Petrol Car vs EV: ಪೆಟ್ರೋಲ್ ಮತ್ತು ಎಲೆಕ್ಟ್ರಿಕ್ ಕಾರುಗಳಲ್ಲಿ ಯಾವುದು ಉತ್ತಮ? ಹೊಸ ಕಾರು ಖರೀದಿದಾರರು ಈ ಅಂಶಗಳನ್ನು ತಿಳಿದುಕೊಳ್ಳಿ
- ಪೆಟ್ರೋಲ್ ವರ್ಸಸ್ ಎಲೆಕ್ಟ್ರಿಕ್ ಕಾರು: ಹೊಸ ಕಾರು ಖರೀದಿಸಬೇಕೆನ್ನುವವರು ಎಲೆಕ್ಟ್ರಿಕ್ ಮತ್ತು ಪೆಟ್ರೋಲ್ ಕಾರುಗಳಲ್ಲಿ ಯಾವುದನ್ನು ಖರೀದಿಸಬಹುದು ಎಂಬ ಗೊಂದಲದಲ್ಲಿ ಇರಬಹುದು. ಪೆಟ್ರೋಲ್ ಅಥವಾ ಎಲೆಕ್ಟ್ರಿಕ್ನಲ್ಲಿ ಯಾವ ಇಂಧನ/ಎನರ್ಜಿ ಕಾರು ಖರೀದಿಸಬೇಕೆಂದು ಬಯಸುವವರು ಗಮನಿಸಬೇಕಾದ ಪ್ರಮುಖ ಅಂಶಗಳು ಇಲ್ಲಿವೆ.
- ಪೆಟ್ರೋಲ್ ವರ್ಸಸ್ ಎಲೆಕ್ಟ್ರಿಕ್ ಕಾರು: ಹೊಸ ಕಾರು ಖರೀದಿಸಬೇಕೆನ್ನುವವರು ಎಲೆಕ್ಟ್ರಿಕ್ ಮತ್ತು ಪೆಟ್ರೋಲ್ ಕಾರುಗಳಲ್ಲಿ ಯಾವುದನ್ನು ಖರೀದಿಸಬಹುದು ಎಂಬ ಗೊಂದಲದಲ್ಲಿ ಇರಬಹುದು. ಪೆಟ್ರೋಲ್ ಅಥವಾ ಎಲೆಕ್ಟ್ರಿಕ್ನಲ್ಲಿ ಯಾವ ಇಂಧನ/ಎನರ್ಜಿ ಕಾರು ಖರೀದಿಸಬೇಕೆಂದು ಬಯಸುವವರು ಗಮನಿಸಬೇಕಾದ ಪ್ರಮುಖ ಅಂಶಗಳು ಇಲ್ಲಿವೆ.
(1 / 10)
ಎಲೆಕ್ಟ್ರಿಕ್ ಕಾರು ಎಂದರೇನು?: ಇದು ಪೂರ್ಣ ಪ್ರಮಾಣದಲ್ಲಿ ಅಥವಾ ಭಾಗಶಃ ವಿದ್ಯುತ್ನಿಂದ ಓಡುವ ಕಾರಾಗಿದೆ. ಇವು ರಿಚಾರ್ಜ್ ಮಾಡಬಲ್ಲ ಬ್ಯಾಟರಿ ಹೊಂದಿರುತ್ತವೆ. ಇದರಲ್ಲಿ ಬ್ಯಾಟರಿ, ಗಿಯರ್, ಎಲೆಕ್ಟ್ರಿಕ್ ಮೋಟಾರ್ ಇರುತ್ತದೆ. ಬ್ಯಾಟರಿಯು ವಿದ್ಯುತ್ ಶೇಖರಿಸಿಕೊಳ್ಳುತ್ತದೆ. ಎಲೆಕ್ಟ್ರಿಕಲ್ ಎನರ್ಜಿಯನ್ನು ಮೆಕ್ಯಾನಿಕಲ್ ಎನರ್ಜಿಯಾಗಿ ಪರಿವರ್ತಿಸಿ ಎಲೆಕ್ಟ್ರಿಕ್ ಕಾರು ಸಂಚರಿಸುತ್ತದೆ. ಹಲವು ವರ್ಷಗಳ ಹಿಂದಿನ ಸ್ಥಿತಿಗೆ ಹೋಲಿಸಿದರೆ ಈಗ ಇವಿ ಕಾರುಗಳ ತಂತ್ರಜ್ಞಾನ ಸಾಕಷ್ಟು ಅಭಿವೃದ್ಧಿಯಾಗಿದೆ.
