SBI vs IOB vs Kotak vs Yes Bank: ರೆಪೋ ದರ ಏರಿದ ಬಳಿಕ ಇತ್ತೀಚಿನ ಎಫ್‌ಡಿ ಬಡ್ಡಿದರ ಎಷ್ಟಿದೆ? ಇಲ್ಲಿದೆ ವಿವರ ಚೆಕ್‌ ಮಾಡಿ

ದೇಶದ ಅತಿದೊಡ್ಡ ಸಾಲದಾತ ಕಂಪನಿ ಎನಿಸಿಕೊಂಡಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಸೇರಿ ಪ್ರಮುಖ ಬ್ಯಾಂಕ್‌ಗಳು 2 ಕೋಟಿ ರೂ.ಗಿಂತ ಕಡಿಮೆಯ ಚಿಲ್ಲರೆ ಅವಧಿಯ ಠೇವಣಿಗಳ ಮೇಲಿನ ಬಡ್ಡಿ ದರವನ್ನು ಹೆಚ್ಚಿಸುವುದಾಗಿ ಘೋಷಿಸಿವೆ.

ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಕಳೆದ ವಾರ ತನ್ನ ರೆಪೊ ದರವನ್ನು 35 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಿಸಿದ ನಂತರ ಈ ಬ್ಯಾಂಕುಗಳು ಎಫ್‌ಡಿಗಳ ಬಡ್ಡಿದರ ಪರಿಷ್ಕರಣೆ ಘೋಷಿಸಿವೆ.

ಈ ವರ್ಷದ ಮೇ ತಿಂಗಳಿನಿಂದ, ಭಾರತೀಯ ರಿಸರ್ವ್‌ ಬ್ಯಾಂಕ್‌ (RBI) ಗಮನಾರ್ಹವೆನಿಸುವ 225 ಬೇಸಿಸ್ ಪಾಯಿಂಟ್‌ಗಳ ರೆಪೋ ದರ ಏರಿಕೆ ನೀತಿ ಪ್ರಕಟಿಸಿದೆ. ಇದಕ್ಕೆ ಅನುಗುಣವಾಗಿ ಹೆಚ್ಚಿನ ಹಣಕಾಸು ಸಂಸ್ಥೆಗಳು ತಮ್ಮ ಎಫ್‌ಡಿ ದರಗಳನ್ನು ಕೂಡ ಗಣನೀಯವಾಗಿ ಹೆಚ್ಚಿಸಿವೆ.

ಪರಿಣಾಮವಾಗಿ, ಡಿಸೆಂಬರ್ ನೀತಿ ಸಭೆಯಲ್ಲಿ ಆರ್‌ಬಿಐ ರೆಪೊ ದರವನ್ನು 5.90% ರಿಂದ 6.25% ಕ್ಕೆ ಹೆಚ್ಚಿಸಿದ ನಂತರ, ಈ ಬ್ಯಾಂಕುಗಳು 2 ಕೋಟಿ ರೂಪಾಯಿಗಿಂತ ಕಡಿಮೆ ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸಿವೆ.

ಎಸ್‌ಬಿಐ ಎಫ್‌ಡಿ ಬಡ್ಡಿದರ (SBI FD Rates)

ದೇಶದ ಬ್ಯಾಂಕಿಂಗ್‌ ಕ್ಷೇತ್ರದ ಮುಂಚೂಣಿಯಲ್ಲಿರುವ ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ (SBI) 2 ಕೋಟಿ ರೂಪಾಯಿಗಿಂತ ಕಡಿಮೆಯ ಸ್ಥಿರ ಠೇವಣಿಗಳಿಗೆ 65 bps ವರೆಗೆ ಬಡ್ಡಿದರ ಹೆಚ್ಚಳವನ್ನು ಘೋಷಿಸಿದೆ. ಹೊಸ ದರಗಳು ಇಂದು ಡಿಸೆಂಬರ್ 13 ರಿಂದ ಜಾರಿಗೆ ಬಂದಿವೆ. 211 ದಿನಗಳಿಂದ 10 ವರ್ಷಗಳವರೆಗೆ ಪಕ್ವವಾಗುವ ಠೇವಣಿಗಳ ಮೇಲೆ, 25 ಬಿಪಿಎಸ್‌ನಿಂದ 65 ಬಿಪಿಎಸ್ ವ್ಯಾಪ್ತಿಯಲ್ಲಿ ಬಡ್ಡಿದರಗಳನ್ನು ಎಸ್‌ಬಿಐ ಹೆಚ್ಚಿಸಿದೆ.

