Bangalore News: ಬೆಂಗಳೂರಿನ ಬೀದಿಗಳನ್ನು ಬೆಳಗಲಿವೆ 3 ಲಕ್ಷ ಎಲ್ಇಡಿ ದೀಪಗಳು, 684 ಕೋಟಿ ರೂ.ಗಳ ಬೃಹತ್ ಯೋಜನೆ ಹೇಗಿದೆ photos
- Bangalore Street Lights ಬೆಂಗಳೂರಿನಲ್ಲಿ ಬೀದಿದೀಪಗಳನ್ನು ಎಲ್ಇಡಿಗೆ ಪರಿವರ್ತಿಸುವ ಬೃಹತ್ ಯೋಜನೆ ಸದ್ಯವೇ ಆರಂಭವಾಗಲಿದೆ. ಈ ಕುರಿತ ಮಾಹಿತಿ ಇಲ್ಲಿದೆ.
- Bangalore Street Lights ಬೆಂಗಳೂರಿನಲ್ಲಿ ಬೀದಿದೀಪಗಳನ್ನು ಎಲ್ಇಡಿಗೆ ಪರಿವರ್ತಿಸುವ ಬೃಹತ್ ಯೋಜನೆ ಸದ್ಯವೇ ಆರಂಭವಾಗಲಿದೆ. ಈ ಕುರಿತ ಮಾಹಿತಿ ಇಲ್ಲಿದೆ.
(1 / 7)
ಬೆಂಗಳೂರಿನ ಕೆಲವು ಬಡಾವಣೆಗಳಲ್ಲಿ ಈಗಾಗಲೇ ಬಳಕೆಯಲ್ಲಿರುವ ಎಲ್ಇಡಿ ಬಲ್ಬ್ಗಳನ್ನು ಉನ್ನತೀಕರಿಸಿ ಇನ್ನಷ್ಟು ವಿಸ್ತರಿಸಲಾಗುತ್ತದೆ. ಸುಮಾರು ಮೂರು ಲಕ್ಷ ಬಲ್ಬ್ಗಳನ್ನು ಇದಕ್ಕಾಗಿ ಬಳಕೆ ಮಾಡಲಾಗುತ್ತದೆ.(The Hindu)
(2 / 7)
ಬೆಂಗಳೂರಿನಲ್ಲಿ ಎಲ್ಇಡಿ ಬೀದಿ ದೀಪಗಳ ಅಳವಡಿಕೆಗೆ 684 ಕೋಟಿ ರೂ.ಗಳ ಯೋಜನೆಗೆ ಸಚಿವ ಸಂಪುಟ ಒಪ್ಪಿಗೆ ನೀಡಿದೆ. ಕ್ಯಾಬಿನೆಟ್ ಅನುಮೋದಿಸಿದ ಯೋಜನೆಯನ್ನು ಅನುಸರಿಸಿ, ಇಂಧನ ಉಳಿತಾಯ ಎಲ್ಇಡಿ ದೀಪಗಳಿಗೆ ಪ್ರಮುಖ ಬದಲಾವಣೆಯೊಂದಿಗೆ ಬೆಂಗಳೂರು ತನ್ನ ಬೀದಿಗಳನ್ನು ಬೆಳಗಿಸಲು ಸಜ್ಜಾಗಿದೆ.
(3 / 7)
ಇಂಧನ ದಕ್ಷತೆಯನ್ನು ಹೆಚ್ಚಿಸಲು ಮತ್ತು ನಿರ್ವಹಣಾ ವೆಚ್ಚವನ್ನು ಕಡಿಮೆ ಮಾಡುವ ಕ್ರಮದಲ್ಲಿ, ಬೆಂಗಳೂರಿನ ನಾಗರಿಕ ಆಡಳಿತ ಸಂಸ್ಥೆಯಾದ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ನಗರದ ಬೀದಿ ದೀಪ ವ್ಯವಸ್ಥೆಗೆ ಗಮನಾರ್ಹ ನವೀಕರಣ ಆಗುವುದಾಗಿ ತಿಳಿಸಲಾಗಿದೆ.
