Bigg Boss Kannada 11: ಉಗ್ರಂ ಮಂಜು ತಲೆಗೆ ಬಾಟಲಿ ಹೊಡೆದು ನಾಮಿನೇಟ್‌ ಮಾಡಿದ ಮೋಕ್ಷಿತಾ; ಕಾರಣ ಏನು ನೋಡಿ

ಪ್ರತಿವಾರವೂ ಬಿಗ್ ಬಾಸ್‌ ಮನೆಯಲ್ಲಿ ನಾಮಿನೇಷನ್ ಪ್ರಕ್ರಿಯೆ ನಡೆಯುತ್ತದೆ. ಇದು ಬಿಗ್‌ ಬಾಸ್‌ ಆಟದ ಮುಖ್ಯ ಭಾಗ.

ಆದರೆ ಈ ಬಾರಿಯ ನಾಮಿನೇಷನ್ ಪ್ರಕ್ರಿಯೆ ಭಿನ್ನವಾಗಿತ್ತು. ಕ್ರಿಯಾಶೀಲವಾಗಿ ತಯಾರಿಸಲ್ಪಟ್ಟ ಗಾಜಿನಂತಹ ಬಾಟಲಿಯನ್ನು ತಲೆಯ ಮೇಲೆ ಹೊಡೆದು ನಾಮಿನೇಟ್ ಮಾಡಬೇಕಿತ್ತು. 

ಎಲ್ಲ ಸ್ಪರ್ಧಿಗಳು ತಾವು ಆಯ್ಕೆ ಮಾಡುವ ಸ್ಪರ್ಧಿಯನ್ನು ಕರೆದು ಚೇರ್‌ ಮೇಲೆ ಕೂರಿಸಿ. ತಲೆಯ ಮೇಲೆ ಗಾಜಿನಂತಹ ಬಾಟಲಿ ಒಡೆದು ನಾಮಿನೇಟ್ ಮಾಡಿದ್ದಾರೆ.

ಮೋಕ್ಷಿತಾ ಈ ಬಾರಿ ಉಗ್ರಂ ಮಂಜು ಅವರನ್ನು ಕೂರಿಸಿ ಅವರ ತಲೆಯ ಮೇಲೆ ಬಾಟಲಿ ಹೊಡೆದು ನಾಮಿನೇಟ್ ಮಾಡಿದ್ದಾರೆ.

ನೀವು ಈ ಮನೆಯಲ್ಲಿ ಅಷ್ಟಾಗಿ ಕಾಣಿಸಿಕೊಂಡಿಲ್ಲ ಎಂದು ಕಾರಣ ನೀಡಿದ್ದಾರೆ. ಈ ಕಾರಣ ಉಗ್ರಂ ಮಂಜು ಅವರಿಗೆ ಕೋಪ ತಂದಿದೆ. 

ನಾನು ನಿಮ್ಮತ್ರ ಟ್ಯೂಷನ್‌ಗೆ ಬರ್ತೀನಿ. ಹೇಗೆ ಕಾಣಿಸಿಕೊಳ್ಳೋದು ಎಂದು ಕಲಿಯುತ್ತೀನಿ ಎಂದಿದ್ದಾರೆ. ನಿಮಗೇನಾದರೂ ತಂದು ಕೊಡಬೇಕಾ? ಎಂದು ಪ್ರಶ್ನೆ ಮಾಡಿದ್ದಾರೆ. 

“ನನಗನಿಸಿದ್ದನ್ನು ನಾನು ಹೇಳಿದಿನಿ, ನೀವ್ಯಾರು ನನಗೆ ಜೋರಾಗಿ ವಾಯ್ಸ್‌ ರೈಸ್‌ ಮಾಡಿ ಮಾತನಾಡೋದಕ್ಕೆ” ಎಂದು ಮೋಕ್ಷಿತಾ ಮರು ಪ್ರಶ್ನೆ ಮಾಡಿದ್ದಾರೆ.

ಈ ರೀತಿಯಾಗಿ ಮನೆಯಲ್ಲಿ ಗಲಾಟೆ ನಡೆದಿದೆ. ಮೊದಲಿನಿಂದಲೂ ಉಗ್ರಂ ಮಂಜು ಮತ್ತು ಮೋಕ್ಷಿತಾ ನಡುವೆ ಭಿನ್ನಾಭಿಪ್ರಾಯಗಳಿದ್ದವು.