India-Canada row: ಭಾರತ ವಿರೋಧಿ ಖಲಿಸ್ತಾನಿ ಪ್ರತ್ಯೇಕತಾವಾದವನ್ನು ಕೆನಡಾ ಪ್ರಧಾನಿ ಜಸ್ಟಿನ್ ಟ್ರೂಡೊ ವಿರೋಧಿಸುತ್ತಿಲ್ಲವೇಕೆ

ಕೆನಡಾದಲ್ಲಿ 2025ರಲ್ಲಿ ಸಾರ್ವತ್ರಿಕ ಚುನಾವಣೆ ನಡೆಯಲಿದೆ. ಹಾಲಿ ಪ್ರಧಾನಿ ಜಸ್ಟಿನ್ ಟ್ರೂಡೊ ಸತತ ಮೂರನೇ ಅವಧಿಗೆ ಅಧಿಕಾರ ಉಳಿಸಲು ಪ್ರಯತ್ನಿಸುತ್ತಿದ್ದಾರೆ. ಈ ನಡುವೆ, ಟ್ರೂಡೊ ಅವರ ಜನಪ್ರಿಯತೆ ಕುಸಿದಿದ್ದು, ಕನ್ಸರ್ವೇಟಿವ್‌ ರೈಟ್ ವಿಂಗ್‌ ವಿಪಕ್ಷ ಅಭ್ಯರ್ಥಿ ಪಿಯರೆ ಪೊಲಿಯೆವ್ರೆಗೆ ಪ್ರವರ್ಧಮಾನಕ್ಕೆ ಬರತೊಡಗಿದ್ದಾರೆ.

ಖಲಿಸ್ತಾನ್ ಉಗ್ರ ಹರ್ದೀಪ್ ಸಿಂಗ್ ನಿಜ್ಜರ್ ಹತ್ಯೆಯನ್ನು ಪಿಎಂ ಟ್ರುಡೊ ನಿರ್ವಹಿಸಿದ ರೀತಿ, ಪ್ರಧಾನಿ ಅಭ್ಯರ್ಥಿಗೆ ಅತ್ಯುತ್ತಮ ಆಯ್ಕೆಯಾಗಿ ವರ್ಷದಿಂದ ವರ್ಷಕ್ಕೆ ತನ್ನ ಸ್ಥಿರವಾದ 31 ಪ್ರತಿಶತ ಜನಪ್ರಿಯತೆಯನ್ನು ಉಳಿಸಿಕೊಳ್ಳಲು ಎಂಬುದು ಸ್ಥಳೀಯರಾಗಿ ಎಂಥವರಿಗೂ ಮನವರಿಕೆಯಾಗುವಂಥದ್ದು.

ಇದನ್ನೂ ಓದಿ| ಹರ್ದೀಪ್‌ ಸಿಂಗ್ ನಿಜ್ಜರ್‌ ಹತ್ಯೆ ಮಾಡಿದ್ದು ಯಾರು, ಕೆನಡಾಗೆ ಭಾರತದ ಮೇಲೇಕೆ ಅನುಮಾನ, ಕಾರಣ ಹೀಗಿದೆ..

ಬಲಪಂಥೀಯ ಸಿದ್ಧಾಂತಗಳೊಂದಿಗೆ ನಿಕಟ ಸಂಬಂಧಗಳನ್ನು ದೂರವಿಡುವ ಅಗತ್ಯವು ಅಚಲ ಪ್ರಧಾನಿ ಜಸ್ಟಿನ್ ಟ್ರೂಡೊಗೆ ಈ ಕ್ಷಣದ ಅಗತ್ಯದಂತೆ ತೋರುತ್ತದೆ.

ಭಾರತದ ನಂತರ ಸಿಖ್ಖರ ಎರಡನೇ ಅತಿದೊಡ್ಡ ನೆಲೆ ಕೆನಡಾ

ಭಾರತದ ನಂತರ, ಸಿಖ್‌ ಸಮುದಾಯದ ಎರಡನೇ ಅತಿದೊಡ್ಡ ನೆಲೆ ಕೆನಡಾ. ಅಲ್ಲಿ ಈಗ 7,70,000ಕ್ಕೂ ಹೆಚ್ಚು ಸಿಖ್ಖರಿದ್ದಾರೆ. ಕೆನಡಾದ ಒಟ್ಟು ಜನಸಂಖ್ಯೆ ಶೇಕಡ 2 ಪಾಲು ಸಿಖ್‌ ಸಮುದಾಯದವರು. ರಕ್ತಸಿಕ್ತ ಇತಿಹಾಸವನ್ನು ಹೊಂದಿರುವ ಸಿಖ್ ಪ್ರತ್ಯೇಕತಾವಾದದ ಬಗ್ಗೆ ಕೆನಡಾ ಮತ್ತು ಭಾರತದ ನಡುವೆ ಅಸಮಾಧಾನವು ಬಹಳ ಹಿಂದಿನಿಂದಲೂ ಇದೆ.

