Brahmagantu Serial: ಮನೆ ಕೆಲಸದವರಿಗೆ ಊಟ ಬಡಿಸಿದ ಸೌಂದರ್ಯ; ಇದೆಲ್ಲ ನಾಟಕ ಎಂಬ ಸತ್ಯ ದೀಪಾಗೆ ಮಾತ್ರ ಗೊತ್ತು

“ನಿಮಗೆ ನನ್ನ ಮೇಲೆ ಪ್ರೀತಿ ಗೌರವ ಇದ್ರೆ, ಏನೂ ಮಾತಾಡ್ದೆ ಇಲ್ಲಿ ಬಂದು ಕುಳಿತುಕೊಳ್ಳಿ” ಎಂದು ಸೌಂದರ್ಯ ಎಲ್ಲ ಕೆಲಸದವರನ್ನು ಡೈನಿಂಗ್ ಟೇಬಲ್‌ಗೆ ಕರೆಯುತ್ತಾಳೆ. 

ಆದರೆ ಮೊದಲು ಯಾರೂ ಬರೋದಿಲ್ಲ. ನಂತರ ಮತ್ತೊಮ್ಮೆ ಒತ್ತಾಯ ಮಾಡಿದಾಗ ಎಲ್ಲರೂ ಬಂದು ಊಟ ಮಾಡ್ತಾರೆ. 

ದೀಪಾಳನ್ನು ಉದ್ದೇಶಿಸಿ “ಇಷ್ಟು ವರ್ಷ ಕೆಲಸ ಮಾಡಿದ ಮನೆಯಲ್ಲಿ ಯಾರದೋ ಮಾತು ಕೇಳಿ ಧರಣಿ ಕುಳಿತಿದ್ದೀರಲ್ಲ ಇದು ಸರಿನಾ?” ಎಂದು ಪ್ರಶ್ನೆ ಮಾಡುತ್ತಾಳೆ. 

ಆಗ ಯಾರೂ ಮಾತಾಡೋದಿಲ್ಲ. “ನೀವೆಲ್ಲ ನನ್ನ ಒಂದು ಮುಖ ಮಾತ್ರ ನೋಡಿದ್ದೀರಿ, ಆದ್ರೆ ನನಗೂ ಒಳ್ಳೆ ಮನಸಿದೆ” ಎಂದು ಸೌಂದರ್ಯ ಹೇಳುತ್ತಾಳೆ. 

ಅವಳ ಮಾತನ್ನು ಕೇಳಿ ಮನೆಯವರಿಗೆಲ್ಲ ಆಶ್ಚರ್ಯ ಆಗುತ್ತದೆ. ಇದೇನಿದು ಇವಳು ಹೀಗೆ ಮಾತಾಡ್ತಾ ಇದಾಳಲ್ಲ ಎಂದು ಆಶ್ಚರ್ಯದಿಂದ ನೋಡುತ್ತಾರೆ. 

ಹಿಂದೆಂದೂ ಈ ರೀತಿ ಎಲ್ಲರೊಟ್ಟಿಗೆ ಚೆನ್ನಾಗಿ ನಡೆದುಕೊಳ್ಳದ ಇವಳು ಇಂದೇಕೆ ಈ ರೀತಿ ಮಾಡ್ತಿದ್ದಾಳೆ ಎಂಬುದು ಎಲ್ಲರಿಗೂ ಮೂಡಿದ ಪ್ರಶ್ನೆಯಾಗಿತ್ತು. 

ಇನ್ನು ಚಿಕ್ಕತ್ತೆ ನೀವೆಲ್ಲ ಬೇಗ ಬೇಗ ಊಟ ಮಾಡಿ, ನಾವೂ ಊಟ ಮಾಡ್ಬೇಕು ಹಸಿವಾಗಿದೆ ಎಂದು ಗಡಿಬಿಡಿ ಮಾಡುತ್ತಾರೆ. ಆದರೆ ಸೌಂದರ್ಯ ಅವಳ ಬಾಯಿ ಮುಚ್ಚಿಸುತ್ತಾಳೆ. 

ದೀಪಾ ಗಂಡನಂತೂ ಸೌಂದರ್ಯ ಅತ್ತಿಗೆ ಪರವಾಗೇ ಮಾತನಾಡಿದ್ದಾನೆ. ನಂತರ ಕೆಲಸದವರು ತಮ್ಮ ಧರಣಿಯನ್ನು ನಿಲ್ಲಿಸಿ ಕೆಲಸಕ್ಕೆ ಮರಳುತ್ತಾರೆ.