Stock Market: ಬಜೆಟ್ ನಿರೀಕ್ಷೆಯೊಂದಿಗೆ ಏರಿಕೆ ದಾಖಲಿಸಿದ ಷೇರುಪೇಟೆ; 60,000 ದಾಟಿದ ಸೆನ್ಸೆಕ್ಸ್
Stock Market: ಹೂಡಿಕೆದಾರರು ಬುಧವಾರ ಯುಎಸ್ ಫೆಡರಲ್ ರಿಸರ್ವ್ ಸಭೆಯನ್ನು ಎದುರು ನೋಡುತ್ತಿರುವ ಕಾರಣ ಜಾಗತಿಕ ಮಾರುಕಟ್ಟೆಗಳ ಬಹುತೇಕ ಸೂಚ್ಯಂಕಗಳು ಹಸಿರು ಬಣ್ಣದಲ್ಲಿ ವಹಿವಾಟು ನಡೆಸುತ್ತಿವೆ. ಭಾರತದಲ್ಲಿ ಕೇಂದ್ರ ಬಜೆಟ್ ಮಂಡನೆ ಕೂಡ ಇಂದೇ ಆಗಿದ್ದು, ದೇಶೀಯ ಮಾರುಕಟ್ಟೆ ವಹಿವಾಟಿನ ಮೇಲೆ ಪರಿಣಾಮ ಬೀರಿದೆ.
ಮುಂಬಯಿ: ಕೇಂದ್ರ ಮುಂಗಡಪತ್ರದ ನಿರೀಕ್ಷೆ ಹೆಚ್ಚಾಗಿರುವ ಕಾರಣ ಭಾರತದ ಷೇರುಪೇಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಏರಿಕೆ ದಾಖಲಿಸಿವೆ.
ಅದಾನಿ ಗ್ರೂಪ್ ಷೇರುಗಳ ಕುಸಿತದ ಕಾರಣ ಉಂಟಾದ ಕಳೆದ ವಾರದ ಚಂಚಲತೆಯಿಂದ ಷೇರುಗಳು ಚೇತರಿಸಿಕೊಂಡಂತೆ ತೋರುತ್ತಿರುವಾಗ ಬಜೆಟ್ ನಿರೀಕ್ಷೆಗಳು ಹೂಡಿಕೆದಾರರ ಭಾವನೆಯನ್ನು ಹೆಚ್ಚಿಸಿದೆ. ಇದೇ ಕಾರಣದಿಂದ ದೇಶೀಯ ಷೇರು ಮಾರುಕಟ್ಟೆ ವಹಿವಾಟು ಲಾಭದೊಂದಿಗೆ ಪ್ರಾರಂಭವಾಯಿತು.
ಹೂಡಿಕೆದಾರರು ಬುಧವಾರ ಯುಎಸ್ ಫೆಡರಲ್ ರಿಸರ್ವ್ ಸಭೆಯನ್ನು ಎದುರು ನೋಡುತ್ತಿದ್ದರಿಂದ ಹೆಚ್ಚಿನ ಜಾಗತಿಕ ಮಾರುಕಟ್ಟೆಗಳ ಸೂಚ್ಯಂಕಗಳು ಸಹ ಹಸಿರು ಬಣ್ಣದಲ್ಲಿ ಅಂದರೆ ಲಾಭದಲ್ಲಿ ವಹಿವಾಟು ನಡೆಸುತ್ತಿವೆ.
ದೇಶೀಯ ಮಾರುಕಟ್ಟೆಗಳ ಪ್ರಮುಖ ಸೂಚ್ಯಂಕಗಳು -- ಬಿಎಸ್‌ಇಯ ಸೆನ್ಸೆಕ್ಸ್ ತನ್ನ 60,000 ಮಟ್ಟವನ್ನು ಮೀರಿ ಚೇತರಿಸಿಕೊಂಡಿದೆ. ದಿನದ ವಹಿವಾಟಿನಲ್ಲಿ ಇದು 470 ಪಾಯಿಂಟ್‌ಗಳಿಂದ 60,001.17 ಕ್ಕೆ ಏರಿತು. ಎನ್‌ಎಸ್‌ಇಯ ನಿಫ್ಟಿ ಬುಧವಾರದ ಆರಂಭಿಕ ವಹಿವಾಟಿನಲ್ಲಿ 105 ರಿಂದ 17,766.40 ಕ್ಕೆ ಏರಿತು.
