Viral Video: ಚಿನ್ನದಂಗಡಿಯಲ್ಲಿ ಬೆಲೆ ನೋಡದೆ ವಜ್ರದ ನೆಕ್ಲೇಸ್‌ ಕದ್ದ ಇಲಿರಾಯ, ಇಲ್ಲಿದೆ ಮೂಷಿಕನ ಕಿತಾಪತಿಯ ವೈರಲ್ ವಿಡಿಯೋ
Viral Video: ಟ್ವಿಟ್ಟರ್‌ನಲ್ಲಿ ಈ ವಿಡಿಯೋವನ್ನು ಬಳಕೆದಾರರೊಬ್ಬರು ಹಂಚಿಕೊಂಡು, "ಈ ಡೈಮಾಂಡ್‌ ನೆಕ್ಲೇಸ್‌ ಕದ್ದ ಇಲಿ ಯಾರದ್ದು?ʼʼ ಎಂದು ಕ್ಯಾಪ್ಷನ್‌ ನೀಡಿದ್ದಾರೆ.
ಅದೊಂದು ಚಿನ್ನದಂಗಡಿ. ಹೆಸರಿಗೆ ಚಿನ್ನದಂಗಡಿಯಾದರೂ ದುಬಾರಿ ವಜ್ರದ ನಕ್ಲೇಸ್‌ಗಳೂ ಅಲ್ಲಿದ್ದವು. ಅದೊಂದು ದಿನ ಬೆಳಗ್ಗೆ ಅಂಗಡಿ ಮಾಲೀಕ ಬಂದು ನೋಡಿದಾಗ ದುಬಾರಿ ನೆಕ್ಲೇಸ್‌ ಕಾಣೆಯಾಗಿದೆ. ಗೊಂಬೆಯ ಕೊರಳಿಗೆ ಹಾಕಿದ್ದ ಹಲವು ಲಕ್ಷ ರೂ. ಬೆಲೆಬಾಳುವ ನೆಕ್ಲೇಸ್‌ ಇಲ್ಲದಾಗಿರುವುದನ್ನು ಕಂಡಾಗ ಆತನಿಗೆ ಅಂಗಡಿಯಲ್ಲಿದ್ದವರ ಮೇಲೆಯೇ ಸಂಶಯ ಬಂದಿದೆ. ಅಥವಾ ಗ್ರಾಹಕರ ಸೋಗಿನಲ್ಲಿ ಯಾರಾದರೂ ನೆಕ್ಲೇಸ್‌ ಕದ್ದಿರಬಹುದೇ? ಎಂಬ ಸಂಶಯವೂ ಬಂದಿದೆ.
ಸಂಶಯಗಳು ಸಹಜ. ಕಣ್ಣಾರೆ ಕಂಡರೂ ಪರಂಬರಿಸಿ ನೋಡು ಎನ್ನುವ ಗಾದೆ ಆ ಚಿನ್ನದಂಗಡಿ ಮಾಲೀಕನಿಗೆ ನೆನಪಾಗಿದೆ. ಜ್ಞಾನೋದಯವಾದಂತೆ ಅಂಗಡಿಯ ಸಿಸಿ ಟೀವಿ ಕ್ಯಾಮೆರಾಗಳನ್ನು ಪರಿಶೀಲಿಸಿದ್ದಾನೆ. ಗ್ರಾಹಕರು ಇದ್ದ ಸಮಯದಲ್ಲಿ ಸರ ಅದೇ ರೀತಿ ಇತ್ತು. ರಾತ್ರಿ ಯಾರೋ ಕಳ್ಳರು ಬಂದು ಉಳಿದ ಸರಗಳೆಲ್ಲವನ್ನು ಬಿಟ್ಟು ಈ ನೆಕ್ಲೇಸ್‌ ಅನ್ನೇ ಕೊಂಡೊಯ್ದಿರಬಹುದು ಎಂದುಕೊಂಡು ರಾತ್ರಿಯ ಸಿಟಿಟಿವಿ ಫೂಟೇಜ್‌ಗಳನ್ನು ನೋಡಿದ್ದಾನೆ.
