Annayya Serial: ನಿರ್ಧಾರ ಬದಲಿಸಿ ಶಿವು ಜೊತೆ ವಾಪಸ್ ಬಂದ ಪಾರು; ವೀರಭದ್ರನ ಆಸೆ ನುಚ್ಚುನೂರಾಯ್ತು

ಅಣ್ಣಯ್ಯ ಧಾರಾವಾಹಿಯಲ್ಲಿ ಪಾರು ತಾನು ಮನೆ ಬಿಟ್ಟು ಹೋಗಲೇಬೇಕು ಎಂದು ನಿರ್ಧಾರ ಮಾಡಿದ್ದಳು. ಆದರೆ ಈಗ ಆ ನಿರ್ಧಾರ ಬದಲಾಗಿದೆ. 

ತನ್ನ ಮಾವ ಶಿವು ಹತ್ತಿರ ಅವಳು ನಾನು ಎಲ್ಲಿಗೂ ಹೋಗೋದಿಲ್ಲ. ಇನ್ನು ಮುಂದೆ ಇಲ್ಲೇ ಇರುತ್ತೇನೆ ಎಂದು ಹೇಳಿದ್ದಾಳೆ. 

ಅವಳಾಡಿದ ಮಾತನ್ನು ಕೇಳಿ ಶಿವುಗೆ ಎಲ್ಲಿಲ್ಲದ ಸಂತೋಷ ಆಗಿದೆ. ಪಾರು ಆಡಿದ ಮಾತನ್ನು ತಾನು ಎಲ್ಲರಿಗೂ ಹೇಳಬೇಕು ಎಂದುಕೊಳ್ಳುತ್ತಾನೆ. 

ಅವಳ ಕೈ ಹಿಡಿದು ಕರೆದುಕೊಂಡು ಹೋಗುತ್ತಾನೆ. ನೇರವಾಗಿ ಪಾರು ತವರಿಗೆ ಹೋಗುತ್ತಾನೆ. ಆದರೆ ಒಬ್ಬೊಬ್ಬರು ಒಂದೊಂದು ರೀತಿ ಮಾತಾಡುತ್ತಾ ಇರುತ್ತಾರೆ. 

ಪಾರು ಮರಳಿ ಬಂದಿದ್ದಾಳೆ ಎಂಬ ಯಾವ ಕಲ್ಪನೆಯೂ ಇಲ್ಲದೆ ಅಲ್ಲಿ ಮಾತಾಡುತ್ತಾರೆ. ಆದರೆ ಸತ್ಯ ಬೇರೆ ಆಗಿರುತ್ತದೆ. 

ಶಿವು ಮಾವ ವೀರಭದ್ರೇ ಗೌಡ ನಿನ್ನ ತಾಯಿ ಹೇಗೆ ಬಿಟ್ಟು ಹೋದ್ಲೋ ಅದೇ ತರ ನಿನ್ನ ಹೆಂಡ್ತೀನೂ… ಎಂದು ರಾಗ ಎಳೆಯುತ್ತಾನೆ. 

ಆಗ ಶಿವು “ಇಲ್ಲ ಮಾವ, ಪಾರು ಎಲ್ಲಿಗೂ ಹೋಗಿಲ್ಲ” ಎನ್ನುತ್ತಾನೆ. ಆ ಮಾತನ್ನು ಕೇಳಿ ವೀರಭದ್ರೇ ಗೌಡನಿಗೆ ಶಾಕ್ ಆಗುತ್ತದೆ. 

ಅಷ್ಟರಲ್ಲಿ ಪಾರು ತಾನೇ ಮನೆಯೊಳಗಡೆ ಬರುತ್ತಾಳೆ. ಅದನ್ನು ನೋಡಿ ಎಲ್ಲರೂ ಕಂಗಾಲಾಗುತ್ತಾರೆ.

ಪಾರು ಹೆಮ್ಮೆಯಿಂದ ನಾನು ನನ್ನ ಗಂಡನನ್ನು ಬಿಟ್ಟು ಎಲ್ಲಿಗೂ ಹೋಗೋದಿಲ್ಲ. ಅವನನ್ನು ಎಂದಿಗೂ ಬಿಟ್ಟು ಕೊಡೋದಿಲ್ಲ ಎನ್ನುತ್ತಾಳೆ. 

ಅವಳಿಗೀಗ ಸಿದ್ದಾರ್ಥ್‌ ತನ್ನ ಪಾಲಿಗೆ ಇಲ್ಲ ಎಂಬ ಸತ್ಯವೂ ಗೊತ್ತಿದೆ. ಮುಂದೇನಾಗುತ್ತದೆ ಎಂದು ಕಾದು ನೋಡಬೇಕಿದೆ.