(2 / 10)
ಪೆಟ್ರೋಲ್/ ಡೀಸೆಲ್ ಕಾರು ಎಂದರೇನು?: ಪೆಟ್ರೋಲ್ ಕಾರಿನಲ್ಲಿ ಸ್ಪಾರ್ಕ್ ಇಗ್ನೈಟೆಡ್ ಇಂಟರ್ನಲ್ ಕಂಬಸ್ಟನ್ ಎಂಜಿನ್ ಹೊಂದಿರುತ್ತದೆ. ಇದರಲ್ಲಿ ಗಿಯರ್ಬಾಕ್ಸ್, ಎಂಜಿನ್, ವಿವಿಧ ರೀತಿಯ ಆಕ್ಸೆಲ್ಗಳು ಇರುತ್ತವೆ. ಎಂಜಿನ್ ಇಂಧನ ಉರಿದು ಮೆಕ್ಯಾನಿಕಲ್ ಎನರ್ಜಿಯಾಗಿ ಮಾಡುತ್ತದೆ. ಈ ಎನರ್ಜಿಯು ಪಿಸ್ಟನ್ ಚಲಿಸುವಂತೆ ಮಾಡುತ್ತದೆ. ಟ್ರಾನ್ಸ್ಮಿಷನ್ ವ್ಯವಸ್ಥೆಯು ಚಕ್ರಗಳನ್ನು ತಿರುಗುವಂತೆ ಮಾಡಿ ವಾಹನ ಸಾಗುವಂತೆ ಮಾಡುತ್ತದೆ.
(AFP)
(3 / 10)
ದರ ವ್ಯತ್ಯಾಸ ಎಷ್ಟಿರುತ್ತದೆ?: ಎಲೆಕ್ಟ್ರಿಕ್ ಕಾರಿಗೂ ಪೆಟ್ರೋಲ್ ಕಾರಿಗೂ ಇರುವ ದರ ವ್ಯತ್ಯಾಸವನ್ನು ತಿಳಿದುಕೊಳ್ಳುವುದು ಅತ್ಯಂತ ಅಗತ್ಯವಾಗಿದೆ. ಈಗ ಪೆಟ್ರೋಲ್ ಕಾರುಗಳ ದರ ಕಡಿಮೆ ಇದೆ. ಆದರೆ, ಇಂಧನ ಮತ್ತು ನಿರ್ವಹಣೆ ವೆಚ್ಚ ಅಧಿಕವಾಗಿರುತ್ತದೆ. ಎಲೆಕ್ಟ್ರಿಕ್ ಕಾರುಗಳು ದುಬಾರಿಯಾಗಿರುತ್ತವೆ. ಪೆಟ್ರೊಲ್ ಖರ್ಚು ಇಲ್ಲದೆ ಇರುವುದರಿಂದ ಕಿಸೆಗೆ ದೀರ್ಘಕಾಲದಲ್ಲಿ ಹೆಚ್ಚು ಒತ್ತಡ ಉಂಟುಮಾಡದು. ಪೆಟ್ರೋಲ್ ಕಾರಿಗೆ ಪ್ರತಿತಿಂಗಳು ಹಲವು ಸಾವಿರ ರೂಪಾಯಿಯ ಇಂಧನ ಖರ್ಚು ಮಾಡಬೇಕಾಗುತ್ತದೆ. ಎಲೆಕ್ಟ್ರಿಕ್ ಕಾರಿಗೆ ವಿದ್ಯುತ್ ಬಳಸುವುದರಿಂದ ದರ ತುಂಬಾ ಕಡಿಮೆ ಇರುತ್ತದೆ.
(PTI)
(4 / 10)
ಇಂಧನ ತುಂಬಿಸುವ ರೀತಿ: ಪೆಟ್ರೋಲ್ ಕಾರಿಗೆ ಇಂಧನವನ್ನು ಪೆಟ್ರೋಲ್ ಬಂಕ್ಗಳಲ್ಲಿ ತುಂಬಿಸಬಹುದು. ಎಲೆಕ್ಟ್ರಿಕ್ ವಾಹನಗಳಿಗೆ ಮನೆಯಲ್ಲಿ ಅಥಬಾ ಇವಿ ರಿಚಾರ್ಜ್ ಸ್ಟೇಷನ್ಗಳಲ್ಲಿ ಚಾರ್ಜ್ ಮಾಡಬಹುದು. ಮನೆಯಲ್ಲಿಯೇ ಕಾರಿಗೆ ಚಾರ್ಜ್ ಪಾಯಿಂಟ್ ಹಾಕಿಕೊಂಡರೆ ಚಾರ್ಜಿಂಗ್ ಸ್ಟೇಷನ್ಗೆ ಹೋಗುವ ಅಗತ್ಯ ಇರುವುದಿಲ್ಲ.
