Banashankari jatre 2025: ಈ ಬಾರಿ ಬಾದಾಮಿ ಜಾತ್ರೀಗೆ ಹೊಂಟೀರೇನು, ಡ್ರಾಮಾ ಪಟ್ಟಿ ಬಂದಾವು, ಬೆಸ್ಟ್‌ 10 ನಾಟಕ ಯಾವುದಿದೆ ನೋಡಿ

ಬಾಗಲಕೋಟೆ ಜಿಲ್ಲೆ ಬಾದಾಮಿ ಬನಶಂಕರಿ ಜಾತ್ರೆಯ ಚಟುವಟಿಕೆಗಳು ಜನವರಿ 6ರ ಸೋಮವಾರದಿಂದ ಆರಂಭ. ಒಂದು ತಿಂಗಳ ಕಾಲ ನಡೆಯುವ ಜಾತ್ರೆಯ ಭಾಗವಾಗಿ ನಾಟಕಕ್ಕೂ ಸಿದ್ದತೆಗಳು ನಡೆದಿವೆ.

ನಟ ಹಾಗೂ ರಂಗಭೂಮಿ ಕಲಾವಿದ ರಾಜುತಾಳೀಕೋಟೆ ಅವರ ಪುತ್ರ ಭರತ್‌ರಾಜ್‌ ತಾಳೀಕೋಟೆ ಅಭಿನಯದ ಚೈನೀ ಮಾಡಾಕೆ ರೊಕ್ಕ ಬೇಕು, ಪ್ರೀತಿ ಮಾಡಾಕೆ ನಾಟಕ ಈ ಬಾರಿ ಬಾದಾಮಿಯಲ್ಲಿ ಪ್ರದರ್ಶನಗೊಳ್ಳುತ್ತಿದೆ. 

ಗುಬ್ಬಿಯ ಬಿಎಸ್‌ಆರ್‌ ನಾಟಕ ಸಂಘ ಪ್ರತಿ ವರ್ಷದಂತೆ ಈ ಬಾರಿಯೂ ವಿಶೇಷ ನಾಟಕ ತಂದಿದ್ದು ಸುಜಾತ ಜೇವರ್ಗಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಿಲಿರುವ ಅಕ್ಕಿ ಅಂಗಾರ, ತಂಗಿ ಬಂಗಾರ ನಾಟಕ ಪ್ರದರ್ಶನವಾಗುತ್ತಿದೆ.

ಜೂನಿಯರ್‌ ವಿಷ್ಣುವರ್ಧನ್‌, ಪ್ರಭಾಕರ್‌ ಅವರ ಆಕರ್ಷಣೆಯ ಬಂಪರ್‌ ಬಂಗಾರಿ, ಸೂಪರ್‌ ಸಿಂಗಾರಿ ನಾಟಕವೂ ಇದೆ.

ಹಲವು ಪ್ರಮುಖ ಕಲಾವಿದರ ತಂಡದ ನಾ ಡ್ರೈವರಾ ಅಕಿ ನನ್ನ ಲವರಾ ಎನ್ನುವ ನಾಟಕವೂ ಈ ಬಾರಿಯ ಪ್ರದರ್ಶನಕ್ಕೆ ಅಣಿಯಾಗಿದೆ.

ಗದಗದ ಶ್ರೀಶೈಲ ಮಲ್ಲಿಕಾರ್ಜುನ ನಾಟ್ಯ ಸಂಘವು ರೊಕ್ಕಿನವ ನಾ ಅಲ್ಲಾ,ಸೊಕ್ಕಿನವ ನಾ ಅಲ್ಲಾ ಎನ್ನುವ ನಾಟಕ ಪ್ರದರ್ಶನ ಮಾಡುತ್ತಿದೆ.

ಕಲ್ಲೂರಿನ ಗುರು ಮಲ್ಲಿಕಾರ್ಜುನ ನಾಟಕ ಸಂಘವು ಸುಮ್ನಿರ ಸುಂದ್ರಿ ಎನ್ನುವ ಹಾಸ್ಯ ನಾಟಕ ಪ್ರದರ್ಶನಕ್ಕೆ ಮುಂದಾಗಿದೆ.

ಮಂಡಲಗಿರಿಯ  ಶ್ರೀ ಗುರು ಸಿದ್ದಲಿಂಗೇಶ್ವರ ನಾಟ್ಯ ಸಂಘವು ನೀ ಹೂ ಅಂದ್ರ  ಗಿಚ್ಚ ಆಕ್ಕೇನಿ, ಇಲ್ಲಂದ್ರ ಹುಚ್ಚಕ್ಕೇನಿ ಎನ್ನುವ ನಾಟಕವು ಪ್ರದರ್ಶನವಾಗಲಿದೆ.

ಗುಳೇದ ಗುಡ್ಡದ ಸಂಗಮೇಶ್ವರ ನಾಟ್ಯ ಸಂಘವು ಜಂಪ್‌ ಹೊಡಿತಾಳೆ ಕೆಂಪಿ ಎನ್ನುವ ನಾಟಕ ಪ್ರದರ್ಶನ ಮಾಡುತ್ತಿದೆ.

ಮಂಡಲಗಿರಿ ತೋಂಟದಾರ್ಯ ನಾಟ್ಯ ಸಂಘವು ಸಂದ್ಯಾಗ ಕರಿತಾಳ ಮಂದ್ಯಾಗ ಹೊಡಿತಾಳ ಎನ್ನುವ ಸಂಪೂರ್ಣ ಹಾಸ್ಯ ನಾಟಕ ರೂಪಿಸಿ ಪ್ರದರ್ಶಿಸುತ್ತಿದೆ.

ದಾವಣಗೆರೆಯ ಕೆಬಿಆರ್‌ ಡ್ರಾಮಾ ಕಂಪೆನಿ ರೂಪಿಸಿರುವ ಶಿಸ್ತು ಪ್ರೀತಿ ಮಾಡು ಮಸ್ತ ಮಜಾ ಮಾಡು ಎನ್ನುವ ನಾಟಕ ಪ್ರದರ್ಶನಗೊಳ್ಳುತ್ತಿದ್ದು ಕಿರುತೆರೆ ಕಲಾವಿದೆ ನಯನ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳುವರು.