ಲೋಕಸಭಾ ಫಲಿತಾಂಶ; ತಮಿಳುನಾಡಿನಲ್ಲಿ ಡಿಎಂಕೆ ಪ್ರಾಬಲ್ಯ, ವಿಜೇತರ ಪೂರ್ಣ ಪಟ್ಟಿ, ಪಕ್ಷವಾರು ವಿವರ ಇಲ್ಲಿದೆ
ಲೋಕಸಭಾ ಫಲಿತಾಂಶ ಪ್ರಕಟವಾಗುತ್ತಿದ್ದು, ತಮಿಳುನಾಡಿನಲ್ಲಿ ಡಿಎಂಕೆ ಪ್ರಾಬಲ್ಯ ಕಂಡುಬಂದಿದೆ. ಏಪ್ರಿಲ್ 19ರಂದು ಇಲ್ಲಿ ಮತದಾನ ನಡೆಯಿತು. ಆಡಳಿತಾರೂಢ ಡಿಎಂಕೆ ಹೊರತಾಗಿ, ವಿಪಕ್ಷ ಎಐಎಡಿಎಂಕೆ, ಕಾಂಗ್ರೆಸ್ ಕೂಡ ಇಲ್ಲಿ ಗೆಲುವು ದಾಖಲಿಸಿದೆ. ತಮಿಳುನಾಡಿನ 39 ಕ್ಷೇತ್ರಗಳ ವಿಜೇತರ ಪೂರ್ಣ ಪಟ್ಟಿ, ಪಕ್ಷವಾರು ವಿವರ ಇಲ್ಲಿದೆ.
ಚೆನ್ನೈ: ದ್ರಾವಿಡ ರಾಜಕೀಯದ ಕೋಟೆಯಾಗಿರುವ ತಮಿಳುನಾಡು ಇಂದಿಗೂ ಪಕ್ಷ ಸಂಘಟನೆ ವಿಚಾರದಲ್ಲಿ ಬಿಜೆಪಿಗೆ ದೊಡ್ಡ ಸವಾಲಾಗಿಯೇ ಉಳಿದಿದೆ. 10 ವರ್ಷಗಳ ಮೋದಿ ಅಲೆಯ ಪ್ರಭಾವ ಕಡಿಮೆಯಾಗಿದ್ದು, ತಮಿಳುನಾಡಿನಲ್ಲಿ ಬಹುಕಾಲದ ಎನ್ಡಿಎ ಮಿತ್ರ ಪಕ್ಷ ಎಐಎಡಿಎಂಕೆಯ ಜೊತೆಗೆ ಮೈತ್ರಿಯನ್ನೂ ಕಡಿದುಕೊಂಡಿದೆ. ಇಲ್ಲಿ 39 ಲೋಕಸಭಾ ಕ್ಷೇತ್ರಗಳಿದ್ದು, ಇಂದು ಲೋಕಸಭಾ ಚುನಾವಣೆಯ ಫಲಿತಾಂಶ ಪ್ರಕಟವಾಗುತ್ತಿದೆ. ಇಲ್ಲಿ ಡಿಎಂಕೆ ಪ್ರಭಾವಿಯಾಗಿದ್ದು, ಬಹುತೇಕ ಸ್ಥಾನಗಳನ್ನು ಗೆದ್ದುಕೊಳ್ಳುವ ಸಾಧ್ಯತೆ ದಟ್ಟವಾಗಿದೆ.
ಈ ನಡುವೆ, ಬಿಜೆಪಿ ಮುಖ್ಯಸ್ಥರಾಗಿ ಕೆಲಸ ಮಾಡುತ್ತಿರುವ ಕರ್ನಾಟಕದ ಮಾಜಿ ಐಪಿಎಸ್ ಅಧಿಕಾರಿ ಕೆ ಅಣ್ಣಾಮಲೈ ಅವರು, ಈ ಚುನಾವಣೆಯನ್ನು ದೊಡ್ಡ ಸವಾಲಾಗಿ ತೆಗೆದುಕೊಂಡಿದ್ದರು. ಅವರು ಕೂಡ ಕೊಯಮತ್ತೂರಿನಿಂದ ಸ್ಪರ್ಧಿಸಿದ್ದು, ಸೋಲುವ ಹಾದಿಯಲ್ಲಿದ್ದಾರೆ.
