Chanakya Niti: ಚಾಣಕ್ಯರ ನೀತಿಶಾಸ್ತ್ರದಿಂದ ಪ್ರತಿಯೊಬ್ಬರೂ ಕಲಿಯಲೇಬೇಕಾದ ಜೀವನ ಬದಲಿಸುವ 7 ಪಾಠಗಳಿವು
- ಆಚಾರ್ಯ ಚಾಣಕ್ಯರನ್ನು ಬದುಕು ಬದಲಿಸುವ ಗುರು ಎನ್ನಬಹುದು. ಇವರ ನೀತಿಪಾಠಗಳು ಇಂದಿಗೂ ಜನರ ಬದುಕಿಗೆ ವರವಾಗಿದೆ. ಈಗಲೂ ಹಲವರು ಇವರ ನೀತಿಗಳನ್ನು ಅನುಸರಿಸುವ ಮೂಲಕ ಬದುಕಿನಲ್ಲಿ ಯಶಸ್ಸಿನ ಹಾದಿ ಹಿಡಿಯುತ್ತಿದ್ದಾರೆ. ಚಾಣಕ್ಯರ ನೀತಿಶಾಸ್ತ್ರದಿಂದ ಕಲಿಯಲೇಬೇಕಾದ 7 ಪಾಠಗಳಿವು. ಇವು ನಮ್ಮ ಜೀವನ ಬದಲಿಸುವುದು ಖಂಡಿತ.
- ಆಚಾರ್ಯ ಚಾಣಕ್ಯರನ್ನು ಬದುಕು ಬದಲಿಸುವ ಗುರು ಎನ್ನಬಹುದು. ಇವರ ನೀತಿಪಾಠಗಳು ಇಂದಿಗೂ ಜನರ ಬದುಕಿಗೆ ವರವಾಗಿದೆ. ಈಗಲೂ ಹಲವರು ಇವರ ನೀತಿಗಳನ್ನು ಅನುಸರಿಸುವ ಮೂಲಕ ಬದುಕಿನಲ್ಲಿ ಯಶಸ್ಸಿನ ಹಾದಿ ಹಿಡಿಯುತ್ತಿದ್ದಾರೆ. ಚಾಣಕ್ಯರ ನೀತಿಶಾಸ್ತ್ರದಿಂದ ಕಲಿಯಲೇಬೇಕಾದ 7 ಪಾಠಗಳಿವು. ಇವು ನಮ್ಮ ಜೀವನ ಬದಲಿಸುವುದು ಖಂಡಿತ.
(1 / 7)
ಶಿಕ್ಷಣವೇ ನಿಮ್ಮ ಅತ್ಯುತ್ತಮ ಸ್ನೇಹಿತ: ವಿದ್ಯಾವಂತ ವ್ಯಕ್ತಿಗೆ ಎಲ್ಲಿ ಹೋದರೂ ಬೆಲೆ ಇರುತ್ತದೆ. ಚಾಣಕ್ಯರ ಪ್ರಕಾರ ಶಿಕ್ಷಿತರನ್ನು ಎಲ್ಲಿ ಹೋದರು ಗೌರವಿಸುತ್ತಾರೆ. ಅವರ ಬುದ್ಧಿವಂತಿಕೆಯನ್ನು ಪ್ರಶಂಸಿಸುತ್ತಾರೆ. ಆ ಕಾರಣಕ್ಕೆ ಮನುಷ್ಯನಿಗೆ ಶಿಕ್ಷಣ ಬಹಳ ಮುಖ್ಯ.
(2 / 7)
ಇತರರ ತಪ್ಪುಗಳಿಂದ ಕಲಿಯುವುದು: ವ್ಯಕ್ತಿಗಳು ಇತರರನ್ನು, ಸಮಾಜವನ್ನು, ನಮ್ಮ ಸುತ್ತಲೂ ನಡೆಯುತ್ತಿರುವ ಘಟನೆಗಳನ್ನು ಗಮನಿಸುತ್ತಲೇ ಇರಬೇಕು. ಅವುಗಳಿಂದ ಮಾಹಿತಿಯನ್ನು ಪಡೆಯಬೇಕು. ಇತರರ ತಪ್ಪುಗಳನ್ನು ನೋಡಿ ನಾವು ಪಾಠ ಕಲಿಯಬೇಕು. ತಪ್ಪುಗಳಿಂದ ಕಲಿತ ಪಾಠದ ಪರಿಣಾಮ ಜಾಸ್ತಿ. ಇದು ಮನುಷ್ಯ ಬದುಕನ್ನು ಬೇರಯದೇ ಎತ್ತರಕ್ಕೆ ಕೊಂಡ್ಯೊಯುತ್ತದೆ.(Freepik)
(3 / 7)
ವಿನಮ್ರರಾಗಿರುವುದು: ಜೀವನದಲ್ಲಿ ನಾವು ಕಲಿಯಬೇಕಾದ ಅತ್ಯುತ್ತಮ ಪಾಠ ಎಂದರೆ ವಿನ್ರಮರಾಗಿರುವುದನ್ನು ಕಲಿಯುವುದು. ವಿನಮ್ರತೆಯು ನಮ್ಮನ್ನು ಬಹಳ ಎತ್ತರಕ್ಕೆ ಕೊಂಡ್ಯೊಯುತ್ತದೆ. ಮಾನವೀಯತೆಯು ನಮ್ಮ ಮನಸ್ಸನ್ನು ನಿಗ್ರಹಿಸುತ್ತದೆ. ಇದು ನಮ್ಮಲ್ಲಿ ಆತ್ಮವಿಶ್ವಾ ಹೆಚ್ಚಿಸಲು ನೆರವಾಗುತ್ತದೆ.
