೆ. ಚಳಿಯಿಂದಾಗಿ ಕೈ, ಕಾಲು, ಮೂಗು ಹೀಗೆ ಇಡೀ ದೇಹ ನಡುಗಿಹೋಗುತ್ತದೆ ಹಾಗೂ ಮರಗಟ್ಟಿದಂತಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ನೀವೂ ಸಹ ಚಳಿಗಾಲದಲ್ಲಿ ಬೈಕ್ನಲ್ಲಿ ಪ್ರಯಾಣಿಸುತ್ತಿದ್ದರೆ, ಚಳಿಯಿಂದ ತಪ್ಪಿಸಿಕೊಳ್ಳಲು ಈ ಕ್ರಮಗಳನ್ನು ಕೈಗೊಳ್ಳಬಹುದು.
ಬೈಕ್ ಸವಾರರನ್ನು ಶೀತದಿಂದ ರಕ್ಷಿಸುವುದು ಹೇಗೆ
ದೇಹವನ್ನು ಈ ರೀತಿ ಬೆಚ್ಚಗೆ ಇರಿಸಿ: ಚಳಿಗಾಲದಲ್ಲಿ ನೀವು ಬೈಕ್ನಲ್ಲಿ ಪ್ರಯಾಣಿಸಲು ಬಯಸಿದರೆ ದೇಹವನ್ನು ಬೆಚ್ಚಗೆ ಇರಿಸಬೇಕು. ಇದಕ್ಕಾಗಿ ರೈಡಿಂಗ್ ಜಾಕೆಟ್ಗಳು, ಕೈಗವಸುಗಳು ಮತ್ತು ಹೆಲ್ಮೆಟ್ಗಳಂತಹ ವಸ್ತುಗಳನ್ನು ಧರಿಸಿ ಮನೆಯಿಂದ ಹೊರಗೆ ಹೋಗಿ. ಇದು ನಿಮಗೆ ಕಡಿಮೆ ಚಳಿಯನ್ನುಂಟು ಮಾಡುತ್ತದೆ. ಬೈಕ್ ಓಡಿಸುವವರು ಯಾವಾಗಲೂ ಹೆಲ್ಮೆಟ್ ಧರಿಸಿಯೇ ಹೊರಗೆ ಹೋಗಬೇಕು. ಇದರಿಂದ ದೇಹವನ್ನು ಬೆಚ್ಚಗಿರಿಸಲು ಸಹಕಾರಿಯಾಗಿದೆ. ಕಿವಿಯೊಳಗೆ ಗಾಳಿ ತಲುಪದಂತೆ ಮಾಡಲು ಹೆಲ್ಮೆಟ್ ಸಹಕಾರಿಯಾಗಿದೆ.
ಬೆಚ್ಚಗಿನ/ಬಹುಪದರದ ಉಡುಪು ಧರಿಸಿ: ದ್ವಿಚಕ್ರ ವಾಹನಗಳಲ್ಲಿ ಪ್ರಯಾಣಿಸುವವರು ಯಾವಾಗಲೂ ಬಹು ಪದರದ ಬಟ್ಟೆಗಳನ್ನು ಧರಿಸಬೇಕು. ಒಳಗೆ ಬೆಚ್ಚಗಿನ ಉಡುಪು ಧರಿಸುತ್ತಾರೆ. ಅದರ ಮೇಲೆ ಸ್ವೆಟರ್ ಮತ್ತು ನಂತರ ಏರ್ ಪ್ರೂಫ್ ಜಾಕೆಟ್ ಅನ್ನು ಧರಿಸಿ ಇದರಿಂದ ಗಾಳಿಯು ಹಾದುಹೋಗುವುದಿಲ್ಲ. ಥರ್ಮಲ್ ವೇರ್ ಕೂಡ ಧರಿಸಬಹುದು. ಇದರಿಂದ ಬೈಕ್ ರೈಡ್ ಮಾಡುವಾಗ ಶೀತದಿಂದ ನಿಮ್ಮನ್ನು ನೀವು ರಕ್ಷಿಸಿಕೊಳ್ಳಬಹುದು.
ವೃತ್ತಪತ್ರಿಕೆ ಬಳಸಬಹುದು: ನಿಮ್ಮ ಬಳಿ ಗಾಳಿ ನಿರೋಧಕ ಜಾಕೆಟ್ ಇಲ್ಲದಿದ್ದರೆ, ಇದಕ್ಕೆ ತುಂಬಾ ಸರಳವಾದ ಪರಿಹಾರವಿದೆ. ನಿಮ್ಮ ಸಾಮಾನ್ಯ ಜಾಕೆಟ್ ಅಥವಾ ಸ್ವೆಟರ್ ಒಳಗೆ ವೃತ್ತಪತ್ರಿಕೆಯ ದಪ್ಪ ಪದರವನ್ನು ಹಾಕಿ. ವೃತ್ತಪತ್ರಿಕೆಯ ದಪ್ಪ ಪದರದಿಂದ ನಿಮ್ಮ ಎದೆ ಮತ್ತು ಸೊಂಟವನ್ನು ಸರಿಯಾಗಿ ಮುಚ್ಚಿ. ಇದು ಗಾಳಿಯು ನಿಮ್ಮ ದೇಹವನ್ನು ಪ್ರವೇಶಿಸುವುದನ್ನು ತಡೆಯುತ್ತದೆ.
ದಪ್ಪ ಸಾಕ್ಸ್, ಬೂಟ್ ಧರಿಸಿ: ಚಳಿಗಾಲದಲ್ಲಿ ದಪ್ಪ ಸಾಕ್ಸ್ ಮತ್ತು ಬೂಟುಗಳನ್ನು ಒಯ್ಯಿರಿ. ಚಳಿಗಾಲದಲ್ಲಿ ಬೈಕ್ನಲ್ಲಿ ಪ್ರಯಾಣಿಸುವಾಗ ಮೊಣಕಾಲು ಮತ್ತು ಮೊಣಕೈ ಕ್ಯಾಪ್ಗಳನ್ನು ಧರಿಸುವುದನ್ನು ಮರೆಯಬೇಡಿ. ಇದು ಶೀತದ ಭಾವನೆಯನ್ನು ಕಡಿಮೆ ಮಾಡುತ್ತದೆ. ಹೆಲ್ಮೆಟ್ ಅಡಿಯಲ್ಲಿ ಉಣ್ಣೆ ಮತ್ತು ಬೆಚ್ಚಗಿನ ಬಟ್ಟೆಯಿಂದ ನಿಮ್ಮ ಬಾಯಿಯನ್ನು ಮುಚ್ಚಿ. ಇದು ನಿಮ್ಮ ಮುಖದ ಮೇಲಿನ ಶೀತ ಗಾಳಿಯನ್ನು ಕಡಿಮೆ ಮಾಡುತ್ತದೆ. ಹೆಲ್ಮೆಟ್ ಕನ್ನಡಿಯನ್ನು ಯಾವಾಗಲೂ ನಿಮ್ಮ ಕಣ್ಣುಗಳ ಮುಂದೆ ಇಟ್ಟುಕೊಳ್ಳಿ. ನಿಮ್ಮ ಪಾದಗಳ ಮೇಲೆ 2 ರಿಂದ 3 ಪದರಗಳ ಸಾಕ್ಸ್ (ದಪ್ಪನೆಯ) ಧರಿಸಲು ಪ್ರಯತ್ನಿಸಿ.