ಲೋಕಸಭಾ ಚುನಾವಣೆ ಫಲಿತಾಂಶ; ತಮಿಳುನಾಡು ಲೋಕಸಭಾ ಚುನಾವಣಾ ವಿಜೇತರ ಪಟ್ಟಿ
| ಕ್ಷೇತ್ರ | ವಿಜೇತ ಅಭ್ಯರ್ಥಿ | ಪಕ್ಷ |
| ಚೆನ್ನೈ ಉತ್ತರ | ಡಾ. ಕಲಾನಿಧಿ ವೀರಸ್ವಾಮಿ | ಡಿಎಂಕೆ |
| ಕಾಂಚೀಪುರಂ | ಸೆಲ್ವಂ ಡಿ | ಡಿಎಂಕೆ |
| ಕೊಯಮತ್ತೂರು | ಗಣಪತಿ ರಾಜ್ ಕುಮಾರ್ ಪಿ | ಡಿಎಂಕೆ |
| ವೆಲ್ಲೂರು | ಡಿಎಂ ಕದಿರ್ ಆನಂದ್ | ಡಿಎಂಕೆ |
| ಕೃಷ್ಣಗಿರಿ | ಗೋಪಿನಾಥ್ ಕೆ | ಕಾಂಗ್ರೆಸ್ |
| ಧರ್ಮಪುರಿ | ಮಣಿ ಎ | ಡಿಎಂಕೆ |
| ಸೇಲಂ | ಸೆಲ್ವಗಣಪತಿ ಟಿಎಂ | ಡಿಎಂಕೆ |
| ನಾಮಕ್ಕಲ್ | ಮದೇಶ್ವರನ್ ವಿ ಎಸ್ | ಡಿಎಂಕೆ |
| ದಿಂಡಿಗಲ್ | ಸಚ್ಚಿದಾನಂದಂ ಆರ್ | ಸಿಪಿಐ (ಎಂ) |
| ಕರೂರ್ | ಜ್ಯೋತಿಮಣಿ ಎಸ್ | ಕಾಂಗ್ರೆಸ್ |
| ಅರಕ್ಕೋಣಂ | ಎಸ್ ಜಗತ್ರಚ್ಚಕನ್ | ಡಿಎಂಕೆ |
| ಅರಣಿ | ಧರಣಿವೇನ್ತಾನ್ ಎಂಎಸ್ | ಡಿಎಂಕೆ |
| ಚೆನ್ನೈ ಸೆಂಟ್ರಲ್ | ದಯಾನಿಧಿ ಮಾರನ್ | ಡಿಎಂಕೆ |
| ಚೆನ್ನೈ ದಕ್ಷಿಣ | ಟಿ ಸುಮತಿ | ಡಿಎಂಕೆ |
| ಚಿದಂಬರಂ | ತಿರುಮಾವಲವನ್ ಥೋಲ್ | ವಿಸಿಕೆ |
| ಕಡಲೂರು | ಎಂ ಕೆ ಕೃಷ್ಣ ಪ್ರಸಾದ್ | ಕಾಂಗ್ರೆಸ್ |
| ಈರೋಡ್ | ಕೆ ಇ ಪ್ರಕಾಶ್ | ಡಿಎಂಕೆ |
| ಕಳ್ಳಕುರಿಚಿ | ಮಲೈಯರಸನ್ ಡಿ | ಡಿಎಂಕೆ |
| ಕನ್ಯಾಕುಮಾರಿ | ವಿಜಯಕುಮಾರ್ (ವಿಜಯ ವಸಂತ್) | ಕಾಂಗ್ರೆಸ್ |
| ಮಧುರೈ | ವೆಂಕಟೇಶನ್ ಎಸ್ | ಸಿಪಿಐ (ಎಂ) |
| ಮಯಿಲಾಡುತುರೈ | ಸುಧಾ ಆರ್ | ಕಾಂಗ್ರೆಸ್ |
| ನಾಗಪಟ್ಟಣಂ | ಸೆಲ್ವರಾಜ್ ಪಿ | ಸಿಪಿಐ |
| ನೀಲಗಿರೀಸ್ | ಎ. ರಾಜಾ | ಡಿಎಂಕೆ |
| ಪೆರುಂಬಲೂರು | ಅರುಣ್ ನೆಹರೂ | ಡಿಎಂಕೆ |
| ಪೊಳ್ಳಾಚಿ | ಈಶ್ವರ ಸ್ವಾಮಿ ಕೆ | ಡಿಎಂಕೆ |
