ಬೆಂಗಳೂರು ಚಿನ್ನಸ್ವಾಮಿ ಕ್ರೀಡಾಂಗಣದ ಸುತ್ತಮುತ್ತಲಿನ ಪ್ರೇಕ್ಷಣೀಯ ಸ್ಥಳಗಳಿವು; ಮ್ಯಾಚ್ ನೋಡಲು ಬಂದವರು ಮಿಸ್ ಮಾಡದೆ ನೋಡಿ
- ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಇಂದು ಆರ್ಸಿಬಿ ಹಾಗೂ ಸಿಎಸ್ಕೆ ನಡುವೆ ಹೈವೋಲ್ಟೇಜ್ ಪಂದ್ಯ ನಡೆಯುತ್ತಿದೆ. ಸಂಜೆ 7.30ಕ್ಕೆ ನಡೆಯುವ ಮ್ಯಾಚ್ ವೀಕ್ಷಣೆಗೆ ನೀವು ಬೆಂಗಳೂರಿಗೆ ಬಂದಿದ್ದರೆ ಚಿನ್ನಸ್ವಾಮಿ ಕ್ರೀಡಾಂಗಣದ ಸಮೀಪ ಇರುವ ಈ ಪ್ರೇಕ್ಷಣೀಯ ಸ್ಥಳಕ್ಕೂ ವಿಸಿಟ್ ಮಾಡಿ.
- ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಇಂದು ಆರ್ಸಿಬಿ ಹಾಗೂ ಸಿಎಸ್ಕೆ ನಡುವೆ ಹೈವೋಲ್ಟೇಜ್ ಪಂದ್ಯ ನಡೆಯುತ್ತಿದೆ. ಸಂಜೆ 7.30ಕ್ಕೆ ನಡೆಯುವ ಮ್ಯಾಚ್ ವೀಕ್ಷಣೆಗೆ ನೀವು ಬೆಂಗಳೂರಿಗೆ ಬಂದಿದ್ದರೆ ಚಿನ್ನಸ್ವಾಮಿ ಕ್ರೀಡಾಂಗಣದ ಸಮೀಪ ಇರುವ ಈ ಪ್ರೇಕ್ಷಣೀಯ ಸ್ಥಳಕ್ಕೂ ವಿಸಿಟ್ ಮಾಡಿ.
(1 / 9)
ಐಪಿಎಲ್ ಮ್ಯಾಚ್ ಬೆಂಗಳೂರಿನಲ್ಲಿ ನಡೆಯುವ ದಿನ ರಾಜ್ಯ, ದೇಶದ ವಿವಿಧ ಭಾಗದ ಜನರು ಇಲ್ಲಿಗೆ ಭೇಟಿ ನೀಡುತ್ತಾರೆ. ಅದರಲ್ಲೂ ಆರ್ಸಿಬಿ ಮ್ಯಾಚ್ ಬೆಂಗಳೂರಿನಲ್ಲಿ ನಡೆಯುತ್ತಿದೆ ಎಂದರೆ ವಿಶೇಷ ಕ್ರೇಜ್ ಇರುತ್ತದೆ. ನೀವು ಇವತ್ತು (ಮೇ 18) ಆರ್ಸಿಬಿ-ಸಿಎಸ್ಕೆ ನಡುವೆ ನಡೆಯುವ ಮ್ಯಾಚ್ ನೋಡಲು ಬೆಂಗಳೂರಿಗೆ ಬಂದಿದ್ರೆ ಸುತ್ತಲಿನ ಈ ಪ್ರೇಕ್ಷಣೀಯ ಸ್ಥಳಗಳನ್ನೂ ನೋಡಿ ಬನ್ನಿ. ನಾಳೆ ಹೇಗೂ ಭಾನುವಾರ ಬೆಂಗಳೂರು ನೋಡಿಕೊಂಡೆ ಊರಿಗೆ ಹೋಗಿ.
(2 / 9)
ಲಾಲ್ಬಾಗ್ ಬಟಾನಿಕಲ್ ಗಾರ್ಡನ್: ಕಬ್ಬನ್ಪಾರ್ಕ್ನಷ್ಟೇ ಬೆಂಗಳೂರಿನಲ್ಲಿರುವ ಇನ್ನೊಂದು ಪ್ರಸಿದ್ಧ ಸ್ಥಳ ಲಾಲ್ಬಾಗ್. ಇದು ಕೂಡ ಚಿನ್ನಸ್ವಾಮಿ ಸ್ಟೇಡಿಯಂನಿಂದ 4 ಕಿಲೋಮೀಟರ್ ದೂರದಲ್ಲಿದೆ. ಅಪರೂಪದ ಸಸ್ಯ ಸಂಕುಲಗಳನ್ನು ನೀವು ಇಲ್ಲಿ ಕಣ್ತುಂಬಿಕೊಳ್ಳಬಹುದು. ಇದು ಸಂಜೆ 7ರವರೆಗೆ ತೆರೆದಿರುತ್ತದೆ.
