ಕೆಂಪು ಉಡುಗೆಯಲ್ಲಿ ಮಿಂಚಿದ ಪ್ರಣಿತಾ ಸುಭಾಷ್‌; ಕಾನ್‌ ಚಿತ್ರೋತ್ಸವದಲ್ಲಿ ಕನ್ನಡ ನಟಿಯ ಸೌಂದರ್ಯ ಲಹರಿ
ಕನ್ನಡದ ಹಲವು ಸಿನಿಮಾಗಳಲ್ಲಿ ನಟಿಸಿರುವ ಬಹುಭಾಷಾ ನಟಿ ಪ್ರಣಿತಾ ಸುಭಾಷ್‌ ಅವರು ಇತ್ತೀಚೆಗೆ ಕಾನ್‌ ಚಿತ್ರೋತ್ಸವದಲ್ಲಿ ಭಾಗವಹಿಸಿದ್ದಾರೆ. ಅಲ್ಲಿ ಇವರು ತೊಟ್ಟ ಕೆಂಪು ಬಣ್ಣದ ಉಡುಗೆ ನೋಡುಗರ ಗಮನ ಸೆಳೆದಿದೆ.
(1 / 10)
ನಟಿ ಪ್ರಣಿತಾ ಸುಭಾಷ್‌ ಅವರು 78ನೇ ಕಾನ್‌ ಫಿಲ್ಮ್‌ ಫೆಸ್ಟಿವಲ್‌ನ ರೆಡ್‌ ಕಾರ್ಪೆಟ್‌ನಲ್ಲಿ ಹೆಜ್ಜೆ ಹಾಕಿದ್ದಾರೆ. ಈ ಸುಂದರ ಕ್ಷಣದ ಫೋಟೋಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
(2 / 10)
ಕೆಂಪು ಉಡುಗೆ ಮಾತ್ರವಲ್ಲದೆ, ಬೇಬಿ ಪಿಂಕ್‌ ಉಡುಗೆ ಮತ್ತು ಸೀರೆಯಲ್ಲೂ ಅಲ್ಲಿ ಮಿಂಚಿದ್ದಾರೆ. ಈ ಸಂದರ್ಭದಲ್ಲಿ ನಟಿ ಮಾಧ್ಯಮಗಳೊಂದಿಗೆ ಮಾತನಾಡಿ ತನ್ನ ಖುಷಿಯನ್ನು ವ್ಯಕ್ತಪಡಿಸಿದ್ದಾರೆ.
(3 / 10)
ನನಗೆ ಕಾನ್‌ ಚಿತ್ರೋತ್ಸವದ ರೆಡ್‌ ಕಾರ್ಪೆಟ್‌ನಲ್ಲಿ ಕಾಣಿಸಿಕೊಳ್ಳಬೇಕು ಎಂದು ಸಣ್ಣ ವಯಸ್ಸಿನಿಂದಲೂ ಆಸೆ ಇತ್ತು. ಬಾಲ್ಯದ ಆ ಕನಸು ನನಗೆ ಈಗ ಈಡೇರಿದೆ. ಭಾರತೀಯ ಸಿನಿಮಾಗಳು ಈ ಹಂತಕ್ಕೆ ಬಂದಿರುವುದರಿಂದ ನಮಗೆ ಅವಕಾಶ ದೊರಕಿದೆ ಎಂದು ನಟಿ ಪ್ರಣಿತಾ ಹೇಳಿದ್ದಾರೆ.
(4 / 10)
78ನೇ ಕಾನ್‌ ಫಿಲ್ಮ್‌ ಫೆಸ್ಟಿವಲ್‌ ಮೇ 13ರಿಂದ ಮೇ 24ರವರೆಗೆ ನಡೆಯುತ್ತದೆ. ಇಂದು ಕಾನ್‌ ಫೆಸ್ಟಿವಲ್‌ ಕೊನೆಯ ದಿನವಾಗಿದೆ. ಈ ಹಬ್ಬದಲ್ಲಿ ಭಾಗವಹಿಸಲು ಕೆಲವು ನಟಿಯರಿಗೆ ಮಾತ್ರ ಅವಕಾಶ ದೊರಕುತ್ತದೆ. ಪ್ರಣಿತಾ ಸುಭಾಷ್‌ಗೂ ಈ ಅವಕಾಶ ದೊರಕಿದೆ.
(5 / 10)
ಐಶ್ವರ್ಯಾ ರೈ, ಜಾನ್ವಿ ಕಪೂರ್‌, ಅದಿತಿ ರಾವ್‌ ಹೈದರಿ, ದಿಶಾ ಮದನ್‌ ಸೇರಿದಂತೆ ಹಲವು ನಟಿಯರು ಈ ಬಾರಿಯ ಕಾನ್‌ ಫೆಸ್ಟಿವಲ್‌ನಲ್ಲಿ ಹೆಜ್ಜೆ ಹಾಕಿದ್ದಾರೆ.
