ಋತುಚಕ್ರದ ಸಮಯದಲ್ಲಿ ಹೊಟ್ಟೆ ಸೆಳೆತ ಹೆಚ್ಚಿದ್ದರೆ ಈ ತಪ್ಪು ಮಾಡಲೇಬೇಡಿ; ಮುಟ್ಟಿನ ಸಮಯದಲ್ಲಿ ಮಾಡಬಾರದಾದ ವಿಚಾರಗಳಿವು

ಹೆಚ್ಚಿನ ಮಹಿಳೆಯರಿಗೆ ಋತುಚಕ್ರವು ಅತ್ಯಂತ ಅಹಿತಕರ ದಿನಗಳಾಗಿವೆ. ಅದು ಹೊಟ್ಟೆ ಸೆಳೆತ, ಹೊಟ್ಟೆ ಉಬ್ಬರ ಅಥವಾ ಮನಸ್ಥಿತಿ ಬದಲಾವಣೆಗಳಾಗಿರಬಹುದು. ಈ ದಿನಗಳು ಬೇಗ ಮುಗಿಯಬೇಕೆಂದು ನಿಮ್ಮನ್ನು ಬಯಸುವಂತೆ ಮಾಡಬಹುದು. ಕೆಲವರು ನೋವು ನಿವಾರಕ ಮಾತ್ರೆಗಳನ್ನು ತೆಗೆದುಕೊಳ್ಳುತ್ತಾರೆ. ನಿಮ್ಮ ನೋವನ್ನು ನಿವಾರಿಸುವ ಆಹಾರಗಳನ್ನು ತಿನ್ನುವುದರಿಂದ ಹಿಡಿದು ಮೂಲಭೂತ ನೈರ್ಮಲ್ಯವನ್ನು ಕಾಪಾಡಿಕೊಳ್ಳುವುದು, ನಿಮ್ಮನ್ನು ಆರಾಮದಾಯಕವಾಗಿಸಲು ಮತ್ತು ಈ ನೋವಿನ ದಿನಗಳನ್ನು ದಾಟಲು ನಿಮಗೆ ಸಹಾಯ ಮಾಡುವ ಕೆಲವು ವಿಚಾರಗಳಿವೆ. ಮುಟ್ಟಿನ ಸಮಯದಲ್ಲಿ ಏನು ಮಾಡಬಾರದು ಎಂಬ ಬಗ್ಗೆ ಇಲ್ಲಿ ತಿಳಿದುಕೊಳ್ಳಿ

ಮುಟ್ಟಿನ ಸಮಯದಲ್ಲಿ ಈ ತಪ್ಪು ಮಾಡಬೇಡಿ

ಉಪ್ಪಿನ ಅಂಶವಿರುವ ಆಹಾರಗಳನ್ನು ಕಡಿಮೆ ತಿನ್ನುವುದು: ಮುಟ್ಟಿನ ಸಮಯದಲ್ಲಿ ಉಂಟಾಗುವ ಸೆಳೆತವನ್ನು ಹೇಗೆ ಕಡಿಮೆ ಮಾಡುವುದು ಎಂದು ನೀವು ಯೋಚಿಸುತ್ತಿದ್ದರೆ, ಹೆಚ್ಚಿನ ಉಪ್ಪಿನ ಅಂಶವಿರುವ ಆಹಾರಗಳು ಮುಟ್ಟಿನ ಸಮಯದಲ್ಲಿ ಒಳ್ಳೆಯದಲ್ಲ. ಉಪ್ಪು, ಹೊಟ್ಟೆ ಸೆಳೆತವನ್ನು ಮತ್ತಷ್ಟು ಹೆಚ್ಚಿಸಬಹುದು. ಅಲ್ಲದೆ ಇದು ತೀವ್ರ ಹೊಟ್ಟೆ ಉಬ್ಬರಕ್ಕೆ ಕಾರಣವಾಗಬಹುದು ಮತ್ತು ಅಸ್ವಸ್ಥತೆಯನ್ನು ಹೆಚ್ಚಿಸುತ್ತದೆ. ಹೆಚ್ಚು ಸಂಸ್ಕರಿಸಿದ ಆಹಾರಗಳು ಸೋಡಿಯಂ ಅನ್ನು ಸಹ ಹೊಂದಿರುತ್ತವೆ, ಇದು ಕೂಡ ಹೊಟ್ಟೆ ಸೆಳೆತವನ್ನು ಇನ್ನಷ್ಟು ಹದಗೆಡಿಸುತ್ತದೆ.