ಜಸ್ಟಿನ್ ಟ್ರೂಡೊಗೆ ಎನ್‌ಡಿಪಿ ಮಿತ್ರಪಕ್ಷ

ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರುಡೊ ಅವರ ಮಿತ್ರ ಎನ್‌ಡಿಪಿ ನಾಯಕ ಜಗ್ಮೀತ್ ಸಿಂಗ್ ಅವರು ಖಲಿಸ್ತಾನ್ ಸಹಾನುಭೂತಿ ಹೊಂದಿದ್ದಾರೆ. ಇತ್ತೀಚಿನ ಸಮೀಕ್ಷೆಯ ಪ್ರಕಾರ, 2022ರ ಸೆಪ್ಟೆಂಬರ್‌ನಿಂದ ಜಗ್ಮೀತ್‌ ಸಿಂಗ್ ಅವರ ಜನಪ್ರಿಯತೆಯು ನಾಲ್ಕು ಅಂಕ ಕಳೆದುಕೊಂಡಿದೆ. ಪ್ರತಿಕ್ರಿಯಿಸಿದವರಲ್ಲಿ 22 ಪ್ರತಿಶತದಷ್ಟು ಜನರು ಮಾತ್ರವೇ ಸರ್ಕಾರವನ್ನು ಮುನ್ನಡೆಸಲು ಅವರು ಅತ್ಯುತ್ತಮ ಆಯ್ಕೆ ಎಂದು ಹೇಳಿದ್ದಾರೆ.

ಪ್ರಸ್ತುತ, ಅಲ್ಪಸಂಖ್ಯಾತ ಉದಾರವಾದಿಗಳು ಎನ್‌ಡಿಪಿಯೊಂದಿಗೆ ಪೂರೈಕೆ ಮತ್ತು ವಿಶ್ವಾಸ ಒಪ್ಪಂದವನ್ನು ಹೊಂದಿದ್ದಾರೆ. 2025ರಲ್ಲಿ ನಿಗದಿತ ಮುಂದಿನ ಚುನಾವಣೆಯವರೆಗೆ ವಿಶ್ವಸನೀಯ ವಿಷಯಗಳಲ್ಲಿ ಸರ್ಕಾರವನ್ನು ಬೆಂಬಲಿಸಲು ಆ ಪಕ್ಷವು ಒಪ್ಪಿಕೊಂಡಿದೆ.

ಇದನ್ನೂ ಓದಿ| ಹರ್ದೀಪ್ ನಿಜ್ಜರ್ ಹತ್ಯೆ ಪ್ರಕರಣ: ಭಾರತ-ಕೆನಡಾ ಸಂಬಂಧಗಳ ಅಂಕಿನೋಟ

ಬದಲಿಗೆ, ಲಿಬರಲ್‌ಗಳು ಡೆಂಟಲ್ ಕೇರ್ ಮತ್ತು ಫಾರ್ಮಾಕೇರ್‌ನಂತಹ ಎನ್‌ಡಿಪಿಯ ಪ್ರಮುಖ ಆದ್ಯತೆಗಳನ್ನು ಮುಂದುವರಿಸಲು ಒಪ್ಪಿಕೊಂಡಿದ್ದಾರೆ. ಈ ವರ್ಷದ ಅಂತ್ಯದ ವೇಳೆಗೆ ಈ ಕುರಿತು ಶಾಸನವನ್ನು ನಿರೀಕ್ಷಿಸಲಾಗಿದೆ.