| ರಾಮನಾಥಪುರಂ | ನವಾಸ್ಕಣಿ ಕೆ | ಐಯುಎಂಎಲ್ |
| ಶಿವಗಂಗಾ | ಕಾರ್ತಿ ಚಿದಂಬರಂ | ಕಾಂಗ್ರೆಸ್ |
| ಶ್ರೀಪರೆಂಬದೂರು | ಟಿ ಆರ್ ಬಾಲು | ಡಿಎಂಕೆ |
| ತೇನ್ಕಾಸಿ | ಡಾ ರಾಣಿ ಶ್ರೀಕುಮಾರ್ | ಡಿಎಂಕೆ |
| ತಂಜಾವೂರ್ | ಮುರಸೋಳಿ ಎಸ್ | ಡಿಎಂಕೆ |
| ಥೇಣಿ | ತಂಗ ತಮಿಳ್ಸೆಲ್ವನ್ | ಡಿಎಂಕೆ |
| ತಿರುವಲ್ಲೂರು | ಸಸಿಕಾಂತ್ ಸೆಂಥಿಲ್ | ಕಾಂಗ್ರೆಸ್ |
| ತೂತುಕುಡಿ | ಕನ್ನಿಮೊಳಿ ಕರುಣಾನಿಧಿ | ಡಿಎಂಕೆ |
| ತಿರುಚಿರಾಪಳ್ಳಿ | ದುರೈ ವೈಕೊ | ಎಂಡಿಎಂಕೆ |
| ತಿರುನೆಲ್ವೇಲಿ | ರಾಬರ್ಟ್ ಬ್ರೂಸ್ ಸಿ | ಕಾಂಗ್ರೆಸ್ |
| ತಿರುಪ್ಪೂರ್ | ಸುಬ್ಬರಾಯನ್ ಕೆ | ಸಿಪಿಐ |
| ತಿರುವಣ್ಣಾಮಲೈ | ಅಣ್ಣಾದುರೈ ಸಿಎನ್ | ಡಿಎಂಕೆ |
| ವಿಲುಪ್ಪುರಂ | ರವಿಕುಮಾರ್ ಡಿ | ವಿಸಿಕೆ |
| ವಿರುಧನಗರ್ | ಮಣಿಕ್ಕಂ ಟಾಗೋರ್ ಬಿ | ಕಾಂಗ್ರೆಸ್ |
ತಮಿಳುನಾಡಿನಲ್ಲಿ ಏಪ್ರಿಲ್ 19ರಂದು ಚುನಾವಣೆ
ತಮಿಳುನಾಡಿನ 39 ಸ್ಥಾನಗಳಿಗೆ ಏಪ್ರಿಲ್ 19 ರಂದು ಒಂದೇ ಹಂತದಲ್ಲಿ ಮತದಾನ ನಡೆಯಿತು. ಇಲ್ಲಿ ಪ್ರಾದೇಶಿಕ ಪಕ್ಷಗಳದ್ಧೇ ಕಾರುಬಾರು. ಆಡಳಿತಾರೂಢ ಡಿಎಂಕೆ, ವಿಪಕ್ಷ ಎಐಎಡಿಎಂಕೆ, ಕಾಂಗ್ರೆಸ್ ಮತ್ತು ಇತರೆ ಸಣ್ಣಪುಷ್ಟ ಪಕ್ಷಗಳಿವೆ. ಬಿಜೆಪಿಗೆ ಇಲ್ಲಿ ನೆಲೆ ವಿಸ್ತರಿಸುವುದು ತ್ರಾಸದಾಯಕವಾಗಿ ಉಳಿದಿದೆ.
ಗಮನಿಸಿ; ಇದು ಮತ ಎಣಿಕೆ ಕೇಂದ್ರಗಳಲ್ಲಿ ಲಭ್ಯವಿರುವ ಮಾಹಿತಿ ಆಧರಿಸಿ ಪ್ರಕಟಿಸಿದ ಬರಹ. ಚುನಾವಣಾ ಆಯೋಗವು ಅಧಿಕೃತವಾಗಿ ಅಂಕಿಅಂಶಗಳನ್ನು ಪ್ರಕಟಿಸಿದ ನಂತರ ಮತಗಳ ಸಂಖ್ಯೆ ಏರುಪೇರಾಗಬಹುದು. ಅಂತಿಮ ಫಲಿತಾಂಶದ ವಿವರವನ್ನು ಇದೇ ಬರಹದಲ್ಲಿ ಅಪ್ಡೇಟ್ ಮಾಡಲಾಗುವುದು.
👉🏻 ಲೋಕಸಭಾ ಚುನಾವಣೆ ಫಲಿತಾಂಶ: ಸ್ಪಷ್ಟ & ನಿಖರ ಮಾಹಿತಿಗೆ
ವಿಭಾಗ