(4 / 7)
ಸಮಗ್ರ ವಾರ್ಷಿಕ ಇಂಧನ ಉಳಿತಾಯ ಮಾದರಿಯಲ್ಲಿ ಎಲ್ಇಡಿ ಬೀದಿ ದೀಪಗಳಿಗೆ ಪರಿವರ್ತಿಸುವ ಯೋಜನೆಗೆ ರಾಜ್ಯ ಸಚಿವ ಸಂಪುಟ ಅನುಮೋದನೆ ನೀಡಿದೆ. ಹೊಸ ವ್ಯವಸ್ಥೆಯು ಕೇಂದ್ರೀಕೃತ ನಿಯಂತ್ರಣ ಮತ್ತು ಮೇಲ್ವಿಚಾರಣೆಯನ್ನು ಒಳಗೊಂಡಿರುತ್ತದೆ, ಜೊತೆಗೆ ಏಳು ವರ್ಷಗಳ ನಿರ್ವಹಣೆಯನ್ನು ಹೊಂದಿರುತ್ತದೆ.
(5 / 7)
ಕರ್ನಾಟಕ ಕಾನೂನು ಸಚಿವ ಎಚ್.ಕೆ.ಪಾಟೀಲ್ ಅವರಪ್ರಕಾರ ಬಿಬಿಎಂಪಿ ವ್ಯಾಪ್ತಿಯ ಏಳು ನಗರ ವಲಯಗಳಲ್ಲಿ ನಾಲ್ಕು ವಿಭಿನ್ನ ಪ್ಯಾಕೇಜ್ಗಳಲ್ಲಿ ಎಲ್ಇಡಿ ಯೋಜನೆ ಜಾರಿಗೊಳಿಸಲಾಗುತ್ತದೆ.ಎಲ್ಇಡಿ ತಂತ್ರಜ್ಞಾನಕ್ಕೆ ಬದಲಾವಣೆಯು ಹಳೆಯ ವ್ಯವಸ್ಥೆಗಳಿಗೆ ಹೋಲಿಸಿದರೆ ವಾರ್ಷಿಕ ಇಂಧನ ಬಳಕೆಯನ್ನು ಶೇಕಡಾ 50 ರಷ್ಟು ಕಡಿಮೆ ಮಾಡುತ್ತದೆ ಎಂದು ಅಂದಾಜಿಸಲಾಗಿದೆ.
(6 / 7)
ಈಗಾಗಲೇ ಕೆಲವು ರಸ್ತೆಗಳಲ್ಲಿ ಎಲ್ಇಡಿ ಬಲ್ಬ್ ಅಳವಡಿಸಿದ್ದರೂ ಈಗಿರುವ ವ್ಯವಸ್ಥೆ ಮೇಲ್ದರ್ಜೆಗೇರಿಸಲಾಗುತ್ತದೆ. ಈ ಹಿಂದೆ ಬೆಂಗಳೂರು ವಿದ್ಯುತ್ ಸರಬರಾಜು ಕಂಪನಿ (ಬೆಸ್ಕಾಂ)ಯಲ್ಲಿ ಠೇವಣಿ ಇಟ್ಟಿದ್ದ ಹಣವನ್ನು ಬಳಸಲು ಸಂಪುಟ ಅನುಮೋದನೆ ನೀಡಿದೆ.
(7 / 7)
ಈಗಾಗಲೇ ಮಹದೇವಪುರ ಸೇರಿದಂತೆ ಕೆಲವು ವಲಯಗಳಲ್ಲಿ ಸುಮಾರು 1.6 ಲಕ್ಷ ಎಲ್ಇಡಿ ಬೀದಿ ದೀಪಗಳನ್ನು ಅಳವಡಿಸಿದೆ. ಏಳು ವಲಯಗಳಲ್ಲಿ ಸುಮಾರು 4.6 ಲಕ್ಷ ಬೀದಿ ದೀಪಗಳಿದ್ದು, ಇವುಗಳಲ್ಲಿ ಸುಮಾರು 3 ಲಕ್ಷ ಬೀದಿ ದೀಪಗಳನ್ನು ಹೊಸ ಎಲ್ಇಡಿ ಫಿಕ್ಚರ್ಗಳೊಂದಿಗೆ ಬದಲಾಯಿಸುವ ಗುರಿಯನ್ನು ಮುಂಬರುವ ಯೋಜನೆ ಹೊಂದಿದೆ.
ಇತರ ಗ್ಯಾಲರಿಗಳು