Ransomware attack: ಟಾಟಾ ಟೆಕ್ನಾಲಜೀಸ್‌ಗೆ ರಾನ್ಸಮ್‌ವೇರ್‌ ಮಾಲ್‌ವೇರ್‌ ದಾಳಿ, ಐಟಿ ಸೇವೆ ತಾತ್ಕಾಲಿಕವಾಗಿ ಸ್ಥಗಿತ
ಕನ್ನಡ ಸುದ್ದಿ  /  ರಾಷ್ಟ್ರ-ಜಗತ್ತು  /  Ransomware Attack: ಟಾಟಾ ಟೆಕ್ನಾಲಜೀಸ್‌ಗೆ ರಾನ್ಸಮ್‌ವೇರ್‌ ಮಾಲ್‌ವೇರ್‌ ದಾಳಿ, ಐಟಿ ಸೇವೆ ತಾತ್ಕಾಲಿಕವಾಗಿ ಸ್ಥಗಿತ

Ransomware attack: ಟಾಟಾ ಟೆಕ್ನಾಲಜೀಸ್‌ಗೆ ರಾನ್ಸಮ್‌ವೇರ್‌ ಮಾಲ್‌ವೇರ್‌ ದಾಳಿ, ಐಟಿ ಸೇವೆ ತಾತ್ಕಾಲಿಕವಾಗಿ ಸ್ಥಗಿತ

Ransomware attack: ರಾನ್ಸಮ್‌ವೇರ್‌ ದಾಳಿಯ ಕಾರಣದಿಂದಾಗಿ ಕೆಲವು ಐಟಿ ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿರುವುದಾಗಿ ಜಾಗತಿಕ ಎಂಜಿನಿಯರ್‌ ಸೇವಾ ಕಂಪನಿ ಟಾಟಾ ಟೆಕ್ನಾಲಜೀಸ್‌ ತಿಳಿಸಿದೆ. ಈಗ ಐಟಿ ಸೇವೆಗಳನ್ನು ಪುನರ್‌ ಆರಂಭಿಸಲಾಗಿದೆ. ಡೇಟಾ ಸುರಕ್ಷತೆಗೆ ಸಂಬಂಧಪಟ್ಟಂತೆ ತಜ್ಞರ ಜತ ಸಮಾಲೋಚನೆ ನಡೆಸುತ್ತಿರುವುದಾಗಿ ಕಂಪನಿ ತಿಳಿಸಿದೆ.

Ransomware attack: ಟಾಟಾ ಟೆಕ್ನಾಲಜೀಸ್‌ಗೆ ರಾನ್ಸಮ್‌ವೇರ್‌ ಮಾಲ್‌ವೇರ್‌ ದಾಳಿ
Ransomware attack: ಟಾಟಾ ಟೆಕ್ನಾಲಜೀಸ್‌ಗೆ ರಾನ್ಸಮ್‌ವೇರ್‌ ಮಾಲ್‌ವೇರ್‌ ದಾಳಿ

Ransomware attack: ರಾನ್ಸಮ್‌ವೇರ್‌ ದಾಳಿಯ ಕಾರಣದಿಂದಾಗಿ ಕೆಲವು ಐಟಿ ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿರುವುದಾಗಿ ಜಾಗತಿಕ ಎಂಜಿನಿಯರ್‌ ಸೇವಾ ಕಂಪನಿ ಟಾಟಾ ಟೆಕ್ನಾಲಜೀಸ್‌ ತಿಳಿಸಿದೆ. ಈಗ ಐಟಿ ಸೇವೆಗಳನ್ನು ಪುನರ್‌ ಆರಂಭಿಸಲಾಗಿದೆ. ಡೇಟಾ ಸುರಕ್ಷತೆಗೆ ಸಂಬಂಧಪಟ್ಟಂತೆ ತಜ್ಞರ ಜತ ಸಮಾಲೋಚನೆ ನಡೆಯುತ್ತಿದೆ. ಸಮಸ್ಯೆಯ ಮೂಲ ಕಾರಣವನ್ನು ತಿಳಿಯಲು ವಿವರವಾದ ತನಿಖೆಗೆ ಆದೇಶಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.

"ಮುನ್ನೆಚ್ಚರಿಕೆ ಕ್ರಮವಾಗಿ ಕೆಲವು ಐಟಿ ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿತ್ತು. ಈಗ ಈ ಸೇವೆಗಳನ್ನು ಪುನರ್‌ಸ್ಥಾಪಿಸಲಾಗಿದೆ. ಸಮಸ್ಯೆಯ ಮೂಲ ಕಾರಣವನ್ನು ನಿರ್ಣಯಿಸಲು ವಿವರವಾದ ತನಿಖೆಗೆ ಆದೇಶಸಲಾಗಿದೆ" ಎಂದು ಟಾಟಾ ಟೆಕ್ನಾಲಜೀಸ್‌ ಪ್ರಕಟಣೆಯಲ್ಲಿ ತಿಳಿಸಿದೆ.