(6 / 10)
ನಟಿ ಪ್ರಣಿತಾ ಸುಭಾಷ್‌ ಅವರು ಕನ್ನಡ, ತೆಲುಗು, ತಮಿಳು, ಹಿಂದಿ, ಮಲಯಾಳಂ ಚಿತ್ರರಂಗದಲ್ಲಿ ಖ್ಯಾತಿ ಪಡೆದಿದ್ದಾರೆ.
(7 / 10)
ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಜತೆ ಪೋರ್ಕಿ ಚಿತ್ರದ ಮೂಲಕ ನಟಿಸಿ ಇವರು ಸಿನಿ ಪ್ರಯಾಣ ಆರಂಭಿಸಿದ್ದರು.
(8 / 10)
ಇವರು ನಟನೆಯೊಂದಿಗೆ ಮಾಡೆಲಿಂಗ್‌ನಲ್ಲಿಯೂ ಸಕ್ರೀಯರಾಗಿದ್ದಾರೆ. ಜಾಯಿ ಆಲುಕಾಸ್‌ ಸೇರಿದಂತೆ ಹಲವು ಬ್ರ್ಯಾಂಡ್‌ಗಳ ಜತೆ ಸಹಯೋಗ ಹೊಂದಿದ್ದಾರೆ.
(9 / 10)
ಇವರು ಉದ್ಯಮಿಯೂ ಹೌದು. ಬೆಂಗಳೂರಿನಲ್ಲಿ ಒಂದು ರೆಸ್ಟೂರೆಂಟ್‌ ಕೂಡ ಹೊಂದಿದ್ದಾರೆ. ಜರಾಸಂಧ, ಬ್ರಹ್ಮ, ಅಂಗಾರಕ ಮುಂತಾದ ಕನ್ನಡ ಸಿನಿಮಾಗಳಲ್ಲಿ ಪ್ರಣಿತಾ ಸುಭಾಷ್‌ ನಟಿಸಿದ್ದಾರೆ.
(10 / 10)
ವಿಷನ್‌ ಚಿತ್ರದಲ್ಲಿ ಅದ್ಭುತವಾಗಿ ನಟಿಸಿದ್ದರು. ಸೈಮಾ ಅವಾರ್ಡ್‌ಗೆ ಇದು ನಾಮಿನೇಟ್‌ ಆಗಿತ್ತು. ಇವರು ಉದ್ಯಮಿ ನಿತಿನ್‌ ರಾಜ್‌ ಅವರನ್ನು 2021ರಲ್ಲಿ ಮದುವೆಯಾಗಿದ್ದರು.
ಪ್ರವೀಣ್ ಚಂದ್ರ ಪುತ್ತೂರು: 'ಹಿಂದೂಸ್ತಾನ್‌ ಟೈಮ್ಸ್‌ ಕನ್ನಡ'ದಲ್ಲಿ ಸಹಾಯಕ ಸುದ್ದಿ ಸಂಪಾದಕ. ಒನ್‌ ಇಂಡಿಯಾ, ವಿಜಯ ಕರ್ನಾಟಕದಲ್ಲಿ ಒಟ್ಟು 16 ವರ್ಷಗಳ ಅನುಭವ. ಆನ್‌ಲೈನ್‌ ಪತ್ರಿಕೋದ್ಯಮದಲ್ಲಿ ಎತ್ತರದ ಸಾಧನೆ ಮಾಡುವ ಕನಸು. ಡಿಜಿಟಲ್‌ ಜಗತ್ತಿನಲ್ಲಿ ಹೊಸತನ್ನು ಕಲಿಯುವ ಆಸಕ್ತಿ. ಮನರಂಜನೆ, ಶಿಕ್ಷಣ, ಉದ್ಯೋಗ, ತಂತ್ರಜ್ಞಾನ, ವಾಣಿಜ್ಯ, ಕರ್ನಾಟಕ, ದೇಶ- ವಿದೇಶ, ಸಿನಿಮಾ, ಷೇರುಪೇಟೆ, ಜೀವನಶೈಲಿ... ಹಲವು ವಿಚಾರಗಳ ಬಗ್ಗೆ ತಳಸ್ಪರ್ಶಿಯಾಗಿ ಬರೆಯಬಲ್ಲರು. ಎಸ್‌ಇಒ ತಂತ್ರಗಳನ್ನು ಪತ್ರಿಕೋದ್ಯಮದ ಹದಕ್ಕೆ ಪಳಗಿಸುವ ಸಾಮರ್ಥ್ಯ ರೂಢಿಸಿಕೊಂಡವರು. ಇಮೇಲ್: praveen.chandra@htdigital.in
ಇತರ ಗ್ಯಾಲರಿಗಳು