ಟಿ20 ಕ್ರಿಕೆಟ್​ನಲ್ಲಿ 300+ ಸ್ಟ್ರೈಕ್​ರೇಟ್​ನೊಂದಿಗೆ ಶತಕ ಬಾರಿಸಿದ ಅಗ್ರ ಐವರು ಬ್ಯಾಟರ್ಸ್ ಇವರೇ!

ಅಭಿಷೇಕ್ ಶರ್ಮಾ: ಎಡಗೈ ಬ್ಯಾಟರ್ ಅಭಿಷೇಕ್ ಶರ್ಮಾ ಟಿ20 ಕ್ರಿಕೆಟ್​ನಲ್ಲಿ ವೇಗದ ಶತಕದ ಜೊತೆಗೆ ಅತ್ಯುತ್ತಮ ಸ್ಟ್ರೈಕ್​​ರೇಟ್​ನೊಂದಿಗೆ ಸೆಂಚುರಿ ಸಿಡಿಸಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯ ಪಂದ್ಯದಲ್ಲಿ ಮೇಘಾಲಯ ವಿರುದ್ಧ ಪಂಜಾಬ್ ಬ್ಯಾಟರ್​ ಅಭಿಷೇಕ್ 365.52 ಸ್ಟ್ರೈಕ್​ರೇಟ್​ನಲ್ಲಿ ನೂರು ಪೂರೈಸಿದ್ದಾರೆ. ಇದು ಹೊಸ ವಿಶ್ವದಾಖಲೆಯಾಗಿದೆ. ಮೇಘಾಲಯ ವಿರುದ್ಧ 28 ಎಸೆತಗಳಲ್ಲಿ ಶತಕ ಪೂರೈಸಿದ್ದರು.

ಸಾಹಿಲ್ ಚೌಹಾಣ್: ಎಸ್ಟೋನಿಯನ್ ಕ್ರಿಕೆಟಿಗ ಸಾಹಿಲ್ ಚೌಹಾಣ್ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಎಸ್ಟೋನಿಯಾ ಪರ ಆಡುವ ಈತ ಈ ವರ್ಷ ಸೈಪ್ರಸ್ ವಿರುದ್ಧ 27 ಎಸೆತಗಳಲ್ಲಿ ಶತಕ ಬಾರಿಸಿದ್ದರು. ಆಗ ಸಾಹಿಲ್ ಸ್ಟ್ರೈಕ್ ರೇಟ್ 351.21 ಆಗಿತ್ತು.

ಉರ್ವಿಲ್ ಪಟೇಲ್: ಗುಜರಾತ್‌ನ ಉರ್ವಿಲ್ ಪಟೇಲ್ ಇತ್ತೀಚೆಗೆ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ 322.85 ಸ್ಟ್ರೈಕ್ ರೇಟ್‌ನಲ್ಲಿ ಶತಕ ಸಿಡಿಸಿದ್ದರು. ತ್ರಿಪುರಾ ವಿರುದ್ಧ 28 ಎಸೆತಗಳಲ್ಲಿ ಶತಕ ಬಾರಿಸಿ ಈ ಸಾಧನೆ ಮಾಡಿದರು. ಉರ್ವಿಲ್ ಮತ್ತು ಅಭಿಷೇಕ್ ಜಂಟಿಯಾಗಿ ವೇಗದ ಟಿ20 ಶತಕ ಬಾರಿಸಿದ ಗಳಿಸಿದ ವಿಶ್ವದಾಖಲೆಯನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ.

ಸಿಕಂದರ್ ರಾಜಾ: ಜಿಂಬಾಬ್ವೆ ನಾಯಕ ಮತ್ತು ಆಲ್‌ರೌಂಡರ್ ಸಿಕಂದರ್ ರಜಾ ಅವರು ಅಕ್ಟೋಬರ್ 2024ರಲ್ಲಿ ಗ್ಯಾಂಬಿಯಾ ವಿರುದ್ಧ ಭರ್ಜರಿ ಬ್ಯಾಟಿಂಗ್ ನಡೆಸಿದ್ದರು. 33 ಎಸೆತಗಳಲ್ಲಿ ಅಜೇಯ 143 ರನ್ ಗಳಿಸಿದ್ದರು. ಅಂದು ಅವರ ಸ್ಟ್ರೈಕ್​ರೇಟ್ 309.30 ಆಗಿತ್ತು. ಅತ್ಯಧಿಕ ಸ್ಟ್ರೈಕ್​ ರೇಟ್​ನೊಂದಿಗೆ ಶತಕ ಸಿಡಿಸಿದವರ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ.

ರಿಷಭ್ ಪಂತ್: ಸ್ಟಾರ್ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ರಿಷಭ್ ಪಂತ್ 5ನೇ ಸ್ಥಾನದಲ್ಲಿದ್ದಾರೆ. 2018ರಲ್ಲಿ ದೆಹಲಿ ಪರ ಆಡುತ್ತಿದ್ದಾಗ ಹಿಮಾಚಲ ಪ್ರದೇಶದ ವಿರುದ್ಧ ಬಿರುಸಿನ ಶತಕ ಬಾರಿಸಿದ್ದರು. ಅವರ ಸ್ಟ್ರೈಕ್ ರೇಟ್ 305.26 ಆಗಿತ್ತು.