"ನಮ್ಮ ಕ್ಲೈಂಟ್‌ ವಿತರಣಾ ಸೇವೆಗಳು ಸಂಪೂರ್ಣವಾಗಿ ಕಾರ್ಯನಿರ್ವಹಿಸುತ್ತವೆ. ಇದರ ಮೇಲೆ ಯಾವುದ ಪರಿಣಾಮ ಬೀರಿಲ್ಲ. ಮೂಲ ಕಾರಣವನ್ನು ನಿರ್ಣಯಿಸಲು, ಪರಿಹಾರ ಕ್ರಮಗಳನ್ನು ಕೈಗೊಳ್ಳಲು ತಜ್ಞರೊಂದಿಗೆ ಸಮಾಲೋಚನೆ ನಡೆಸಿ ಸಮಗ್ರವಾಗಿ ತನಿಖೆ ಮಾಡಲಾಗುತ್ತದೆ. ಭದ್ರತೆ ಮತ್ತು ಡೇಟಾ ರಕ್ಷಣೆಯ ಅತ್ಯುನ್ನತ ಮಾನದಂಡಗಳಿಗೆ ಬದ್ಧರಾಗಿದ್ದೇವೆ. ಸಂಭಾವ್ಯ ಅಪಾಯಗಳನ್ನು ತಗ್ಗಿಸಲು ಎಲ್ಲಾ ಕ್ರಮಗಳನ್ನು ತೆಗೆದುಕೊಳ್ಳುತ್ತೇವೆ" ಎಂದು ಟಾಟಾ ಟೆಕ್ನಾಲಜೀಸ್‌ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

ಏನಿದು ರಾನ್ಸಮ್‌ವೇರ್‌?

ಕೆಲವು ವರ್ಷಗಳ ಹಿಂದೆ ರಾನ್ಸಮ್‌ವೇರ್‌ ಸಾಕಷ್ಟು ಸುದ್ದಿಯಲ್ಲಿತ್ತು. ಇದು ಮಾಲ್‌ವೇರ್‌ನ ರೂಪವಾಗಿದೆ. ವಿಕ್ಟಿಮ್‌ ಫೈಲ್‌ಗಳನ್ನು ಎನ್‌ಕ್ರಿಪ್ಟ್‌ ಮಾಡುತ್ತದೆ. ನಿರ್ದಿಷ್ಟ ವ್ಯಕ್ತಿಯ ಅಥವಾ ಕಂಪನಿಯ ಕಂಪ್ಯೂಟರ್‌, ಲ್ಯಾಪ್‌ಟಾಪ್‌ ಅಥವಾ ಸಿಸ್ಟಮ್‌ ಅನ್ನು ಎನ್‌ಕ್ರಿಪ್ಟ್‌ ಮಾಡುತ್ತದೆ. ಇದಾದ ಬಳಿಕ ಈ ಸಮಸ್ಯೆ ಬಗೆಹರಿಸಬೇಕಾದರೆ ಇಂತಿಷ್ಟು ಹಣ ಪಾವತಿಸುವಂತೆ ಬೇಡಿಕೆ ಇಡಲಾಗುತ್ತದೆ. ಡೀಕ್ರಿಪ್ಶನ್‌ ಕೀಲಿಯನ್ನು ಪಡೆಯಲು ಹಣ ಹೇಗೆ ಪಾವತಿಸಬೇಕೆಂದು ಬಳಕೆದಾರರಿಗೆ ತಿಳಿಸುತ್ತದೆ. ರಾನ್ಸಮ್‌ವೇರ್‌ ದಾಳಿಗೆ ಈಡಾದ ಫೈಲ್‌ಗಳನ್ನು ಸರಿಪಡಿಸಲು ಸಾವಿರಾರು ಡಾಲರ್‌ ಪಾವತಿಸಬೇಕಾಗಬಹುದು. ಒಟ್ಟಾರೆ, ನಮ್ಮ ಫೈಲ್‌ಗಳನ್ನು ಒತ್ತೆಯಾಳುವಾಗಿ ಇಟ್ಟುಕೊಂಡು ಹಣ ನೀಡುವಂತೆ ಕೇಳಲಾಗುತ್ತದೆ.

Whats_app_banner
ಭಾರತ ಮತ್ತು ವಿಶ್ವದ ಇತರ ದೇಶಗಳ ತಾಜಾ ಸುದ್ದಿ 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ' ಜಾಲತಾಣದಲ್ಲಿ ಓದಿ.