Delhi Elections Highlights: ದೆಹಲಿ ವಿಧಾನಸಭಾ ಚುನಾವಣೆ ಎಕ್ಸಿಟ್‌ ಪೋಲ್‌; ಬಿಜೆಪಿ ಗೆಲ್ಲುತ್ತೆ ಎಂದ ಹೆಚ್ಚಿನ ಮತಗಟ್ಟೆ ಸಮೀಕ್ಷೆಗಳು

ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ 35-50 ಸ್ಥಾನಗಳನ್ನು ಗೆಲ್ಲುವ ನಿರೀಕ್ಷೆಯಿದ್ದು, ಸರ್ಕಾರ ರಚಿಸಲು ಸಾಧ್ಯವಾಗುವ ಸರಳ ಬಹುಮತ 36ನ್ನು ಸುಲಭವಾಗಿ ತಲುಪಲಿದೆ ಎಂದು ಬಹುತೇಕ ಎಲ್ಲಾ ಮತಗಟ್ಟೆ ಸಮೀಕ್ಷೆಗಳು ಭವಿಷ್ಯ ನುಡಿದಿವೆ. ಎಲ್ಲಾ ಸಮೀಕ್ಷಕರ ಪ್ರಕಾರ, ಕಾಂಗ್ರೆಸ್ ದೆಹಲಿಯಲ್ಲಿ 0-3 ಸ್ಥಾನಗಳಿಗೆ ಸೀಮಿತವಾಗಿರುತ್ತದೆ ಎಂದು ಅಂದಾಜಿಸಲಾಗಿದೆ.

ದೆಹಲಿ ಎಕ್ಸಿಟ್ ಪೋಲ್ ಫಲಿತಾಂಶಗಳು ಹೊರಬಿದ್ದಿವೆ. ಹೆಚ್ಚಿನ ಮತಗಟ್ಟೆ ಸಮೀಕ್ಷೆಗಳು ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಬಹುಮತ ಸಾಧಿಸುತ್ತದೆ ಎಂದು ಅಂದಾಜಿಸಿವೆ. ಇದೇ ವೇಳೆ ದೆಹಲಿಯಲ್ಲಿ ಆಮ್ ಆದ್ಮಿ ಪಕ್ಷದ ಹ್ಯಾಟ್ರಿಕ್ ಸಾಧನೆಗೆ ಹಿನ್ನಡೆ ಆಗಲಿದೆ ಎಂದು ಭವಿಷ್ಯ ನುಡಿದಿದೆ.

ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿಗೆ ಭರ್ಜರಿ ಬಹುಮತ ಸಿಗಲಿದೆ ಎಂದು ಪೋಲ್‌ ಡೈರಿ ಎಕ್ಸಿಟ್‌ ಪೋಲ್ ಅಂಕಿ-ಅಂಶಗಳು ಹೇಳಿವೆ.

ಬಿಜೆಪಿ: 42-50

ಎಎಪಿ: 18-25

ಕಾಂಗ್ರೆಸ್: 00-02

ಇತರ: 00-00

ಬಿಜೆಪಿ ಗೆಲ್ಲುವ ಸಾಧ್ಯತೆ ಇದ್ದು, ಆಡಳಿತಾರೂಢ ಎಎಪಿಗಿಂತ 10 ಸ್ಥಾನ ಹೆಚ್ಚು ಗೆಲ್ಲುತ್ತೆ ಎಂದು ಡಿವಿ ರಿಸರ್ಚ್ ಮತಗಟ್ಟೆ ಸಮೀಕ್ಷೆ ಹೇಳಿದೆ.