(3 / 9)
ಬೆಂಗಳೂರು ಪ್ಯಾಲೆಸ್: ಬೆಂಗಳೂರಿನ ಕೇಂದ್ರಬಿಂದುವಾದ ಬೆಂಗಳೂರು ಪ್ಯಾಲೇಸ್ ಕೂಡ ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಹತ್ತಿರದಲ್ಲೇ ಇದೆ. ಇದೊಂದು ಸುಂದರ ಐತಿಹಾಸಿಕ ತಾಣ. ರಾಜಮನೆತನದ ವೈಭವವನ್ನು ಕಣ್ತುಂಬಿಕೊಳ್ಳಲು ಇಲ್ಲಿಗೆ ಭೇಟಿ ನೀಡಬೇಕು. ಇಲ್ಲಿಗೆ ಪ್ರವೇಶ ಶುಲ್ಕವಿದ್ದು ಸಂಜೆ 5.30ರವರೆಗೆ ತೆರೆದಿರುತ್ತದೆ.
(4 / 9)
ಹಲಸೂರು ಕೆರೆ: ಬೆಂಗಳೂರಿನ ಪ್ರಸಿದ್ಧ ಸ್ಥಳಗಳಲ್ಲಿ ಹಲಸೂರು ಕೆರೆ ಕೂಡ ಒಂದು. ಈ ಪ್ರಶಾಂತ ಸರೋವರ ನಗರದ ಹೃದಯ ಭಾಗದಲ್ಲಿದೆ. ಇದು ಪ್ರವಾಸಿಗರನ್ನು ಕೈಬೀಸಿ ಕರೆಯುವ ತಾಣವಾಗಿದೆ. ಇಲ್ಲಿ ಸೂರ್ಯಾಸ್ತದ ಸೊಬಗನ್ನು ಕಣ್ತುಂಬಿಕೊಳ್ಳುವುದೇ ಅಂದ. ಇಲ್ಲಿಗೆ ಉಚಿತ ಪ್ರವೇಶವಿದೆ.
(5 / 9)
ಜವಹರಲಾಲ್ ನೆಹರೂ ಪ್ಲಾನಿಟೋರಿಯಂ: ಬ್ರಹ್ಮಾಂಡದ ರಹಸ್ಯವನ್ನು ನೀವು ತಿಳಿದುಕೊಳ್ಳಲು ಬಯಸಿದರೆ ಜವಹರಲಾಲ್ ನೆಹರೂ ಪ್ಲಾನಿಟೋರಿಯಂಗೆ ತಪ್ಪದೇ ಭೇಟಿ ನೀಡಬೇಕು. ಇದು ಚಿನ್ನಸ್ವಾಮಿ ಸ್ಟೇಡಿಯಂಗೆ ಸಮೀಪದಲ್ಲೇ ಇರುವ ಪ್ರಸಿದ್ಧ ಪ್ರವಾಸಿ ತಾಣವಾಗಿದೆ.
(6 / 9)
ಕರ್ಮಷಿಯಲ್ ಸ್ಟ್ರೀಟ್: ನೀವು ಶಾಪಿಂಗ್ ಪ್ರಿಯರಾಗಿದ್ದರೆ ಕರ್ಮಷಿಯಲ್ ಸ್ಟ್ರೀಟ್ಗೆ ಭೇಟಿ ನೀಡಲೇಬೇಕು. ಇದು ಬೆಂಗಳೂರಿನ ಫೇಮಸ್ ಶಾಪಿಂಗ್ ಸ್ಟ್ರೀಟ್. ಇಲ್ಲಿ ನಿಮಗೆ 100 ರೂಪಾಯಿ 1 ಲಕ್ಷದವರೆಗೂ ಶಾಪಿಂಗ್ ಮಾಡಬಹುದು. ಇದು ಚಿನ್ನಸ್ವಾಮಿ ಸ್ಟೇಡಿಯಂಗೆ ಸಮೀಪದಲ್ಲೇ ಇರುವ ಇನ್ನೊಂದು ಪ್ರಸಿದ್ಧ ತಾಣವಾಗಿದೆ.
(7 / 9)
ವಿಧಾನಸೌಧ: ಬೆಂಗಳೂರಿಗೆ ಬಂದೋರು ವಿಧಾನಸೌಧ ನೋಡಿಲ್ಲ ಅಂದ್ರೆ ಹೇಗೆ ಹೇಳಿ. ಚಿನ್ನಸ್ವಾಮಿ ಕ್ರೀಡಾಂಗಣದಿಂದ 3 ಕಿಲೋಮೀಟರ್ ದೂರದಲ್ಲಿದೆ ವಿಧಾನಸೌಧ.
(8 / 9)
ಕಬ್ಬನ್ಪಾರ್ಕ್: ಚಿನ್ನಸ್ವಾಮಿ ಸ್ಟೇಡಿಯಂಗೆ ಹತ್ತಿರದಲ್ಲೇ ಇರುವ ಬೆಂಗಳೂರಿನ ಪ್ರಸಿದ್ಧ ಪ್ರೇಕ್ಷಣಿಯ ಸ್ಥಳ ಕಬ್ಬನ್ಪಾರ್ಕ್. ಇದು ಸ್ಟೇಡಿಯಂನಿಂದ 2ಕಿಲೋಮೀಟರ್ ದೂರದಲ್ಲಿದೆ. ಬೆಂಗಳೂರಿನ ಹೃದಯಭಾಗದಲ್ಲೇ ಇರುವ ಕಬ್ಬನ್ಪಾರ್ಕ್ ಒಂದು ದಿನದ ಪಿಕ್ನಿಕ್ಗೆ ಹೇಳಿ ಮಾಡಿಸಿದ ಜಾಗ.
ಇತರ ಗ್ಯಾಲರಿಗಳು