ಏಷ್ಯಾದ ಮಾರುಕಟ್ಟೆಗಳಲ್ಲಿ, ಜಪಾನ್‌ನ ನಿಕ್ಕಿ 49 ಪಾಯಿಂಟ್‌ಗಳ ಏರಿಕೆಯೊಂದಿಗೆ ಹಸಿರು ಬಣ್ಣದಲ್ಲಿ ವಹಿವಾಟು ನಡೆಸುತ್ತಿದೆ. ಹಾಂಗ್ ಕಾಂಗ್‌ನ ಹ್ಯಾಂಗ್ ಸೆಂಗ್ 63 ಪಾಯಿಂಟ್‌ಗಳ ಏರಿಕೆ ಕಂಡಿದೆ. ಅಮೆರಿಕದ ಮಾರುಕಟ್ಟೆಗಳಲ್ಲಿ, ಡೌ ಜೋನ್ಸ್ 368 ಪಾಯಿಂಟ್‌ಗಳೊಂದಿಗೆ ಮುಕ್ತಾಯಗೊಂಡಿತು. ಅದರ ಮುಕ್ತಾಯದಲ್ಲಿ ನಾಸ್ಡಾಕ್ 190 ಪಾಯಿಂಟ್‌ಗಳನ್ನು ಏರಿತು. ಎನ್‌ವೈಎಸ್‌ಇ ಏರಿತು ಮತ್ತು 217 ಪಾಯಿಂಟ್‌ಗಳಷ್ಟು ಏರಿಕೆಯಾಯಿತು. ಮಂಗಳವಾರದ ವಹಿವಾಟು ಮುಕ್ತಾಯಗೊಂಡಾಗ ಎಸ್‌ & ಪಿ 58 ಪಾಯಿಂಟ್‌ಗಳನ್ನು ಹೆಚ್ಚಿಸಿತು. ಬಲವಾದ ಗಳಿಕೆ ಮತ್ತು ಉತ್ತೇಜಕ ಹಣದುಬ್ಬರ ದತ್ತಾಂಶದ ಹಿನ್ನೆಲೆಯಲ್ಲಿ ಅಮೆರಿಕ ಷೇರುಗಳು ಮಂಗಳವಾರ ಉನ್ನತ ಮಟ್ಟದಲ್ಲಿ ವಹಿವಾಟು ನಡೆಸಿವೆ.
ಯುರೋಪಿಯನ್ ಮಾರುಕಟ್ಟೆಗಳಲ್ಲಿ, ಎಫ್‌ಟಿಎಸ್‌ಇ 13 ಪಾಯಿಂಟ್‌ಗಳನ್ನು ಕಡಿಮೆ ಮಾಡಿದ್ದರೆ, ಸಿಎಸಿ ಮತ್ತು ಡಾಯ್ಚ ಬೋರ್ಸ್ ಹಸಿರು ಬಣ್ಣದಲ್ಲಿ ವಹಿವಾಟು ನಡೆಸುತ್ತಿವೆ.
ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಇಂದು ಸಂಸತ್ತಿನಲ್ಲಿ ಕೇಂದ್ರ ಬಜೆಟ್ 2023-24 ಅನ್ನು ಮಂಡಿಸಲಿದ್ದಾರೆ. ಇದು ಮೋದಿ ಸರ್ಕಾರದ ಎರಡನೇ ಅವಧಿಯ ಕೊನೆಯ ಪೂರ್ಣ ಪ್ರಮಾಣದ ಬಜೆಟ್ ಆಗಿದೆ. ಸರ್ಕಾರವು ಜನಸಾಮಾನ್ಯರ ಜೇಬಿಗೆ ಸ್ವಲ್ಪ ಹಣವನ್ನು ಹಾಕುವುದರಿಂದ ತೆರಿಗೆದಾರರಿಗೆ ಹೆಚ್ಚಿನ ಪರಿಹಾರ ಸಿಗುವ ನಿರೀಕ್ಷೆಯಿದೆ. ದೇಶೀಯ ಉತ್ಪಾದನೆಯನ್ನು ಉತ್ತೇಜಿಸಲು ಸರ್ಕಾರವು ಕೆಲವು ವಸ್ತುಗಳ ಮೇಲೆ ಆಮದು ಸುಂಕವನ್ನು ಹೆಚ್ಚಿಸಬಹುದು ಎಂಬ ನಿರೀಕ್ಷೆಗಳಿವೆ.
(ANI)
ಗಮನಿಸಬಹುದಾದ ಸುದ್ದಿ
Union Budget 2023: ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಇಂದು (1 ಫೆಬ್ರವರಿ 2023) ಕೇಂದ್ರ ಬಜೆಟ್ ಅನ್ನು ಮಂಡಿಸಲಿದ್ದಾರೆ. ಇದು 2024 ರ ಲೋಕಸಭೆ ಚುನಾವಣೆಗೆ ಮೊದಲು ಮೋದಿ ಸರ್ಕಾರದ ಕೊನೆಯ ಪೂರ್ಣ ಪ್ರಮಾಣದ ಬಜೆಟ್. ಸಂಸತ್ತಿನ ಬಜೆಟ್ ಅಧಿವೇಶನ ಮಂಗಳವಾರ ಶುರುವಾಗಿದೆ. ಫೆ.13 ರಂದು ಮುಗಿಯಲಿದೆ. ಎರಡನೆ ಭಾಗ ಮಾ.12ರಿಂದ ಏ.6ರ ತನಕ ನಡೆಯಲಿದೆ. ಬಜೆಟ್‌ನ ಲೈವ್‌ ಅಪ್ಡೇಟ್‌ಗಾಗಿ ಇಲ್ಲಿ ಕ್ಲಿಕ್‌ ಮಾಡಿ.
