ರತನ್ ಟಾಟಾ ನಿಧನಕ್ಕೂ ಮುನ್ನ ಬಡವರಿಗಾಗಿ ಕಡಿಮೆ ದರಕ್ಕೆ ಕೊಟ್ಟ ಕಾರು ಇದು; ಟಾಟಾ ನ್ಯಾನೋ ಕಾರಂತೂ ಅಲ್ವೇ ಅಲ್ಲ!
- ಅತ್ಯಂತ ಗುಣಮಟ್ಟತೆಗೆ ಹೆಸರು ಪಡೆದಿರುವ ಟಾಟಾ ಕರ್ವ್ ಕಾರು ಹೇಗಿದೆ? ಅದರ ಬೆಲೆ ಎಷ್ಟು, ಮೈಲೇಜ್, ಸುರಕ್ಷತಾ ರೇಟಿಂಗ್ ಎಷ್ಟಿದೆ, ಏನೆಲ್ಲಾ ಸೌಲಭ್ಯಗಳಿವೆ ಸೇರಿ ಇತ್ಯಾದಿಗಳ ಮಾಹಿತಿ ಇಲ್ಲಿದೆ.
- ಅತ್ಯಂತ ಗುಣಮಟ್ಟತೆಗೆ ಹೆಸರು ಪಡೆದಿರುವ ಟಾಟಾ ಕರ್ವ್ ಕಾರು ಹೇಗಿದೆ? ಅದರ ಬೆಲೆ ಎಷ್ಟು, ಮೈಲೇಜ್, ಸುರಕ್ಷತಾ ರೇಟಿಂಗ್ ಎಷ್ಟಿದೆ, ಏನೆಲ್ಲಾ ಸೌಲಭ್ಯಗಳಿವೆ ಸೇರಿ ಇತ್ಯಾದಿಗಳ ಮಾಹಿತಿ ಇಲ್ಲಿದೆ.
(1 / 11)
ದೇಶದಲ್ಲಿ ಟಾಟಾ ಮೋಟಾರ್ಸ್ ಕಂಪನಿಯ ವಾಹನಗಳಿಗೆ ಬೇಡಿಕೆ ತುಸು ಹೆಚ್ಚೇ ಇರುತ್ತದೆ. ಅದಕ್ಕೆ ಕಾರಣ ಗುಣಮಟ್ಟತೆ, ವೈಶಿಷ್ಟ್ಯಗಳು ಮತ್ತು ಸುಧಾರಣೆ. ಪ್ರಯಾಣಿಕರ ಸುರಕ್ಷತೆಯನ್ನೇ ಮೊದಲ ಆದ್ಯತೆ ಮಾಡಿಕೊಂಡಿರುವ ಟಾಟಾ ಈ 3 ವಿಚಾರಗಳಲ್ಲೂ ರಾಜಿಯಾಗುವುದೇ ಇಲ್ಲ! ಮತ್ತೊಂದು ವಿಚಾರ ಏನೆಂದರೆ ಬಡವರಿಗೂ ಅಗ್ಗದ ದರದಲ್ಲಿ ಕಾರು ದೊರೆಯುವಂತೆ ಮಾಡುತ್ತದೆ ಈ ಕಂಪನಿ.
(2 / 11)
ಅಂತಹ ಕಾರುಗಳ ಒಂದರ ಕುರಿತು ವಿಶ್ಲೇಷಿಸುವ ಕೆಲಸಕ್ಕೆ ನಾವಿಂದು ಕೈ ಹಾಕಿದ್ದೇವೆ. ಕಡಿಮೆ ದರದಲ್ಲಿ ಮಾರುಕಟ್ಟೆಯಲ್ಲಿ ಅತ್ಯಂತ ಬೇಡಿಕೆ ಹೊಂದಿರುವ ಕಾರು ಎಂದರೆ 'ಟಾಟಾ ಕರ್ವ್ ಎಸ್ಯುಪಿ ಕೂಪೆ'. ಇದು ಎಸ್ಯುಪಿ ಕೂಪೆ ವಿನ್ಯಾಸ ಹೊಂದಿರುವ ಭಾರತದ ಮೊಟ್ಟ ಮೊದಲ ಮಿಡ್ಸೈಜ್ ಎಸ್ಯುವಿ ಎಂದೂ ಪ್ರಸಿದ್ಧಿ ಪಡೆದಿರುವುದು ವಿಶೇಷ.
