ಇಡ್ಲಿ ಸಾಂಬಾರ್, ಉಪ್ಮಾ, ಆಲೂ ಪರಾಠ: ಭಾರತದ ವಿವಿಧ ರಾಜ್ಯಗಳ 7 ಜನಪ್ರಿಯ ಉಪಾಹಾರಗಳಿವು; ಬಾಯಲ್ಲಿ ನೀರೂರುವುದು ಪಕ್ಕಾ
- ಆಹಾರದಲ್ಲಿ ವೈವಿಧ್ಯತೆ ಹೊಂದಿರುವ ದೇಶ ಭಾರತ. ಹೊತ್ತು ಹೊತ್ತಿಗೂ ತರಹೇವಾರಿ ಖಾದ್ಯಗಳನ್ನು ಭಾರತೀಯರು ಸೇವಿಸುತ್ತಾರೆ. ಊಟಕ್ಕೆ ಒಂದಷ್ಟು ಬಗೆಯ ಖಾದ್ಯಗಳು ಸಿದ್ಧವಾದರೆ, ಬೆಳಗ್ಗಿನ ಉಪಾಹಾರಕ್ಕೆ ಸಾವಿರಾರು ಬಗೆಯ ತಿಂಡಿ ಭಾರತದಲ್ಲಿದೆ. ಭಾರತದ ವಿವಿಧ ರಾಜ್ಯಗಳ ಪ್ರಮುಖ ಉಪಾಹಾರಗಳು ಯಾವುದೆಂದು ನೋಡೋಣ.
- ಆಹಾರದಲ್ಲಿ ವೈವಿಧ್ಯತೆ ಹೊಂದಿರುವ ದೇಶ ಭಾರತ. ಹೊತ್ತು ಹೊತ್ತಿಗೂ ತರಹೇವಾರಿ ಖಾದ್ಯಗಳನ್ನು ಭಾರತೀಯರು ಸೇವಿಸುತ್ತಾರೆ. ಊಟಕ್ಕೆ ಒಂದಷ್ಟು ಬಗೆಯ ಖಾದ್ಯಗಳು ಸಿದ್ಧವಾದರೆ, ಬೆಳಗ್ಗಿನ ಉಪಾಹಾರಕ್ಕೆ ಸಾವಿರಾರು ಬಗೆಯ ತಿಂಡಿ ಭಾರತದಲ್ಲಿದೆ. ಭಾರತದ ವಿವಿಧ ರಾಜ್ಯಗಳ ಪ್ರಮುಖ ಉಪಾಹಾರಗಳು ಯಾವುದೆಂದು ನೋಡೋಣ.
(1 / 8)
ಭಾರತವು ಆಹಾರ ವೈವಿಧ್ಯಕ್ಕೆ ಹೆಸರುವಾಸಿ. ಒಂದು ರಾಜ್ಯದಿಂದ ಮತ್ತೊಂದು ರಾಜ್ಯಕ್ಕೆ ಭಾರತದಲ್ಲಿ ಭಿನ್ನ ಆಹಾರ ಪದ್ಧತಿಗಳನ್ನು ಅನುಸರಿಸಲಾಗುತ್ತದೆ. ದೇಶದ ಯಾವ ರಾಜ್ಯದಲ್ಲಿ ಯಾವ ಆಹಾರ ಕ್ರಮ ಅನುಸರಿಸಲಾಗುತ್ತಿದೆ ಹಾಗೂ ವಿವಿಧ ರಾಜ್ಯಗಳ ವಿಶೇಷ ಉಪಾಹಾರ ಯಾವುದು ಎಂಬುದನ್ನು ತಿಳಿಯೋಣ.(Pinterest)
(2 / 8)
ಪೋಹಾ ಅಥವಾ ಅವಲಕ್ಕಿ (ಮಹಾರಾಷ್ಟ್ರ): ಮಹಾರಾಷ್ಟ್ರದ ಜನಪ್ರಿಯ ಉಪಾಹಾರ ಖಾದ್ಯವೇ ಅವಲಕ್ಕಿ ಉಪ್ಪಿಟ್ಟು. ದಪ್ಪ ಅವಲಕ್ಕಿಗೆ ಈರುಳ್ಳಿ, ಸಾಸಿವೆ, ಅರಿಶಿನ ಮತ್ತು ಕರಿಬೇವಿನ ಎಲೆಯ ಒಗ್ಗರಣೆ ಹಾಕಿ ತಯಾರಿಸಲಾಗುತ್ತದೆ. ಇದಕ್ಕೆ ಕಡಲೆಕಾಯಿ, ಹಸಿ ಮೆಣಸು ಸೇರಿಸಬಹುದು. ಹಸಿರು ಚಟ್ನಿಯೊಂದಿಗೆ ಅವಲಕ್ಕಿಯ ಈ ಉಪಾಹಾರ ಹೆಚ್ಚು ರುಚಿ.