ಹೆಚ್ಚು ಕಾಫಿ ಕುಡಿಯುವುದು: ಋತುಚಕ್ರದ ಸಮಯದಲ್ಲಿ ಅತಿಯಾಗಿ ಕಾಫಿ ಕುಡಿಯುವುದು ಒಳ್ಳೆಯದಲ್ಲ. ಹೆಚ್ಚಿನ ಕೆಫೀನ್ ಅಂಶವು ನಿಮ್ಮ ನೋವನ್ನು ಉಲ್ಬಣಗೊಳಿಸಬಹುದು ಮತ್ತು ಸ್ತನ ಮೃದುತ್ವಕ್ಕೂ ಕಾರಣವಾಗಬಹುದು. ಅಧ್ಯಯನವೊಂದರ ಪ್ರಕಾರ, ಕೆಫೀನ್ ಅನ್ನು ಹೆಚ್ಚು ಸೇವಿಸುವುದರಿಂದ ದೀರ್ಘಕಾಲದ, ಭಾರಿ ಋತುಚಕ್ರ ಮತ್ತು ಆಲಿಗೋಮೆನೊರಿಯಾ ಅಥವಾ ಅಸಹಜ ಮುಟ್ಟಿನ ಸಮಸ್ಯೆ ಉಂಟಾಗುತ್ತದೆ.

ಇದನ್ನೂ ಓದಿ: ಅಧಿಕ ತೂಕ, ಋತುಚಕ್ರದ ಬದಲಾವಣೆಗೂ ಸಂಬಂಧವಿದೆಯೇ? ತಜ್ಞರು ಹೇಳುವುದು ಹೀಗೆ

ದಿನವಿಡೀ ಒಂದೇ ಸ್ಯಾನಿಟರಿ ಪ್ಯಾಡ್ ಧರಿಸುವುದು: ಕೆಲವರು ಎಲ್ಲಿಗಾದರೂ ಹೋದಾಗ ದಿನವಿಡೀ ಒಂದೇ ಸ್ಯಾನಿಟರಿ ಪ್ಯಾಡ್ ಬಳಸುತ್ತಾರೆ. ಹೆಚ್ಚು ಹೊತ್ತು ಸ್ಯಾನಿಟರಿ ಪ್ಯಾಡ್ ಧರಿಸುವುದು ಒಳ್ಳೆಯದಲ್ಲ. ಋತುಚಕ್ರದ ಸಮಯದಲ್ಲಿ 4 ರಿಂದ 6 ಗಂಟೆಗಳಿಗಿಂತ ಹೆಚ್ಚು ಒಂದೇ ಪ್ಯಾಡ್ ಅನ್ನು ಧರಿಸುವುದು ಒಳ್ಳೆಯದಲ್ಲ. ಒಂದೇ ಪ್ಯಾಡ್ ಅನ್ನು ಹೆಚ್ಚು ಗಂಟೆಗಳ ಕಾಲ ಧರಿಸುವುದರಿಂದ ಅನೇಕ ಅಡ್ಡಪರಿಣಾಮಗಳಿವೆ. ಇದು ಬ್ಯಾಕ್ಟೀರಿಯಾಗಳ ಸಂತಾನೋತ್ಪತ್ತಿಗೆ ಕಾರಣವಾಗುತ್ತದೆ. ಅಲ್ಲದೆ ಇದರಿಂದ ಕೆಟ್ಟ ವಾಸನೆ ಹೊರಬರುತ್ತದೆ. ಅಲ್ಲದೆ ಇದರಿಂದ ಚರ್ಮದ ದದ್ದು ಉಂಟಾಗಲು ಕೂಡ ಕಾರಣವಾಗುತ್ತದೆ.