ಎಚ್ಚರಿಕೆಯಿಂದ ಸಿಸಿಟೀವಿ ಪರಿಶೀಲಿಸಿದಾಗ ರಾತ್ರಿಯ ಹೊತ್ತು ಬಂದ ಕಳ್ಳ/ಕಳ್ಳಿ ಕಂಡಿದೆ. ಅದು ಬೇರಾರು ಅಲ್ಲ. ಇಲಿರಾಯ. ಮೇಲಿನ ಸೀಲ್‌ ಫಾಲ್ಸಿಂಗ್‌ನಿಂದ ಇಣುಕಿದ ಮೂಷಿಕಗೆ ವಜ್ರದ ನಕ್ಲೇಸ್‌ ಆಕರ್ಷಕವಾಗಿ ಕಾಣಿಸಿದೆ. ಇಳಿದು ಬಂದು ಆ ನೆಕ್ಲೇಸ್‌ ಎತ್ತಿಕೊಂಡು ಪರಾರಿಯಾಗಿದೆ. ವಜ್ರವು ವಿಷಕಾರಿಯಾಗಿರುವುದರಿಂದ ಎಲ್ಲಾದರೂ ನೆಕ್ಲೇಸ್‌ಗೆ ಹಲ್ಲು ಹಾಕಿ ಜಗಿದರೆ ಮೂಷಿಕಗೆ ಅದು ವಿಷವಾಗಲಿದೆ. ಇದು ತಿನ್ನೋದಲ್ಲ ಎಂದು ಬಿಸಾಕಿದರೆ ಅದರ ಜೀವ ಉಳಿಯಬಹುದು.
ಮತ್ತೆ ಚಿನ್ನದಂಗಡಿಯವರು ಅಂಗಡಿಯ ಮಾಳಿಗೆಯ ಇಲಿ ಗೂಡುಗಳಲ್ಲಿ, ಸಂದುಗಳಲ್ಲಿ ಹುಡುಕಿರಬಹುದು. ಆ ಕುರಿತು ವಿವರವಿಲ್ಲ. ಸದ್ಯ ಸೋಷಿಯಲ್‌ ಮೀಡಿಯಾದಲ್ಲಿ ಇಲಿಯು ನೆಕ್ಲೇಸ್‌ ಎತ್ತಿಕೊಂಡು ಹೋಗುವ ದೃಶ್ಯದ ವಿಡಿಯೋ ವೈರಲ್ ಆಗಿದೆ.
ಟ್ವಿಟ್ಟರ್‌ನಲ್ಲಿ ಈ ವಿಡಿಯೋವನ್ನು ಬಳಕೆದಾರರೊಬ್ಬರು ಹಂಚಿಕೊಂಡು, "ಈ ಡೈಮಾಂಡ್‌ ನೆಕ್ಲೇಸ್‌ ಕದ್ದ ಇಲಿ ಯಾರದ್ದು?ʼʼ ಎಂದು ಕ್ಯಾಪ್ಷನ್‌ ನೀಡಿದ್ದಾರೆ. ಅಂದಹಾಗೆ, ಈ ಘಟನೆ ನಡೆದದ್ದು ಎಲ್ಲಿ, ಯಾವಾಗ ಇತ್ಯಾದಿ ವಿವರಗಳು ಇಲ್ಲ. ಎಲ್ಲಿ ನಡೆದರೂ, ಎಲ್ಲಾ ಕಡೆಗಳಲ್ಲಿರುವ ಚಿನ್ನದಂಗಡಿಯವರು ತುಸು ಎಚ್ಚರವಹಿಸುವುದು ಒಳ್ಳೆಯದು.
