ಬೆಳಗಾವಿಯಲ್ಲಿ ಕಾಂಗ್ರೆಸ್‌ ಶತಮಾನದ ನೆನಪಿನ ಅಧಿವೇಶನ ಇಂದಿನಿಂದ; ಗಾಂಧಿ ನೆನಪು, ಕೈ ನಾಯಕರ ಒನಪು, ಹೀಗಿವೆ ಆ ಕ್ಷಣಗಳು

ಬೆಳಗಾವಿಯಲ್ಲಿ 1924 ರಲ್ಲಿ ಜರುಗಿದ ಕಾಂಗ್ರೆಸ್ ಅಧಿವೇಶನದ ಶತಮಾನೋತ್ಸವದ ಅಂಗವಾಗಿ ನಗರದ ವಿವಿಧ ವೃತ್ತ ಹಾಗೂ ಪ್ರಮುಖ ರಸ್ತೆಗಳಲ್ಲಿ ವಿದ್ಯುತ್ ದೀಪಾಲಂಕಾರ.

ಬೆಳಗಾವಿಯ ಪ್ರಮುಖ ರಸ್ತೆ, ವೃತ್ತಗಳು ಕಾಂಗ್ರೆಸ್‌ ವಿಶೇಷ ಅಧಿವೇಶನಕ್ಕಾಗಿ ಬೆಳಕಿನಿಂದ ಕಂಗೊಳಿಸುತ್ತಿದೆ. 

ಬೆಳಗಾವಿಯಲ್ಲಿ ಎರಡು ದಿನದ ಸಮಾವೇಶಕ್ಕಾಗಿ ಕಾಂಗ್ರೆಸ್‌ನ ಪ್ರಮುಖ ನಾಯಕರು ಆಗಮಿಸಿದ್ದಾರೆ. ಈ ಕಾರಣದಿಂದ ಬೆಳಗಾವಿಯ ಮುಖ್ಯ ರಸ್ತೆಗಳಿಗೆ ದೀಪಾಲಂಕರ ಮಾಡಿರುವುದು ಗಮನ ಸೆಳೆಯುತ್ತಿದೆ.

ಗಾಂಧೀಜಿ ಅವರು ಸರಿಯಾಗಿ ನೂರು ವರ್ಷದ ಹಿಂದೆ ಇದೇ ದಿನ ಇಲ್ಲಿ ಅಧಿವೇಶನ ನಡೆಸಿದ್ದರು, ಇದರ ನೆನಪಿಗಾಗಿಯೇ ಕಾಂಗ್ರೆಸ್‌ ವಿಶೇಷ ಅಧಿವೇಶನವನ್ನು ಹಮ್ಮಿಕೊಂಡಿದೆ.

ಕಾಂಗ್ರೆಸ್‌ ಅಧಿವೇಶನ ನಡೆಯಲಿರುವ ಬೆಳಗಾವಿಯ ಸ್ಥಳವೂ ಸೇರಿದಂತೆ ಪ್ರಮುಖ ರಸ್ತೆಯಲ್ಲಿ ಕಾಂಗ್ರೆಸ್‌ ನಾಯಕರ ಚಿತ್ರ, ಬಾವುಟಗಳು ರಾರಾಜಿಸುತ್ತಿವೆ. 

ಗಾಂಧೀಜಿ ಅವರ ನೂರು ವರ್ಷದ ಹಿಂದಿನ ಸಮಾವೇಶ, ಭಾಷಣ, ಆಗಿನ ಆಶಯಗಳನ್ನು ಸಾರುವ ವಿಶೇಷ ಕಲಾಕೃತಿಗಳು ಬೆಳಗಾವಿಯಲ್ಲಿ ಗಮನ ಸೆಳೆಯುತ್ತಿವೆ. 

ಬೆಳಗಾವಿಯಲ್ಲ ಎಲ್ಲಿ ನೋಡಿದರೂ ಕಾಂಗ್ರೆಸ್‌ ನಾಯಕರ ಕಟೌಟ್‌ಗಳು. ಪಕ್ಷದ ಪ್ರಮುಖ ನಾಯಕರ ಚಿತ್ರಗಳು ರಾರಾಜಿಸುತ್ತಿವೆ.