ವ್ಯಾಕ್ಸಿಂಗ್ ಅಥವಾ ಶೇವಿಂಗ್: ಋತುಚಕ್ರದ ಸಮಯದಲ್ಲಿ ತಪ್ಪಿಸಬೇಕಾದ ಪ್ರಮುಖ ವಿಷಯವೆಂದರೆ ಕೂದಲು ತೆಗೆಯುವುದು. ಈ ಪ್ರದೇಶವು ಸೂಕ್ಷ್ಮವಾಗಿರುತ್ತದೆ ಮತ್ತು ಇದು ನೋವುಂಟು ಮಾಡಬಹುದು. ಋತುಚಕ್ರದ ಹರಿವಿನಿಂದಾಗಿ ಶೇವಿಂಗ್ ಮಾಡುವುದರಿಂದ ಗಾಯವಾದರೆ, ಅದು ಸೋಂಕಿಗೆ ಕಾರಣವಾಗಬಹುದು. ನೋವು ಮತ್ತು ಅಸ್ವಸ್ಥತೆಯ ಅಪಾಯವನ್ನು ಕಡಿಮೆ ಮಾಡಲು ಮುಟ್ಟಿನ ಒಂದು ವಾರದ ನಂತರ ಅದನ್ನು ಯೋಜಿಸಿ.

ಅಸುರಕ್ಷಿತ ಲೈಂಗಿಕ ಕ್ರಿಯೆ ನಡೆಸುವುದು: ಋತುಚಕ್ರದಲ್ಲಿರುವಾಗ ಲೈಂಗಿಕ ಕ್ರಿಯೆ ನಡೆಸುವುದು ಒಳ್ಳೆಯದಲ್ಲ. ಋತುಚಕ್ರದ ಸಮಯದಲ್ಲಿ ಲೈಂಗಿಕ ಕ್ರಿಯೆ ನಡೆಸಬಾರದು. ಇದು ಅಸುರಕ್ಷಿತ. ಇದು ಲೈಂಗಿಕವಾಗಿ ಹರಡುವ ರೋಗಗಳನ್ನು ತಪ್ಪಿಸುವ ಒಂದು ಮಾರ್ಗವಾಗಿದೆ. ಸೋಂಕುಗಳು ಮತ್ತು ಲೈಂಗಿಕವಾಗಿ ಹರಡುವ ರೋಗಗಳಿಂದ ದೂರವಿರಲು ಯಾವಾಗಲೂ ಸುರಕ್ಷಿತ ಲೈಂಗಿಕತೆಯನ್ನು ಅಭ್ಯಾಸ ಮಾಡಿ.

ಧೂಮಪಾನ: ಮುಟ್ಟಿನ ಸೆಳೆತವನ್ನು ನಿವಾರಿಸಲು ಧೂಮಪಾನ ಮಾಡುವುದು ಒಳ್ಳೆಯದಲ್ಲ. ಧೂಮಪಾನವು ಆರೋಗ್ಯಕ್ಕೆ ಅಪಾಯಕಾರಿ ಎಂದು ಎಲ್ಲರಿಗೂ ತಿಳಿದಿದೆ. ಮುಟ್ಟಿನ ಸಮಯದಲ್ಲಿ ಧೂಮಪಾನ ಮಾಡುವ ಮಹಿಳೆಯರು ತೀವ್ರವಾದ ನೋವನ್ನು ಅನುಭವಿಸುವ ಸಾಧ್ಯತೆ ಹೆಚ್ಚು.

ಪ್ಯಾಡ್ ಇಲ್ಲದೆ ಮಲಗುವುದು: ಪ್ಯಾಡ್ ಇಲ್ಲದೆ ಮಲಗುವುದು ಸಮಾಧಾನಕರ ಎಂದು ನೀವು ಭಾವಿಸಬಹುದು. ಆದರೆ ಈ ರೀತಿ ಮಾಡುವುದರಿಂದ ಚರ್ಮದಲ್ಲಿ ದದ್ದುಗಳು ಉಂಟಾಗಬಹುದು. ಪ್ಯಾಡ್ ಧರಿಸಲು ಇಷ್ಟವಿಲ್ಲದಿದ್ದರೆ ಮುಟ್ಟಿನ ಕಪ್ ಧರಿಸಲು ಪ್ರಾರಂಭಿಸಬಹುದು.

ಸ್ತನ ಪರೀಕ್ಷೆ: ಮುಟ್ಟಿನ ಸಮಯದಲ್ಲಿ, ಹಾರ್ಮೋನ್ ಮಟ್ಟದ ಏರಿಳಿತಗಳು ನಿಮ್ಮ ಸ್ತನಗಳಲ್ಲಿನ ಅಸಹಜತೆಗಳನ್ನು ಪತ್ತೆಹಚ್ಚಲು ಕಷ್ಟವಾಗಬಹುದು. ಹೀಗಾಗಿ ಮುಟ್ಟಿನ ಮಧ್ಯದಲ್ಲಿ ಸ್ತನ ಪರೀಕ್ಷೆಯನ್ನು ಮಾಡಬಾರದು. ಅಧ್ಯಯನವೊಂದರ ಪ್ರಕಾರ, ಋತುಚಕ್ರದ ಸಮಯದಲ್ಲಿಪ್ರತಿ ಸ್ತನದ ಪ್ರಮಾಣವು ಸರಾಸರಿ 76 ಮಿಲಿಗಳಷ್ಟು ಬದಲಾಗುತ್ತದೆ ಎಂದು ತಿಳಿಸಿದೆ.