ಬಿಜೆಪಿ: 36-44

ಎಎಪಿ: 26-34

ಕಾಂಗ್ರೆಸ್: 00

ಇತರೆ:00

ಚಾಣಕ್ಯ ಸ್ಟ್ರಾಟಜೀಸ್ ಎಕ್ಸಿಟ್‌ ಪೋಲ್ ಸಮೀಕ್ಷೆಯು 70 ಸ್ಥಾನಗಳ ದೆಹಲಿ ವಿಧಾನಸಭೆಯಲ್ಲಿ ಬಿಜೆಪಿ 39-44 ಸ್ಥಾನಗಳನ್ನು ಗಳಿಸುತ್ತದೆ ಎಂದು ಅಂದಾಜಿಸಿದೆ. ಆಮ್ ಆದ್ಮಿ ಪಕ್ಷ 25-28 ಕ್ಷೇತ್ರಗಳಲ್ಲಿ ಮಾತ್ರ ಗೆಲ್ಲಲಿದೆ ಎಂದು ಊಹಿಸಲಾಗಿದೆ.

ಬಿಜೆಪಿ: 39-44

ಎಎಪಿ: 25-28

ಕಾಂಗ್ರೆಸ್: 2-3

70 ಸ್ಥಾನಗಳ ದೆಹಲಿ ವಿಧಾನಸಭೆಯಲ್ಲಿ ಬಿಜೆಪಿ 39-45 ಸ್ಥಾನಗಳನ್ನು ಗೆಲ್ಲಲಿದೆ ಎಂದು ಜೆವಿಸಿ ಮತಗಟ್ಟೆ ಸಮೀಕ್ಷೆ ಅಂದಾಜಿಸಿದೆ. ಇದೇ ವೇಳೆ ಆಮ್ ಆದ್ಮಿ ಪಕ್ಷ ಬಹುಮತ ಗಳಿಸುವ ಸಾಧ್ಯತೆ ಕಡಿಮೆ ಎಂದಿದೆ. 22ರಿಂದ 31 ಕ್ಷೇತ್ರಗಳಿಗೆ ಸೀಮಿತವಾಗಿರುತ್ತದೆ ಎಂದು ಹೇಳಿದೆ.

ಬಿಜೆಪಿ: 39-45

ಎಎಪಿ: 22-31

ಕಾಂಗ್ರೆಸ್: 0-2

ಪಿ-ಮಾರ್ಕ್ ಮತಗಟ್ಟೆ ಸಮೀಕ್ಷೆಯು ಬಿಜೆಪಿ 39-49 ಸ್ಥಾನಗಳೊಂದಿಗೆ ಸುಲಭ ಬಹುಮತ ಸಾಧಿಸುತ್ತದೆ ಎಂದು ಅಂದಾಜಿಸಿದೆ. ಇದೇ ವೇಳೆ ಆಮ್ ಆದ್ಮಿ ಪಕ್ಷ 21ರಿಂದ 31 ಸ್ಥಾನಗಳನ್ನು ಗಳಿಸಬಹುದು ಎಂದು ಹೇಳಿದೆ.

ಎಎಪಿ: 21-31

ಬಿಜೆಪಿ: 39-49

ಕಾಂಗ್ರೆಸ್: 0-1

ದೆಹಲಿ ಮತಗಟ್ಟೆ ಸಮೀಕ್ಷೆಗಳ ಫಲಿತಾಂಶಗಳು ಹೊರಬರುತ್ತಿವೆ. ಇಲ್ಲಿಯವರೆಗೆ ಮೂರು ಎಕ್ಸಿಟ್‌ ಪೋಲ್ ಸಮೀಕ್ಷೆಳು ಬಿಜೆಪಿ ಗೆಲ್ಲುತ್ತದೆ ಎಂದು ಭವಿಷ್ಯ ನುಡಿದಿವೆ.

ಪೀಪಲ್ಸ್ ಇನ್‌ಸೈಟ್ ಎಕ್ಸಿಟ್ ಪೋಲ್ ಫಲಿತಾಂಶವು ದೆಹಲಿಯಲ್ಲಿ ಬಿಜೆಪಿಗೆ ಮುನ್ನಡೆ ನೀಡಿದರೆ, ಆಮ್ ಆದ್ಮಿ ಪಕ್ಷ 25ರಿಂದ 29 ಸ್ಥಾನಗಳನ್ನು ಗಳಿಸುವ ನಿರೀಕ್ಷೆಯಿದೆ ಎಂದು ಹೇಳಿದೆ.