SBI ತನ್ನ ವೆಬ್‌ಸೈಟ್‌ನಲ್ಲಿ "ರಿಟೇಲ್ TD ವಿಭಾಗದಲ್ಲಿ ಹಿರಿಯ ನಾಗರಿಕರಿಗಾಗಿ ವಿಶೇಷ 'SBI Wecare' ಠೇವಣಿಯನ್ನು ಉಲ್ಲೇಖಿಸಿದೆ. ಇದರಲ್ಲಿ ಅಸ್ತಿತ್ವದಲ್ಲಿರುವ 50 bps (ಮೂಲಾಂಶ) ಗಿಂತ ಹೆಚ್ಚಿನ 50 bps ಹೆಚ್ಚುವರಿ ಪ್ರೀಮಿಯಂ ಅಂದರೆ ಸಾರ್ವಜನಿಕರಿಗೆ 100 bps ಕಾರ್ಡ್ ದರ (ಸೂಚಿಸಿದಂತೆ)ಗಳನ್ನು ಮೇಲಿನ ಕೋಷ್ಟಕದಲ್ಲಿ ನಮೂದಿಸಿದೆ. ಹಿರಿಯ ನಾಗರಿಕರಿಗೆ ಅವರ ಚಿಲ್ಲರೆ TD ಯಲ್ಲಿ '5 ವರ್ಷಗಳು ಮತ್ತು ಅದಕ್ಕಿಂತ ಹೆಚ್ಚಿನ ಅವಧಿಗೆ ಮಾತ್ರ ಪಾವತಿಸಲಾಗುತ್ತದೆ. ‘SBI Wecare’ ಠೇವಣಿ ಯೋಜನೆಯು 2023ರ ಮಾರ್ಚ್ 31ರವರೆಗೆ ವಿಸ್ತರಿಸಲ್ಪಟ್ಟಿದೆ. SBI ಸಿಬ್ಬಂದಿ ಮತ್ತು SBI ಪಿಂಚಣಿದಾರರಿಗೆ ಪಾವತಿಸಬೇಕಾದ ಬಡ್ಡಿದರವು ಮೇಲಿನ ಕೋಷ್ಟಕದಲ್ಲಿ ತೋರಿಸಿರುವ ಅನ್ವಯವಾಗುವ ದರಕ್ಕಿಂತ ಶೇಕಡ1 ಹೆಚ್ಚಿದೆ.

ಐಒಬಿ ಎಫ್‌ಡಿ ದರಗಳು (IOB FD Rates)

ಇಂಡಿಯನ್ ಓವರ್‌ಸೀಸ್ ಬ್ಯಾಂಕ್ (IOB) 2 ಕೋಟಿಗಿಂತ ಕಡಿಮೆ ಇರುವ ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸಿದೆ. ನವೀಕರಿಸಿದ ದರಗಳು 10.12.2022 ರಂತೆ ಚಾಲ್ತಿಯಲ್ಲಿದೆ ಎಂದು ಬ್ಯಾಂಕ್‌ನ ಅಧಿಕೃತ ವೆಬ್‌ಸೈಟ್ ಹೇಳುತ್ತದೆ. ಇಲ್ಲದೆ ಹಲವಾರು ಅವಧಿಗಳ ಮೇಲಿನ FD ದರಗಳನ್ನು 20 ಮೂಲಾಂಶದವರೆಗೆ ಹೆಚ್ಚಿಸಿದೆ. ಬ್ಯಾಂಕ್ ಈಗ 7 ದಿನಗಳಿಂದ 3 ವರ್ಷಗಳವರೆಗೆ ಪಕ್ವವಾಗುವ ಠೇವಣಿಗಳ ಮೇಲೆ ಬಡ್ಡಿದರಗಳನ್ನು ನೀಡುತ್ತದೆ ಮತ್ತು 3.75% ರಿಂದ 6.50% ವರೆಗೆ ಇದೆ.

