Kangana Ranaut: ನನ್ನ ಶಕ್ತಿಯೇ ನೀನು ದೇವಿ.. ಅರ್ಥಪೂರ್ಣವಾಗಿ ಬರ್ತ್‌ಡೇ ಆಚರಿಸಿಕೊಂಡ ಕಾಂಟ್ರವರ್ಸಿ ಕ್ವೀನ್‌ ಕಂಗನಾ ರಣಾವತ್

ಬಾಲಿವುಡ್ ನಟಿ ಕಂಗನಾ ರನೌತ್ ಇಂದು ತಮ್ಮ 37ನೇ ಹುಟ್ಟುಹಬ್ಬವನ್ನು ವಿಶೇಷವಾಗಿ ಆಚರಿಸಿಕೊಂಡಿದ್ದಾರೆ. ದೇವಾಲಯಗಳಿಗೆ ಭೇಟಿ ನೀಡಿ ಬರ್ತ್‌ಡೇ ದಿನವನ್ನು ಅರ್ಥಪೂರ್ಣವಾಗಿಸಿದ್ದಾರೆ.

ಕಂಗನಾ ರನೌತ್ ಬಾಗ್ಲಾಮುಖಿ ಮತ್ತು ಜ್ವಾಲಾ ದೇವಿ ದೇವಾಲಯಗಳಿಗೆ ಭೇಟಿ ನೀಡಿ ತಮ್ಮ ಫೋಟೋಗಳನ್ನು ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ

ನನ್ನ ಹುಟ್ಟುಹಬ್ಬದ ನಿಮಿತ್ತ ಈ ವರ್ಷವೂ ತಾಯಿ ಶಕ್ತಿಯ ದರ್ಶನ ಪಡೆದೆ. ಹಿಮಾಚಲ ಪ್ರದೇಶದ ವಿಶ್ವಪ್ರಸಿದ್ಧ ಬಾಗ್ಲಾಮುಖಿ ದೇವಸ್ಥಾನಕ್ಕೆ ಭೇಟಿ ನೀಡಿದ ನಂತರ, ನನ್ನ ಕುಟುಂಬದೊಂದಿಗೆ ಜ್ವಾಲಾ ದೇವಿ ಶಕ್ತಿ ಪೀಠಕ್ಕೂ ಹೋಗಿದ್ದೆ" ಎಂದು  ಕಂಗನಾ ಇನ್ಸ್ಟಾಗ್ರಾಮ್ ಪೋಸ್ಟ್‌ ಮಾಡಿದ್ದಾರೆ.

ಎಲ್ಲರೂ ಸಂತೋಷದಿಂದ ಮತ್ತು ಆರೋಗ್ಯದಿಂದ ಇರಲಿ ಎಂದು ದೇವರಲ್ಲಿ ಪ್ರಾರ್ಥಿಸಿದೆ ಎಂದೂ ಹೇಳಿಕೊಂಡಿದ್ದಾರೆ.

ಕಂಗನಾ ರನೌತ್ ಬಾಲ್ಯದಲ್ಲಿ ಜ್ವಾಲಾ ದೇವಿ ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು. ಅದಾದ ಬಳಿಕ ಮತ್ಯಾವತ್ತೂ ಹೋಗಿರಲಿಲ್ಲ. ಈ ಸಲ ಬರ್ತ್‌ಡೇ ನಿಮಿತ್ತ ಭೇಟಿ ನೀಡಿ ದರ್ಶನ ಪಡೆದಿದ್ದಾರೆ. 

ಸಾಂಪ್ರದಾಯಿಕ ಹಸಿರು ಮತ್ತು ಕೆಂಪು ಮಿಶ್ರಿತ ಉಡುಪನ್ನು ಧರಿಸಿದ್ದ ಕಂಗನಾ, ಹಣೆಗೆ ಹಳದಿ ವರ್ಣದ ಗಂಧವನ್ನೂ ಹಚ್ಚಿಕೊಂಡಿದ್ದರು. 

ಕಂಗನಾ ಮಾತ್ರವಲ್ಲದೆ, ಅವರ ಕುಟುಂಬದ ಕೆಲವರೂ ದೇವಸ್ಥಾನಕ್ಕೆ ಆಗಮಿಸಿದ್ದರು. 

ಆಪ್ತರ ಮಗುವನ್ನು ಎತ್ತಿಕೊಂಡು ದೇವಸ್ಥಾನವನ್ನು ಪ್ರದಕ್ಷಿಣಿ ಹಾಕಿದರು ಕಂಗನಾ. 

ಜ್ವಾಲಾ ದೇವಿಯ ಗರ್ಭ ಗುಡಿಯಲ್ಲಿ ಉರಿಯುತ್ತಿರುವ ಜ್ವಾಲೆಯ ಫೋಟೋವನ್ನೂ ಕಂಗನಾ ಶೇರ್‌ ಮಾಡಿದ್ದಾರೆ.

ದೇವಸ್ಥಾನದಲ್ಲಿ ವಿಶೇಷ ಪೂಜೆ ನೆರವೇರಿಸಿದ ಕಂಗನಾ ರಣಾವತ್.‌