-ಎಎಪಿ: 25-29

-ಬಿಜೆಪಿ: 40-44

-ಕಾಂಗ್ರೆಸ್: 0-2

ಬಿಜೆಪಿ ಮತ್ತು ಕಾಂಗ್ರೆಸ್ ನಡುವೆ ತೀವ್ರ ಪೈಪೋಟಿ ನಡೆಯಲಿದೆ ಎಂದು ಮ್ಯಾಟ್ರಿಜ್ ಮತಗಟ್ಟೆ ಸಮೀಕ್ಷೆ ಭವಿಷ್ಯ ನುಡಿದಿದೆ

-ಬಿಜೆಪಿ+ : 35-40 (46 ಶೇ)

-ಎಎಪಿ : 32-37 (44 ಶೇ)

-ಕಾಂಗ್ರೆಸ್: 0-1 (8 ಶೇ)

ಪೀಪಲ್ಸ್‌ ಪಲ್ಸ್ ಮತಗಟ್ಟೆ ಸಮೀಕ್ಷೆ

ಬಿಜೆಪಿ - 5ರಿಂದ 60

ಎಎಪಿ - 10-19

ಕಾಂಗ್ರೆಸ್ - 0

ಇತರ - 0

ಮೊದಲ ಎಕ್ಸಿಟ್‌ ಪೋಲ್‌ ಫಲಿತಾಂಶ ಹೊರಬಿದ್ದಿದೆ. ಪೀಪಲ್ಸ್ ಪಲ್ಸ್ ಆಂಡ್‌ ಕೊಡೆಮೊ ಪ್ರಕಾರ, 27 ವರ್ಷಗಳ ನಂತರ ಬಿಜೆಪಿ 51-60 ಸ್ಥಾನಗಳೊಂದಿಗೆ ಗೆಲುವು ಸಾಧಿಸಲಿದೆ ಎಂದು ಅಂದಾಜಿಸಿದೆ. ಎಎಪಿ 20 ಸ್ಥಾನಗಳಿಗಿಂತ ಕಡಿಮೆ ಸ್ಥಾನ ಗಳಿಸಬಹುದು ಎಂದು ಅಂದಾಜಿಸಿದೆ.

ದೆಹಲಿ ಚುನಾವಣೆಯ ಮತದಾನಕ್ಕೆ ಸಂಜೆ 6 ಗಂಟೆಯವರೆಗೆ ಮತದಾನ ಪ್ರಕ್ರಿಯೆ ನಡೆಯಲಿದೆ. 6:30ರ ನಂತರ ಎಕ್ಸಿಟ್‌ ಪೋಲ್‌ ಫಲಿತಾಂಶ ಹೊರಬೀಳಲಿದೆ.

ದೆಹಲಿ ವಿಧಾನಸಭಾ ಚುನಾವಣೆಗೆ ಮತದಾನ ಅಂತಿಮ ಹಂತಕ್ಕೆ ಬರುತ್ತಿದೆ. ಭಾರತೀಯ ಚುನಾವಣಾ ಆಯೋಗದ ಪ್ರಕಾರ, ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಬುಧವಾರ ಸಂಜೆ 5 ಗಂಟೆಯವರೆಗೆ ಶೇ. 57.70 ರಷ್ಟು ಮತದಾನ ದಾಖಲಾಗಿದೆ.

ಚುನಾವಣಾ ಆಯೋಗದ ಪ್ರಕಾ ಪ್ರಕಾರ, ನೈಋತ್ಯ ಜಿಲ್ಲೆಯಲ್ಲಿ ಶೇ.48.32, ಪೂರ್ವದಲ್ಲಿ ಶೇ.47.09, ಉತ್ತರದಲ್ಲಿ ಶೇ.46.31, ವಾಯವ್ಯದಲ್ಲಿ ಶೇ.46.81, ಶಹದಾರದಲ್ಲಿ ಶೇ.49.58, ದಕ್ಷಿಣದಲ್ಲಿ ಶೇ.44.89, ಆಗ್ನೇಯದಲ್ಲಿ ಶೇ.43.91 ಮತ್ತು ಪಶ್ಚಿಮದಲ್ಲಿ ಶೇ.45.03ರಷ್ಟು ಮತದಾನವಾಗಿದೆ.

