Opening Bell: ಏರುಗತಿಯ ಆರಂಭ ಪಡೆದ ಭಾರತೀಯ ಷೇರು ಮಾರುಕಟ್ಟೆ; ಇಂದು ಹೂಡಿಕೆಗೆ ಈ ಷೇರುಗಳು ಸೂಕ್ತ
ಕೊನೆಯ ದಿನದ ವಹಿವಾಟಿನ ಅಂತ್ಯಕ್ಕೆ ನೀರಸವಾಗಿ ವಹಿವಾಟು ಮುಗಿಸಿದ್ದ ಸೆನ್ಸೆಕ್ಸ್‌, ಮಂಗಳವಾರ ದಿನದ ಆರಂಭದಲ್ಲಿ ಪುಟಿದೆದ್ದಿದೆ. ಹೂಡಿಕೆದಾರರು ದೊಡ್ಡ ಮೊತ್ತದ ಷೇರು ಖರೀದಿಗೆ ಮುಂದಾಗಿದ್ದಾರೆ. ಇಂದು ನೀವು ಗಮನಿಸಬೇಕಾದ ಷೇರುಗಳ ವಿವರ ಇಲ್ಲಿದೆ.
ಬೆಂಗಳೂರು: ವಾರದ ಆರಂಭದ ದಿನವಾದ ಸೋಮವಾರ ಷೇರು ಮಾರುಕಟ್ಟೆ ಅವಧಿ ಮುಕ್ತಾಯದ ಸಮಯದಲ್ಲಿ ಷೇರು ಮಾರುಕಟ್ಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ಕುಸಿತದೊಂದಿಗೆ ವಹಿವಾಟು ಮುಗಿಸಿತ್ತು. ಅತ್ತ ನಿಫ್ಟಿ 50 ಅಲ್ಪ ಲಾಭದ ಸೂಚನೆ ಕೊಟ್ಟಿತ್ತು. ಆಗಸ್ಟ್‌ 20 ಮಂಗಳವಾರ ಮತ್ತೆ ಮಾರುಕಟ್ಟೆ ಚೇತರಿಕೆಯ ಹಾದಿ ಕಾಣುವ ಸೂಚನೆ ಸಿಕ್ಕಿದೆ. ಭಾರತೀಯ ಷೇರುಗಳು ಏರಿಕೆಯೊಂದಿಗೆ ದಿನ ಆರಂಭಿಸಲು ಸಜ್ಜಾಗಿವೆ. ಯುಎಸ್ ಫೆಡರಲ್ ರಿಸರ್ವ್ ಶೀಘ್ರದಲ್ಲೇ ದರಗಳನ್ನು ಕಡಿತಗೊಳಿಸಲು ಪ್ರಾರಂಭಿಸುವ ಸೂಚನೆಯೊಂದಿಗೆ, ಏಷ್ಯಾದ ಮಾರುಕಟ್ಟೆಗಳಲ್ಲಿನ ಲಾಭವನ್ನು ಟ್ರ್ಯಾಕ್ ಮಾಡುವ ಮೂಲಕ ಭಾರತೀಯ ಷೇರುಗಳು ಮಂಗಳವಾರ ಸ್ವಲ್ಪಮಟ್ಟಿಗೆ ಏರಿಕೆ ಕಾಣಲಿವೆ.
ಗಿಫ್ಟ್ ನಿಫ್ಟಿ ಸೋಮವಾರ ಬೆಳಿಗ್ಗೆ 07:24ರ ವೇಳೆಗೆ 24,645.50ರಲ್ಲಿ ವಹಿವಾಟು ನಡೆಸುತ್ತಿದೆ. ಎನ್ಎಸ್ಇ ನಿಫ್ಟಿ 50 ಸೋಮವಾರ ತನ್ನ ಮುಕ್ತಾಯದ ಅವಧಿಯಲ್ಲದ್ದ 24,572.65 ಅಂಕಗಳಿಗಿಂತ ಸ್ವಲ್ಪ ಹೆಚ್ಚಾಗುತ್ತದೆ ಎಂದು ಸೂಚಿಸುತ್ತದೆ.