ಆದಾಗ್ಯೂ, ಸಮೀಕ್ಷೆಯಲ್ಲಿ 53 ಪ್ರತಿಶತ ಪ್ರತಿಕ್ರಿಯಿಸಿದವರು ಎನ್‌ಡಿಪಿ ಲಿಬರಲ್‌ಗಳನ್ನು ಬೆಂಬಲಿಸುವುದನ್ನು ನಿಲ್ಲಿಸಲು ಮತ್ತು ಚುನಾವಣೆಯನ್ನು ಪ್ರಚೋದಿಸುವ ಸಮಯ ಎಂದು ಹೇಳಿದ್ದಾರೆ. ಉಳಿದವರು ಎನ್‌ಡಿಪಿ ಸರ್ಕಾರವನ್ನು ಬೆಂಬಲಿಸುವುದನ್ನು ಮುಂದುವರಿಸಬೇಕು ಮತ್ತು ಚುನಾವಣೆಯನ್ನು ಒತ್ತಾಯಿಸಬಾರದು ಎಂದು ಹೇಳಿರುವುದಾಗಿ ಇಪ್ಸೋಸ್ ಸಮೀಕ್ಷೆಯನ್ನು ಉಲ್ಲೇಖಿಸಿ ಗ್ಲೋಬಲ್ ನ್ಯೂಸ್ ವರದಿ ಮಾಡಿದೆ.

ಕೆನಡಾ ಚುನಾವಣೆ 2025

ಇದೇ ವೇಳೆ, ಗ್ಲೋಬಲ್ ನ್ಯೂಸ್‌ಗಾಗಿ ಪ್ರತ್ಯೇಕವಾಗಿ ಮಾಡಿದ ಹೊಸ ಇಪ್ಸೋಸ್ ಸಮೀಕ್ಷೆಯ ಪ್ರಕಾರ, ಕನ್ಸರ್ವೇಟಿವ್ ನಾಯಕ ಪಿಯರೆ ಪೊಲಿಯೆವ್ರೆ ಅವರ ಜನಪ್ರಿಯತೆ ಹೆಚ್ಚಾಗಿದೆ. ಶೇಕಡ 40 ಜನರ ಪ್ರಧಾನ ಮಂತ್ರಿ ಆಯ್ಕೆಯಾಗಿ ಅವರು ಮೂಡಿದ್ದಾರೆ.

ವಿರೋಧಕ್ಕಾಗಿ ಮಾತ್ರ ವಿರೋಧಿಸುವ ಸಾಮರ್ಥ್ಯವನ್ನು ಹೊಂದಿದ್ದರೂ, ಅವರದೇ ಆದ ನೀತಿಯ ಪ್ರಸ್ತಾಪವನ್ನು ಮುಂದಿಡುತ್ತಿರುವ ಕಾರಣ ಪೊಲಿಯೆವ್ರೆ ಅವರ ಜನಪ್ರಿಯತೆಯು ಹೆಚ್ಚಾಗಿದೆ. ಇದು ಟ್ರೂಡೊ ಅವರಿಗೆ ಹಿನ್ನಡೆಯ ಸುಳಿವು ನೀಡಿರಬಹುದು. ಪ್ರಧಾನಿ ಅಭ್ಯರ್ಥಿ ವಿಚಾರದಲ್ಲಿ ಪೊಲಿಯೆವ್ರೆ ಅವರ ಜನಪ್ರಿಯತೆಯು ಶೇಕಡ 42 ಇದ್ದರೆ, ಹಾಲಿ ಪ್ರಧಾನಿ ಜಸ್ಟಿನ್ ಟ್ರೂಡೊ ಜನಪ್ರಿಯತೆ ಶೇಕಡ 38 ಮಾತ್ರ ಇದೆ ಎಂದು ವರದಿ ಹೇಳಿದೆ.

ಇದನ್ನೂ ಓದಿ| ಖಲಿಸ್ತಾನಿ ಉಗ್ರ ಹರ್ದೀಪ್ ಸಿಂಗ್ ನಿಜ್ಜರ್ ಹತ್ಯೆ ಪ್ರಕರಣ, ಭಾರತ ಕೆನಡಾ ರಾಜತಾಂತ್ರಿಕ ಬಿಕ್ಕಟ್ಟಿನ ಅವಲೋಕನ

ಈ ನಡುವೆ, ಭಾರತ -ಕೆನಡಾ ರಾಜತಾಂತ್ರಿಕ ಬಿಕ್ಕಟ್ಟಿನಲ್ಲಿ ಭಾರತದ ವಿರುದ್ಧ ಆರೋಪ ಮಾಡಿರುವ ಜಸ್ಟಿನ್ ಟ್ರೂಡೊ ಅವರು ವಾಸ್ತಾವಂಶಗಳೊಂದಿಗೆ ವಿಷಯ ಮಂಡನೆ ಮಾಡಬೇಕು ಎಂದು ಪೊಲಿಯೆವ್ರೆ ಅಗ್ರಹಿಸಿದ್ದಾರೆ.