(3 / 8)
ಆಲೂ ಪರಾಠಾ (ಪಂಜಾಬ್): ಪಂಜಾಬ್ ಮೂಲದ ಆಲೂ ಪರಾಟಾ ಬೇಗನೆ ಹೊಟ್ಟೆ ತುಂಬಿಸುವ ಉಪಾಹಾರದ ಆಯ್ಕೆಯಾಗಿದೆ. ಪಾರಾಠಕ್ಕೆ ಮಸಾಲೆಯುಕ್ತ ಆಲೂಗಡ್ಡೆಯನ್ನು ಸ್ಟಫ್‌ ಮಾಡಿ ತಯಾರಿಸಲಾಗುತ್ತದೆ. ತುಪ್ಪದೊಂದಿಗೆ ಕಾಯಿಸಿ ಮೊಸರು, ಉಪ್ಪಿನಕಾಯಿ ಅಥವಾ ಬೆಣ್ಣೆಯೊಂದಿಗೆ ಬಡಿಸಲಾಗುತ್ತದೆ.(Pinterest)
(4 / 8)
ಚೋಲೆ ಭತೂರೆ (ಪಂಜಾಬ್): ಪಂಜಾಬಿನ ಜನಪ್ರಿಯ ಉಪಾಹಾರ ಚೋಲೆ ಭತೂರೆ. ಮಸಾಲೆಯುಕ್ತ ಕಡಲೆ ಪಲ್ಯವನ್ನು (ಚೋಲೆ) ಡೀಪ್ ಫ್ರೈ ಮಾಡಿದ ಬ್ರೆಡ್ (ಭತೂರೆ) ಜೊತೆಗೆ ಬಡಿಸಲಾಗುತ್ತದೆ. ಈ ರುಚಿಕರವಾದ ಖಾದ್ಯವು ಪಂಜಾಬಿಗರ ಟ್ರೇಡ್‌ ಮಾರ್ಕ್‌ನಂತಿದೆ.(HT Photo/Abhinav Saha)
(5 / 8)
ಇಡ್ಲಿ-ಸಾಂಬಾರ್ (ತಮಿಳುನಾಡು): ದಕ್ಷಿಣ ಭಾರತದಲ್ಲಿ ತುಂಬಾ ಜನಪ್ರಿಯವಾಗಿರು ಇಡ್ಲಿ ಸಾಂಬಾರ್ ತಮಿಳುನಾಡಿನ ಪ್ರಮುಖ ಉಪಾಹಾರ. ತರಕಾರಿ ಸಾಂಬಾರ್ ಅಥವಾ ತೆಂಗಿನಕಾಯಿ ಚಟ್ನಿಯೊಂದಿಗೆ ಇಡ್ಲಿ ಸವಿಯುವುದೇ ಸ್ವರ್ಗ.(Unsplash)
(6 / 8)
ಮಿಸಾಲ್ ಪಾವ್ (ಮಹಾರಾಷ್ಟ್ರ): ಮಹಾರಾಷ್ಟ್ರದ ಮಸಾಲೆಯುಕ್ತ ಮತ್ತು ರುಚಿಕರವಾದ ಉಪಾಹಾರ ಮಿಸಾಲ್ ಪಾವ್. ಮಸಾಲೆ ತುಂಬಿರುವ ಗ್ರೇವಿಯಲ್ಲಿ ಮೊಳಕೆಯೊಡೆದ ಕಾಳುಗಳನ್ನು ಬೇಯಿಸಿ ತಯಾರಿಸಲಾಗುತ್ತದೆ. ಇದಕ್ಕೆ ಈರುಳ್ಳಿ, ಟೊಮೆಟೊ ಮತ್ತು ಕೊತ್ತಂಬರಿ ಕೂಡಾ ಸೇರಿಸಲಾಗುತ್ತದೆ. ಇದನ್ನು ಸಾಮಾನ್ಯವಾಗಿ ಪಾವ್ (ಬ್ರೆಡ್ ರೋಲ್) ನೊಂದಿಗೆ ಬಡಿಸಲಾಗುತ್ತದೆ.(Unspalsh.)
(7 / 8)
ಉಪ್ಮಾ (ದಕ್ಷಿಣ ಭಾರತ): ದಕ್ಷಿಣ ಭಾರತದಾದ್ಯಂತ ಉಪ್ಮಾ ಹೆಸರುವಾಸಿ. ರವೆಯಿಂದ ಸುಲಭವಾಗಿ ತಯಾರಿಸಬಹುದಾದ ಖಾರದ ಗಂಜಿಯಾಗೆ, ಒಗ್ಗರಣೆ ಹಾಕಿ ಬಡಿಸಲಾಗುತ್ತದೆ. ಇದಕ್ಕೆ ಕ್ಯಾರೆಟ್‌ನಂಥ ತರಕಾರಿಗಳನ್ನು ಕೂಡಾ ಸೇರಿಸಬಹುದು.
(8 / 8)
ಧೋಕ್ಲಾ (ಗುಜರಾತ್): ಗುಜರಾತ್‌ನ ಲಘು ಉಪಾಹಾರವಾದ ಧೋಕ್ಲಾ, ಹುದುಗಿಸಿದ ಅಕ್ಕಿ ಮತ್ತು ಕಡಲೆ ಹಿಟ್ಟಿನಿಂದ ತಯಾರಿಸಲಾಗುತ್ತದೆ. ಹಿಟ್ಟನ್ನು ಹಬೆಯಲ್ಲಿ ಬೇಯಿಸಲಾಗುತ್ತದೆ. ಈ ಖಾರ ತಿನಿಸಿಗೆ ಮೇಲಿನಿಂದ ಸಾಸಿವೆ ಮತ್ತು ಕರಿಬೇವಿನ ಒಗ್ಗರಣೆ ಹಾಕಲಾಗುತ್ತದೆ.(Pinterest)
ಇತರ ಗ್ಯಾಲರಿಗಳು