(REUTERS)
(5 / 10)
ಪರಿಸರದ ವಿಷಯ: ಪೆಟ್ರೋಲ್ ಕಾರುಗಳು ಪರಿಸರಕ್ಕೆ ಹೆಚ್ಚು ಮಾಲಿನ್ಯ ಹೊರಸೂಸುತ್ತದೆ. ಆದರೆ, ಎಲೆಕ್ಟ್ರಿಕ್ ವಾಹನಗಳು ಇಂಗಾಲ ಹೊರಸೂಸುವುದಿಲ್ಲ. ಆದರೆ, ಬ್ಯಾಟರಿ ವಿಲೇವಾರಿ ಸಮಯದಲ್ಲಿ ಪರಿಸರಕ್ಕೆ ಹಾನಿಯಾಗಬಹುದು.
(PTI)
(6 / 10)
ವಿಮೆ ದರ: ಪೆಟ್ರೋಲ್ ಕಾರಿನ ವಿಮೆ ಅಗ್ಗ ಇರುತ್ತದೆ. ಎಲೆಕ್ಟ್ರಿಕ್ ವಾಹನಗಳ ವಿಮೆ ದುಬಾರಿಯಾಗಿರುತ್ತವೆ.
(PTI)
(7 / 10)
ಸಬ್ಸಿಡಿ ವಿಚಾರ: ಪೆಟ್ರೋಲ್ ಕಾರು ಖರೀದಿಗೆ ಸರಕಾರದಿಂದ ಸಬ್ಸಿಡಿ ದೊರಕದು. ಎಲೆಕ್ಟ್ರಿಕ್ ವಾಹನಗಳಿಗೆ ಉತ್ತೇಜನ ನೀಡುವ ಸಲುವಾಗಿ ಸರಕಾರವು ಇವಿ ಖರೀದಿಗೆ ಸಬ್ಸಿಡಿ ನೀಡುತ್ತವೆ.
(REUTERS)
(8 / 10)
ಚಾರ್ಜಿಂಗ್: ಎಲೆಕ್ಟ್ರಿಕ್ ಕಾರುಗಳ ಬ್ಯಾಟರಿಗಳನ್ನು ಹಲವು ಗಂಟೆಗಳ ಕಾಲ ಚಾರ್ಜ್ ಮಾಡಬೇಕಾಗುತ್ತದೆ. ಎಲೆಕ್ಟ್ರಿಕ್ ವಾಹನಗಳು ದುಬಾರಿಯೂ ಹೌದು. ಎಲೆಕ್ಟ್ರಿಕ್ ವಾಹನದ ಬ್ಯಾಟರಿ ಬದಲಾಯಿಸುವುದು ಕೂಡ ದುಬಾರಿ ಬಾಬತ್ತು.
(PTI)
(9 / 10)
ದೂರ ಪ್ರಯಾಣ: ಪೆಟ್ರೋಲ್ ವಾಹನಗಳಿಗೆ ಹೋಲಿಸಿದರೆ ಎಲೆಕ್ಟ್ರಿಕ್ ವಾಹನದಲ್ಲಿ ಹೆಚ್ಚು ದೂರ ಸಾಗಲು ಸಾಧ್ಯವಿಲ್ಲ. ಆಯಾ ಎಲೆಕ್ಟ್ರಿಕ್ ವಾಹನಗಳ ರೇಂಜ್ಗೆ ತಕ್ಕಂತೆ ಪ್ರಯಾಣಿಸಬಹುದು. ಪೆಟ್ರೋಲ್ ವಾಹನಗಳಾದರೆ ಟ್ಯಾಂಕ್ಗೆ ಆಗಾಗ ಪೆಟ್ರೋಲ್ ತುಂಬಿಸುತ್ತ ಎಷ್ಟು ದೂರ ಬೇಕಾದರೂ ಹೋಗಬಹುದು.
(AP)
(10 / 10)
ಹೀಗೆ ಎಲೆಕ್ಟ್ರಿಕ್ ಮತ್ತು ಪೆಟ್ರೋಲ್/ಡೀಸೆಲ್ ಕಾರುಗಳ ನಡುವೆ ಸಾಕಷ್ಟು ವ್ಯತ್ಯಾಸ ಗುರುತಿಸಬಹುದು. ನಿಮ್ಮ ಅವಶ್ಯಕತೆ ಗಮನದಲ್ಲಿಟ್ಟುಕೊಂಡು ಖರೀದಿ ನಿರ್ಧಾರ ತೆಗೆದುಕೊಳ್ಳಬಹುದು.
ಇತರ ಗ್ಯಾಲರಿಗಳು