ನಕಲಿ ಮತದಾನ ಆರೋಪದ ಮೇಲೆ ಇಬ್ಬರನ್ನು ಬಂಧಿಸಲಾಗಿದೆ. ದೆಹಲಿ ವಿಧಾನಸಭೆ ಚುನಾವಣೆಗೆ ಮತದಾನ ನಡೆಯುತ್ತಿದ್ದು, ನಕಲಿ ಮತದಾನದ ಆರೋಪದ ಮೇಲೆ ಕನಿಷ್ಠ ಇಬ್ಬರನ್ನು ಬಂಧಿಸಲಾಗಿದೆ ಎಂದು ವಿಶೇಷ ಸಿಪಿ ಡಿ.ಸಿ. ಶ್ರೀವಾಸ್ತವ ಬುಧವಾರ ಹೇಳಿದ್ದಾರೆ.

ದೆಹಲಿ ವಿಧಾನಸಭಾ ಚುನಾವಣೆಗೆ ಮತದಾನ ನಡೆಯುತ್ತಿದ್ದು, 70 ಸದಸ್ಯರ ವಿಧಾನಸಭೆಗೆ ಮಧ್ಯಾಹ್ನ 3 ಗಂಟೆಯವರೆಗೆ 46.55 ಶೇ. ಮತದಾನ ದಾಖಲಾಗಿದೆ.

ಎಎಪಿ ಮತ್ತು ಬಿಜೆಪಿ ನಡುವೆ ತೀವ್ರ ಆರೋಪ-ಪ್ರತ್ಯಾರೋಪಗಳು ನಡೆದಿವೆ. ಬಿಜೆಪಿ ಮತಗಟ್ಟೆಗಳ ಬಳಿ ಹಣ ಹಂಚುತ್ತಿದೆ ಎಂದು ಎಎಪಿ ಹೇಳಿದರೆ, ದೆಹಲಿ ಬಿಜೆಪಿ ಮುಖ್ಯಸ್ಥ ವೀರೇಂದ್ರ ಸಚ್‌ದೇವ ಅವರು ರಾಷ್ಟ್ರ ರಾಜಧಾನಿಯಲ್ಲಿ ನಕಲಿ ಮತದಾನಕ್ಕೆ ಎಎಪಿ ಅವಕಾಶ ನೀಡುತ್ತಿದೆ ಎಂದು ಆರೋಪಿಸಿದರು.

ದೆಹಲಿ ವಿಧಾನಸಭಾ ಚುನಾವಣೆಗೆ ಮತದಾನ ಪ್ರಕ್ರಿಯೆ ನಡೆಯುತ್ತಿದ್ದು, ದೆಹಲಿಯಲ್ಲಿ ಮಧ್ಯಾಹ್ನ 1 ಗಂಟೆಯವರೆಗೆ ಶೇ. 33.31 ರಷ್ಟು ಮತದಾನ ದಾಖಲಾಗಿದೆ. ಮತದಾನ ಬೆಳಿಗ್ಗೆ 7 ಗಂಟೆಗೆ ಪ್ರಾರಂಭವಾಗಿ ಇಂದು ಸಂಜೆ 6 ಗಂಟೆಗೆ ಮುಕ್ತಾಯಗೊಳ್ಳಲಿದೆ.