ಊಟ ಬಿಡುವುದು ಮತ್ತು ಜಂಕ್ ಫುಡ್ ತಿನ್ನುವುದು: ಋತುಚಕ್ರದ ಸಮಯದಲ್ಲಿ ಮಾಡಬೇಕಾದ ಮತ್ತು ಮಾಡಬಾರದ ದೊಡ್ಡ ಕೆಲಸವೆಂದರೆ ಊಟ ಬಿಟ್ಟುಬಿಡುವುದು. ಋತುಚಕ್ರದ ಸಮಯದಲ್ಲಿ ಊಟ ಬಿಡುವುದು ಒಳ್ಳೆಯದಲ್ಲ. ಅದು ನಿಮ್ಮನ್ನು ಆಲಸ್ಯ ಮತ್ತು ಕಿರಿಕಿರಿಗೊಳಿಸುತ್ತದೆ. ಜಂಕ್ ಫುಡ್ ಹೆಚ್ಚಿನ ಪ್ರಮಾಣದಲ್ಲಿ ಉಪ್ಪು ಮತ್ತು ಸಕ್ಕರೆಯನ್ನು ಹೊಂದಿರುತ್ತದೆ. ಇದು ಹೊಟ್ಟೆ ಉಬ್ಬರ ಮತ್ತು ಅಸ್ವಸ್ಥತೆಯಂತಹ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಜಂಕ್ ಫುಡ್‌ಗಳನ್ನು ಮುಟ್ಟಿನ ಸಮಯದಲ್ಲಿ ತಿನ್ನುವುದು ಉತ್ತಮವಲ್ಲ.

ವೈದ್ಯರನ್ನು ಯಾವಾಗ ಭೇಟಿ ಮಾಡಬೇಕು?

• ಅವಧಿಯು ಒಂದು ವಾರಕ್ಕಿಂತ ಹೆಚ್ಚು ಕಾಲ ಇದ್ದರೆ.
• ಅತಿಯಾದ ರಕ್ತಸ್ರಾವ
• ಮೂರು ತಿಂಗಳಿಗಿಂತ ಹೆಚ್ಚು ಕಾಲ ಅನಿಯಮಿತ ಋತುಚಕ್ರ.
• ನಿಮ್ಮ ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರುವಷ್ಟು ಅಸಹನೀಯ ಮುಟ್ಟಿನ ನೋವು.

(ಗಮನಿಸಿ: ಈ ಮಾಹಿತಿಯು ಸಾಮಾನ್ಯ ಜ್ಞಾನ ಹಾಗೂ ಅಂತರ್ಜಾಲದಲ್ಲಿ ಸಿಕ್ಕ ಮಾಹಿತಿಯನ್ನ ಆಧರಿಸಿದೆ. ಈ ವಿಚಾರ ಸಂಪೂರ್ಣ ನಿಖರವಾಗಿದೆ ಎಂದು ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಪ್ರತಿಪಾದಿಸುವುದಿಲ್ಲ. ಈ ವಿಷಯದ ಕುರಿತ ನಿಖರ ಮಾಹಿತಿಗಾಗಿ ಸಂಬಂಧಪಟ್ಟ ಕ್ಷೇತ್ರದ ತಜ್ಞರನ್ನು ಸಂಪರ್ಕಿಸಿ).

ಇದನ್ನೂ ಓದಿ: Women health: ಕಿಬ್ಬೊಟ್ಟೆ, ಸೊಂಟ ನೋವು ಮಾತ್ರವಲ್ಲ ಋತುಚಕ್ರದ ಸಮಯದಲ್ಲಿ ಬಹಳ ಹೆಣ್ಣುಮಕ್ಕಳನ್ನು ಕಾಡಲಿದೆ ಕಾಲು ನೋವು; ಕಾರಣವೇನು?