(4 / 7)
ನಿಮ್ಮೊಳಗಿನ ರಹಸ್ಯವನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ: ನಿಮ್ಮ ಕುರಿತಾದ ಯಾವುದೇ ರಹಸ್ಯವನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ. ಯಾಕೆಂದರೆ ಯಾರು ಯಾವಾಗ ತಿರುಗಿ ಬೀಳುತ್ತಾರೆ ಎಂಬುದನ್ನು ಊಹಿಸಲೂ ಸಾಧ್ಯವಿಲ್ಲ. ಆ ಕಾರಣಕ್ಕೆ ಚಾಣಕ್ಯರು ನಿಮ್ಮ ಬಲ ಹಾಗೂ ನಿಮ್ಮ ಬಲಹೀನತೆ ಈ ಎರಡರ ಬಗ್ಗೆಯೂ ಯಾರೊಂದಿಗೂ ಚರ್ಚಿಸಬೇಡಿ ಎಂದು ಸಲಹೆ ನೀಡಿದ್ದಾರೆ.(Freepik)
(5 / 7)
ಕಲಿಕೆಯನ್ನು ನಿಲ್ಲಿಸಬೇಡಿ: ಜೀವನದಲ್ಲಿ ಕಲಿಕೆ ಎನ್ನುವುದು ನಿರಂತರವಾಗಿರಬೇಕು. ಕಲಿಕೆಗೆ ಅಂತ್ಯವೆಂಬುದೇ ಇಲ್ಲ. ನಿಮ್ಮ ಕಲಿಕೆಯು ನಿಮ್ಮ ಜೀವನದ ಭಾಗವಾಗಿರಬೇಕು. (Freepik)
(6 / 7)
ಪ್ರಾಯೋಗಿಕ ಅನುಭವಗಳು ಅವಶ್ಯ: ಜ್ಞಾನ ಎನ್ನುವುದು ಕೇವಲ ವಸ್ತುಗಳು ಹಾಗೂ ಪುಸ್ತಕಗಳಿಗೆ ಮಾತ್ರ ಸೀಮಿತವಾಗಿಲ್ಲ. ನಿಜವಾದ ಜ್ಞಾನ ಹಾಗೂ ಬುದ್ಧಿವಂತಿಕೆಯು ಪುಸ್ತಕದಲ್ಲಿ ಅಡಕವಾಗಿಲ್ಲ. ನೀವು ಪ್ರತಿದಿನದ ಕೆಲಸ ಕಾರ್ಯಗಳು, ಸಮಾಜದಿಂದ ಪ್ರಾಯೋಗಿಕ ಪಾಠಗಳನ್ನು ಕಲಿತಾಗಲಷ್ಟೇ ಯಶಸ್ಸು ಗಳಿಸಲು ಸಾಧ್ಯ.
(7 / 7)
ನಿಮ್ಮೊಳಗಿನ ಒಳ್ಳೆಯತನವನ್ನು ಹುಡುಕಿ: ಚಾಣಕ್ಯರು ದೇವರು ವಿಚಾರದಲ್ಲಿ ತಮ್ಮದೇ ಆದ ನಿಲುವು ಹೊಂದಿದ್ದರು, ಅವರ ಪ್ರಕಾರ ದೇವರು ನಮ್ಮೊಳಗೆ ಇದ್ದಾನೆ. ನಮ್ಮೊಳಗಿನ ಒಳ್ಳೆಯತನದಲ್ಲಿ ದೇವರು ಅಡಗಿದ್ದಾನೆ.
ಇತರ ಗ್ಯಾಲರಿಗಳು