ಅತ್ತ ಏಷ್ಯಾದ ಮಾರುಕಟ್ಟೆಗಳು ಕೂಡಾ ಉತ್ತಮ ಆರಂಭ ಕಂಡಿವೆ. ಎಂಎಸ್‌ಸಿಐ ಮಾಜಿ ಜಪಾನ್ ಶೇ 0.3 ಏರಿಕೆ ಕಂಡಿದೆ. ಈ ವಾರದ ಕೊನೆಯಲ್ಲಿ ಅಮೆರಿಕದ ಫೆಡರಲ್ ರಿಸರ್ವ್ (ಅಮೆರಿಕದ ಕೇಂದ್ರೀಯ ಬ್ಯಾಂಕ್) ಅಧ್ಯಕ್ಷ ಜೆರೋಮ್ ಪೊವೆಲ್ ಅವರ ಭಾಷಣ ಮಾಡಲಿದ್ದಾರೆ. ಈ ಭಾಷಣವು ಅಂತರರಾಷ್ಟ್ರೀಯ ಮಾರುಕಟ್ಟೆ ಮೇಲೆ ಪರಿಣಾಮ ಬೀಳಲಿದೆ. ಇವರ ಭಾಷಣಕ್ಕಾಗಿ ಹೂಡಿಕೆದಾರರು ಕುತೂಹಲದಿಂದ ಕಾಯುತ್ತಿದ್ದಾರೆ. ಹೀಗಾಗಿ ವಾಲ್ ಸ್ಟ್ರೀಟ್ ಷೇರುಗಳು ರಾತ್ರೋರಾತ್ರಿ ಏರಿಕೆ ಕಂಡಿವೆ.
ಇಂಧನ ಮತ್ತು ಲೋಹದ ಷೇರುಗಳಲ್ಲಿನ ಲಾಭವನ್ನು ಸರಿದೂಗಿಸಲು ಹಣಕಾಸು ಲಾಭದ ಬುಕಿಂಗ್ ಮಾಡಿದ್ದರಿಂದ ಭಾರತದ ಷೇರು ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ಸೋಮವಾರ ಕುಸಿತದೊಂದಿಗೆ ವಹಿವಾಟು ಮುಗಿಸಿತು.
ವಿದೇಶಿ ಸಾಂಸ್ಥಿಕ ಹೂಡಿಕೆದಾರರೇ ಬಾಸ್‌ಗಳು
ಸೋಮವಾರ ಕೂಡಾ ವಿದೇಶಿ ಸಾಂಸ್ಥಿಕ ಹೂಡಿಕೆದಾರರೇ ಮತ್ತೆ ನಿವ್ವಳ ಮಾರಾಟಗಾರರಾಗಿದ್ದು, ಶುಕ್ರವಾರ ಮೂರು ಸೆಷನ್ ಮಾರಾಟದ ನಂತರ 26.67 ಬಿಲಿಯನ್ ರೂಪಾಯಿ (ಸುಮಾರು 318 ಮಿಲಿಯನ್ ಡಾಲರ್) ಮೌಲ್ಯದ ಷೇರುಗಳನ್ನು ಮಾರಾಟ ಮಾಡಿದ್ದಾರೆ.
ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರದ ತಾತ್ಕಾಲಿಕ ಅಂಕಿ-ಅಂಶಗಳ ಪ್ರಕಾರ, ದೇಶೀಯ ಸಾಂಸ್ಥಿಕ ಹೂಡಿಕೆದಾರರು ಸತತ ಹನ್ನೊಂದನೇ ಸೆಷನ್‌ನಲ್ಲಿ 18.03 ಬಿಲಿಯನ್ ರೂಪಾಯಿ ಮೌಲ್ಯದ ಷೇರುಗಳನ್ನು ಖರೀದಿಸಿದ್ದಾರೆ.
ಮಂಗಳವಾರ ಗಮನಿಸಬೇಕಾದ ಷೇರುಗಳಿವು
- ಹಿಂದೂಸ್ತಾನ್ ಜಿಂಕ್
- ಎಚ್‌ಸಿಎಲ್‌ಟೆಕ್
- ಇಂಡಸ್ಇಂಡ್ ಬ್ಯಾಂಕ್
- ಬಜಾಜ್ ಆಟೋ
- ನ್ಯೂಕ್ಲಿಯಸ್ ಸಾಫ್ಟ್‌ವೇರ್
- ಪಾಲಿ ಮೆಡಿಕ್ಯೂರ್
- ಟೊರೆಂಟ್ ಪವರ್
- ಟಾಟಾ ಕನ್ಸ್ಯೂಮರ್‌ ಪ್ರಾಡಕ್ಸ್ಟ್
ಮಾರುಕಟ್ಟೆ ಕುರಿತ ಇನ್ನಷ್ಟು ಸುದ್ದಿಗಳಿಗೆ ಇಲ್ಲಿ ಕ್ಲಿಕ್‌ ಮಾಡಿ
ಇದನ್ನೂ ಓದಿ | Closing Bell: ಷೇರುಪೇಟೆಗೆ ಬಲ ತುಂಬಿದ ಐಟಿ, ಹೆಲ್ತ್‌ಕೇರ್‌; ನಿಫ್ಟಿಯಲ್ಲಿ ಇಂದು ಲಾಭ-ನಷ್ಟ ಕಂಡ ಷೇರುಗಳ ವಿವರ ಇಲ್ಲಿದೆ