Thangalaan 2: ಬರಲಿದೆ ತಂಗಲಾನ್ ಸೀಕ್ವೆಲ್ ಎಂದ ವಿಕ್ರಮ್, ಆಸ್ಕರ್ಗೆ ಕಳುಹಿಸುವುದಾಗಿ ಘೋಷಿಸಿದ ಜ್ಞಾನವೇಲ್
- Thangalaan 2: ಹೈದರಾಬಾದ್ನಲ್ಲಿ ನಡೆದ ತಂಗಲಾನ್ ಚಿತ್ರದ ಸಕ್ಸಸ್ ಮೀಟ್ನಲ್ಲಿ ಚಿಯಾನ್ ವಿಕ್ರಮ್ ಅವರು ಪಾರ್ಟ್-2 ಕೂಡ ಬರಲಿದೆ ಎಂದು ಅಧಿಕೃತವಾಗಿ ಬಹಿರಂಗಪಡಿಸಿದ್ದಾರೆ.
- Thangalaan 2: ಹೈದರಾಬಾದ್ನಲ್ಲಿ ನಡೆದ ತಂಗಲಾನ್ ಚಿತ್ರದ ಸಕ್ಸಸ್ ಮೀಟ್ನಲ್ಲಿ ಚಿಯಾನ್ ವಿಕ್ರಮ್ ಅವರು ಪಾರ್ಟ್-2 ಕೂಡ ಬರಲಿದೆ ಎಂದು ಅಧಿಕೃತವಾಗಿ ಬಹಿರಂಗಪಡಿಸಿದ್ದಾರೆ.
(1 / 5)
ಪ್ರಯೋಗಾತ್ಮಕ ಸಿನಿಮಾಗಳ ಮೂಲಕವೇ ಸ್ಟಾರ್ ಗಿರಿ ಸಂಪಾದಿಸಿರುವ ಚಿಯಾನ್ ವಿಕ್ರಮ್ ಅಭಿನಯದ ಸಾಹಸ ಚಿತ್ರ ತಂಗಲಾನ್ ಆಗಸ್ಟ್ 15ರಂದು ಬಿಡುಗಡೆಯಾಗಿದ್ದು, ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಇದು ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಬಿಡುಗಡೆಯಾಗಿದೆ. ಈ ಚಿತ್ರವನ್ನು ಪಾ ರಂಜಿತ್ ಅವರು ನಿರ್ದೇಶಿಸಿದ್ದಾರೆ.
(2 / 5)
ಆಗಸ್ಟ್ 16ರಂದು ಹೈದರಾಬಾದ್ನಲ್ಲಿ ಈ ಚಿತ್ರ ತಂಡವು ಸಕ್ಸಸ್ ಮೀಟ್ ಆಯೋಜಿಸಿತ್ತು. ಇದೇ ವೇಳೆ ಮಾತನಾಡಿದ ವಿಕ್ರಮ್, ಸೀಕ್ವೆಲ್ ಇರುವುದಾಗಿಯೂ ದೃಢಪಡಿಸಿದ್ದಾರೆ.
(3 / 5)
ಎಲ್ಲರೂ ತಂಗಲಾನ್ ಇಷ್ಟಪಡುತ್ತಿರುವ ಕಾರಣ ಈ ಚಿತ್ರಕ್ಕೆ ಸೀಕ್ವೆಲ್ ಕೂಡ ಬರಲಿದೆ ಎಂದು ವಿಕ್ರಮ್ ಖಚಿತಪಡಿಸಿದ್ದಾರೆ. ಪಾರ್ಟ್-2 ತೆರೆಗೆ ತರಲು ನಾನು, ಪಾ ರಂಜಿತ್ ಮತ್ತು ಜ್ಞಾನವೇಲ್ ಮಾತನಾಡಿದ್ದೇವೆ. ಪಾ ರಂಜಿತ್ ಅವರು ಫ್ರೀ ಆದಾಗ ಪಾರ್ಟ್-2 ಮಾಡುತ್ತೇವೆ. ನಿಮ್ಮೆಲ್ಲರ ಬೆಂಬಲದಿಂದ ಈ ನಿರ್ಧಾರ ತೆಗೆದುಕೊಂಡಿದ್ದೇವೆ ಎಂದು ಹೇಳಿದ್ದಾರೆ.
(4 / 5)
ಸ್ಟುಡಿಯೋಗ್ರೀನ್ ಪ್ರೊಡಕ್ಷನ್ ಹೌಸ್ನ ಸಿಇಒ ಧನುಂಜಯನ್ ಅವರು ತಂಗಲಾನ್ ಒಂದು ಮೇರುಕೃತಿಯಂತೆ ಉಳಿದಿದೆ. ಚಿತ್ರವನ್ನು ಆಸ್ಕರ್ ಪ್ರಶಸ್ತಿಗೆ ಕೊಂಡೊಯ್ಯಬೇಕೆಂದು ಪ್ರೇಕ್ಷಕರು ಬಯಸಿದ್ದಾರೆ. ಅದರಂತೆ ಆಸೆ ನೆರವೇರಿಸುತ್ತೇವೆ ಎಂದು ಹೇಳಿದ್ದಾರೆ. ಸ್ಟುಡಿಯೋ ಗ್ರೀನ್ ಬ್ಯಾನರ್ ಅಡಿಯಲ್ಲಿ ಕೆಇ ಜ್ಞಾನವೇಲ್ ಅವರು ತಂಗಲನ್ ಚಿತ್ರವನ್ನು ನಿರ್ಮಿಸಿದ್ದಾರೆ.
(5 / 5)
ತಂಗಲಾನ್ ಮೊದಲ ದಿನದಂದು ವಿಶ್ವಾದ್ಯಂತ 26.44 ಕೋಟಿ ರೂಪಾಯಿ ಗಳಿಸಿದೆ. ಚಿತ್ರದಲ್ಲಿ ವಿಕ್ರಮ್ ಅಭಿನಯಕ್ಕೆ ಹೆಚ್ಚು ಪ್ರಶಂಸೆ ವ್ಯಕ್ತವಾಗಿದೆ. ಈ ಚಿತ್ರದಲ್ಲಿ ಮಾಳವಿಕಾ ಮೋಹನನ್ ಮತ್ತು ಪಾರ್ವತಿ ತಿರುವೋತು ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ಜಿವಿ ಪ್ರಕಾಶ್ ಕುಮಾರ್ ಸಂಗೀತ ನೀಡಿದ್ದಾರೆ.
ಇತರ ಗ್ಯಾಲರಿಗಳು