ಕೊಟಾಕ್‌ ಮಹಿಂದ್ರಾ ಬ್ಯಾಂಕ್‌ ಎಫ್‌ಡಿ ದರ (Kotak Mahindra Bank FD Rates)

ಕೋಟಕ್ ಮಹೀಂದ್ರಾ ಬ್ಯಾಂಕ್ 2 ಕೋಟಿಯೊಳಗಿನ ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರಗಳನ್ನು ಪರಿಷ್ಕರಿಸಿದೆ. ಬ್ಯಾಂಕ್‌ನ ಅಧಿಕೃತ ವೆಬ್‌ಸೈಟ್ ಪ್ರಕಾರ, ಹೊಸ ದರಗಳು ಡಿಸೆಂಬರ್ 9 ರಿಂದ ಜಾರಿಯಲ್ಲಿದೆ. ಕೋಟಕ್ ಮಹೀಂದ್ರಾ ಬ್ಯಾಂಕ್ ಈಗ ಸಾಮಾನ್ಯ ಜನರಿಗೆ 390 ದಿನಗಳಿಂದ (12 ತಿಂಗಳು 25 ದಿನಗಳು) ಎರಡು ವರ್ಷಕ್ಕಿಂತ ಕಡಿಮೆ ಅವಧಿಯ ಠೇವಣಿಗಳ ಮೇಲೆ 6.50% ಮತ್ತು ಹಿರಿಯ ನಾಗರಿಕರಿಗೆ 7.00% ಗರಿಷ್ಠ ಬಡ್ಡಿ ದರವನ್ನು ನೀಡುತ್ತಿದೆ.

ಯೆಸ್‌ ಬ್ಯಾಂಕ್‌ ಎಫ್‌ಡಿ ಬಡ್ಡಿದರ (Yes Bank FD Rates)

ಯೆಸ್ ಬ್ಯಾಂಕ್ ಡಿಸೆಂಬರ್ 9ರಂದು 2 ಕೋಟಿ ರೂ. ಒಳಗಿನ ಸ್ಥಿರ ಠೇವಣಿಗಳ ಬಡ್ಡಿ ದರಗಳನ್ನು ಪರಿಷ್ಕರಿಸಿದೆ ಎಂದು ಬ್ಯಾಂಕ್‌ನ ಅಧಿಕೃತ ವೆಬ್‌ಸೈಟ್ ತಿಳಿಸಿದೆ. ಬ್ಯಾಂಕ್ ಈಗ ಸಾಮಾನ್ಯ ಜನರಿಗೆ 7 ದಿನಗಳಿಂದ 10 ವರ್ಷಗಳ ಅವಧಿಯ ಠೇವಣಿಗಳಿಗೆ 3.25% ಮತ್ತು 6.75% ಮತ್ತು ಹಿರಿಯ ನಾಗರಿಕರಿಗೆ 3.75% ರಿಂದ 7.50% ವರೆಗೆ ಬಡ್ಡಿ ದರಗಳನ್ನು ಒದಗಿಸುತ್ತದೆ. ಹೆಚ್ಚುವರಿಯಾಗಿ, ಯೆಸ್ ಬ್ಯಾಂಕ್ ಸಾಮಾನ್ಯ ಜನರಿಗೆ 7.50% ಮತ್ತು ವಯಸ್ಸಾದ ವಯಸ್ಕರಿಗೆ 8.00% ಬಡ್ಡಿದರಗಳೊಂದಿಗೆ 30 ತಿಂಗಳ ವಿಶೇಷ FD ಕಾರ್ಯಕ್ರಮವನ್ನು ಪ್ರಾರಂಭಿಸಿದೆ. ಪೂರ್ಣ ವಿವರಕ್ಕೆ ಕೆಳಗಿನ ಪಟ್ಟಿ ಗಮನಿಸಬಹುದು.