ನೀರಸ ಮತದಾನದ ಹಿನ್ನೆಲೆಯಲ್ಲಿ ರಾಜ್ಯಸಭಾ ಸಂಸದ ಕಪಿಲ್ ಸಿಬಲ್ ಕಿಡಿಕಾರಿದ್ದಾರೆ. ಮತದಾನವು ಭಾರವಾಗಿದೆ ಎಂದು ನಾನು ಭಾವಿಸುತ್ತೇನೆ. ಪ್ರತಿಯೊಬ್ಬ ನಾಗರಿಕನು ಹೊರಬಂದು ಮತ ಚಲಾಯಿಸಬೇಕು. ಏಕೆಂದರೆ ನೀವು ಒಂದು ಸಮುದಾಯದಲ್ಲಿ ವಾಸಿಸುತ್ತಿದ್ದರೆ, ನೀವು ಯಾರಿಗೆ ಮತ ಹಾಕುತ್ತಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಲು ನೀವು ಭಾಗವಹಿಸಬೇಕು. ನೀವು ಮತ ​​ಚಲಾಯಿಸಲು ಸಾಧ್ಯವಾಗದಿದ್ದರೆ, ನೀವು ದೂಷಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.

ಎಎಪಿ ಮುಖ್ಯಸ್ಥ ಅರವಿಂದ್ ಕೇಜ್ರಿವಾಲ್ ಮತ್ತು ಅವರ ಕುಟುಂಬ ಸದಸ್ಯರು ಮತ ಚಲಾಯಿಸಿದರು.

ಎಎಪಿ ಮುಖ್ಯಸ್ಥ ಅರವಿಂದ್ ಕೇಜ್ರಿವಾಲ್ ತಮ್ಮ ಕುಟುಂಬ ಸದಸ್ಯರೊಂದಿಗೆ ಮತ ಚಲಾಯಿಸಲು ಹೊರಟಿದ್ದಾರೆ.

ಕೇಂದ್ರ ದೆಹಲಿ-16.46%

ಪೂರ್ವ ದೆಹಲಿ-20.03 %

ನವದೆಹಲಿ 16.80 %

ಉತ್ತರ ದೆಹಲಿ-18.63 %

ಈಶಾನ್ಯ ದೆಹಲಿ- 24.87%

ವಾಯುವ್ಯ ದೆಹಲಿ - 19.75%

ಶಹದಾರ -23.30 %

ದಕ್ಷಿಣ ದೆಹಲಿ -19.75 %

ಆಗ್ನೇಯ ದೆಹಲಿ - 19.66%

ನೈಋತ್ಯ ದೆಹಲಿ - 21.90%

ಪಶ್ಚಿಮ ದೆಹಲಿ-17.67 %

ಬೆಳಿಗ್ಗೆ 11 ಗಂಟೆಯ ಹೊತ್ತಿಗೆ, ದೆಹಲಿಯ 70 ವಿಧಾನಸಭಾ ಕ್ಷೇತ್ರಗಳಲ್ಲಿ ಶೇ.19.95 ರಷ್ಟು ಮತದಾನವಾಗಿದೆ. ಈಶಾನ್ಯ ದೆಹಲಿಯಲ್ಲಿ ಅತಿ ಹೆಚ್ಚು ಶೇ.24.87 ರಷ್ಟು ಮತ್ತು ಮಧ್ಯ ದೆಹಲಿಯಲ್ಲಿ ಅತಿ ಕಡಿಮೆ ಶೇ.16.46 ರಷ್ಟು ಮತದಾನ ದಾಖಲಾಗಿದೆ.

ದೆಹಲಿ ಚುನಾವಣೆಯಲ್ಲಿ ನೀರಸ ಮತದಾನ ನಡೆಯುತ್ತಿದೆ. ಗಂಟೆ 11 ಆದರೂ ಆಗಿರುವ ಮತದಾನದ ಪ್ರಮಾಣ ಶೇ. 19.95 ರಷ್ಟು ಮತದಾನವಾಗಿದೆ. ಇದು 70 ಕ್ಷೇತ್ರಗಳ ಲೆಕ್ಕಾಚಾರವಾಗಿದೆ. ಆದರೆ ಮತದಾನದ ಪ್ರಮಾಣ ಏರಿಕೆಯಾಗುತ್ತಾ ಇಲ್ಲವೇ ಎಂಬುದು ಸದ್ಯದ ಕುತೂಹಲ ಪ್ರಶ್ನೆಯಾಗಿದೆ.