Viral Video: ಕೊರಳಲ್ಲಿ ಹಾವು, ಮಡಿಲಲ್ಲಿ ಮೊಸಳೆ, ಹಿಂದೆ ಹುಲಿ; ಬಾಲಕನ ಧೈರ್ಯ ನೋಡಿ
A boy with snake viral video: ಪುಟ್ಟ ಬಾಲಕನೊಬ್ಬ ಬೃಹತ್ ಗಾತ್ರದ ಹಾವು ತನ್ನ ಕೊರಳನ್ನು ಸುತ್ತುವರಿದಿದ್ದರೂ, ತನ್ನ ಹಿಂಭಾಗದಲ್ಲಿ ಹುಲಿಯೊಂದು ಇದ್ದರೂ, ಈತ ಮಾತ್ರ ಮಡಿಲ ಮೇಲೆ ಮೊಸಳೆ ಮರಿಯನ್ನು ಮಲಗಿಸಿಕೊಂಡು ಹಾವು-ಮೊಸಳೆ ಜೊತೆ ನಿರ್ಭಯವಾಗಿ ಆಟವಾಡುತ್ತಾ ಕುರ್ಚಿ ಮೇಲೆ ಕುಳಿತುಕೊಂಡಿದ್ದಾನೆ.
ಜಿರಳೆ ಕಂಡರೇನೇ ಓಡಿಹೋಗುವವರು ಎಷ್ಟೋ ಜನರು ಇದ್ದಾರೆ. ಹೀಗಿರುವಾಗ ಕಾಡು ಪ್ರಾಣಿಗಳು ನಮ್ಮ ಮುಂದೆ ಬಂದರೆ ಏನ್ ಮಾಡೋದು? ಇಲ್ಲೊಬ್ಬ ಬಾಲಕ ಹಿಂಭಾಗದಲ್ಲಿ ಹುಲಿ ಇದ್ರೂ ಹಾವು, ಮೊಸಳೆ ಜೊತೆ ಆಟ ಆಡ್ತಾ ಇರುವ ವಿಡಿಯೋವೊಂದು ವೈರಲ್ ಆಗಿದೆ.
@nouman.hassan1 ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿರುವ ವಿಡಿಯೋವೊಂದರಲ್ಲಿ ಪುಟ್ಟ ಬಾಲಕನೊಬ್ಬ ಬೃಹತ್ ಗಾತ್ರದ ಹಾವು ತನ್ನ ಕೊರಳನ್ನು ಸುತ್ತುವರಿದಿದ್ದರೂ, ತನ್ನ ಹಿಂಭಾಗದಲ್ಲಿ ಹುಲಿಯೊಂದು ಇದ್ದರೂ, ಈತ ಮಾತ್ರ ಮಡಿಲ ಮೇಲೆ ಮೊಸಳೆ ಮರಿಯನ್ನು ಮಲಗಿಸಿಕೊಂಡು ಹಾವು-ಮೊಸಳೆ ಜೊತೆ ನಿರ್ಭಯವಾಗಿ ಆಟವಾಡುತ್ತಾ ಕುರ್ಚಿ ಮೇಲೆ ಕುಳಿತಿರುವುದು ಕಂಡುಬಂದಿದೆ.
ಅಕ್ಟೋಬರ್ 15 ರಂದು ಈ ವಿಡಿಯೋ ಶೇರ್ ಆಗಿದ್ದು, ಆರೂವರೆ ಲಕ್ಷಕ್ಕೂ ಅಧಿಕ ಲೈಕ್ಸ್ಗಳನ್ನು ಪಡೆದಿದೆ. ಈ ವಿಡಿಯೋ ಕಂಡು ಕೆಲ ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಇನ್ನೂ ಕೆಲವರು ಬಾಲಕನ ಕಾಳಜಿ ಕುರಿತು ಮಾತನಾಡಿದ್ದಾರೆ. , "ಇದು ಅಪಾಯಕಾರಿ ಮತ್ತು ಮೂರ್ಖತನವಾಗಿದೆ" ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ.
"ಇಸ್ಕೊ ಕೋಯಿ ಖತ್ರೋನ್ ಕೆ ಖಿಲಾಡಿ ಮೇ ಭೇಜೋ ಭಾಯ್" (ಯಾರಾದರೂ ಇವನನ್ನು ಖತ್ರೋನ್ ಕೆ ಖಿಲಾಡಿ ಶೋಗೆ ಕಳುಹಿಸಿ) ಎಂದು ಪ್ರತಿಕ್ರಿಯೆ ನೀಡಿದ್ದಾರೆ. "ದಯವಿಟ್ಟು ನನ್ನನ್ನು ನಿರ್ಲಕ್ಷಿಸಬೇಡಿ ಎಂದು ಹುಲಿ ಮನಸ್ಸಿನಲ್ಲಿ ಅಂದುಕೊಳ್ಳುತ್ತಿದೆ" ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ.