ವಿಡಿಯೋ ನೋಡಿ
ಇನ್ನಷ್ಟು ವೈರಲ್ ವಿಡಿಯೋಗಳು
ಭೀಕರ ಅಪಘಾತ ನಡೆಸಿದ ಬೈಕರ್‌; ದಂಪತಿಯ ಕಾರನ್ನು ಮನೆ ತನಕ ಚೇಸ್‌ ಮಾಡಿದ್ರು!
ತಡರಾತ್ರಿ ಸಂಚಾರ ಬಹಳ ಅಪಾಯಕಾರಿ. ಬೆಂಗಳೂರು ವಾಸಿ ದಂಪತಿಗೆ ಅಂಥದ್ದೇ ಒಂದು ಅನುಭವ. ಬೈಕ್ ಸವಾರ ಕಾರಿಗೆ ಡಿಕ್ಕಿ ಹೊಡೆದ ಬಳಿಕ, ದಂಪತಿಯ ಕಾರನ್ನೇ ಅವರ ಮನೆ ತನಕ ಚೇಸ್‌ ಮಾಡಿದ ಕಳವಳಕಾರಿ ಘಟನೆ ದೇಶವಾಸಿಗಳ ಗಮನಸೆಳೆದಿದೆ.
ಈ ಅಪಘಾತದ ದೃಶ್ಯ, ದಂಪತಿಯ ಸಂಭಾಷಣೆ ಎಲ್ಲವೂ ಕಾರಿನ ಡ್ಯಾಶ್‌ ಬೋರ್ಡ್‌ ಮೇಲಿದ್ದ ಕ್ಯಾಮೆರಾದಲ್ಲಿ ದಾಖಲಾಗಿದೆ. ಈ ವಿಡಿಯೋ ಟ್ವಿಟರ್‌ನಲ್ಲಿ ಶೇರ್‌ ಆಗಿದ್ದು, ನೋಡುಗರಲ್ಲಿ ಶಾಕ್‌ ಉಂಟುಮಾಡಿದೆ. ಈ ವೈರಲ್ ವಿಡಿಯೋ ಮತ್ತು ಸುದ್ದಿಯನ್ನು ಓದಲು ಇಲ್ಲಿ ಕ್ಲಿಕ್‌ ಮಾಡಿ.
ಮೊಬೈಲ್ ಕಸಿದು ಪರಾರಿಗೆ ಯತ್ನ; ಕಳ್ಳನನ್ನು ಅಟ್ಟಾಡಿಸಿ ಹೊಡೆದ ವ್ಯಕ್ತಿ
ಇಬ್ಬರು ಸಹೋದ್ಯೋಗಿಗಳ ರಸ್ತೆಯಲ್ಲಿ ನಡೆದು ಹೋಗುತ್ತಿದ್ದಾಗ ಬೈಕ್ ನಲ್ಲಿ ಬಂದ ಕಳ್ಳರಿಬ್ಬರು ಯುವತಿಯ ಮೊಬೈಲ್ ಕಸಿದು ಪರಾರಿಗೆ ಯತ್ನಿಸಿದ್ದಾರೆ. ಈ ವೇಳೆ ಯುವತಿ ಜೊತೆಯಲ್ಲಿದ್ದ ವ್ಯಕ್ತಿ ಕೂಡಲೇ ಕಳ್ಳನ ಮೇಲೆ ಎರಗಿ ರಸ್ತೆಯಲ್ಲೇ ಅಟ್ಟಾಡಿಸಿಕೊಂಡು ಹೊಡೆದಿದ್ದಾನೆ. ಬೈಕ್ ಸವಾರ ಕೂಡ ಅಲ್ಲೇ ಸುತ್ತಾಡಿ ಬಳಿಕ ಪರಾರಿಯಾಗುತ್ತಾನೆ. ಅಷ್ಟರಲ್ಲಿ ವ್ಯಕ್ತಿಯ ನೆರವಿಗೆ ಮತ್ತೊಬ್ಬ ವ್ಯಕ್ತಿ ಬರುತ್ತಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನೋಡಲು ಇಲ್ಲಿ ಕ್ಲಿಕ್‌ ಮಾಡಿ.