(3 / 11)
ಉದ್ಯಮಿ ರತನ್ ಟಾಟಾ ನಿಧನಕ್ಕೂ ಮುನ್ನ ಅವರ ಕಂಪನಿಯಿಂದ ಬಿಡುಗಡೆಗೊಂಡ ಕೊನೆಯ ಕಾರು ಇದಾಗಿದೆ. ಟಾಟಾ ಕರ್ವ್ 2024ರ ಆಗಸ್ಟ್ 7ರ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದರೆ, ಇದಾಗಿ ಎರಡು ತಿಂಗಳು ಅಂದರೆ 2024ರ ಅಕ್ಟೋಬರ್ 9ರಂದು ರತನ್ ಟಾಟಾ ಅವರನ್ನು ಕೊನೆಯುಸಿರೆಳೆದರು. ಮಾರುಕಟ್ಟೆಗೆ ಲಭ್ಯವಾದಾಗಿನಿಂದ ಈ ಕಾರಿಗೆ ಹೆಚ್ಚು ಬೇಡಿಕೆ ಉಂಟಾಗಿದೆ.
(4 / 11)
ಎಲೆಕ್ಟ್ರಿಕ್ (ವಿದ್ಯುತ್ ಚಾಲಿತ) ಮತ್ತು ಐಸಿಇ (ಇಂಧನ ಚಾಲಿತ) ಆವೃತ್ತಿಗಳಲ್ಲಿ ಪರಿಚಯಿಸಿದ ಟಾಟಾ ಕರ್ವ್, ಮೊದಲಿಗೆ ಆಟೋ ಮೊಬೈಲ್ ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದು ಎಲೆಕ್ಟ್ರಿಕ್ ಟಾಟಾ ಕರ್ವ್ ಕಾರನ್ನು. ಆಮೇಲೆ ಇಂಧನ ಚಾಲಿತ ಟಾಟಾ ಕರ್ವ್ ಕಾರಿನ ಬಿಡುಗಡೆ ಮಾಡಲಾಯಿತು. ಆದರೆ ಎರಡೂ ಕಾರುಗಳಿಗೆ ಅತ್ಯುತ್ತಮ ಬೇಡಿಕೆ ವ್ಯಕ್ತವಾಗಿದೆ. ಅತಿ ಹೆಚ್ಚು ಮಾರಾಟವೂ ಆಗಿದೆ.
(5 / 11)
ಅತ್ಯಂತ ಗುಣಮಟ್ಟತೆಗೆ ಹೆಸರು ಪಡೆದಿರುವ ಟಾಟಾ ಕರ್ವ್ ಕಾರು ಹೇಗಿದೆ? ಅದರ ಬೆಲೆ ಎಷ್ಟು, ಮೈಲೇಜ್, ಸುರಕ್ಷತಾ ರೇಟಿಂಗ್ ಎಷ್ಟಿದೆ, ಏನೆಲ್ಲಾ ಸೌಲಭ್ಯಗಳಿವೆ ಸೇರಿ ಇತ್ಯಾದಿಗಳ ಮಾಹಿತಿ ಇಲ್ಲಿದೆ.
(6 / 11)
ಭಾರತ್ ನ್ಯೂಕಾರ್ ಅಸೆಸ್ಮೆಂಟ್ ಪ್ರೋಗ್ರಾಂ ಈ ಹಿಂದೆ ನೂತನ ಟಾಟಾ ಕರ್ವ್ ಎಸ್ಯುವಿಯನ್ನು ಕ್ರಾಶ್ ಟೆಸ್ಟ್ಗೆ ಒಳಪಡಿಸಿತ್ತು. ಆಗ ವಯಸ್ಕರ ರಕ್ಷಣೆಗೆ ಸಂಬಂಧಿಸಿ 32 ಅಂಕಕ್ಕೆ 29.5 ಅಂಕ ಪಡೆದಿತ್ತು. ಜೊತೆಗೆ ಮಕ್ಕಳ ರಕ್ಷಣೆಗೆ ಸಂಬಂಧಿಸಿ 49ಕ್ಕೆ 43.66 ಅಂಕ ಪಡೆದಿತ್ತು. ಇದೆಲ್ಲದರ ಜೊತೆಗೆ ಫೈವ್ ಸ್ಟಾರ್ ಸುರಕ್ಷತಾ ರೇಟಿಂಗ್ ಕೂಡ ಪಡೆದಿರುವುದು ಮತ್ತೊಂದು ವಿಶೇಷ.
(7 / 11)
ಟಾಟಾ ಕರ್ವ್ನಲ್ಲಿ ಇಂಧನ ಚಾಲಿತ ಬೇಸ್ ಹೊಂದಿರುವ ಕಾರಿನ ಬೆಲೆ 10 ಲಕ್ಷ ರೂಪಾಯಿಯಿಂದ ಆರಂಭಗೊಂಡು 19.52 ಲಕ್ಷ ರೂ ತನಕ ಇರುತ್ತದೆ. ಇದನ್ನು 42 ವೇರಿಯೆಂಟ್ಗಳಲ್ಲಿ ನೀಡಲಾಗುತ್ತದೆ. ಕರ್ವ್ನ ಬೇಸಿಕ್ ಮಾಡೆಲ್ ಸ್ಮಾರ್ಟ್ ಮತ್ತು ಟಾಪ್ ಮಾಡೆಲ್ ಅಕಂಪ್ಲಿಷ್ಡ್ ಪ್ಲಸ್ ಎ ಡಾರ್ಕ್ ಡೀಸೆಲ್ ಡಿಸಿಎ ಆಗಿರುತ್ತದೆ.
(8 / 11)
ಟಾಟಾ ಕರ್ವ್ ಎಸ್ಯುಪಿ ಕೂಪೆ ಬೇಸ್ ಇವಿ ವೇರಿಯೆಂಟ್ ಕಾರಿನ ಬೆಲೆಯು 17.49 ಲಕ್ಷದಿಂದ ರೂಪಾಯಿಂದ 21.99 ಲಕ್ಷದ ತನಕ ಇರಲಿದೆ. 8 ವೇರಿಯೆಂಟ್ಗಳಲ್ಲಿ 5 ಬಣ್ಣಗಳಲ್ಲಿ ಲಭ್ಯವಿರುವ ಇದು ಕರ್ವ್ ಇವಿ ಸಿಂಗಲ್ ಚಾರ್ಜ್‌ನಲ್ಲಿ 471.14 ಕಿಲೋಮೀಟರ್ ಡ್ರೈವಿಂಗ್ ರೇಂಜ್ ನೀಡುತ್ತದೆ ಎಂದು ವರದಿಯಾಗಿದೆ.
(9 / 11)
ಟಾಟಾ ಕರ್ವ್ ಡೀಸೆಲ್ ಮ್ಯಾನ್ಯುವಲ್ ಗಂಟೆಗೆ 15 ಕಿಮೀ, ಆಟೋಮ್ಯಾಟಿಕ್ 13 ಕಿಮೀ ಮತ್ತು ಟಾಟಾ ಕರ್ವ್ ಪೆಟ್ರೋಲ್ ಮ್ಯಾನ್ಯುವಲ್ 12 ಕಿಮೀ, ಆಟ್ಯೋಮ್ಯಾಟಿಕ್ 11 ಕಿಮೀ ಮೈಲೈಜ್ ಕೊಡುತ್ತದೆ. ನಗರದಲ್ಲಿ ಚಾಲನೆ ಮಾಡಿದರೆ ಕಡಿಮೆ ಮೈಲೇಜ್, ಹೆದ್ದಾರಿಯಲ್ಲಿ ಚಾಲನೆ ಮಾಡುವುದರಿಂದ ದೊರೆಯುತ್ತದೆ.
(10 / 11)
ಟಾಟಾ ಕರ್ವ್ 5 ಸೀಟ್ಗಳ ಕಾರು 7-ಸೀಟರ್ ಕಾನ್ಫಿಗರೇಶನ್‌ನಲ್ಲಿ ಲಭ್ಯವಿಲ್ಲ. ಚಾರ್ಜಿಂಗ್ ಕರ್ವ್ ಇವಿ 45 ರಿಂದ 55 ಕಿಲೋವ್ಯಾಟ್ ನಡುವೆ ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿದೆ. ಆಕರ್ಷಕ ವಿನ್ಯಾಸವನ್ನೂ ಹೊಂದಿರುವ ಕರ್ವ್ ಕಾರಿಗೆ ಬೇಡಿಕೆ ಹೆಚ್ಚಾಗಿದೆ.
(11 / 11)
ಅತ್ಯಾಧುನಿಕ ತಂತ್ರಜ್ಞಾನ ಹೊಂದಿರುವ ಟಾಟಾ ಕರ್ವ್, 10.25-ಇಂಚಿನ ಡಿಜಿಟಲ್ ಡ್ರೈವರ್ ಡಿಸ್ಪ್ಲೇ, 12.3-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಹೊಂದಿದೆ. ಇಳಿಜಾರಾದ ಛಾವಣಿ ಹೊಂದಿದೆ. ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್‌ಗಳೊಂದಿಗೆ ಲಭ್ಯವಿದೆ, ಜೊತೆಗೆ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್‌ಗಳ ಆಯ್ಕೆಯನ್ನೂ ಹೊಂದಿದೆ. ಸ್ವಯಂಚಾಲಿತ ತುರ್ತು ಬ್ರೇಕಿಂಗ್ ವ್ಯವಸ್ಥೆಯೂ ಇದೆ.
Prasanna Kumar PN
ಇತರ ಗ್ಯಾಲರಿಗಳು